“ഈ തെണ്ടി കൂട്ടങ്ങളുടെ കൂടെ നടന്ന് നടന്ന് നിനക്കും ഇവരെ പോലെ ആവാനോ” മാലതി ചോദിച്ചു. പക്ഷെ ആ പറഞ്ഞത് ഇഷ്ടപ്പെടാതെ ഇരുന്ന കണ്ണൻ മാലതിയുടെ കൈ കേറി പിടിച്ചു, അത് തിരിച്ച് കൈയിൽ ഉണ്ടായിരുന്ന ചൂരൽ വടി താഴത്തേക്ക് ഇട്ടു. ഇതെല്ലാം കുറച്ച് അപ്പുറത് നിന്ന് മാലതിയുടെ ഭർത്താവും രാജുവിന്റെ അച്ഛനുമായ കൊത്ത രവി നോക്കി നിൽക്കുന്നുണ്ടായിരുന്നു. തന്റെ ഭാര്യയെ വേദനിപ്പിക്കുന്നത് കണ്ട അയാൾ ഇങ്ങോട്ടേക്ക് ഓടി വന്നു, ശേഷം കണ്ണന്റെ നെഞ്ചും കൂട് നോക്കി ഒരു ചവിട്ട് കൊടുത്തു.
ഇത് കണ്ട് നിന്ന നാട്ടുകാർ സംഘർഷം വലുതാവണ്ട അവരെ മാറ്റി നിർത്താൻ വന്നു, പക്ഷെ അതിന്റെ ഇടയിൽ കണ്ണന് നന്നായി തല്ല് കിട്ടി, ഇതിനെല്ലാം പകരമായി അയാളുടെ ടോളിൽ ഒരു ചവിട്ട് കൊടുക്കാൻ മാത്രമേ കണ്ണന് സാധിച്ചുള്ളൂ.
എല്ലാവരും വന്ന് കണ്ണനെയും രവിയേയും പിടിച്ച് മാറ്റിയെങ്കിലും, അതിന്റെ പക തീരാത്ത കണ്ണൻ അവന്റെ ഷർട്ടിന്റെ പിന്നിൽ നിന്നും വാൾ എടുത്ത് രവിക്ക് നേരെ വീശി. ഇത്രയും കാലത്തെ ജീവിതത്തിന് ഇടയിൽ ഏറ്റവും കൂടുതൽ തവണ രവി നേരിട്ട് ഒരു കാര്യമായിരുന്നു ഇപ്പൊ സംഭവിക്കാൻ പോവുന്നത്, അതുകൊണ്ട് തന്നെ രവി അത് നിസാരമായി തടഞ്ഞു. തടഞ്ഞു എന്ന് മാത്രം അല്ല കണ്ണന്റെ കൈ തിരിച്ച് ആ വാൾ തന്റെ കൈയിലേക്ക് ആക്കിയ ശേഷം കണ്ണന്റെ തോളിൽ വെട്ടുകയും ചെയ്തു.
ഗേറ്റ് എല്ലാം പൊളിച്ച് കൊണ്ട് രാജു കാറുമായി അവന്റെ പഴയ വീട്ടിലേക്ക് കേറി ചെന്നു. അവിടെ ഉണ്ടായിരുന്ന രവിയുടെ സ്കൂട്ടർ എല്ലാം ചവിട്ടി ഇട്ട ശേഷം അവൻ ഏറെ കാലത്തിന് ശേഷം ആ വീട്ടിലേക്ക് കേറി. വീടിന്റെ ഉള്ളിൽ എന്തോ തുന്നിക്കൊണ്ടിരിക്കുക ആയിരുന്നു മാലതി, രാജുവിന്റെ ഈ ഗുണ്ടാ പരിവേഷത്തിന് ശേഷം അവർ പരസ്പരം മിണ്ടിയിട്ടില്ല അതുകൊണ്ട് തന്നെ ഇപ്പൊ അവൻ കേറി വന്നത് പോലും അവർ കാര്യമാക്കി എടുത്തിട്ടില്ല.
“അയാൾ എവിടെ… ആ കൊത്ത രവി എവിടെ എന്ന്” രാജു മാലതിയോട് ചോദിച്ചു, പക്ഷെ അവർ അത് കേട്ട ഭാവം നടിച്ചില്ല.
