എന്നെ കൊണ്ടെങ്ങും പറ്റില്ല , എനിക്കിനീം പഠിക്കണം .. അമ്മ വേണേല് ജോലിക്ക് കേറിക്കോ ?”
‘ ഞാനോ ..ഞാന് വല്ലതും പറയും കേട്ടോ ജെയ്മോനെ .. ഈ പ്രായത്തില് ഇനിയെന്നാ ജോലി”
‘ നാല്പത്തിരണ്ടു വയസല്ലേ ആയുള്ളൂ … അതത്ര വയസോന്നുമല്ല …ഇനീം പത്തു പതിനാല് വര്ഷം കൂടി സര്വീസില് ഇരിക്കാം ..”
‘ ജെയ്മോനെ …അതുകൊണ്ടെന്നാ കാര്യം ..നിനക്കാവുമ്പോള് പഠിച്ചയുടനെ ഒരു ജോലിയുമാവും..നിന്റെ ഭാവിക്കുമതാ നല്ലത് .. ഈ ഡിഗ്രി തോറ്റയെനിക്ക് എന്ത് ജോലി കിട്ടാനാ .. ശെരി നീ പഠിച്ചോ .രണ്ടുമൂന്നു വര്ഷോം കൂടി കഴിഞ്ഞാല് പോരെ … അത് കഴിഞ്ഞു മതി ജോലി ‘
‘ വേണ്ട …അമ്മയത് വരെയിവിടെ തയ്ച്ചും പെറുക്കിയും ഇരുന്നോ ? ഇങ്ങനെയിരുന്നമ്മ ആകെ കോലം കെട്ടു. “
ജെയ്മോന് തയ്യില് മെഷീന്റെ പുറകിലിരിക്കുന്ന ട്രീസയുടെ നെറ്റിയിലൂടെ കയ്യോടിച്ചു ..
” ഒന്ന് പോടാ …ഞാന് പണ്ടത്തെ പോലെതന്നെ ഇപ്പോഴും “
‘ ശെരി, അമ്മ എഴുന്നേറ്റാ സര്ട്ടിഫിക്കറ്റ് ഒക്കെയെടുത്തെ … “
‘ജെയ്മോനെ നീ ശെരിക്കും ആലോചിച്ചാണോ?’ ട്രീസ ആവനു നേരെ തിരിഞ്ഞു
‘ഞാനൊരു തീരുമാനം എടുത്താല് അത് നല്ല പോലെയാലോചിച്ചിട്ടാ..അതമ്മക്കും അറിയാമല്ലോ ..”
പിന്നെ ട്രീസയോന്നും ആലോചിക്കാന് നിന്നില്ല ..മറുത്തു പറഞ്ഞിട്ടും കാര്യമില്ലായെന്നു അവള്ക്കറിയാം .
ജെയ്മോന് ചൂട് ദോശയും ചമ്മന്തിയും സാമ്പാറും കൂടി വിളമ്പിയിട്ടവള് അലമാരിയില് നിന്ന് തന്റെ സര്ട്ടിഫിക്കറ്റുകള് നോക്കാന് തുടങ്ങി ..
”ഇതാ മോനെ ..ഒന്ന് കൂടിയാലോചിച്ചിട്ടു പോരെ ? ഒരു കല്യാണം ഒക്കെയാലോചിക്കുമ്പോള് സര്ക്കരുധ്യോഗം ഉള്ളവര്ക്ക് മുന്ഗണന കിട്ടും ..നല്ല പെണ്ണ് ..നല്ല കുടുംബം ….”
” നല്ല പെണ്ണും കുടുംബോം സ്ത്രീധനോം ഒക്കെ നോക്കിയാല് കയറി വരുന്നവള് അമ്മയെ നോക്കിയില്ലെങ്കിലോ ? അതിനെ കുറിച്ചാലോചിച്ചു അമ്മ വിഷമിക്കണ്ട … ഞാനെല്ലാം ആലോചിച്ചു തന്നെയാ ഈ തീരുമാനമെടുത്തെ ..”
” ങേ ? കല്യാണവും ? എടാ …അമ്മയോട് പറയടാ … ആരാടാ ജെയ്മോനെ അത് ? നല്ല സുന്ദരിപ്പെണ്ണ് ആണോ ? നിന്റെ കൂടെ പഠിച്ചതാണോ ? എവിടാ വീട് ? നമ്മുടെ കൂട്ടരാണോ ?’
ട്രീസ ഒറ്റശ്വാസത്തില് ചോദിച്ചു ..
” നല്ല സുന്ദരിപ്പെണ്ണ് … “
” ആരാടാ ?’
” അതൊക്കെയുണ്ട് ..സമയമാവുമ്പോ അമ്മ സമ്മതിച്ചാ മതി “
” അല്ലെങ്കിലും നിന്റെഇഷ്ടത്തിനു ഞാനെതിര്
നിന്നിട്ടുണ്ടോ ?”
