💖മംഗല്ല്യധാരണം – 9 35അടിപൊളി 

 

 

 

“…നീ കഴിച്ചോ…” എന്റെ ആ ചോദ്യം കേട്ട് ഷോക്ക് അടിച്ചപോലെ അവൾ എന്നെ നോക്കി

 

 

 

“… ഇ… ഇല്ല…” ആ വാക്കുകളിൽ ഒരു പതർച്ച ഉണ്ടായിരുന്നു.

 

 

 

“… എന്നാ വാ ഒരുമിച്ച് കഴിക്കാം…”

 

 

 

“…വേണ്ട. ഞാൻ പിന്നെ കഴിച്ചോളാം…”

 

 

 

“… അതൊന്നും പറഞ്ഞാൽ പറ്റില്ല വന്നേ…”

 

 

 

അവളെ നിർബന്ധിച്ചു ചെയറിൽ ഇരുത്തി ഒരു പാത്രം അവളുടെ മുന്നിലേക്ക് വച്ച് ഞാൻ വിളിമ്പൻ തുടങ്ങി. ഞാൻ ചെയ്യുന്നത് ഒക്കെ കൗതുകത്തോടെയാണ് അവൾ നോക്കി ഇരുന്നത്. ഇത്രയും നാൾക്ക് ഇടക്ക് ഇതുവരെ അവൾ കഴിച്ചോ എന്ന് ഞാൻ തിരക്കിയിട്ടില്ല. ഇപ്പൊ അത് കേട്ടതിന്റെ അമ്പരപ്പിലാണ് കക്ഷി.

 

 

 

“… എന്താ നോക്കി ഇരിക്കുന്നെ കഴിക്ക്…” അവൾക്ക് വിളമ്പി കൊടുത്തതിനു ശേഷം എന്റെ കസേരയിൽ ഇരുന്ന് കഴിക്കാൻ തുടങ്ങിയപ്പോഴും പുള്ളിക്കാരി എന്നെ നോക്കി ഇരിക്ക.

 

 

പയ്യെ അവൾ കഴിച്ചു തുടങ്ങി. ഇടക്ക് ഇടക്ക് എന്നെ കള്ളനോട്ടം നോക്കുന്നുണ്ട്. പാവം എനിക്ക് വട്ടായെന്ന് വിചാരിച്ചു കാണും. അവൾ പെട്ടെന്ന് കഴിച്ചു എഴുനേറ്റു.

 

 

 

“… മതിയാക്കിയോ കുറച്ചുകൂടി കഴിക്ക് …” ഞാൻ അവളോട് തിരക്കി.

 

 

 

“… വേണ്ട മതി…” അവൾ കഴിച്ച പാത്രം എടുത്ത്‌ അടുക്കളയിലേക്ക് പോയി എന്റെ കഴിപ്പ് അപ്പോഴും തീർന്നിട്ടില്ലായിരുന്നു. കുറച്ചു സമയം കഴിഞ്ഞപ്പോ കാളിങ് ബെൽ സൗണ്ട് കേട്ടു.

 

 

 

“…ചാരു ആരാണെന്ന് നോക്കാവോ…” അടുക്കളയിൽ നിന്ന ചരുവിനോട് ഞാൻ വിളിച്ചു പറഞ്ഞു.

 

 

അവൾ വാതിലിന്റെ തുറക്കാൻ പോയതും ഞാൻ കഴിച്ചു കഴിഞ്ഞ് പ്ലേറ്റുമായി അടുക്കളയിലേക്ക് പോയി.

 

 

 

“… ആദി swiggy നിന്നും വല്ലതും ഓർഡർ ചെയ്തായിരുന്നോ…” ഉമ്മറത്ത് നിന്നും ചാരു വിളിച്ചു ചോദിച്ചു.

