മംഗല്യധാരണം 9

Mangaallyadharanam Part 9 | Author : Nishinoya

[ Previous Part ] [ www.kambi.pw ]

---

 

“…ഏട്ടാ അമ്മ വിളിക്കുന്നു…” അച്ഛനോട് സംസാരിച്ചിരുന്ന എന്നെ അമ്മു വന്ന് വിളിച്ചു.

 

 

 

“… എന്താ കാര്യം…”ഞാൻ അമ്മുവിനോട് ചോദിച്ചു.

 

 

 

“…ആൽബത്തെ കുറിച്ച് പറയാൻ വേണ്ടിയാ. അച്ഛനെയും വിളിക്കുന്നു…” ഇത്രയും പറഞ്ഞു അമ്മു അകത്തേക്ക് പോയി.

 

 

 

“…വാ അച്ഛാ…” ഞങ്ങൾ അകത്തേക്ക് നീങ്ങി.

 

 

 

“…ഈ ഫോട്ടോസ് ഞങ്ങൾക്ക് ഇഷ്ട്ടായി. നിങ്ങൾ കൂടി നോക്ക്…” അമ്മ ഫോൺ അച്ഛനും നേരെ നീട്ടി പറഞ്ഞു.

 

 

 

ഞാനും അച്ഛനും അവർ സെലക്ട്‌ ചെയ്ത ഫോട്ടോസ് നോക്കി. ചില ഫോട്ടോസ് മാറ്റി തിരഞ്ഞെടുത്തു ഫോട്ടോഗ്രാഫറിന് അയച്ചു കൊടുത്തു. പിന്നെ അത്താഴം കഴിക്കാനായി ഇരുന്നു. ഏറെ നാളുകൾക്കു ശേഷമാണ് എല്ലാരും ഒരുമിച്ചിരുന്നു കഴിക്കുന്നത്. ഓരോ കൊച്ചുവർത്തമാനവും പറഞ്ഞു ഫുഡ്‌ കഴിച്ചു. ഉറങ്ങാനായി പോയി. ഞാൻ ബെഡിൽ കിടന്ന് ചരുവിന് വേണ്ടി വെയിറ്റ് ചെയ്തു. ചാരു ഒരു മൂളിപ്പാട്ട് പാടി വന്ന് വാതിൽ അടച്ചു.

 

 

 

“… ഇന്നെന്താ പാട്ടൊക്കെ ആയിട്ട്…” ഞാൻ തിരക്കി.

 

 

 

“… എനിക്ക് എന്താ പാട്ട് പാടിക്കൂടെ…”

 

 

 

“… പാടിക്കോ പാടിക്കോ…”

 

 

 

ചാരു എന്റെ അടുത്തായി വന്ന് കിടന്നു. എന്നും അപ്പുറത്ത് വശത്തേക്ക് നോക്കി കിടക്കുന്നവൾ ഇന്ന് മുകളിലേക്ക് നോക്കിയാണ് കിടക്കുന്നത്.

 

 

 

“… അതേ…”ചാരു അതിന് ഒന്ന് മൂളി.

 

 

 

“…വീട്ടിൽ നിന്നും വരുന്ന കാര്യം എന്നെ എന്താ അറിയിക്കാതെ ഇരുന്നേ…” ഉള്ളിലെ സംശയം ഞാൻ ചോദിച്ചു.

 

 

 

“… എനിക്ക് വരണം എന്ന് തോന്നി വന്നു. വെറുതെ എന്തിനാ ആദിയെ ബുദ്ധിമുട്ടിപ്പിക്കുന്നത് എന്ന് വിചാരിച്ച് പറഞ്ഞില്ല…”

 

 

 

“…എനിക്ക് ബുദ്ധിമുട്ട് ഒന്നും ഇല്ലായിരുന്നു. നിന്നോട് പറഞ്ഞത് അല്ലെ തിരിച്ചു വരുമ്പോൾ പറയണം എന്ന്…”

 

 

 

“… നമ്മളെ ഇഷ്ട്ടം അല്ലാത്തവരുടെ സമയം നമ്മളായിട്ട് എന്തിനാ നശിപ്പിക്കുന്നത്…”

 

 

 

ഇഷ്ട്ടം ഉണ്ടോ ഇല്ലയോ എന്ന് ഇവളാണോ തീരുമാനിക്കുന്നത് അഹങ്കാരി 😡. ചരുവിന്റെ വർത്താനം എനിക്ക് ഒട്ടും ഇഷ്ട്ടപ്പെട്ടില്ല.

 

 

 

“… നാളെ എനിക്ക് നേരത്തെ പോണം…”ഞാൻ പറഞ്ഞു

 

 

 

“… എന്നോട് എന്തിനാ ഇതൊക്കെ പറയുന്നേ. മുമ്പ് ഇങ്ങനത്തെ ശീലം ഒന്നും ഇല്ലായിരുന്നല്ലോ…”

 

 

 

“… പറയണം എന്ന് തോന്നി അത്രെ ഉള്ളു…”

 

 

 

പുല്ല് പറയണ്ടായിരുന്നു. ചാരു പറഞ്ഞത് ഇഷ്ടപ്പെടാതെ ഞാൻ തിരിഞ്ഞു കിടന്നു.

 

 

 

പിറ്റേന്ന് നേരത്തെ തന്നെ ഓഫീസിൽ പോയി. കേബിനിൽ അഗാധ ചിന്തയിൽ ഇരുന്ന എന്റെ അടുത്തേക്ക് കാർത്തി വന്നു.

 

 

 

“… എന്താടാ ആലോചിച്ചു കൂട്ടുന്നത്…” മുന്നിലെ കസേരയിൽ ഇരുന്ന് കാർത്തി കാര്യം തിരക്കി.

 

 

 

“…ചാരുവിനോട് സംസാരിക്കാൻ ശ്രമിക്കുമ്പോൾ അവൾ ഒഴിഞ്ഞു മാറുന്ന പോലെ തോന്നുന്നു…” എന്റെ സംശയം ഞാൻ കാർത്തിയോടെ പറഞ്ഞു.

 

 

 

“…പണ്ട് അവൾ നിന്റെ പിന്നാലെ നടന്നപ്പോ നീ ഇതുപോലെ അല്ലെ ചെയ്തത്. ഇപ്പൊ അവൾ അതിന് പ്രതികാരം തീർക്കുന്നത് ആയിരിക്കും…”

 

 

 

“… അങ്ങനെ ഒക്കെ ചെയ്യോ…”

 

 

 

“… പിന്നെ ചെയ്യും ചെയ്യും…” എന്തോ ഓർത്തുകൊണ്ട് കാർത്തി പറഞ്ഞു.

 

 

 

“… ഇനി ഇപ്പൊ എന്താടാ ചെയ്യാ…”

 

 

 

“… നീ അവളെ ഇമ്പ്രെസ്സ് ചെയ്യാൻ നോക്ക് അളിയാ…”

 

 

 

“… ഇമ്പ്രെസ്സോ..? മനസിലായില്ല…”

 

 

 

“… എടാ ഇത് ഇപ്പൊ എങ്ങനാ പറഞ്ഞു തരാ…” കാർത്തി ഓരോ ഉദാഹരണത്തിനായി തപ്പി.