” ഹ്മം …ഓക്കെയമ്മാ ..ബൈ”
ജെയ്മോന് ട്രീസയുടെ നിറുകയില് ഉമ്മ വെച്ചിട്ട് കൈനെറ്റിക് സ്റ്റാര്ട്ട് ചെയ്തു
‘ എന്താടാ ജെയ്.. നീയിത് ശെരിക്കും ആലോചിച്ചിട്ടാണോ ..ഇനിയൊരു ചാന്സ് കിട്ടണോന്നില്ല ‘
കോഫീ ഷോപ്പില് ഇരിക്കുവായിരുന്നു ജെയ്മോനും അവന്റെ അടുത്ത ഫ്രണ്ട് ജോണും .
‘എനിക്കതില് ഒരു ആലോചന ഇനിയില്ല ജോണേ…നല്ലപോലെ ആലോചിച്ചാ ഈ തീരുമാനമെത്തിയെ …ഞാന് നിന്നോട് പറഞ്ഞിട്ടില്ലേ ..ഞാനും വീടും പള്ളിയും മാത്രമാണ് അമ്മയുടെ ലോകം ..എനിക്ക് വേണ്ടി ചിരിക്കുന്നു , എനിക്ക് വേണ്ടി ജീവിക്കുന്നു .ഒരു ജോലിയൊക്കെയായി പുറത്തൊക്കെ പോയാല് അമ്മ മാറും .. “
” ഹും .. അപ്പച്ചന്റെ ജോലി ആയതു കൊണ്ട് കിട്ടാന് പ്രയാസമില്ല … നമുക്ക് ആ ശൈലെഷിന്റെ അച്ഛനെ കൊണ്ടൊന്നു ശുപാര്ശ കൂടി ചെയ്യിക്കാം …അത് വിട് .. പിന്നെ നിന്റെ രണ്ടാമത്തെ ആവശ്യം ..അതാണെന്നെ കുഴക്കുന്നത് …” ജോണ് കാപ്പിയൊന്നു മൊത്തി
” എനിക്ക് മനസിലാവാത്തത് , നീ നല്ല ഗ്ലാമര് അല്ലെ ..പിന്നെന്തിനു എന്നെ ഇതിലേക്ക് വലിച്ചിഴക്കുന്നു … നിനക്ക് പറഞ്ഞൂടെ അവളെ ഇഷ്ടമാണെന്ന് … “
”ഇല്ല …ഞാന് ശെരിയാവില്ല … ഒരിക്കലുമത് സമ്മതിക്കത്തുമില്ല…”
” ആട്ടെ ..ആളാരാ ? അത് പറ “
” ഹും ..പറയാം ..സമയമാവട്ടെ ..”
” നിനക്കത്ര പിടിച്ച സ്ഥിതിക്ക് ആ സുന്ദരിപ്പെണ്ണിനെ കാണുമ്പോ ഞാന് പിടിവിട്ട് പോയാലോ .. പിന്നെ നിനക്ക് വിട്ടു തരാന് എനിക്ക് മനസു വന്നില്ലെങ്കിലോ … “
” കൊല്ലും ഞാന് പന്നി …” ജെയ് തമാശയായി ടേബിളില് വെച്ചിരുന്ന ജോണിന്റെ കൈവിരല് തിരിച്ചു മടക്കി
‘ആഹ് ..വിടടാ..തെണ്ടി ..എനിക്കെങ്ങും വേണ്ട ആ മാക്കാച്ചി തവളെയെ”
.” ആണല്ലോ ..അല്ലേലും നിനക്കിഷ്ടപ്പെടൂല്ല..അത് കൊണ്ടല്ലേ നിന്നെ ഏല്പ്പിച്ചേ…നിനക്ക് ഭൂലോക സുന്ദരി വേണോല്ലോ”
ബില് കൊടുത്തു കഴിഞ്ഞു ബൈ പറഞ്ഞവര് പിരിഞ്ഞു
‘ അമ്മാ ..എന്തേലും വാങ്ങാനുണ്ടോ?’
” ഹ്മം .. എന്തെങ്കിലും അല്പം മീന് വാങ്ങിക്കോ ..കുറച്ചുള്ളീം “
“ഹ്മം …”
ജെയ് വീട്ടിലേക്ക് കയറി ചെല്ലുമ്പോള് ട്രീസ പതിവുപോലെ തയ്യില് മെഷീന്റെ മുന്പിലായിരുന്നു
” പെന്ഷന് കിട്ടിയോടാ മോനെ “
“ഹ്മം …അമ്മക്ക് വല്ലതും വാങ്ങാനുണ്ടോ? പൈസ വല്ലതും വേണോ ?’
