ഇനി സുധാകരേട്ടന്റെ ആത്മാവെങ്ങാനും… ….?
ഏയ്……….!
ഗിരി, ചിരിയോടെ തല കുടഞ്ഞു…
മദ്യം അകത്തു പ്രവർത്തിച്ചു തുടങ്ങിയതും ഗിരി, പഴയ മാനസികാവസ്ഥയിലേക്ക് എത്തിച്ചേർന്നു…
എല്ലാം തോന്നലാണ്……….!
തോന്നൽ മാത്രം… !
അയാളെ ആദ്യമായിട്ടല്ല സ്വപ്നം കാണുന്നത്…
മനസ്സിന്റെ ആഗ്രഹങ്ങളും വ്യാകുലതകളാണ് ഏറിയ പങ്കും സ്വപ്നമായിത്തീരുക……
ഗിരി വൈകിയാണ് ഉണർന്നത്…
ഉമ പോയിരുന്നു..,
അമ്പൂട്ടൻ സ്കൂളിൽ പോകാനുള്ള തയ്യാറെടുപ്പിലും…
പല്ലു തേച്ചു വന്നപ്പോഴേക്കും മല്ലിക ചായ എടുത്തു വെച്ചിരുന്നു…
അമ്പൂട്ടൻ യൂണിഫോം ധരിക്കുകയായിരുന്നു…
“” ഉറങ്ങാനുള്ള മരുന്നൊക്കെ കയ്യിൽ സ്റ്റോക്കാണോ..?””
മല്ലിക ചിരിയോടെ ഗിരിയെ നോക്കി……
ഗിരി, വിളറിയ ചിരി ചിരിച്ചു…
“” ഗ്ലാസ്സിനു നല്ല മണമുണ്ടായിരുന്നു… “
മല്ലിക കൂട്ടിച്ചേർത്തു..
“” എനിക്കൊന്ന് പുറത്തു പോകണം ചേച്ചീ… “
ചായ കുടി കഴിഞ്ഞതും ഗിരി പറഞ്ഞു……
“” ഗിരി ഇവിടുന്ന് എങ്ങോട്ടും പോകുന്നില്ല……””
മല്ലിക ഉറച്ച സ്വരത്തിൽ പറഞ്ഞു ….
അവനെ നിയന്ത്രിക്കാനുള്ള അവകാശം തനിക്കുണ്ട് എന്നവർ വിളിച്ചോതിയതാണോ എന്ന് ഗിരിക്ക് തോന്നി……
“ എന്താ വേണ്ടതെന്ന് പറഞ്ഞാൽ മതി, ഉമ കൊണ്ടു വന്നോളും…… “
മല്ലിക പറഞ്ഞിട്ട് അകത്തേക്ക് കയറിപ്പോയി…
ബാഗുമായി അമ്പൂട്ടൻ തിണ്ണയിലേക്ക് വന്നു…
കസേരയിലിരുന്ന ഗിരിയുടെ അടുത്തേക്ക് , അവൻ വന്ന് കുനിഞ്ഞു സൂക്ഷിച്ചു നോക്കി..
“” എന്താടാ…?””
ഗിരി, അല്പം പരുക്കനായി…
“ ഉണ്ണി മുകുന്ദന്റെ ഷേപ്പാണോന്ന് നോക്കിയതാ… “
അമ്പൂട്ടൻ നിവർന്നു…
“” ഉണ്ണി മുകുന്ദനോ……….?””
ഗിരി ആശ്ചര്യപ്പെട്ടു …
“” ആ….. ഉണ്ണി മുകുന്ദൻ എഴുന്നേറ്റില്ലേന്ന് രാവിലെ ഉമേച്ചി ചോയ്ക്കണ കേട്ടു…””
അമ്പൂട്ടൻ അത്ര താല്പര്യമില്ലാത്ത മട്ടിൽ പറഞ്ഞു…
അവൻ മുറ്റത്തേക്കിറങ്ങി കെട്ടു ചെരിപ്പ് കാലിലിട്ടു…
“” നീ പോകല്ലേ…””
ഗിരി എഴുന്നേറ്റു…
അമ്പൂട്ടൻ മുറ്റത്തു നിന്നതും ഗിരി അകത്തു കയറി പേഴ്സുമായി വന്നു…
“” അബിയുടെ അച്ഛനെന്നാ പണി………?””
