ചെറുതായി അവളിൽ നിരാശ പടർന്നെങ്കിലും വൈകുന്നേരം പറയാം എന്ന് കരുതി അവൾ തലയാട്ടി സമ്മതിച്ചു…
“നോക്കി പോവാണേ ഇച്ചായാ അധികം സ്പീഡിൽ ഒന്നും പോവേണ്ട കേട്ടോ ” അവന്റെ കട്ടി മീശ പിരിച്ച് കൊണ്ട് സ്നേഹം കലർന്ന ശാസനയോടെ അവൾ പറഞ്ഞു..
“ആടി കൊച്ചേ… ” അവളുടെ ഉണ്ടകവിളിൽ ഒന്ന് കടിച്ച് കൊണ്ട് നെറ്റിയിൽ മൃദുവായി ചുംബിച്ച് കൊണ്ട് അവൻ യാത്രയായി… കണ്ണിൽ നിന്നും മറയുവോളം വീട്ട്പടിക്കൽ നിന്നും അവൾ അവനെ നോക്കി കൊണ്ടിരുന്നു… അവൻ പോയതും വാതിൽ ഒന്ന് ചാരി വെച്ച് അവൾ റൂമിലേക്ക് ചെന്ന് ഓരോ പണികളിൽ ഏർപ്പെട്ടു…
ഉച്ച ഭക്ഷണം കഴിച്ചിട്ടും സുധേച്ചിയെ കാണാതെ വന്നപ്പോൾ അവൾ അവർക്ക് ഒന്ന് വിളിച്ച് നോക്കി…
“ചേച്ചി ഇച്ചായൻ വിളിച്ചില്ലായിരുന്നോ?? ”
“ആ കുഞ്ഞേ വിളിച്ചിരുന്നു… മോന്ക്ക് തീരെ വയ്യാ ഞാനിപ്പോ ഹോസ്പിറ്റലിൽ ആണ് അത് പറയുമ്പോഴേക്കും റോവിൻ മോന് ഫോൺ വെച്ചു.. പിന്നെ വിളിക്കാൻ ആണെങ്കിൽ എന്റെ ഫോണിൽ ബാലൻസും ഇല്ലായിരുന്നു.. ”
“ആണോ സാരല്ല ചേച്ചി… ഇപ്പൊ എങ്ങനെ ഉണ്ട് മോന്.. ”
“അറിയില്ല… ഞങ്ങൾ ഇവിടെ ഡോക്ടറെ വെയിറ്റ് ചെയ്ത് ഇരിക്കുകയാ ”
“എന്തെങ്കിലും ആവശ്യം ഉണ്ടെങ്കിൽ അറിയിക്കണേ.. ഞാൻ വെക്കുവാ ചേച്ചി” ഫോൺ കട്ട് ചെയ്തതും അവൾ റോവിന് ഡയൽ ചെയ്തു റിങ് പോവുന്നുണ്ട് എന്നല്ലാതെ കാൾ എടുക്കുന്നില്ലായിരുന്നു… മീറ്റിങ്ങിൽ ആവുമെന്ന് കരുതി അവൾ ഫോൺ അവിടെ വെച്ച് ടെറസിൽ ഇട്ട തുണികൾ ചിക്കി ഇടാൻ ചെന്നു…
________________________________❤️
വൈകുന്നേര സമയം റൂമിൽ കയറി ഫോണിൽ നോക്കുമ്പോൾ ആണ് പിറകിൽ നിന്നും കഴുത്തിലേക്ക് ഒരു ചുടു നിശ്വാസം ഏറ്റത്… ഞെട്ടി കൊണ്ടവൾ വെട്ടി തിരിഞ്ഞ് നോക്കുമ്പോൾ പിറകിൽ നിൽക്കുന്ന ആളെ കണ്ടവൾക്ക് ശ്വാസം നില്ക്കുന്നത് പോലെ തോന്നി… ഒരടി പിറകിലേക്ക് വേച്ച് കൊണ്ടവൾ തിരിഞ്ഞ് ഓടാൻ തുനിഞ്ഞതും ബലിഷ്ഠമായ ആ കൈകൾ അവളുടെ കയ്യിൽ പിടിച്ച് ബെഡിൽ കിടത്തിയിരുന്നു…/p>
