ബിരിയാണിയും ബീഫ് കറിയും ചിക്കനും എല്ലാം റെഡി ആയിരുന്നു. വെള്ളമടിക്ക് വേണ്ട സലാഡ് ഉം ഫിഷ് ഫ്രൈ യും വേറെ കരുതിയിരുന്നു. ഐസ് ക്രീംമും ഫ്രൂട്ട് സലാഡ് ഉം എല്ലാം ഷിജു സെറ്റ് ആക്കി വച്ചു.
“വാടാ.. നമുക്ക് ബാൽക്കണിയിൽ ഇരിക്കാം.. ടീ പിള്ളേരെ പിടിച്ചേ..”
“ആഹാ.. അപ്പൊ എനിക്ക് അടുക്കളയിൽ പണി ഒന്നുമില്ലേ.. പിള്ളേരെ രണ്ടാളും കൂടി നോക്കിയാൽ മതി. അവറ്റകൾക്ക് ഫുഡ് കൊടുത്ത് ഉറക്ക്.. എന്നിട്ട് മതി വെള്ളമടിയും പാർട്ടിയുമൊക്കെ..”
പാർവതി അടുക്കളയിൽ നിന്ന് വിളിച്ചു പറഞ്ഞു.
“ശ്ശോ. വല്ലാത്ത പുകിൽ ആയല്ലോ ഇത്.” ഷിജു തലയിൽ കൈ വച്ചു.
“കുഴപ്പമില്ല. ഫുഡ് കൊണ്ട് വാ ഇവർക്ക് ഞാൻ കൊടുക്കാം.. നമുക്ക് പതുക്കെ കഴിച്ചാൽ മതി.”
രണ്ട് പേരെയും കൊണ്ട് രോഹൻ ഡൈനിങ് ടേബിളിലേക്ക് നടന്നു. അവരെ അവിടെ ഇരുത്തി. ഒരാൾ തന്നത്താൻ കഴിക്കാൻ തുടങ്ങി. മറ്റേ കുട്ടിക്ക് റോഹൻ വാരി കൊടുത്തു.
രോഹന്റെ പ്രവർത്തികൾ കണ്ട് ഷിജുവും പാർവതിയും അതിശയത്തോടെയും സന്തോഷത്തോടെയും നോക്കി നിന്നു.
“ഏട്ടാ.. രോഹനെ ഇനി വിടണ്ട. പിള്ളേരെ നോക്കാൻ നമുക്ക് ഇവിടെ നിർത്തിയാലോ.”
“പിന്നെന്താ. എനിക്ക് ഡബിൾ ഓ കെ. ”
എല്ലാവരും ചിരിച്ചു..
അത് കഴിഞ്ഞ് രണ്ട് പേരും കൂടി കുട്ടികളെ തോളിലിട്ട് ഉറക്കി. ഒരാളെ തൊട്ടിലിലും ഒരാളെ കിടക്കയിലും കിടത്തി തിരിച്ചു വന്നു.
“എന്റെ പൊന്നളിയാ.. എളുപ്പമല്ല ഈ കൊച്ചുങ്ങളെ മേയ്ക്കാൻ.. കഴിപ്പിക്കാനും ഉറക്കാനും ഒക്കെ എന്ത് പാടാണെന്നോ. ഈ കാര്യത്തിൽ നീ ഭാഗ്യവാൻ തന്നെ. ഒറ്റയ്ക്ക് ഇതൊന്നും അറിയണ്ടല്ലോ.”
“അത് വെറും തോന്നലാണ് ഷിജു. പാർവതിയെ പോലെ സ്നേഹമുള്ള ഒരു ഭാര്യ ഉണ്ടാകുന്നതും ഇത് പോലെ കുട്ടികൾ ഉണ്ടാകുന്നതും ഒക്കെ ഒരു ഭാഗ്യമാണ്. നിനക്ക് ആ ഭാഗ്യം കിട്ടി. ഒറ്റയ്ക്ക് ജീവിക്കുമ്പോഴേ നിനക്ക് ആ വിഷമം അറിയൂ..”
“ആ.. അത് പോട്ടെ.. നീ വാ.. ഇനി സമയം കളയണ്ട.. കുപ്പി ഏത് എടുക്കണം?”
