പ്രൈവറ്റ് അക്കൗണ്ട് ആണ്.. ഇടുന്ന റീലും ചുവടുകൾ മനസ്സിലാകുന്ന അത്ര മാത്രം വെച്ച് ബ്ലർ ചെയ്താണ് ഇടുന്നത്.. ഫോട്ടോ ഒക്കെ ഇടുന്നതും ഒന്നുകിൽ തല ഇല്ലാതെയോ മാസ്ക് വെച്ചിട്ടോ ഒക്കെ തന്നെയായിരുന്നു.. എന്റെ ഐഡന്റിറ്റി പബ്ലിക് ആവുമോന്നുള്ള പേടി എനിക്കെപ്പോഴും ഉണ്ടായിരുന്നു..
എന്തായാലും ആ റീൽ കണ്ടപ്പോഴും ആ പാട്ടിന് ഒന്ന് ഡാൻസ് ചെയ്യണമെന്ന് തോന്നി.. ഒരുവിധം ടൈമിംങും ചുവടുമൊക്കെ മനസ്സിലാക്കികഴിഞ്ഞ് റീൽ റെക്കോർഡ് ചെയ്തു.. പിന്നെ നാലഞ്ച് ഫോട്ടോസൊക്കെ എടുത്തു..
ഞാനതൊക്കെ ഒന്ന് എഡിറ്റ് ചെയ്തുകൊണ്ട് ഞാനെന്റെ മുറിയിലെ കട്ടിലിൽ കിടന്നു.. റീൽ ആദ്യം പോസ്റ്റ് ചെയ്തു.. അപ്പോൾ തന്നെ കമെന്റുകൾ എത്തി.. അതൊക്കെ വായിച്ച് എന്റെ സ്ത്രീ സൗന്ദര്യത്തെപ്പറ്റിയുള്ള പ്രശംസയൊക്കെ കണ്ട് അങ്ങനെ കിടന്നു..
എപ്പഴോ കണ്ണ് തുറന്നു.. നാശം ഉറങ്ങിപ്പോയി.. പെട്ടെന്ന് ഫോണിൽ സമയം നോക്കിയപ്പോൾ സമയം അഞ്ചര കഴിഞ്ഞു.. പക്ഷെ ഫോണിൽ അച്ഛന്റെ നാല് മിസ്സ്ഡ് കോൾ ഉണ്ട്… ഫോണിന്റെ ശബ്ദം കുറച്ചപ്പോൾ സൈലന്റ് ആയി പോയതാണ്.. അച്ഛനെന്താണാവോ വിളിച്ചത്.. വേഗം ഡ്രസ്സൊക്കെ മാറിയിട്ട് തിരിച്ച് വിളിക്കാമെന്ന് വിചാരിച്ചു.. ഞാനെന്തായാലും എഴുന്നേറ്റ് മുടിയൊക്കെ ഒന്ന് വാരിചുറ്റി..
സാരിയൊക്കെ വലിഞ്ഞ് കയറി തുടയ്ക്ക് മുകളിൽ ആയിരുന്നു.. ഞാനെഴുന്നേറ്റ് സാരിയൊക്കെ നേരെയിട്ട് മെല്ലെ അമ്മയുടെ മുറിയിലേക്ക് നടന്നു.. മുറിയിലേക്കെത്തിയതും അകത്തെ കാഴ്ച കണ്ട് ഞാനൊരു നിമിഷം തരിച്ച് നിന്നുപോയി.. എന്റെ തലയിലൊരു കൊള്ളിയാൻ മിന്നി.. മുറിയിൽ കട്ടിലിൽ അതാ അച്ഛൻ കിടക്കുന്നു.. ഞാൻ വേഗം വാതിൽക്കൽ നിന്നും മാറി ഒളിച്ചു..
എന്റെ ചങ്കൊക്കെ പട പട ഇടിച്ചു.. സംഭവിച്ചതെന്താകാമെന്ന് ഞാനൊന്ന് ഓർത്തുനോക്കി.. വീട്ടിൽ വന്നപ്പോൾ വാതിൽ അടച്ചത് കണ്ട് എന്നെ വിളിച്ച് നോക്കിയിട്ട് എടുക്കാത്തിരുന്നതുകൊണ്ട് അച്ഛന്റെ കയ്യിലുള്ള സ്പെയർ കീയിട്ട് വാതിൽ തുറന്നു.. ഞാൻ വാതിലിലേക്ക് നോക്കിയപ്പോൾ വാതിൽ ഉള്ളിൽ നിന്നും അടച്ചിട്ടുണ്ട്.. ഈ വേഷത്തിൽ കിടന്നുറങ്ങുന്ന എന്നെ അച്ഛൻ കണ്ട് കാണുമോ..
