രുദ്രപ്രതാപം 2

Rudraprathapam Part 2 | Author : Jhon Clinton

[ Previous Part ] [ www.kambi.pw ]

---

 

ഹായ് ആദ്യം തന്നെ എല്ലാവർക്കും നന്ദി പറയുന്നു.കഴിഞ്ഞ ഭാഗം ഒരു തുടക്കം എന്ന രീതിയിൽ എഴുതിയതാണ്.അതിന് നിങ്ങൾ വളരെ നല്ല സപ്പോർട്ട് തന്നു.ആദ്യമായി ഒരു കാര്യം ചെയ്യുമ്പോൾ ഒരു പാട് മിസ്സ്റ്റേക്സ് ഉണ്ടാവും അതെല്ലാം അതിലുണ്ട് എന്ന് എനിക്കറിയാം

തുടരെ ഉള്ള ഭാഗങ്ങളിൽ നമുക്ക് അതെല്ലാം ശരിയാക്കാൻ ശ്രമിക്കാം 🤙പിന്നെ ചാപ്റ്ററിൻ്റെ ലെങ്തിൽ ഒന്നും ചെയ്യാൻ കഴിയില്ല കാരണം ഇതൊക്കെ ഓൾ റെഡി ഞാൻ പുസ്തകത്തിൽ എഴുതി വച്ചിട്ടുള്ളതാണ്.അതുകൊണ്ട് തന്നെ വേണമെന്ന് വച്ച് എന്തെങ്കിലും എഴുതിയാൽ അതിൻ്റെ ഫ്ലോ പോവും.

കഴിയുന്നതും chapters പെട്ടെന്ന് ഇടാൻ നോക്കാം

നിങ്ങളുടെ സപ്പോർട്ട് പ്രതീക്ഷിച്ചു കൊണ്ട്

Jhon clinton

 

“എടാ അത് അശ്വതി പിന്നേം സ്വപ്നം കാണാൻ തുടങ്ങി”അച്ചൻ ഒറ്റ ശ്വാസത്തിൽ പറഞ്ഞു.

 

അത് കേട്ടപ്പോ തന്നെ എൻ്റെ ശരീരം മരവിക്കുന്ന പോലെ തോന്നി.മൂന്ന് വർഷങ്ങൾക്ക് മുമ്പ് നടന്ന ചില സംഭവങ്ങൾ എൻ്റെ ഉള്ളിലേക്ക് ഓടി വന്നു ഞാൻ ഒരിക്കലും ഓർക്കാൻ പോലും ആഗ്രഹിക്കാത്ത.കുറച്ച് ദിവസങ്ങൾ.

ഇപ്പോൾ അശ്വതി എന്നോട് സംസാരിക്കാതിരിക്കുന്നതിനും,ഞാൻ ബാംഗ്ലൂരിലേക്ക് പോവാനും കാരണമായ ചില കാര്യങ്ങൾ.

—————————

 

“അതിന് ഞാൻ ഇവിടുന്ന് പോവുമ്പോൾ അവൾ ok ആയിരുന്നല്ലോ”

 

“ആ… ആയിരുന്നു പക്ഷേ കുറച്ച് ദിവസങ്ങൾക്ക് മുമ്പ അവൾ വീണ്ടും ആ സ്വപ്നങ്ങൾ കാണാൻ തുടങ്ങി എന്ന് ഞങ്ങളോട് പറയുന്നത്”

 

“എന്നിട്ട്.. .”

 

“എന്നിട്ടെന്താ.. നിൻ്റെ അമ്മക്ക് അതു തന്നെ ധാരാളം ആയിരുന്നു.പിറ്റേന്ന് തന്നെ ഞങൾ

ആ ശങ്കരൻ നമ്പൂതിരിയുടെ അടുത്ത് പോയി ആൾ അവളുടെ പ്രശ്നം ഒന്നു നോക്കി എന്നിട്ട് പറഞ്ഞു കുഴപ്പം ഒന്നുമില്ലെന്ന്.”

 

അത് കേട്ടപ്പോൾ എനിക്ക് ചെറിയ ഒരു ആശ്വാസം തോന്നി.

