അല്ല നിങൾ ഓർക്കുന്നുണ്ടാകും അല്ലേ ഇതൊക്കെ ആരാ എന്ന്. എന്നാല് അതുകൂടി പറഞ്ഞിട്ട് ബാക്കി കഥയിലേക്ക് പോവാം.
ഞാൻ കൃഷ്ണ ഇവിടെ വയനാട്ടിൽ ആണ് താമസം. സ്വന്തം നാട് എറണാകുളം ആണ്.ഇവിടെ ചെറിയ ഒരു എസ്റ്റേറ്റ് ഉണ്ട് പിന്നെ ഒരു സൂപ്പർ മാർക്കറ്റ് ഉം ചെറിയ ഒരു ബിസിനെസ്സ് മാൻ എന്ന് വേണേൽ പറയാം. പിന്നെ ഇപ്പൊൾ എന്നെ കൊഞ്ചിച്ച് പോയത് അത് എൻ്റെ പ്രിയ പത്നി അർച്ചന. പാവം ഒരു കൊച്ചിക്കാരി പെണ്ണ്.
പിന്നെ ഞങ്ങളുടെ ഏക മകൾ ആമി എന്ന് വിളിക്കുന്ന അഷ്മിക. എൻ്റെ പെങ്ങൾ സൂസൻ, അവളുടെ കുഞ്ഞ് അഭിമന്യു. ഞങ്ങളുടെ എല്ലാം അഭി കുട്ടൻ. ഇനി ഒരാള് കൂടി ഉണ്ട് അയാളെ വഴിയേ പരിചയ പെടാം കേട്ടോ😉….
“മതി കഥ പറഞ്ഞു നിന്നത് പോയി കുളിച്ചു വാ ചെക്കാ”
കുളിച്ചു തനിക്കായി എടുത്ത് വെച്ചിരുന്ന ഡ്രസ്സ് ഉം ഇട്ടുകൊണ്ട് താഴേക്ക് പോയ കിച്ചു തന്നെയും കാത്തിരിക്കുന്ന തൻ്റെ കുടുംബത്തിൻ്റെ അടുത്തേക്ക് ആണ് പോയത്.നേരെ ചെന്ന് കുറച്ചുനേരം മോളെയും അഭി കുട്ടനെയും കളിപ്പിച്ച ശേഷം അവൻ ഭക്ഷണം കഴിക്കുവാൻ ഇരുന്നു. അങ്ങനെ ഒൻപത് മണിയോടെ അവർ വീട്ടിൽ നിന്നും ഇറങ്ങി. വർഷങ്ങൾക്ക് ശേഷം നാട്ടിലേക്ക് പോകുന്ന സന്തോഷം അർച്ചനയിലും സൂസനിലും കാണാനുണ്ടായിരുന്നു. എന്നാല് കിച്ചുവിന് ആവട്ടെ കുറച്ച് ടെൻഷൻ നും ആയിരുന്നു ഉണ്ടായിരുന്നു.
“എന്തിനായിരിക്കും ഇത്രയും പെട്ടന്ന് തന്നെ ചെല്ലാൻ അവൻ പറഞ്ഞിട്ട് ഉണ്ടാവുക?
ഇനി എന്തേലും പ്രശ്നം ഉണ്ടകുവോ?
അതോ മറ്റെന്തെങ്കിലും????”
അങ്ങനെ പല ചോദ്യങ്ങൾ അവൻ്റെ മനസ്സിൽ ഉടനീളം പരന്നിരുന്നു.
“അല്ല അച്ചു ചേട്ടായി തല്ലിനൊന്നും പോവാരില്ലായിരുന്നോ?”
“ആര് ഇവനൊ? അടി എന്ന് എഴുതി കാണിച്ചാൽ മതി ഇവൻ അവിടുന്ന് മുങ്ങും . മഹാ പെടിച്ചോടി ആണ്.”
“അയ്യേ അച്ചക്ക് പെടിയാണോ? ”
ആമി മോൾ ആണ് അവളുടെ അച്ഛനെ കളിയാക്കി കൊണ്ടിരുന്നത്.
