TMT യുടെ ആശാനായ പ്രിയപ്പെട്ട എഴുത്തുകാരൻ മുനിവര്യന്,
TMT ഇല്ലെങ്കിലും ഈ ചെറുകഥ സമർപ്പിക്കുന്നു – രാജാ
”’അയ്യോ … സോറി കേട്ടോ മോനെ …”” ബസ് ഹമ്പിൽ ചാടിയപ്പോഴാണ് ദേവൻ താനൊരാളുടെ ചുമലിലേക്ക് തല ചായ്ച്ചു കിടക്കുകയായിരുന്നെന്ന് അറിഞ്ഞത് .
“”ഹേയ് ..സാരമില്ല ചേട്ടാ . ഞാനുമൊന്ന് മയങ്ങിപ്പോയി . “”
“‘മോനെങ്ങോട്ടാ ?”” ദേവൻ നേരെയിരുന്നു .
“” പാലക്കാട് “”
“‘ആഹാ ..പാലക്കാടെവിടെയാ ?”‘
“‘ എന്റെ വീട് എറണാകുളത്താ . ഒരു ഫ്രണ്ടിന്റെ സിസ്റ്ററിന്റെ കല്യാണത്തിന് പോകുന്നതാ പാലക്കാട് . പട്ടാമ്പി “”
“‘ പട്ടാമ്പിയിലാ എന്റേം വീട് . മോളെ കെട്ടിച്ചിരിക്കുന്നത് എറണാകുളത്താ . അവിടെ പോയിട്ട് വരുവാ “‘
“” ആഹാ ..ചേട്ടന്റെ പേരെന്താ ?”
“”ദേവൻ ..ദേവദത്തൻ . മോന്റെയോ “”
“‘ റൊണാൾട്ട് എബിസൺ “‘
“‘ റൊണാൾട്ട് എബിസൺ .. നല്ല എടുപ്പുള്ള പേരാ ..പക്ഷെ വിളിക്കാൻ പാടാ . ദേവദത്തനെന്നു ഞാൻ പറയാറില്ല . ദേവൻ അത് മതി .”‘
“‘ഹഹ .. ചേട്ടനെന്നെ റോണീന്ന് വിളിച്ചാൽ മതി . ”’
“‘ആ അത് മതി …എറണാകുളത്തെവിടെയാ വീട് ?”’
”ഇടപ്പള്ളി””
“‘ഇടപ്പള്ളിയോ .. മോൾടെ വീടും അവിടെയാ . കാക്കനാട്ടാ അവൾക്ക് ജോലി .അവള് ജോലിക്ക് പോയാപ്പിന്നെ ഞാൻ തന്നെ ഫ്ലാറ്റില് . മരുമോന് സിംഗപ്പൂര് ഒരു ട്രെയിനിംഗ് ഉണ്ടാരുന്നു . അവനങ്ങോട്ട് പോയപ്പോ ഞാൻ മോൾക്ക് കൂട്ട് പോയതാ . മരുമോന്റെയമ്മ വന്നപ്പോ ഞാനിങ്ങ് പൊന്നു .ഒരു നേരമ്പോക്കുമില്ലന്നെ . ആകെയുള്ള നേരമ്പോക്ക് ലുലുമാളിൽ കറക്കമാ . ഹഹഹ “”
“” ഹ്മ്മ് ..”” റോണി വെറുതെ മൂളി . ബസ് തൃശൂർ സ്റ്റാൻഡിലേക്ക് കയറിയപ്പോൾ ദേവൻ എണീറ്റു
“‘ റോണി എങ്ങോട്ടാ ടിക്കറ്റെടുത്തെ ? വണ്ടി പാലക്കാടിനുള്ളത് ആണേലും ഞാനിവിടം വരെയേ എടുത്തുള്ളൂ . ഒന്നിറങ്ങി മൂത്രമൊഴിച്ചിട്ടൊക്കെ പോകാല്ലോ .”
“‘ഞാൻ പാലക്കാടിനെടുത്തു ..”” റോണി ദേവന് ഇറങ്ങാൻ ഒതുങ്ങിക്കൊടുത്തിട്ട് സൈഡ് സീറ്റിലേക്കിരുന്നു.
