പ്രിയപ്പെട്ട കൂട്ടുകാരന്റെ ഭാര്യയും കാമുകിയും  – 1

Priyappetta Koottukarante Bharyayum Kaamukiyum | Author : Sami

 

---

 

കൂട്ടുകാരുടെ  പെങ്ങളെ പെങ്ങളായി തന്നെ കാണാൻ എനിക്ക് കഴിയും, പക്ഷെ കൂട്ടുകാരുടെ പെണ്ണിനെ എനിക്ക്  മറ്റൊരു രീതിയിൽ മാത്രമേ കാണാൻ കഴിയുന്നുള്ളു, ഈ കാര്യത്തെ കുറിച്ച് മറ്റാരോടും സംസാരിച്ചിട്ടില്ലാത്തതിനാൽ തന്നെ ഇത് എന്റെ മാത്രം കുഴപ്പമാണോ എന്നൊന്നും എനിക്ക് അറിയില്ല, അതൊരു തെറ്റായി ഇതുവരെ എനിക്ക് തോന്നിയിട്ടുമില്ല അതിനുതകുന്ന കാരണവും ഉണ്ട് അതിനാൽ തന്നെ അത് ഇപ്പോളും ഞാൻ നിർബാധം തുടർന്ന് പോകുന്നു,

ഈ കഥ മാന്യതയുടെ മുഖംമൂടി അണിഞ്ഞു നടക്കുന്ന എന്നെപോലെയുള്ള എല്ലാവര്ക്കും വേണ്ടി സമർപ്പിക്കുന്നു..  .

 

കഥ തുടങ്ങുന്നത് 10  വർഷങ്ങൾക്ക് മുൻപാണ്, പാർടൈം ആയി കണ്ണൂർ ഗവണ്മെന്റ് എഞ്ചിനീയറിംഗ് കോളേജിൽ ബി ടെക്ക് ചെയ്യുന്ന സമയം രാവിലെ മുതൽ 4 മണി വരെയുള്ള ജോലിയും കഴിഞ്ഞ് 5 മണിക്ക് കോളേജിൽ എത്തി അവിടത്തെ ക്ലാസ്സും തിരക്കുമായി ഒന്നിനും സമയമില്ലാതെ നടക്കുന്ന ഞാൻ,

 

ഞാൻ എന്ന് പറഞ്ഞാൽ പേര് കാർത്തിഷ്

അന്ന് ഫസ്റ്റ് ഇയറിൽ പഠിക്കുമ്പോൾ  പ്രായം 22, ഡിപ്ലോമയും കഴിഞ്ഞ് ഒരു വർഷത്തിന് മേലെ ജോലിയും ചെയ്തതിനു ശേഷമാണ് ഡിഗ്രി എടുക്കുന്നതിനെ കുറിച്ച് ആലോചിക്കുന്നത്,

 

വീട്ടിൽ സാമ്പത്തികമായി ബുദ്ധിമുട്ട് ആയതിനാൽ ജോലി നിർത്തുന്നതിനെ പറ്റി ചിന്തിക്കാൻ തന്നെ വയ്യ, അപ്പോളാണ് ഗവണ്മെന്റ് കോളേജിൽ ഈവെനിംഗ് ആയി പഠിക്കാമെന്ന കാര്യം അറിയുന്നതും അവിടെ ചേരുന്നതും,..

 

അവിടെ വച്ചാണ് ഞാൻ എന്റെ പ്രിയപെട്ട കൂട്ടുകാരനായി മാറിയ വിപിനെ പരിചയപ്പെടുന്നത്, പാർട്ടൈം ആയതുകൊണ്ട് തന്നെ പല പ്രായത്തിലുള്ളവർ ഞങ്ങളുടെ ക്ലാസ്സിൽ ഉണ്ടായിരുന്നു കൂടുതലും ഗവണ്മെന്റ് ജോലിക്കാർ,

 

അതിൽ ആകെ 4 പെൺപിള്ളേർ, പെൺപിള്ളേർ എന്ന് പറഞ്ഞാൽ പറ്റില്ല ചേച്ചിമാരെന്നോ ക്ലാസ്സിലെ പലരും പറയുന്ന പോലെ തള്ളകൾ  എന്നോ വേണം പറയാൻ,

