🐝🐝തേനമൃതം – 2🐝🐝 1അടിപൊളി  

ഞാൻ നേരെ സീനിയർ ആർക്കിട്ടെക്ട് മൂർത്തി സാറിൻ്റെ ക്യാബിനിലേക്ക് പോയി.

ഞാനദ്ദേഹത്തെ വിളിച്ചു, “എക്സ്ക്യൂസ് മീ സർ…”

“ആ താനോ… വാടോ..ഇരിക്ക്.” പുള്ളി മുൻപിലുള്ള കസേര ചൂണ്ടി എന്നോടാവശ്യപ്പെട്ടു.

“സാർ..”

“പറഞ്ഞോളൂ വിനീത്..”

“സർ അത് ജൂനിയർ ആർക്കിട്ടെക്ട് സെലക്ഷൻ ലിസ്റ്റിൽ എൻ്റെ പേരില്ല…”
ഞാൻ വിഷമത്തോടെ പറഞ്ഞു.

“ഹ! താനിങ്ങനെ ഡെസ്പാവല്ലേടോ…ജീവിതത്തിൽ ചില അവസരങ്ങൾ നഷ്ടപ്പെടുന്നത് അതിലും നല്ലതെന്തോ നമുക്കായി കാത്തിരിക്കുന്നതിനുള്ള സൂചനയാണ്. താൻ ആ ആറുപേരെക്കാൾ മികച്ച ആർക്കിട്ടെക്ടും എൻജിനിയറും ആണെന്നതിൽ എനിക്ക് യാതൊരു സംശയവുമില്ല. പിന്നെ എനിക്ക് തന്നോടൊരു കാര്യം പറയാനുണ്ടായിരുന്നു. ഇനിയിപ്പോ ലക്ഷ്മി മാഡം പറയും. അവരിന്ന് തന്നെക്കാണാൻ വരും. ബെസ്റ്റ് ഓഫ് ലക്ക്. യൂ മേ ഗോ നൗ.”

ഞാനങ്ങനെ ഫ്ലാറ്റിലേക്ക് പോയി. ഫ്ലാറ്റിനുതാഴെ എൻ്റെ പാർക്കിങ് സ്പേസിൽ ഒരു പുതിയ റെഡ് കളർ സ്കോഡ ഒക്ടാവിയ RS 245 കാർ കിടക്കുന്നു. ഇതാര് വന്നതാ? ഇനി ലച്ചു എങ്ങാനും ആണോ എന്തോ? ഇതും ആലോചിച്ച് ഞാൻ ലിഫ്റ്റ് കേറി മുകൾ നിലയിലേക്ക് എത്തി. ഏഴാം നിലയിലാണ് എൻ്റെ ഫ്ലാറ്റ്. 7C. ഞാൻ ചെല്ലുമ്പോ ഡോർ തുറന്ന് ലച്ചു പുറത്തേക്ക് വന്നു. ലച്ചുവിൻ്റെ കയ്യിൽ ഞാനൊരു സ്പെയർ കീ കൊടുത്തിരുന്നു.

ചെന്ന ഉടനെ ഞാൻ ചോദിച്ചു, “ലച്ചു പുതിയ കാറ് വാങ്ങിയോ? അടിപൊളി ചോയ്സ്..”

“അതെൻ്റെ അല്ലെടാ…വാങ്ങിയത് ഞാൻ തന്നെ. പക്ഷെ അത് ശ്രീനിധി ആർക്കിട്ടെക്ട്സ് ആൻഡ് ബിൽഡേഴ്സിൻ്റെ പുതിയ എംഡിയുടേതാ…”

“പുതിയ എംഡിയോ?🙄”

“അതേ പുതിയ എംഡി കം ചീഫ് ആർക്കിട്ടെക്ട്..😄”

“പിന്നെ ലച്ചൂ, എന്നെ സെലക്ട് ചെയ്തില്ല കേട്ടോ.”

“സാരമില്ല..പോട്ടെടാ.. അല്ല ആരാ പുതിയ എംഡി എന്നെന്താ നീ ചോദിക്കാത്തെ?”

“ആരാ?”