 

 

 

“… ആഹ് ഓർഡർ ചെയ്തിരുന്നു. നീ അത് വാങ്ങിക്കോ…” അപ്പോഴേക്കും പാത്രവും കഴുകിവച്ച് ഞാൻ ഹാളിലേക്ക് വന്നു. കൊണ്ട് വന്ന പാക്കറ്റ് അവൾ എനിക്ക് നേരെ നീട്ടി.

 

 

 

“…ഇത് നിനക്ക് ഉള്ളതാ…” പുഞ്ചിരിച്ചോണ്ട് ഞാൻ പറഞ്ഞു.

 

 

 

കൈയിലെ പാക്കറ്റ് തുറന്ന് എന്താന്ന് നോക്കി. അതിൽ ഉണ്ടായിരുന്ന പാന്റെ പാക്കറ്റ് എടുത്ത ശേഷം എന്നെ നോക്കി. ആ കണ്ണുകൾ ചെറുതായി ഈറൻ അണിഞ്ഞു.

 

 

 

“…ഇതെങ്ങനെ…” അവൾ വാക്കുകൾക്കായി പരതി.

 

 

 

“… ഭാര്യയുടെ ആവശ്യങ്ങൾ കണ്ടറിഞ്ഞു ചെയ്യാത്ത ഒരു നീചൻ ഒന്നും അല്ല ഞാൻ…”

 

 

 

എന്റെ വാക്കുകൾ കേട്ടതും ചാരു ഓടി വന്ന് എന്നെ കെട്ടിപിടിച്ചു കരഞ്ഞു.ഒരു നിമിഷം ഞാൻ വല്ലാണ്ട് ആയി പോയി. എന്റെ നെഞ്ചിൽ കിടന്ന് ഏങ്ങലടിച്ചു കരഞ്ഞു. ചാരുവിനെ എന്റെ മാറോട് ചേർത്ത് പിടിച്ച് ആ നെറുകയിൽ ഞാൻ തലോടി.

 

 

 

“… എന്തിനാ നീ ഇപ്പൊ ഇങ്ങനെ കരയുന്നെ…” കരച്ചിലിന്റെ ആഗാദം കുറഞ്ഞപ്പോൾ ഞാൻ ചോദിച്ചു.

 

 

 

“…എന്നോട് ക്ഷമിക്ക് ആദി. ഞാൻ നിന്നെ ഒരുപാട് വിഷമിപ്പിച്ചു. കഷ്ടപ്പെടുത്തി…” എന്നെ വരിഞ്ഞു മുറുക്കികൊണ്ട് അവൾ പറഞ്ഞു.

 

 

 

“… നീ എന്തിനാ sorry ഒക്കെ പറയുന്നേ. നിന്നെ മനസ്സിലാക്കാൻ വൈകിയത് ഞാൻ അല്ലെ ക്ഷമ ചോദിക്കേണ്ടതും ഞാൻ അല്ലേ . ഇപ്പൊ കഴിഞ്ഞ കാര്യങ്ങളെ കുറിച്ചൊന്നും ചിന്തിക്കേണ്ട…” അവളെയും കൊണ്ട് ഞാൻ ഹാളിലെ സോഫയിൽ ഇരുന്നു. ഇപ്പോഴും എന്നെ കെട്ടിപിടിച്ചു ഇരിക്ക

 

 

 

“… ഇങ്ങനെ ഇരുന്നാൽ മതിയോ ഉച്ചക്കത്തേക്ക് വല്ലതും ഉണ്ടാക്കണ്ടേ…” സിറ്റുവേഷൻ ഒന്ന് കൂൾ ആക്കാൻ വേണ്ടി അവളോട്‌ ചോദിച്ചു

 

 

 

“… വേണ്ട. ഞാൻ എത്ര നാൾ ആഗ്രഹിച്ചിട്ടുണ്ടെന്ന് അറിയോ ഇങ്ങനെ ആദിയുടെ അടുത്ത്‌ ഇരിക്കാൻ…” എന്നെ കൂടുതൽ കെട്ടിപിടിച്ചു.