ഒരു കൗതുകത്തിന് ഞാൻ അത് എടുത്ത് നോക്കിയപ്പോൾ അതിനടിയിൽ ഒരു പുരുഷന്റേതെന്ന് തോന്നിക്കുന്ന ബോക്സർ കണ്ടു. ഞാൻ അത് എടുത്ത് നോക്കാൻ നിന്നതും ബാത്രൂം വാതിലിൽ മുട്ട് കേട്ടു..
ഞാൻ അത് അവിടെ ഇട്ട് ഫ്ലഷ് ഓണാക്കി ഡോർ തുറന്നു.
പുറത്ത് ചേച്ചി എന്നെ തറപ്പിച്ച് നോക്കി നില്കുന്നുണ്ടായിരുന്നു. പെട്ടെന്ന് എന്നെ തള്ളിമാറ്റി ഉള്ളിൽ കയറി ചുരിദാറും കൂടെയുള്ള മറ്റു ഡ്രെസ്സെല്ലാം കൂടി വാരിയെടുത്ത് പുറത്തിറങ്ങി.
“പെണ്ണുങ്ങളെ ഡ്രസ്സ് പോലും വെറുതെ വിടാത്തവനാ നീ… കഴിഞ്ഞെങ്കിൽ പൊക്കൂടെ…”
അതും പറഞ്ഞു ആ ഡ്രെസ്സെല്ലാം എടുത്തു കട്ടിലിനടിയിലേക്ക് ഇട്ടു കൊണ്ട് പറഞ്ഞു..
ഞാൻ പിന്നെ അവിടെ നിന്നില്ല.. പതിയെ ഹാളിലേക്ക് നടന്നു. ആ നടത്തത്തിൽ എന്തൊക്കെ സംഭവിച്ചാലും വേണ്ടില്ല ഇവൾക്കിട്ട് നല്ലൊരു പണി കൊടുക്കണമെന്ന് ഞാൻ തീരുമാനിചുറപ്പിച്ച് മുറിക്ക് പുറത്തിറങ്ങി..
ഉച്ചയായപ്പോൾ ഒരു ഡെലിവറി ബോയ് ഫുഡ് കൊണ്ട് വന്ന് തന്ന് പോയി.
ഞാൻ നോക്കുമ്പോൾ രണ്ട് പ്ലാസ്റ്റിക് ട്രെയിലായി രണ്ട് ബിരിയാണി ആയിരുന്നു. ഞാൻ അതിൽ നിന്ന് ഒന്ന് എടുത്ത് എന്റെ കട്ടിലിൽ കൊണ്ട് പോയി കഴിച്ചു…
ബിരിയാണി നന്നായിരുന്നെങ്കിലും ക്വാണ്ടിറ്റി ഉറവായിരുന്നു. കഴിച്ചു കൈ കഴുകാൻ പോകാൻ നേരം പെട്ടെന്നെനിക് ഒരാശയം തോന്നി.. ഞാൻ വേഗം പോയി കവറിലുണ്ടായിരുന്ന ചേച്ചിക് കഴിക്കാൻ വെച്ച ബിരിയാണി എടുത്ത് അതും കട്ടിലിൽ ഇരുന്ന് കഴിച്ച് ആ വേസ്റ്റെല്ലാം എടുത്തു അടുക്കളയിലെ വേസ്റ്റ് കൊട്ടയിൽ കൊണ്ടിട്ടു. ശേഷം കൈ കഴുകി ബെഡിൽ വന്നു കിടന്നു..
അല്പ സമയത്തിന് ശേഷം ചേച്ചി മുറി തുറന്നു പുറത്തിറങ്ങി. എന്നെ നോക്കാതെ അവിടമാകെ കിടന്ന് തിരിയാൻ തുടങ്ങി. ഞാൻ ഒന്നും ചോദിക്കാൻ പോയില്ല. കുറെ നേരം കറങ്ങി അടുക്കളയിൽ ചെന്നു അവിടെ മൊത്തം പരതാൻ തുടങ്ങി.
അവസാനം വേസ്റ്റ് കോട്ടയിലേക്ക് നോക്കി പല്ലിറുമ്മികൊണ്ട് വേസ്റ്റ് കൊട്ട കാൽ കൊണ്ട് ഒറ്റത്തട്ട് കൊടുത്തു. എന്നിട്ട് കലിതുള്ളി എന്റെ നേരെ ചീറി വന്നു.