“ഓ… തള്ള മിണ്ടില്ലലോ അല്ലെ” എന്നും പറഞ്ഞ് ദേഷ്യത്തിൽ രാജു വീണ്ടും ഉള്ളിലേക്ക് കേറി അയാളുടെ പേര് അലറാണ് തുടങ്ങി. അവിടെ ഉണ്ടായിരുന്ന ഓരോ സാധനങ്ങളും എടുത്ത് രാജു പൊട്ടിക്കാൻ തുടങ്ങി.
“ഡാ…” എന്നും പറഞ്ഞ് മുറിയിൽ ഉണ്ടായിരുന്ന രവി പുറത്തേക്ക് ഇറങ്ങി വന്നു.
“നീ എന്റെ കണ്ണനെ തല്ലും അല്ലെ” എന്നും പറഞ്ഞ് രാജു അയാൾക്ക് നേരെ കൈ വീശി, പക്ഷെ രവി അത് അനായാസമായി തടയുകയും ചെയ്തു രാജുവിന്റെ രണ്ട് കൈയും ലോക്ക് ആക്കി അവന്റെ മുഖം പിടിച്ച് ഭിത്തിയിൽ ഇട്ട് ഉറക്കുകയും ചെയ്തു. ശേഷം അവനെ തിരിച്ച് നിർത്തി അവന്റെ കഴുത്തിൽ പിടിച്ച് അവനെ ശ്വാസം മുട്ടിക്കുകയും ചെയ്തു.
അവിടെ എന്താ സംഭവിക്കുന്നത് എന്ന് അറിയാൻ വേണ്ടി അങ്ങോട്ടേക്ക് വന്ന മാലതി കാണുന്നത് മല മറിക്കാൻ വന്ന രാജുവിനെ രവി ഊക്കി വിടുന്നത് ആയിരുന്നു. ഇനിയും താൻ ഇടപെട്ടില്ലെക്കിൽ രാജുവിന്റെ പൊടി പോലും കിട്ടില്ല എന്ന് മനസ്സിലാക്കിയ മാലതി പോയി രവിയെ തടഞ്ഞു.
പെട്ടന് ശ്വാസം കിട്ടിയ രാജുവിന് അതൊരു ആശ്വാസം ആയിരുന്നു. കുറച്ച് വെള്ളം കുടിക്കാൻ വേണ്ടി ജഗോ ഗ്ലാസ്സോ രാജു നോക്കിയപ്പോ എല്ലാം അവൻ തന്നെ തട്ടി താഴെ ഇട്ടിരുന്നു. ആകെ എന്ത് ചെയ്യണം എന്നറിയാതെ രാജു അവിടെ തന്നെ നിന്നു.
“നല്ല പവർ ആണലോ. പോരുന്നോ എന്റെ ടീമിലേക്ക്” രാജു അയാളോട് ചോദിച്ചു.
“ഇറങ്ങി പോടാ തെണ്ടി” മാലതി അവനോട് പറഞ്ഞു.
“മിണ്ടി. തെറി പറയാൻ തള്ള മിണ്ടി” എന്നും പറഞ്ഞ് രാജു അവിടെ നിന്നും മെല്ലെ ഇറങ്ങാൻ തുടങ്ങി.
“എന്നാലും താൻ എന്റെ കണ്ണനെ വെട്ടി” അവസാനായി അവരെ നോക്കി പോകുന്ന വഴിക്ക് രാജു പറഞ്ഞു.
അവിടെ നിന്നും ഇറങ്ങിയ രാജു നേരെ പോയത് കണ്ണന്റെ വീട്ടിലേക്ക് ആയിരുന്നു. തോളിലും നെഞ്ചിലേക്കുമായി മുറിവ് ഉണ്ട്, അതെല്ലാം കെട്ടി അവൻ അവിടെ ഇരിക്കുന്നുണ്ടായിരുന്നു, അവന്ടെ അമ്മ ആശാ അവന് കഞ്ഞി കൊടുകുനും ഉണ്ട്. ഒരു കുറ്റബോധത്തോട് കൂടി രാജു ഉള്ളിലേക്ക് കേറി.
Adipoli