അങ്ങിനെ ആദ്യത്തെ സെമസ്റ്റർ കഴിയുന്ന സമയം കൊണ്ട് തന്നെ ഞാനും വിപിനും നല്ല കമ്പനി ആയി, എനിക്ക് അന്ന് ബൈക്ക് ഉള്ളത് കൊണ്ട് കോളജിലേക്ക് പോക്കും വരവുമൊക്കെ ഞങ്ങൾ ഒന്നിച്ചാക്കി, എന്റെ വീട്ടിൽ നിന്നും രണ്ടോ മൂന്നോ കിലോമീറ്റര് അകലെയാണ് അവന്റെ വീടെങ്കിലും കോളേജിൽ വച്ചാണ് ഞങ്ങൾ ആദ്യമായി പരിചയപ്പെടുന്നത്,

 

വിപിന് ജോലി ഒന്നും ഇല്ലാത്തതിനാൽ അവൻ പകൽ സമയത്തൊക്കെ സുഖമായി നടക്കും വൈകുന്നേരം കോളേജിൽ പോകുന്നതിനു ഒരു മടിയും ഇല്ല, എന്നാൽ എന്റെ കാര്യം അങ്ങിനെയല്ല പകലത്തെ ജോലിയും കഴിഞ്ഞു അതിന്റെ ക്ഷീണം കാരണം പലപ്പോളും ഞാൻ കോളജിൽ പോകാതെ വീട്ടിലേക്ക് പോക്ക് പതിവാക്കി…

 

അത് പതിവായപ്പോൾ  എന്നെ കോളേജിൽ കൊണ്ട് വരേണ്ട ചുമതല അവൻ ഏറ്റെടുത്തു, അങ്ങിനെ ഞങ്ങളുടെ സൗഹൃദം കൂടുതൽ ദൃഢമായി, ഒഴിവുള്ള സമയങ്ങളിൽ ഞാൻ പലപ്പോഴും അവന്റെ വീട്ടിൽ പോകുന്നതും പതിവായി…. അവന്റെ വീട്ടിൽ എനിക്ക് അവന്റെ പോലെ തന്നെ പൂർണ സ്വതന്ത്രവും, അവന്റെ അമ്മയ്ക്കും അച്ഛനും അനിയത്തിക്കും എന്നെ വലിയ കാര്യവും ആയിരുന്നു, ഞാൻ ജോലി ചെയ്ത് സ്വന്തം പൈസയ്ക്ക് പഠിക്കുന്നത് കൊണ്ട് അതിന്റെതായ ഒരു വില എനിക്ക് ഉണ്ടായിരുന്നു, ആ കാര്യം പറഞ്ഞു വിപിനെ ഇടയ്ക്ക് ഇടയ്ക്ക് ചൊറിയുന്നത് അവന്റെ അച്ഛന്റെ ഒരു ഹോബിയും ആയിരുന്നു….

 

 

അങ്ങിനെ രണ്ട് വർഷങ്ങൾ കൂടെ കഴിഞ്ഞു, കോളേജിൽ പോകുന്നതിനു എല്ലാ രീതിയിലും സപ്പോർട്ട് തന്നിരുന്ന ആ ഓഫീസിൽ തന്നെ ഞാൻ ആ 4 വര്ഷം തുടർച്ചയായി ജോലി ചെയ്തു, എനിക്ക് ശേഷം ആ ഓഫീസിൽ വന്നവരും മുൻപ് വന്നവരുമൊക്കെ മറ്റു ജോലി ഒകെ കിട്ടി അവിടെ നിന്ന് പോകുകയും വരുകയുമൊക്കെ ചെയ്‌തു, 4 വർഷത്തെ എക്സ്പീരിയൻസ് ഉള്ള ഞാൻ ആയി അവിടത്തെ ഏറ്റവും എക്സ്പീരിയൻസ് ഉള്ള ആൾ, അത് കൊണ്ട് തന്നെ ഞാൻ അവിടത്തെ ഓൾ ഇൻ ഓൾ ആയി,

 

ആ സമയത്താണ് ഓഫീസിൽ ലക്ഷ്മി എന്നൊരു കുട്ടി ജോയിൻ ചെയ്യുന്നത്,

(ഇത് ലക്ഷ്മിയുടെ കഥയല്ല, ഇത് എന്റെ പ്രിയ കൂട്ടുകാരന്റെ ഭാര്യയുടെയും കാമുകിയുടെയും കഥയാണ് എന്നാൽ ലക്ഷ്മിയെ പറ്റി പറയാതെ ഈ കഥയിലേക്ക് വരികയുമില്ല അതുകൊണ്ട് തന്നെ ലക്ഷ്മിയെ കുറിച്ച് പറയാതെ നിവർത്തിയില്ല,)