ഷിജു അവനെയും കൊണ്ട് ബെഡ്റൂമിൽ പോയി കുപ്പികൾ എല്ലാം കാണിച്ചു.
“വിസ്കി തന്നെ ആയിക്കോട്ടെ.” അവൻ പറഞ്ഞു.
നല്ല മുന്തിയ ഇനം നോക്കി ഷിജു ഒരെണ്ണം എടുത്തു. എല്ലാ സാധനങ്ങളും എടുത്ത് അവർ ടെറസിൽ എത്തി.ഗ്ലാസും വെള്ളവും സോഡായും സലാഡും നട്ട്സ് ഉം എല്ലാം നിരത്തി.
ഫിഷ് ഫ്രൈയും ബീഫ് റോസ്റ്റും ചിക്കൻ കറിയും എല്ലാം കൊണ്ട് പാർവതിയും വന്നു.
“നീയും അടിച്ചോടീ ഒരെണ്ണം. നല്ല ബെസ്റ്റ് സ്കോച്ചാ.” ഷിജു പറഞ്ഞു.
“പിന്നെ എനിക്ക് നിങ്ങളെ പോലെ അടിയല്ലേ പണി. പൊക്കോണം.”
അവൾ തല തിരിച്ചു നടന്നു പോയി.
രണ്ടാളും കുറേശ്ശേ ആയി അടിക്കാൻ തുടങ്ങി.
“ഹോ എന്ത് ടേസ്റ്റ് ആണ് ഷിജു ബീഫ് ഒക്കെ.. ഹോ കിടിലം.. ഇവള് ഇത്ര നല്ലൊരു കുക്ക് ആയിരുന്നോ. സൂപ്പർ..”
“അതിലൊക്കെ ആൾ മിടുക്കിയാ. പിന്നെ ഇന്ന് നിന്റെ വരവ് പ്രമാണിച്ച് കൊറേ യൂട്യൂബിൽ ഒക്കെ നോക്കുന്നത് കണ്ടു പാചകം ചെയ്യാൻ.. എന്തായാലും കൊള്ളാം. എല്ലാം കൊണ്ടും അടിമൂഡ് തന്നെ..”
വിശേഷങ്ങൾ പറഞ്ഞും ഭാവികാര്യങ്ങൾ ചർച്ച ചെയ്തും ഒരു കുപ്പി അവർ തീർത്തു. കല്യാണക്കാര്യം എടുത്തിട്ടപ്പോ ഒക്കെ രോഹൻ ഒഴിഞ്ഞു മാറി. സമയമാകുമ്പോൾ അവൻ തന്നെ കണ്ടെത്താം എന്ന് പറഞ്ഞു.. ഷിജു പിന്നെ നിർബന്ധിക്കാൻ നിന്നില്ല.
അടുത്ത കുപ്പി എടുക്കാൻ ഷിജു പോയെങ്കിലും അവൻ വേണ്ടെന്ന് പറഞ്ഞു. എന്നാലും മുൻപ് അടിച്ചതിലെ ബാക്കി എടുത്ത് കൊണ്ട് വന്ന് അതും തീർത്തു. ഷിജു ആണ് സിംഹഭാഗവും അടിച്ചു തീർത്തത്. അവന്റെ കൈകാലുകൾ എല്ലാം കുഴഞ്ഞു തുടങ്ങി. നാക്കും കുഴഞ്ഞു വർത്താനം പറയുന്ന അവനെയും താങ്ങി രോഹൻ താഴെ എത്തി.
ഇത് പ്രതീക്ഷിച്ച പോലെ പാർവതി അവിടെ ഇരുന്ന് ടീവി കാണുന്നുണ്ടായിരുന്നു.
സമയം 11 ആയിരുന്നു. ടേബിളിൽ ഇരുന്ന് മൂന്ന് പേരും ഭക്ഷണം കഴിച്ചു. എങ്ങനെയൊക്കെയോ കഴിച്ച് തീർത്ത ഷിജുവിനെ രണ്ടാളും കൂടി താങ്ങി ബെഡറൂമിൽ കൊണ്ട് കിടത്തി. അവന്റെ അവസ്ഥ കണ്ട് രോഹൻ അരയ്ക്ക് കൈയ്യും കൊടുത്ത് നിന്നു.കുട്ടികൾ രണ്ടും നല്ല ഉറക്കം ആയിരുന്നു.