അതും പറഞ്ഞു മീര എഴുനേറ്റു നടന്നു. കുറച്ചു കഴിഞ്ഞു മീര തന്നെ മായയുടെ അടുത്തേക്ക് പോയി. എന്നിട്ട് ചോദിച്ചു.
“എടി എന്താടി നിന്റെ ബാഗിൽ ഒരു കവർ.”
“ഓഹ്! അത് അയാൾ തന്നതാ. അപ്പോയിൻമെന്റ് ലെറ്റർ. എന്നാ പറഞ്ഞെ.?”
“!എന്നാൽ ഞാൻ ഇത് തുറന്ന് നോക്കട്ടെ? ”
തുറന്ന് നോക്കി
“എടി ഇതിൽ പണം ആണല്ലോ കാണുന്നേ. അതും പതിനായിരം ഉണ്ടാലോ. കൂടെ ഒരു കത്തും. എന്താണെന്ന് ഞാൻ വായിച്ചു നോക്കട്ടെ”.
കത്തിൽ.
“മോളെ …. അവിവേകം ഒന്നും കാണിക്കരുത്. നിങ്ങളുടെ പ്രശ്നങ്ങൾ എന്താണെന്ന് എനിക്ക് അറിയില്ല. എങ്കിലും എന്താവശ്യത്തിനും ഈ നമ്പറിൽ വിളിക്കാം. പിന്നെ ഞാൻ പറഞ്ഞ കാര്യത്തിന് സമ്മതമാണെങ്കിലും . എനിക്ക് മോളെ ഇഷ്ടമായി. മോൾ എന്നും എന്റെ കൂടെ ഉണ്ടാകണമെന്നാണ് എന്റെ ആഗ്രഹം.”
“എടി ഇതിന ണോ നീ ഇത്രനേരം കിടന്നു ചാടിയത്. ഇയാൾ നല്ല ആളായി ആണ് എനിക്ക് തോന്നുന്നത് ”
“എന്നാലും ചേച്ചി ഞാൻ എങ്ങനെ!!!!…. അച്ഛന്റെ പ്രായം ഉള്ള ആളുമായി.?”
“അത്രയും പ്രായമുണ്ടോ?”
“കാഴ്ചയിൽ തോന്നില്ല എന്നാലും ഉണ്ടാകില്ലേ?”
എന്നാലും എത്ര തോന്നും?
“ഒരു മുപ്പതോ… മുപ്പത്തിയഞ്ചോ?”
” ഓ അതാണോ ഇത്ര വലിയ പ്രായം”?
“പിന്നെ! അല്ലേ?”
“പോട്ടെ കാണാൻ എങ്ങനയാ സുന്ദരൻ ആണോ? ”
“ഞാൻ അതൊന്നും നോക്കിയില്ല .” ലേശം നാണത്തോടെ മായ പറഞ്ഞു.
“അതിന് എന്റെ മോൾ എന്തിനാ നാണിക്കുന്നേ.?”
“എന്നാലും എനിക്ക് വയ്യ ചേച്ചി”
“എന്നാൽ നേരത്തെ ഞാൻ പറഞ്ഞതുപോലെ ചെയ്യാം എന്താ. നാളെ കഴിഞ്ഞാൽ അവന്മാർ കൂട്ടത്തോടെ ഇങ്ങു വരും എന്നിട്ട് അമ്മയേയും നമ്മൾ രണ്ടുപേരെയും കൂട്ടത്തോടെ തുണി പറിചെറിഞ്ഞു തന്ത ആരാണെന്ന് അറിയാത്ത കൊചുങ്ങളെ ഉണ്ടാക്കിത്തരും . എന്നിട്ട് ആ കൊച്ചുങ്ങളെ എടുത്ത് പിച്ച തെണ്ടി ജീവിക്കാം. എന്താ മതിയോ. അല്ലേൽ വേണ്ട വിഷം മേടിക്കാൻ ഉള്ള പണം ഇതിൽ ഉണ്ടല്ലോ . വല്ല വിഷവും മേടിച്ചു എന്റെ മോളടക്കം നമുക്ക് എല്ലാവർക്കും കഴിച്ചു മരിക്കാം.”