അമ്പൂട്ടൻ മനസ്സിലാകാതെ ഗിരിയെ നോക്കി…
“” നീ അവനെക്കൊണ്ട് ബിസ്ക്കറ്റൊന്നും വാങ്ങിക്കണ്ട… എനിക്കു കരാട്ടെയൊന്നും അറിയില്ല… ….””
അമ്പൂട്ടൻ ചിരിച്ചു..
‘“ നീ വാങ്ങി, അവനും കൂടെ കൊടുത്തേക്ക്… “
ഗിരി നൂറു രൂപ അവനു നേരെ നീട്ടി……
അമ്പൂട്ടൻ ഒന്നു മടിച്ചു…
“” വാങ്ങടാ… ….”
മടിയോടെ തന്നെ അമ്പൂട്ടൻ പണം വാങ്ങി…
“” ചേട്ടായിക്ക് വല്ലതും വാങ്ങണോ………?””
ഒതുക്കു കല്ലിന് അടുത്തേക്ക് ചെന്ന അമ്പൂട്ടൻ തിരിഞ്ഞു ചോദിച്ചു……
“ ബാക്കി നീ സൂക്ഷിച്ചു വെച്ചാൽ മതി… “
ഗിരി പറഞ്ഞിട്ട് കസേരയിലേക്കിരുന്നു…
“” വെള്ളം ചൂടാക്കിയിട്ടുണ്ട്……””
മല്ലിക വാതിൽക്കലേക്ക് വന്നു……
“” വേദന മാറാൻ കരളു കളയണ്ട… “
അവൾ ചിരിച്ചു……
“” ഞാൻ ബാത്റൂമിലേക്ക് എടുത്തു വെച്ചേക്കാം…””
പറഞ്ഞിട്ട് മല്ലിക അടുക്കളയിലേക്ക് തിരികെ പോയി…
ഗിരി, ശരീരം സ്വയം ഒന്നു മണത്തു നോക്കി…
ശരിയാണ്…… !
വിയർപ്പു മണമുണ്ട്……
ശരീരത്തിന്റെ ദുർഗന്ധം മറ്റുള്ളവർക്കാണല്ലോ പെട്ടെന്ന് അനുഭവേദ്യമാവുക……
ഗിരി, തോർത്തുമായി പുറത്തിറങ്ങി , ബാത്റൂമിനടുത്തേക്ക് ചെന്നു…
“” എന്തെങ്കിലും ആവശ്യമുണ്ടേൽ വിളിച്ചാൽ മതി…””
മല്ലിക പുറത്തു നിൽപ്പുണ്ടായിരുന്നു…
കുളിക്കാൻ ബുദ്ധിമുട്ടായിരുന്നുവെങ്കിലും ഗിരി മല്ലികയെ സഹായത്തിനൊന്നും വിളിച്ചില്ല…
ഗിരിയ്ക്ക് മാറി ധരിക്കുവാനുള്ളതും മല്ലിക ബാത്റൂമിൽ എടുത്തിട്ടിരുന്നു…
അവൻ കുളി കഴിഞ്ഞു വന്നതും, അവന്റെ ഫോണുമായി മല്ലിക തിണ്ണയിൽ നിൽപ്പുണ്ടായിരുന്നു……
“” ആരോ രണ്ടു പ്രാവശ്യം വിളിച്ചിരുന്നു… നമ്പറാ… “
ഗിരി പെട്ടന്ന് ഫോൺ വാങ്ങി……
സുകേഷിന്റെ നമ്പർ……
നമ്പർ കണ്ടതും ഗിരിയ്ക്ക് മനസ്സിലായി.
തിരികെ കോൾ ചെയ്തിട്ട് , ഗിരി മുറ്റത്തിന്റെ വശത്തേക്ക് മാറി..
കോൾ കണക്ടായിരുന്നു…
“ പറയെടാ സുകൂ… ….: “
“” നീ എവിടാടാ… …. ഒന്ന് വിളിക്കുക പോലും ചെയ്യാതെ… “
സുകുവിന്റെ സ്വരം ഗിരി കേട്ടു….