” എനിക്കെന്താവശ്യം ?…. ..ചായ ഇട്ടിട്ടുണ്ട് ..ഞാനിപ്പോ വരാം
കേട്ടോ… ഇതൂടെ തയ്ച്ചാ മതി” ട്രീസയുടെ കാലുകള് അതിവേഗം തയ്യില് മെഷീനില് ഓടിക്കൊണ്ടിരുന്നു
” അമ്മാ..ഇതാ ചായ കുടിച്ചിട്ട് ഇരിക്ക് ” ഹാളിലെ ചെറിയ ഡൈനിംഗ് ടേബിളില് ജെയ്മോന് ചായയും വാങ്ങികൊണ്ട് വന്ന പഴംപൊരിയും വെച്ചു
ട്രീസ അവന്റെയൊപ്പമിരുന്നു ചായ കുടിക്കാന് തുടങ്ങി
” ഹ്മം ..വെള്ളി വീണു തുടങ്ങിയല്ലോ അമ്മെ … പറിച്ചു കളയട്ടെ ..അല്ലേല് ഡൈ അടിക്ക്’
‘ പിന്നെ ഈ പ്രായത്തിലല്ലേ ഡൈ അടിക്കാന് പോണേ “
‘എന്നാല് ഞാന് പറിച്ചു കളയട്ടെ അമ്മാ ” ജെയ്മോന് ട്രീസയുടെ ഒരുമുടിയിഴയില് വലിച്ചു
” അഹ്…പോടാ ഒന്ന് .. അങ്ങനെ പറിക്കാന് ആണേല് മുടി മൊത്തം പോകും ..വിട് .”
” ഹേ … മൂന്നാലെണ്ണമേ ഉള്ളമ്മാ “
‘വേണ്ട ..വേണ്ട … അതവിടെയിരുന്നോട്ടെ “
“വേണ്ടെങ്കില് വേണ്ട ..ഇനി പറിച്ചു കളയടാ എന്ന് പറഞ്ഞു വന്നേക്കല്ലേ .. ജോലിയൊക്കെ കിട്ടുമ്പോ ഓഫീസില് ചെത്താന് വേണ്ടി ..”
‘ പിന്നെ .. ഓഫീസില് ചെത്താന് വേണ്ടി .. എന്റെ പ്രായമൊക്കെ കഴിഞ്ഞു … നീ നോക്കിക്കോ നരക്കാതെ ….അല്ലേല് നീ രാവിലെ പറഞ്ഞ സുന്ദരിപ്പെണ്ണ് ആരുടെ കൂടെയെലും പോകും ..”
” ഉം ..പോകും ..എന്നാ കൊല്ലും ഞാനവളെ “
ജെയ്മോന് ബാഗില് നിന്ന് , എന്തോ പൊതിയെടുത്ത് തയ്യില് മെഷിന്റെ അടുത്തേക്ക് നടന്നു
” എന്നിട്ട് ഞാനും ചാകും “
” എടാ ജെയ്മോനെ ..നീ കാര്യമയിട്ട് പറഞ്ഞതാണോ ? നീയപ്പോ എന്റെ കാര്യം ആലോചിച്ചോ ..നിനക്ക് വേണ്ടി ജീവിച്ച ഞാന് “
” എന്നാമ്മേ ഇത് ..അമ്മ പറഞ്ഞതിനനുസരിച്ചു ഞാന് ചുമ്മാ പറഞ്ഞതല്ലേ “
ജെയ്മോന് പൊതി അഴിച്ചു മെഷിനില് അവന് വാങ്ങിക്കൊണ്ടു വന്ന മോട്ടോര് ഫിറ്റ് ചെയ്യാന് തുടങ്ങി
‘ ഇതെന്താ ഇത് ? ഇതൊന്നും വേണ്ട ..അല്ലെങ്കിലും എനിക്ക് കാലു കൊണ്ട് ചവിട്ടിയാ ശീലം ..”
” ഇത് ഞാന് വേണ്ടാന്നു വെക്കാം … ജോലി കിട്ടി കഴിയുമ്പോ അമ്മ തയ്യില് മെഷിന് ഉപേക്ഷിക്കുമോ ? ഇല്ലല്ലോ … ഇപ്പൊ തന്നെ അമ്മയെ ഫ്രീ ആയി കിട്ടാന് തപസ്സിരിക്കണം ‘
‘ ഹ്മം .. ഇപ്പൊ നീയങ്ങനെയൊക്കെ പറയും ..എന്നിട്ടാണോ നീ സുന്ദരിപ്പെണ്ണിനെ കിട്ടിയില്ലേല് അവളേം കൊല്ലും നീയും ചാകും എന്ന് പറഞ്ഞെ ..”
‘ അത് കിട്ടിയില്ലേല് അല്ലെ … കിട്ടും എനിക്കുറപ്പാ ‘
‘ ഹ്മം ..അതെനിക്കുമറിയാം ..എന്റെ മോന് സുന്ദരനല്ലേ .. പിന്നെയെന്ന കുഴപ്പം ..” ട്രീസ അവന്റെ നെറ്റിയില്