“അതേ പേടി ഒന്നും അല്ല കേട്ടോ പിന്നെ എന്തിനാ വെറുതെ ഈ അടിയും പിടിയും ഒക്കെ എല്ലാവരും മനുഷന് അല്ലേ അപ്പൊൾ പിന്നെ പരസ്പരം സ്നേഹിച്ചും സഹായിച്ചും ജീവിക്കണം എനിക്ക് അതാ താൽപ്പര്യം”
“ഉവ്വ് ഉവ്വേ ”
ഒന്ന് ആക്കി കൊണ്ട് ആണ് സൂസൻ അത് പറഞ്ഞത്. പേടി ആയത് കൊണ്ട് ആക്കിയത് ആണന്നു കരുതി അർച്ചനയും അവളെ സപ്പോർട്ട് ചെയ്തുകൊണ്ട് അവനെ കളിയാക്കി.
“നിങൾ എന്നെ കളിയാക്കി ഒരുപാട് ചിരിക്കണ്ട. എനിക്ക് പേടി ആണ് പോരെ സമ്മതിച്ചു. പിന്നെ തല്ലും പിടിയും ഒന്നും അല്ല ദേ ഈ കാറിൽ ഇരിക്കുന്നില്ലെ ഇതാണ് എൻ്റെ കുടുംബം ഞാൻ ജീവിക്കുന്നതും ഇതിന് വേണ്ടി മാത്രം ആണ്.അത്കൊണ്ട് ഞാൻ വല്ല വഴക്കിനും പോയിട്ട് അത് എൻ്റെ കുടുംബത്തെ ബാധിക്കാൻ പാടില്ല അത്കൊണ്ട് എനിക്ക് എല്ലാത്തിനെയും പേടി ആണ്. പോരെ ഇനി ആ topic വേണ്ട ”
പെട്ടന്ന് ഇമോഷണൽ ആയ കിച്ചുവിനെ തന്നെ നോക്കി ഇരിക്കുവായിരുന്ന് അർച്ചനയും സൂസൻ ഉം
“ഏയ് കിച്ചു നീ എന്തിനാ ഇങ്ങനെ ഇമോഷണൽ ആവുന്നെ ഞങൾ ചുമ്മാ തമാശ പറഞ്ഞതല്ലേ. എന്താ ഇത് ചെക്കാ കുട്ടികളെ പോലെ?.”
“എൻ്റെ ചേട്ടന് കുടുംബം ആണ് വലുത് അപ്പൊൾ കുറച്ചൊക്കെ ഇമോഷണൽ ആവാം അല്ലേ?”
തൻ്റെ കൂടെ ഇത്രയും നേരം നിന്നിട്ട് പെട്ടന്ന് കിച്ചുവിൻ്റെ side പറഞ്ഞ സൂസനെ അവള് കണ്ണുരുട്ടി പേടിപ്പിച്ചു
“എന്നെ കണ്ണുരുട്ടി കാണിക്കണ്ട ഞാൻ പറഞ്ഞത് ശെരിയായ കാര്യം ആണ് അല്ലേ ചേട്ടാ?”
“പിന്നല്ലതെ ” കിച്ചുവും അവളുടെ കൂടെ കൂടി
“ഓ ഇപ്പൊൾ ചേട്ടനും അനിയത്തിയും ഒരുമിച്ച് നമ്മൾ ഔട്ട് അല്ലേ കൊള്ളാം”
അല്പം അസൂയയോടെ അവള് പറഞ്ഞു.
ഇതൊക്കെ കണ്ടിരുന്ന കിചുവും.സൂസൻ ഉം കുട്ടികളും കൂടി അവളെ കളിയാക്കി ചിരിക്കാൻ തുടങ്ങി. അവള് ദേഷ്യത്തിൽ അവരെ നോക്കാതെ പുറത്തേക്ക് നോക്കി ഇരിക്കാനും.എന്നാല് അവളുടെ ചുണ്ടിലും ഒരു പുഞ്ചിരി ഉണ്ടായിരുന്നു.