എന്നിട്ടെന്താണ് അച്ഛനൊന്നും പ്രതികരിക്കാതിരുന്നത്.. കണ്ടിരുന്നെങ്കിൽ ഉറപ്പായും അച്ഛനെന്തെങ്കിലും രീതിയിൽ പ്രതികരിച്ചിരുന്നേനെ… സ്വന്തം മകൻ ഇതുപോലെ പെൺവേഷത്തിൽ കിടന്നുറങ്ങുന്നത് കണ്ടാൽ ഏത് അച്ഛനും അമ്മയുമാണ് സഹിക്കുക.. ആണായാൽ ഇങ്ങനൊക്കെയെ പാടുള്ളുവെന്ന ചിന്തയൊക്കെ ഉള്ള സാധാരണക്കാർ തന്നെയാണ് അവരും..
എന്നിട്ടും അച്ഛൻ പ്രതികരിച്ചില്ലെങ്കിൽ അച്ഛനെന്നെ ഇങ്ങനെ കണ്ടിട്ടില്ലെന്ന് അർത്ഥം.. ഞാനതെന്റെ മനസ്സിനെ പറഞ്ഞ് ബോധ്യപ്പെടുത്തി.. അകത്തേക്ക് ഒന്നുകൂടി തലയിട്ട് നോക്കിയപ്പോൾ അച്ഛൻ അപ്പുറത്തേക്ക് തിരിഞ്ഞ് കിടക്കുകയാണ്.. ചെറുതായി കൂർക്കം വലിക്കുന്നതുകൊണ്ട് നല്ല ഉറക്കമാണ്.. ഞാൻ നോക്കുമ്പോൾ കട്ടിലിൽ ഞാൻ അഴിച്ചിട്ട എന്റെ ഷോട്സും ബനിയനും അച്ഛൻ അവിടുള്ള ഒരു കസേരയിലേക്ക് എടുത്തിട്ടിട്ടുണ്ട്.. ഞാൻ എങ്ങോട്ടെങ്കിലും പോയി കാണുമായിരിക്കുമെന്ന് അച്ഛൻ കരുതിക്കാണും.. എന്തായാലും അച്ഛൻ ഉണരാൻ സാധ്യതയുണ്ട്..
വേഗം ഇതൊക്കെ ഒന്ന് മാറണം.. പക്ഷെ മുറിയിലേക്ക് കയറിയാൽ അച്ഛൻ അറിഞാലോ എന്ന പേടി എനിക്കുണ്ടായിരുന്നു.. തൽക്കാലം മാറിയിട്ടിട്ട് അമ്മ വരുന്നതിന് മുന്നേ സാരിയും ബ്ലൗസുമൊക്കെ തിരികെ വെക്കാമെന്ന് വിചാരിച്ചു.. ഞാൻ എന്റെ മുറിയിലേക്ക് വന്ന് ഡ്രസ്സ് മാറി ഒരു ഷോട്സും ബനിയനും ഇട്ടു..
സാരിയൊക്കെ കൂടി എടുത്ത് അലമാരയിൽ വെച്ച് അതിന് മുകളിലേക്ക് എന്റെ തുണികൾ വാരിയിട്ട് അതൊളിപ്പിച്ചു.. അത് അമ്മേടെ മുറിയിൽ കിടന്നടത്ത് കൊണ്ട് വെക്കാതെ ഒരു സമാധാനവുമില്ല.. ശബ്ദമുണ്ടാക്കാതെ അടുക്കളയിൽ ചെന്ന് വെളിച്ചെണ്ണ കൊണ്ട് കണ്ണെഴുതിയതൊക്കെ മായിച്ചു.. ഇനി അച്ഛൻ എഴുന്നേൽക്കുന്നത് വരെ ഒരു സമാധാനവുമില്ല..