🐝🐝തേനമൃതം – 2🐝🐝 1അടിപൊളി  

“എൻ്റെ മോളെ ഞാൻ നിനക്ക് കെട്ടിച്ചുതന്നത് ഇതിനാണോടാ ചെറ്റേ! മേലിൽ അവളുടെ ഏഴയലത്ത് നിൻ്റെ നിഴൽ പോലും വീഴരുത്. ഇവൾക്കിങ്ങനെയൊരു ഭർത്താവിനെയിനി ആവശ്യമില്ല. നിങ്ങൾ തമ്മിലുള്ള പ്രശ്നം എന്താണെന്ന് സൗകര്യപൂർവം രാധു എന്നോട് പറയും. ബാക്കി കാര്യങ്ങൾ ഞങ്ങളുടെ അഡ്വക്കേറ്റ് പറയും. ഇനിയിവളെ ശല്യംചെയ്യാനോ ഉപദ്രവിക്കാനോ നീയോ നിൻ്റെ ആൾക്കാരോ വന്നാൽ…..”

“ഇല്ലമ്മേ…അങ്ങനെയൊന്നുമുണ്ടാവില്ല… എവിടെ വേണമെങ്കിലും ഞാൻ ഒപ്പിട്ടുതരാം. പക്ഷെ എൻ്റെ ഐഡന്റിറ്റി പുറത്തുപോവരുത് പ്ലീസ്….”

“മ്.. ആലോചിക്കാം. മോളെ രാധൂ, നിനക്കെടുക്കാനുള്ളതൊക്കെ എടുത്ത് വേഗം ഇറങ്ങാൻ നോക്ക്. നമുക്കിപ്പൊത്തന്നെ പോവാം…”

രാധു വിതുമ്പിക്കൊണ്ട്..”ശെരിയമ്മേ”

***

(ഇനി കുറച്ചുനേരം ലച്ചുവിൻ്റെ കണ്ണിലൂടെ കഥ കാണാം…)

എയർപോർട്ടിൽ ഫ്ളൈറ്റ് കാത്തിരിക്കുമ്പോഴും രാധുവിൻ്റെ മിഴികൾ സജലമായിരുന്നു. എനിക്കത് സഹിക്കാൻ പറ്റുന്നുണ്ടായിരുന്നില്ല.

“എന്താ മോളെ….എന്തിനാ നീ ഇങ്ങനെ ഒറ്റക്ക് വിഷമിക്കുന്നെ..അമ്മയോട് പറ…. ഞാൻ നിന്നോടൊരു അമ്മയെ പോലാണോ പെരുമാറിയിട്ടുള്ളത്? നമ്മൾ നല്ല ഫ്രണ്ട്സ് അല്ലെ? നീ എന്നെ അങ്ങനെ കണ്ട് കാര്യം എന്താന്ന്വച്ചാ പറ മോളെ.. എനിക്ക് നിന്നെയിങ്ങനെ കാണാൻ പറ്റണില്ല…”

ഒരു തേങ്ങലോടെ രാധു എൻ്റെ നെഞ്ചിലേക്ക് വീണ് പൊട്ടിക്കരഞ്ഞു. ഞാനവളെ ആശ്വസിപ്പിച്ചു. അവൾ മെല്ലെ പറഞ്ഞുതുടങ്ങി.

“അമ്മേ….ഞാനിതെങ്ങനെയാ അമ്മയോട് പറയാന്ന് അറിയില്ല. രാജീവിന് പെൺകുട്ട്യോളെ അല്ല ആണുങ്ങളെ ആണ് ഇഷ്ടം. എന്നെ ഇതുവരെ ഒരു ഭാര്യയെന്ന നിലയിൽ നോക്കിയിട്ടുകൂടിയില്ല. പോരാത്തേന് എന്നും വഴക്കും ബഹളവും. സ്വസ്ഥത എന്താന്ന് ഞാനീ കഴിഞ്ഞ ഒന്നര കൊല്ലം അറിഞ്ഞിട്ടില്ല. എനിക്ക് മതിയായിട്ടാ ഞാനിന്ന് അങ്ങനെ അയാളോട് പ്രതികരിച്ചത്.”

“അതൊക്കെ പോട്ടെ മോളെ..എന്നാലും RK ഗ്രൂപ്പിൻ്റെ MD ആണോ എൻ്റെ തോളിൽ കിടന്ന് ഇങ്ങനെ കരയുന്നത്? മോശമാണേ…”
ഞാനവളെയൊന്ന് ഫയർ അപ് ചെയ്യാൻ നോക്കി.