“ചേച്ചി!!!…. ചേച്ചി എന്തൊക്കെയാ ഈ പറയുന്നേ.”
“പിന്നെ നമ്മൾ എന്ത് ചെയ്യും മോളെ !!. നീ പറ. അവൻ മാരുടെ മുന്നിൽ തൂണി അഴിക്കാൻ എനിക്ക് വയ്യ. നാളെ കഴിഞ്ഞാൽ ഇവിടെ നിന്ന് ഇറങ്ങി കൊടുത്തു നമ്മൾ എവിടെ പോകും.?”
“എനിക്ക് അറിയില്ല ചേച്ചി.”
രണ്ടു പേരും കെട്ടിപിടിച്ചു കരഞ്ഞു.
“ഞാൻ വേറെ ഒരു കാര്യം പറയാം. അയാൾക്ക് സമ്മതമാണെങ്കിൽ അയാളുടെ മുന്നിൽ ഞാനെന്റെ തുണിയൊഴിക്കാം. മോള് ചോദിച്ചുനോക്കൂ. ചേച്ചിക്ക് ഇപ്പോൾ അതേ പറയാനുള്ളൂ … അതിനു മാത്രമേ കഴിയൂ. തൽക്കാലം ഇതൊന്നും അമ്മ അറിയേണ്ട .”
“വേണ്ട ചേച്ചി. ഞാൻ പോകാം . തൽക്കാലം നമ്മളെ ഇവിടെ നിന്നും മാറ്റി ചേച്ചിക്കും അമ്മയ്ക്കും മോൾക്കും താമസിക്കാനും കഴിയാനുമുള്ള കാര്യങ്ങൾ ചെയ്തു തരാൻ പറയാം. എന്നിട്ട് ഞാൻ തന്നെ അയാൾക്ക് വേണ്ടതൊക്കെ ചെയ്തുകൊടുക്കാം. ഇതിൽ ഇനിയൊരു ചർച്ചയില്ല വേണ്ടതെന്താണെന്ന് ഞാൻ തീരുമാനിച്ചിട്ടുണ്ട്. ഞാൻ ഇപ്പോൾ വരാം.”
“മായ ബാഗും എടുത്ത് ഇറങ്ങി നടന്നു. പിന്നെ കുറെ സമയം കഴിഞ്ഞാണ് മായ തിരിച്ചുവന്നത്. കയ്യിൽ ഒരു കവറിൽ കുറെ വീട്ടുസാധനങ്ങളും ഉണ്ടായിരുന്നു. അരിയും പച്ചക്കറിയും മറ്റു സാധനങ്ങളും.”
“നീ ഇത് എവിടെ പോയതാ ഇത് മേടിക്കാൻ പോയതാണോ?”
“അതെ. അമ്മ എവിടെ പോയതാ.?”
“അമ്മ നേരത്തെ മോളെയും എടുത്ത് പുറത്തേക്ക് പോയതാ….. അമ്മ വന്നല്ലോ.”
” അമ്മ എവിടെ പോയതാ? അവന്മാരുടെ കാലു പിടിക്കാൻ പോയതോ? അതോ ഈ വീടിന്റെ മുതലാളിയുടെ കാലു പിടിക്കാനോ? ” മായയാണ് ചോദിച്ചത്.
“പിന്നെ!!! ഞാനെന്തു ചെയ്യും മോളെ എന്റെ മക്കളുടെ മാനവും ജീവനും നോക്കാൻ ആരുടെ കാലു പിടിക്കാനും ഈ അമ്മ തയ്യാറാ”
“എന്നാ ഇനി ആരുടെ കാലും പിടിക്കേണ്ട എനിക്കൊരു ജോലി കിട്ടിയിട്ടുണ്ട് നാളെ നമ്മൾ ഇവിടെ നിന്നും മാറും . അമ്മ ഇതെല്ലാം എടുത്തുകൊണ്ടുപോയി ഉച്ചയ്ക്കും രാത്രിയും ഉള്ളത് ഉണ്ടാക്ക്. ”
“എവിടെ പോകാനാ മോളെ?… ആരാ ജോലി തന്നത്?..”