അവളുടെ കഴുത്തിൽ മുഖം അമർത്തി കൊണ്ടയാൾ കിടന്നതും ശ്വാസം മുട്ടുന്നത് പോലെ തോന്നി അവൾക്ക്… കണ്ണിൽ നിന്നും വെള്ളം ഒഴുകി കൊണ്ടിരുന്നു… അപ്പോഴാണ് സൈലന്റിൽ കിടക്കുന്ന ഫോണിൽ നിന്നും വെളിച്ചം വരുന്നത് അവൾ കണ്ടത് അവളുടെ ഗന്ധത്തിൽ ലയിച്ചിരിക്കുന്ന അയാൾ അത് ശ്രദ്ധിച്ചില്ലെങ്കിലും അവൾ വിദഗ്ധമായി ഫോൺ അറ്റന്റ് ചെയ്ത് അനങ്ങാതെ കിടന്നു… ഒരു നിമിഷത്തെ എടുത്ത് ചാട്ടം ജീവനെ തന്നെ ബാധിക്കുമെന്ന് അവൾക്ക് അറിയാമായിരുന്നു…
“കസ്തൂരിയുടെ മണം ആണല്ലോടി പെണ്ണേ നിനക്ക്… ഓരോ നിമിഷം കൂടും തോറും നിന്നെ ആസ്വദിക്കാൻ എനിക്ക് ദൃതി കൂടുവാ ” അയാൾ പറഞ്ഞതും അറപ്പോടെ അവൾ മുഖം തിരിച്ചു…
“ഛി…. എന്ത് ചെറ്റ ആണെടോ താൻ… *കൊച്ചച്ച* എന്നും വിളിച്ച് സ്നേഹത്തിൽ മാത്രം പെരുമാറിയിരുന്ന ന്റെ ഇച്ചായനെ നിങ്ങൾ പറ്റിച്ചില്ലേ… ഓരോരുത്തരെ ആയി പിരിച്ചില്ലേ താൻ ന്റെ ഇച്ചായനിൽ നിന്നും.. ” ചീറി കൊണ്ടവൾ അയാളുടെ കൈകൾ ബലമായി വിടുവിച്ച് കൊണ്ട് കാർക്കിച്ച് തുപ്പി… മുഖത്ത് പറ്റിയ തുപ്പൽ ഒരു കൈകൊണ്ട് തുടച്ച് ഒരു തരം വൃത്തികെട്ട ചിരിയോടെ അയാൾ അവൾക്ക് മുന്നിൽ വന്നിരുന്നു… എന്തും ചെയ്യാൻ മടിക്കാത്ത അയാളുടെ മുന്നിൽ ഗായത്രി നന്നേ ഭയന്നിരുന്നു… ജീവിച്ച് കൊതി തീർന്നില്ല അവൾക്ക് അവളുടെ അസുരനും ഒത്ത്!!! തനിക്കും ഇനി സ്നേഹയുടെയും ആനിയുടെയും വിധി ആവുമോ എന്നവൾ ഒരു നിമിഷം ഭയന്നു…
ജീവൻ വെടിഞ്ഞാലും സത്യങ്ങൾ എല്ലാം റോവിനെ അറിയിക്കണം എന്ന് ഉറപ്പിച്ച് കൊണ്ടവൾ ഫോണിലേക്ക് ഒന്ന് നോക്കി… കാൾ കട്ട് ചെയ്തിട്ടില്ല എല്ലാം ഇച്ചായൻ കേൾക്കുന്നുണ്ട്!!! ആ ഒരു ആശ്വാസത്തിൽ സത്യങ്ങൾ എല്ലാം വർഗീസിന്റെ പുഴുത്ത നാവിൽ നിന്നും തന്നെ അസുരൻ കേൾക്കണം എന്ന് ഉറപ്പിച്ച് കൊണ്ടവൾ അയാൾക്ക് നേരെ തിരിഞ്ഞു….