ജോലിയുടെയും കോളേജിലെയും തിരക്കുകൾക്ക്‌ ഇടയിൽ പ്രേമിക്കാനോ ഒരാളെ വായില്നോക്കാനോ ഉള്ള സമയമൊന്നും കിട്ടിയിരുന്നില്ല, കോളേജിൽ ഒരുപാട് കുട്ടികൾ റെഗുലർ ആയി ഉണ്ടായിരുന്നെങ്കിലും ഞങ്ങൾ 5 മണിക്ക് ചെല്ലുമ്പോളേക്കും എല്ലാവരും വീട്ടിൽ എത്തിയിട്ട് ഉണ്ടാകും,

 

അങ്ങിനെ ഇരിക്കെയാണ് ലക്ഷ്മിയോട് എനിക്കൊരു മോഹം ഉദിക്കുന്നത്, മോഹിക്കാൻ മാത്രം  അവളിൽ എന്താ ഉള്ളതെന്ന് ചോദിച്ചാൽ കാര്യമായി ഒന്നും ഇല്ല.. ഒരു തനി നാട്ടിൻപുറത്ത് കാരി പെണ്ണ്, നല്ല ചുരുളൻ മുടിയും വണ്ണമില്ലാത്ത ശരീരവും ആവിശ്യത്തിന് വെളുപ്പും ഒക്കെ ആയി ഒരു പാവം പെൺകുട്ടി, ഏകദേശം അവളെ കണ്ടാൽ  കുമ്പളങ്ങി നെറ്റിലെ അന്ന ബെന്നിനെ പോലെ ഇരിക്കും,

 

എന്റെ ഈ മോഹം ഞാൻ വിപിനോട് പോലും പറഞ്ഞില്ല, അല്ലെങ്കിലും ഞാൻ അങ്ങിനെയാണ് എന്തെങ്കിലും കാര്യം രഹസ്യമാക്കി വെക്കാൻ എനിക്ക് നല്ല കഴിവാണ്,

 

പയ്യെ പയ്യെ ഞാനും ലക്ഷ്‌മിയും നല്ല കമ്പനിയായി, എന്റെ മാന്യമായ പെരുമാറ്റവും ഓഫീസ് കാര്യങ്ങളിലെ എന്റെ നൈപുണ്യവും കൂടെ പാർട്ട് ടൈമായി കഷ്ടപ്പെട്ട് പഠിക്കാൻ പോകുന്നതിന്റെ ക്രെഡിറ്റും ഒക്കെ ആയി അവൾക്ക് എന്നോട് ഒരു ആരാധന തോനി തുടങ്ങിയതായി എനിക്ക് ഫീൽ ചെയ്തു….

 

ഞങ്ങളുടെ കെമിസ്ട്രി വർക്ക് ഔട്ട് ആകാൻ അധികം സമയമൊന്നും വേണ്ടി വന്നില്ല, ഒരു മാസം കഴിഞ്ഞപ്പോളേക്കും ഞങ്ങൾ നന്നായി അടുത്തു.., ക്ലാസ്സിലും ബൈക്കിലുമൊക്കെ ഇരുന്നുള്ള എന്റെ മെസ്സേജിങ് ഒക്കെ കണ്ട് വിപിന് സംശയം ആയി…

 

മോനെ കുറച്ച് ദിവസമായല്ലോ ഇത് തുടങ്ങിയിട്ട് ? വിപിൻ ചോദിച്ചു

 

എന്ത് ?

 

ഈ മൊബൈലിൽ കുത്തി കളി

 

ഹേയ് അത് ചുമ്മാ…. അടുത്ത കൂട്ടുകാരൻ ആരെങ്കിലും എനിക്ക് അവനോട് അത് പറയാൻ ഒരു മടി തോന്നി….

പറയടാ… ആരാ ? വിപിൻ ചോദിച്ചു

 

ഓഫിസിലെ പുതിയ കുട്ടിയാ….

 

ആര് ലക്ഷ്മിയോ ? വിപിൻ ചോദിച്ചു

 

ലക്ഷ്മിയെ കുറിച്ച് പറഞ്ഞിരുന്നെങ്കിലും ഞങ്ങൾക്കിടയിൽ എന്താണെന്ന് പറഞ്ഞിരുന്നില്ല

 

ആ…. ഞാൻ പറഞ്ഞു

 

സെറ്റ് ആയോ ? വിപിൻ ചോദിച്ചു

 

ഏകദേശം…. ഞാൻ ചെറിയ ചിരിയോടെ പറഞ്ഞു

 

മൈരേ എന്നിട്ട് ഒരു വാക്ക് പറഞ്ഞില്ല….