“അമ്മേ!” ചിണുങ്ങിക്കൊണ്ടവൾ എൻ്റെ കൈത്തണ്ടയിൽ ഒന്നു പിച്ചി.

“ആഹ്! വേദനിച്ചു പെണ്ണേ…കള്ളിയങ്ങാട്ട് നീലിയെപ്പോലെ നഖവും വളർത്തി ഇറങ്ങിയെക്കുവാ മനുഷ്യനെ കൊല്ലാൻ..നോക്കിക്കോ പെണ്ണേ…നീ ഉറങ്ങി കിടക്കുമ്പോ ഞാനിത് വെട്ടിക്കളയും😂.”

“ഇമ്മിണി പുളിക്കും😏😜” അവൾ തിരിച്ചടിച്ചു. രാധുവിന് ആ പഴയ കുസൃതിയും ആവേശവും കൈവന്നത് എനിക്ക് മനസ്സിലായി.

“അമ്മയോട് ക്ഷമിക്ക് മോളെ…രാജീവിൻ്റെ കാര്യത്തിൽ എനിക്കബദ്ധം പറ്റി. നിൻ്റെ സമ്മതം പോലും ചോദിക്കാതെ ഞാൻ കല്യാണത്തിന് വാക്കുകൊടുത്തു. അതിങ്ങനെയുമായി. ഇനി മോളോട് അഭിപ്രായം ചോദിക്കാതെ അമ്മ കല്യാണം ഉറപ്പിക്കില്ല..”

“എൻ്റെ കൃഷ്ണാ..ഇനിയുമോ..അമ്മക്കിനിയും മതിയായില്ല അല്ലെ..”

“ഇല്ലാ… ഞാനൊരാളെ കണ്ടുവച്ചിട്ടുണ്ട്. നീയറിയും കക്ഷിയെ. പക്ഷെ സമയമാവുമ്പോ ഞാൻ പറയാം. എൻ്റെ മോൾ അന്നേരമറിഞ്ഞാ മതി.”

“അതിനിയേത് കുരിശാണോ ആവോ!”

ഞങ്ങൾ രണ്ടാളും മനസ്സ് തുറന്ന് ചിരിച്ചു. ഫ്ലൈറ്റ് അനൗൺസ്മെന്റ് കേട്ടതും ഞങ്ങൾ ബോർഡിങ്ങിനായി പോയി.

***

[തിരിച്ച് വിനുവിലേക്ക്]

ഞാനങ്ങനെ തിരിച്ച് വീണ്ടും കൊച്ചിയിലെത്തി. ഇപ്പൊ ഇവിടുത്തെ ലൈഫ്‌ ഞാനിഷ്ടപ്പെട്ടുതുടങ്ങി. ലച്ചുവിനെ രണ്ടുമൂന്നു ദിവസത്തേക്ക് ഫോണിൽ കിട്ടിയതേയില്ല. അങ്ങനെ വിഷമിച്ചിരുന്നപ്പോ ലച്ചുവിൻ്റെ കോൾ വന്നു. ഒരു മാസം കൂടിയല്ലേ ട്രെയിനിങ് ഉള്ളൂ അതുകൊണ്ട് വർക്കിൽ ശ്രദ്ധിക്കാൻ ഉപദേശിച്ചു. ഇനി നേരിട്ട് അത് കഴിഞ്ഞുകണ്ടാ മതിയെന്നും ലച്ചേച്ചി പറഞ്ഞു.

നല്ല വിഷമമുണ്ടായിരുന്നെങ്കിലും ഞാനതനുസരിച്ചു. ഒരുമാസം ദാന്ന് പറഞ്ഞു പോയി. ഓഫീസിലുള്ള പലരുമായും ഒരാത്മബന്ധം സ്ഥാപിക്കാൻ എനിക്ക് കഴിഞ്ഞു. അങ്ങനെ ട്രെയിനിങ് വിജയകരമായി പൂർത്തിയാക്കി. ഞാൻകൂടാതെ ട്രെയിനീസായി ആറുപേർ കൂടിയുണ്ടായിരുന്നു. അങ്ങനെ സെലക്ഷൻ റിസൾട്ട് ഇന്ന് വൈകിട്ട് ഇടുമെന്ന് പറഞ്ഞു. വൈകുന്നേരമായപ്പോൾ ഞാൻ ചെന്ന് റിസൾട്ട് നോക്കി. എന്റൊപ്പമുണ്ടായിരുന്ന ആറു പേരെയും സെലക്ട് ചെയ്തിരുന്നു.