“ഓഹോ അപ്പൊ നിനക്ക് എല്ലാം അറിയാം അല്ലേ!! അതേടി ഞാൻ തന്നെയാ ആ സ്നേഹയെ കൊന്നത്… അവന്റെ അമ്മച്ചി ഒന്ന് തലകറങ്ങി വീണപ്പോൾ രക്ഷിച്ചതാ അവൾ ആ ഒരു നന്ദി കൊണ്ട് തള്ളയും മകനും കൂടെ ആ അനാഥ പെണ്ണിനെ ഇങ്ങോട്ട് കൊണ്ട് വന്ന് റാണിയെ പോലെ വാഴിച്ചു…നിനക്ക് അറിയോ എണ്ണക്കറുപ്പ് ആണെങ്കിലും വെണ്ണയിൽ കൊത്തി എടുത്ത ശിൽപം പോലെ ആയിരുന്നു അവൾ… ഞാൻ ഒന്ന് നന്നായി പെരുമാറി… കുറേ എതിർത്തു അവൾ അടുത്ത് കണ്ട ഫ്ലവർ വാസ് എടുത്ത് തലയിൽ ഒന്ന് കൊടുത്തു അതോടെ ബോധം പോയി.. പിന്നെ എല്ലാം എളുപ്പം ആയിരുന്നു../p>
എന്റെ വികാരം താങ്ങാൻ കഴിയാഞ്ഞിട്ട് ആണെന്ന് തോന്നുന്നു ആ പെണ്ണ് അങ്ങ് പോയി… എല്ലാം കഴിഞ്ഞ് തിരിഞ്ഞ് നോക്കുമ്പോൾ എല്ലാം കണ്ട് കൊണ്ട് ശില കണക്കെ അവന്റെ തള്ളയും…ഹാർട്ട്‌ പേഷ്യന്റ് ആയ അവളെ തീർക്കാൻ എനിക്ക് ബുദ്ധിമുട്ട് ഒന്നും ഇല്ലായിരുന്നു… ” വന്യമായ ചിരിയോടെ അയാൾ പറഞ്ഞ് നിർത്തിയതും കാലിൽ മുഖം ചേർത്ത് ആ പെണ്ണ് ഇരിക്കുക ആയിരുന്നു… ഭയം കൊണ്ട് ഉള്ളാകെ ഞെട്ടി വിറച്ചു… പെട്ടന്ന് തന്റെ രക്ഷകൻ എത്തിയാൽ മതിയായിരുന്നു എന്നവൾ അതിയായി ആഗ്രഹിച്ചു…
“പിന്നെ ആനി… എനിക്ക് പെണ്ണിനെ കണ്ടാൽ ബന്ധങ്ങൾക്ക് ഒന്നും ഒരു വിലയും ഇല്ല… വീട്ടിൽ തന്നെ ആർമാദിക്കാൻ ഒരു യന്ത്രം അതായിരുന്നു അവൾ എനിക്ക്… പേടി കൊണ്ടും കുടുംബം തകരരുത് എന്ന് കരുതി അവൾ എല്ലാം മറച്ച് വെച്ചു… അവസാനം സ്വന്തം അച്ഛന്റെ കുഞ്ഞ് തന്നെ അവളുടെ വയറ്റിൽ ഉണ്ടെന്ന് അറിഞ്ഞപ്പോൾ അവൾ അങ്ങ് കർത്താവിന്റെ അടുത്തേക്ക് പോയി… പാവം ന്റെ കൊച്ച് എല്ലാവരെയും ഒത്തിരി ഇഷ്ട്ടായിരുന്നു… ” സങ്കടം അഭിനയിച്ച് കൊണ്ട് അയാൾ പറഞ്ഞു.. ശേഷം ഒരു വഷളൻ ചിരിയോടെ ഗായത്രിയെ ലക്ഷ്യം വെച്ച് ചെന്നു…
അടുത്ത് എത്തി അവളുടെ മാറിൽ നിന്നും സാരി എടുത്ത് മാറ്റിയതും വെട്ടി വിറച്ചു പോയി അവൾ… കൈകാലുകൾ തളരുന്നത് പോലെ തോന്നി അവൾക്ക്…. പരമശിവനിൽ എല്ലാം ഭരമേൽപ്പിച്ച് കൊണ്ട് അവൾ കണ്ണുകൾ ഇറുകെ മൂടി…
“ആആആ….!!!!” ഘോരമായ ശബ്ദത്തോടെ വർഗീസ് മറിഞ്ഞ് വീണതും ചുണ്ടിൽ ഒരു പുച്ഛച്ചിരി വിരിയിച്ച് കൊണ്ടവൾ വാതിലിന് അരികിലേക്ക് നോക്കി…. കണ്ണുകൾ ചുവന്ന് ചെന്നിയിൽ നീല ഞരമ്പുകൾ പൊട്ടി പോവും എന്ന നിലക്ക് പുറത്തേക്ക് ഉന്തി അതീവ കോപത്തോടെ നിൽക്കുന്ന റോവിനെ കണ്ടതും അവൾ പരിഹാസത്തോടെ വർഗീസിനെ ഒന്ന് നോക്കി… തൊണ്ടയിൽ കുരുങ്ങിയ ഉമിനീർ ഇറക്കാൻ പാട് പെടുക ആയിരുന്നു അയാൾ!!!