 

“പക്ഷേ ആൾക്ക് നിന്നെ ഒന്നു കാണണം എന്ന്”

 

“എന്നെ എന്തിനാ അങ്ങേര് കാണുന്നത്” ഞാൻ അത് കേട്ട പാടേ ചോദിച്ചു.

 

“അതൊന്നും എനിക്ക് അറിയില്ല. അയാള് അത് പറഞ്ഞപ്പോ തന്നെ നിൻ്റെ അമ്മ സമ്മതിച്ചു.”

 

അങ്ങേര് ഇപ്പൊ എന്നെ എന്തിനാ കാണുന്നേ. ആ വല്ല പരിഹാരം എന്തെങ്കിലും കാണാനാവും.ഞാൻ അതുമിതും ഒക്കെ ആലോചിച്ചു.

 

പിന്നെ ഞങ്ങൾ അതിനെ കുറിച്ച് ഒന്നും സംസാരിച്ചില്ല.നാട്ടിലെ കുറച്ച് വിശേഷങ്ങളും മറ്റും പറഞ്ഞിരുന്നു.

 

————————————–

 

സമയം രാവിലെ 11 മണി

 

വീട്ടിൽ പ്രത്യേകിച്ച് ഒന്നും ചെയ്യാനില്ലാത്തതുകൊണ്ട് ഞാൻ ഒന്ന് പുറത്ത് പോവാം എന്ന് വിചാരിച്ചു.

 

ഞാൻ നേരെ എൻ്റെ കൂട്ടുകാരൻ അകിലിൻ്റെ വീട്ടിലോട്ടു പോയി.എൻ്റെ കൂടെ ചെറുപ്പം മുതൽ കളിച്ചു വളർന്ന ആളാണ്.കോളജ് വരെ ഞങൾ ഒരുമിച്ചായിരുന്നു.അത് കഴിഞ്ഞ് ഞാൻ ഇവിടുന്ന് മാറി.ഞാൻ ബാംഗ്ലൂരിൽ ആയിരുന്നപ്പോഴും അഖിലുമായി കോണ്ടാക്റ്റ് ഉണ്ടായിരുന്നു.

 

ഞാൻ അവൻ്റെ വീട്ടിൽ എത്തി. ബെൽ അടിച്ചപ്പോൾ വാതിൽ തുറന്നത് അവൻ്റെ അമ്മ ആയിരുന്നു.ഗൗരി ആൻ്റി.

“അയ്യോ ആരാ ഇത്”

 

അവർ എന്നെ വന്ന് കെട്ടിപ്പിടിച്ചു ഞാൻ തിരിച്ചും.

 

“എത്ര നാളായടാ നിന്നെ കണ്ടിട്ട്…നീ അങ്ങ് ക്ഷണിച്ച് പോയല്ലോ…”

 

അവരുടെ ചോദ്യം കേട്ട് ഞാൻ ചെറുതായി പുഞ്ചിരിച്ചു.

 

“എന്ത് ചെയ്യാനാ ആൻ്റി അവിടുത്തെ ഫുഡ് ഒന്നും അങ്ങ് ശരിയാവുന്നില്ലെന്നെ ”

 

“അയ്യോട പാവം എൻ്റെ മോൻ” അവർ അത് പറഞ്ഞു ഒന്നു ചിരിച്ചു.

 

“അല്ല അവൻ എവിടേ”

 

“ഇന്ന് ഞായറാഴ്ച്ച അല്ലെ.ഇത് വരെ എണീറ്റിട്ടില്ല.റൂമിൽ ഉണ്ട്”

 

“അത് ശരി ഈ ചെറുക്കൻ ഇത് വരെ നന്നായില്ലേ”

 

“എവിടുന്ന്.വിത്ത് ഗുണം പത്തു ഗുണം”

 

“ഹേ…” ആൻ്റി എന്താണ് പറഞ്ഞതെന്ന് എനിക്ക് മനസ്സിലായില്ല..

 

“അവൻ്റെ അച്ചൻ്റെ അതേ ശീലങ്ങൾ ആണ് അവനും രണ്ടും ഇത് വരെ എണീറ്റിട്ടില്ല”അത് പറഞ്ഞു അവരൊന്നുകൂടെ ചിരിച്ചു.കൂടെ ഞാനും