” എവിടെടാ എന്റെ ഫുഡ്…? ”
ഞാൻ അവളുടെ മുഖത്തേക്ക് നോക്കാതെ ബെഡിൽ കിടന്നു മൊബൈലിലേക്ക് നോക്കികൊണ്ട് മുഖത്ത് ഒരു പുച്ഛം വരുത്തി പറഞ്ഞു.
” ഓഹ്.. അത് എനിക്ക് വിശന്നപ്പോൾ ഞാൻ എടുത്ത് കഴിച്ചു. ”
” ” എടാ.. നായെ.. നിന്നെ ഞാൻ കാണിച്ച് തരാടാ”
എന്ന് പറഞ്ഞ് എന്റെ കോളറിൽ പിടിച്ച് കട്ടിലിൽ നിന്ന് വലിച്ചെഴുന്നേൽപിച്ചു. എഴുന്നേറ്റ് നിന്ന എന്റെ മുഖത്തേയ്ക്ക് ആഞ്ഞടിക്കാൻ കൈ കൊണ്ട് വന്നതും ഞാൻ പെട്ടെന്ന് ഒഴിഞ്ഞു മാറി അവളെ പിടിച്ചു എന്റെ കട്ടിലിലേക്ക് മറിച്ചിട്ടു.
കമിഴ്ന്നടിച്ചാണ് അവൾ കട്ടിലിൽ വീണത്. അവൾ കട്ടിലിൽ വീണ ഉടനെ ഞാൻ അവളുടെ പുറത്ത് ചാടി കയറി ഇരുന്ന് അവളുടെ കൈകൾ രണ്ടും പിറകിലേക്ക് ലോക്ക് ചെയ്ത് പിടിച്ചു. അവളവിടെ കിടന്ന് പിടയ്ക്കാൻ തുടങ്ങി.
” കിടന്നു പിടയ്ക്കാതെടി… നീ ആരെണെന്നാ നിന്റെ വിചാരം… ഇനിയുമെന്റെ ക്ഷമയെ നീ പരീ പരീക്ഷിച്ചാലുണ്ടല്ലോ കൊന്ന് കുഴിച്ച് മൂടും ഞാൻ… ”
അതും പറഞ്ഞു ഞാൻ അവളുടെ ദേഹത്ത് നിന്ന് മാറി. അവൾ കട്ടിലിൽ നിന്ന് എഴുന്നേറ്റ് ചുവന്നു കലങ്ങിയ കണ്ണുകളോടെ എന്നെ തറപ്പിച്ച് നോക്കി..
” നിനക്ക് ഞാൻ ആരാണെന്ന് കാണിച്ചു തരാമെടാ… ”
“പോടി….”
സലീം കുമാറിനെ പോലെ അതും പറഞ്ഞു ഞാൻ വീണ്ടും കട്ടിലിൽ കിടന്നു. അവൾ ചവിട്ടി കുലുക്കി അവളുടെ റൂമിലേക്ക് പോയി റൂമിന്റെ വാതിൽ ശക്തിയായി അടച്ചു.
അവൾ പോയ ശേഷം മൊബൈലിൽ ഒരു പഴയ മൂവി പ്ലേ ചെയ്ത് ഞാൻ അത് അവിടെ കിടന്നു കണ്ടു.
വൈകുന്നേരമായപ്പോൾ അശ്വിൻ റൂമിലേക്ക് വന്നു. എനിക്ക് ഒരു ഹായ് തന്ന് അവളുടെ റൂമിന്റെ വാതിൽ പോയി മുട്ടി. തുറക്കുന്നില്ല എന്ന് കണ്ടപ്പോൾ അവളുടെ ഫോണിലേക്ക് അവൻ കാൾ ചെയ്തു. അല്പ സമയം കഴിഞ്ഞു അവൾ വാതിൽ തുറന്നു. അവൻ അകത്തു കയറിയപ്പോൾ അവൾ വാതിൽ ചേർത്തടച്ചു.
കുറച്ച് കഴിഞ്ഞപ്പോൾ അവളുടെ ബെഡ്റൂം തുറന്നു അശ്വിൻ പുറത്ത് വന്നു. ചേച്ചി ഒരു ബ്ലാക്ക് കളർ ജീൻസും വൈറ്റ് കളർ ഷർട്ട് ഇൻ ചെയ്ത് അത്യാവശ്യം മേക്കപ്പൊക്കെ ചെയ്ത് അല്പ സമയം കഴിഞ്ഞു പുറത്ത് വന്നു.