സഞ്ജു ഇനി എന്ത് പറയും എന്ന് ആലോചിച്ചു. വന്നു ഇറങ്ങിയ ഉടനെ പറഞ്ഞതൊക്കെ ഇത്തിരി കൂടിപ്പോയി എന്നാ തോന്നുന്നത്. അവളുടെ മമ്മ മോർഡേൺ ആണ് മദാമ്മയെ പോലെ ആണ് അതുകൊണ്ട് അങ്ങനെ വേണം പോകാൻ. അങ്ങനെ അഭിനയിക്കണം എന്നൊക്കെ പറഞ്ഞത് കൊണ്ടാ.. ഇനി വേറെ വഴിയില്ല. വരുന്നത് വരട്ടെ എന്ന് തീരുമാനിച്ചുകൊണ്ട് സഞ്ജു പറഞ്ഞു.
“അതിനെന്താ ഡിയർ.. ഞാൻ ഇവിടെ വന്നു ഇറങ്ങിയത് മുതൽ നമ്മൾ ഫ്രണ്ട് ആയി. അതുകൊണ്ട് ഈ സുന്ദരിയുടെ ബോയ് ഫ്രണ്ട് ആണ് ഞാൻ എന്ന് പറയുന്നതിൽ എനിക്ക് സന്തോഷം ആണ്. ആന്റിക്ക് ഇഷ്ടം ഉള്ളത് പറഞ്ഞോളൂ. നമ്മൾ ലവ് ബേർഡ്സ് ആണെന്നോ അതോ ആന്റിയുടെ കാമുകൻ ആണ് ഞാൻ എന്നോ എന്ത് വേണമെങ്കിലും പറഞ്ഞോളൂ. എനിക്ക് ഒരു പ്രശ്നവും ഇല്ല. ”
“എന്നാൽ ഞാൻ സഞ്ജു എന്റെ കാമുകൻ ആണെന്ന് പറയാം. അതാകുമ്പോൾ നമുക്ക് ഫ്രീയായി ഇവിടെ മുഴുവനും നടക്കാലോ..”
അങ്ങനെ പറഞ്ഞു ചിരിച്ചുകൊണ്ട് എലിസബത്ത് സെക്യൂരിറ്റി ഗാർഡിന്റെ അടുത്ത് കൊണ്ട് പോയി ബുള്ളറ്റ് നിർത്തിയ ശേഷം അയാൾക്ക് സഞ്ജുവിനെ പരിചയപ്പെടുത്തി.
“ഇത് സഞ്ജു. എന്റെ ബോയ് ഫ്രണ്ട് ആണ്. സഞ്ജു ഇനി ഇവിടെ എന്റെ കൂടെയാണ് താമസിക്കാൻ പോകുന്നത്. ”
എലിസബത്ത് പറഞ്ഞത് കേട്ട് സെക്യൂരിറ്റി സഞ്ജുവിനെ നോക്കി ചിരിച്ചു. അങ്ങനെ പറഞ്ഞശേഷം എലിസബത്ത് ബുള്ളറ്റ് മുന്നോട്ട് എടുത്തു . പിന്നെ ഫ്ലാറ്റിന്റെ തൊട്ടുമുന്നിൽ ആയി കൊണ്ടുപോയി നിർത്തി. എന്നിട്ട് സഞ്ജുവിനോട് പറഞ്ഞു.
“സഞ്ജു ഇവിടെ തന്നെ നിൽക്ക്. ഞാൻ നമ്മുടെ ഈ രഥം പാർക്ക് ചെയ്തിട്ട് വേഗം വരാം. ”
അതും പറഞ്ഞു എലിസബത്ത് സഞ്ജുവിന്റെ ട്രോളി ബേഗ് എടുത്ത് താഴെ വെച്ചു. സഞ്ജു മെല്ലെ അവിടെ ഇറങ്ങി കുപ്പിയും പിടിച്ചുകൊണ്ട് അങ്ങനെ തന്നെ നിന്നു.
എലിസബത്ത് ബുള്ളറ്റ് പാർക്ക് ചെയ്യുന്നതും നോക്കി സഞ്ജു .അങ്ങനെ നിന്നു. താൻ സ്വർഗത്തിൽ ആണോ നരകത്തിൽ ആണോ എത്തിപ്പെട്ടത് എന്ന് നിശ്ചയം ഇല്ലാതെ. ഇനി എന്തൊക്കെ കാണേണ്ടി വരും എന്ന് അറിയാതെ.
തുടരും.
തുടരണോ…. 😜