“നീതന്നെ…”

“ഞാനോ…😳”

“നീ തന്നെ. ഇതുമാത്രമല്ല. കാവേരി ഇന്റർനാഷണൽ ഹോട്ടൽസ്, ബാർസ് ആൻഡ് റിസോർട്സ്, ഹൊറൈസൺ മാൾ, MVR മൾട്ടിപ്ലെക്സ് തിയേറ്ററുകൾ ഒക്കെ ഇനി നിൻ്റെതാണ്..ഇതൊന്നും ഞാൻ നിനക്ക് വെറുതെ തരുന്നതല്ല. നിനക്ക് മാത്രം അവകാശപ്പെട്ടതാണിതൊക്കെ. ഇതിൽ മാളും തീയേറ്ററുകളും ഒഴിച്ച് ബാക്കിയെല്ലാം നിൻ്റെ അച്ഛൻ കഷ്ടപ്പെട്ടുണ്ടാക്കിയതാണ്. മരിക്കാൻനേരം ഇത് അന്ന്യാധീനപ്പെട്ട് പോവാതിരിക്കാൻ എന്നെ ഏൽപ്പിച്ചെന്നേയുള്ളൂ. മാളും തീയേറ്ററും ഇതിൽനിന്ന് ഫണ്ട് എടുത്ത് ഞാനായിട്ട് ഡെവലപ്പ് ചെയ്തെന്നേ ഉള്ളൂ. അതും നിന്റേത് മാത്രമാണ്.”

“ഞാൻ ലച്ചുവിനെ കെട്ടിപ്പിടിച്ച് കരഞ്ഞുപോയി….”

“താങ്ക്സ് ലച്ചൂസ്സേ… കാറെനിക്ക് ഇഷ്ടപ്പെട്ടു.”

“ആണോ? പിന്നെ നിൻ്റെ സാധനങ്ങളൊക്കെ പാക്ക് ചെയ്തോ. കമ്പനി എംഡി സ്റ്റാഫ് ക്വാർട്ടർസിലല്ല താമസിക്കണ്ടത്. ഇടപ്പള്ളിയിലൊരു ലക്ഷ്വറി സ്റ്റുഡിയോ വില്ല കൂടി നിൻ്റെ പേരിൽ ഞാൻ വാങ്ങി. ഇനി അവിടെ താമസിക്കാം. പിന്നെ അവിടെ എന്നും താമസിക്കണമെന്നില്ല. വീട്ടിൽ നിക്കാം. പോയിവരാവുന്ന ദൂരമല്ലേയുള്ളൂ?”

ഞാൻ സമ്മതിച്ചു. എനിക്ക് സന്തോഷമായി. ഞാനും അതുതന്നെയായിരുന്നു ആലോചിച്ചിരുന്നത്. വീട്ടിലാവുമ്പോ അച്ചുവിനെയും ലചേച്ചിയെയുമൊക്കെ എപ്പോഴും കാണാമല്ലോ.

***

അങ്ങനെ അവർ രാത്രി ഫുഡ് ഒക്കെ കഴിച്ചിരിക്കുമ്പോ ലച്ചു രാധികയുടെ കാര്യം പറഞ്ഞു. അവളുടെ ദുരവസ്ഥ ഓർത്ത് വിനുവിന് വിഷമമായി. അവൾ ഇപ്പൊ ലച്ചുവിൻ്റെ വീട്ടിലുണ്ടെന്നത് മാത്രം ലച്ചു മറച്ചുവച്ചു.

വിനുവും രാധുവും കളിക്കൂട്ടുകാരാണ്. അവൻ അവരൊന്നിച്ചുള്ള നല്ല ബാല്യകാല സ്മരണകൾ അയവിറക്കി. രാധു എട്ടാം കലാസ്സുവരെയെ വിനുവിനൊപ്പമുണ്ടായിരുന്നുള്ളൂ. അവൻ അന്നാറിലാണ്. ഒൻപതാം ക്ലാസ്സുമുതൽ രാധിക നവോദയ വിദ്യാലയത്തിലാണ് പഠിച്ചത്. അതിനുശേഷം വിനു അവളെ അപൂർവമായേ കണ്ടിട്ടുള്ളു.

എങ്കിലും ആ പതിമൂന്നുവയസ്സുകാരന് അവളോടെന്തോ അടുപ്പവും ഇഷ്ടവും അന്നേ തോന്നിയിരുന്നു. അതിനെ പ്രേമമെന്നൊക്കെ വിളിക്കാമോന്ന് ഇന്നും വിനുവിനറിയില്ല.