“‘ ബസിനൽപം പണിയുണ്ട് കേട്ടോ ..വേറെ ബസ് വരും .”” കണ്ടക്ടർ പറഞ്ഞതോടെ ബസിൽ വാക്ക് തർക്കമായി
“‘ റോണിയേയ് ..ഇത് നടപടിയൊന്നുമില്ല . ഇതിവൻമാരുടെ സ്ഥിരം പരിപാടിയാ .നീ വാ വല്ലോം കഴിച്ചിട്ട് ട്രെയിൻ ഉണ്ടോന്ന് നോക്കാം “‘ ദേവൻ പുറത്തിറങ്ങി റോണിയുടെ അടുത്ത് വന്നു പറഞ്ഞപ്പോൾ തന്റെ ബാക്ക് പാക്കുമെടുത്തവനും ഇറങ്ങി .
“‘ട്രെയിൻ നോക്കാത്തതാ .ബസിലാവുമ്പോ കാഴ്ചയൊക്കെ കണ്ടങ്ങിരിക്കാം .എനിക്ക് സൈഡ് സീറ്റ് നിർബന്ധമാ . ട്രയിനിലത് കിട്ടിയില്ലേൽ ബോറാകും . ..ഓട്ടോ …”‘ ദേവൻ റോണിയോട് പറഞ്ഞിട്ട് ഒരോട്ടോക്ക് കൈ നീട്ടി
“‘ എങ്ങോട്ടാ ചേട്ടാ ?” ഓട്ടോക്കാരനും റോണിയും ഒന്നിച്ചാണ് ചോദിച്ചത് .
“‘ഏതേലും ബാറിലേക്ക് വിട് “””‘ പറഞ്ഞിട്ട് ദേവൻ റാണിയെ നോക്കി കണ്ണിറുക്കി .
“” റോണി കഴിക്കില്ലേ ? …മരുമോന്റെ കുപ്പി കാണും മോൾടെ വീട്ടിൽ . രണ്ടെണ്ണം റേഷൻ പോലെ കിട്ടും . എനിക്കാണേൽ ഒരു നാലെണ്ണം കീറിയാലേ ഒരു ..ഒരു സുഖമുള്ളൂ ..അതും റമ്മ് . ഈ കൂടിയ സാധനമൊന്നും നമുക്ക് പറ്റില്ലടാ “”
ബാറിലെ കൗണ്ടറിലേക്ക് നടന്നു കൊണ്ട് ദേവൻ പറഞ്ഞു .
“‘ അരലിറ്റർ ജവാൻ . രണ്ട് ലാർജ് ബക്കാർഡിയും . റോണി കഴിക്കൂല്ലോ അല്ലെ ?”’
“‘കഴിക്കും പക്ഷെ …”‘റോണി ഒന്ന് മടിച്ചു .
“‘പിന്നെയെന്നാ …ഒരു കുഴപ്പോമില്ല …”‘
“‘ചേട്ടാ … ജവാനില്ല ..ജവാൻ താഴെ ലോക്കൽ കൗണ്ടറിലാ “‘
“‘ശ്ശൊ ..അവിടെ ബക്കാർഡി കിട്ടുമോ “”‘
“‘ഇല്ല …അതിവിടെയെ ഉള്ളൂ ..’””
“”എന്നാ വേറേതേലും റമ്മുണ്ടോ “‘
“‘ ഓൾഡ് മങ്കുണ്ട് “”‘
“‘നമ്മുടെ ഓയെമ്മാറോ ..എട് …എട് ..ഒരു ഫുള്ള് എടുത്തോ ആഹാ … “” ദേവൻ കൈ കൂട്ടിത്തിരുമ്മി .
“”’ ഇച്ചിരി അച്ചാറ് , “”
“” മിക്സ്ചർ , കാഷ്യൂ …””‘ വെയിറ്റർ അവരെ നോക്കി
“‘ കാഷ്യൂ ഇവന് കൊടുക്ക് …റോണി ആദ്യത്തെ കീറ് . ബാക്കി നമുക്ക് അങ്ങോട്ടിരിക്കാം . വല്ലോം കഴിക്കാൻ പറയാം “‘ ദേവൻ ഗ്ലാസിൽ പാതിയോളം റം നിറച്ചു തണുത്ത വെളളം ഒഴിച്ച് ഒറ്റ വലിക്കിറക്കി ചുണ്ട് തുടച്ചു . റോണി ബക്കാർഡി സിപ്പ് ചെയ്തു .