ഇത് ഗിരിപർവ്വം 5
Ethu Giriparvvam Part 5 | Author : Kabaninath
[ Previous Part ] [ www.kambi.pw ]
ഉച്ചയൂണു കഴിഞ്ഞ്, മരുന്നു കഴിച്ച ക്ഷീണത്തിൽ ഗിരി ഒന്നു മയങ്ങി…
തലേ രാത്രി വേദന കാരണം ശരിക്കുറങ്ങിയിരുന്നില്ല… ….
അമ്പൂട്ടൻ വന്നു. അവനെ വിളിച്ചുണർത്തുകയായിരുന്നു…
ഗിരി, കണ്ണു തുറന്നപ്പോൾ അമ്പൂട്ടൻ സ്കൂൾ യൂണിഫോമിൽ തന്നെ നിൽക്കുന്നു…
“” ചേട്ടായി ഒന്നെഴുന്നേറ്റേ……..””
അമ്പൂട്ടൻ അവന്റ വലത്തേക്കയ്യിൽ ചെറുതായി പിടിച്ചു വലിച്ചു….
ഗിരി പരിഭ്രമത്തോടെ എഴുന്നേൽക്കാനാഞ്ഞു…
“” ഗിരി തിരക്കൊന്നും കൂട്ടണ്ട… അവനൊന്തോ ചോദിക്കാനാ… “
മല്ലിക വാതിൽക്കലേക്ക് വന്നു…
“” നീ ചോദിക്കെടാ… …. “
ഗിരി കട്ടിലിൽ എഴുന്നേറ്റിരുന്നു… ….
“” പൊറത്തേക്ക് വാന്ന്……..””
അമ്പൂട്ടൻ അവനെ പിടിച്ചുയർത്താൻ ശ്രമിച്ചു…
ഉടുത്തിരുന്ന മുണ്ട് , ഇരുന്നുകൊണ്ടു തന്നെ മുറുക്കിയ ശേഷം, ഗിരി എഴുന്നേറ്റു…
വാതിൽ കടന്ന് തിണ്ണയിലേക്കിറങ്ങിയതും മുറ്റത്തെ ചാമ്പമരച്ചുവട്ടിൽ സ്കൂൾ യൂണിഫോമിൽ തന്നെ ഒരു കുട്ടി നിൽക്കുന്നതു കണ്ടു…
“ അബിയേ… …. ചോദിച്ചു നോക്കടാ…””
അമ്പൂട്ടൻ മുറ്റത്തേക്ക് ഓടിയിറങ്ങി , കൂട്ടുകാരനെ തോണ്ടി വിളിച്ചു…
ഗിരിയെ കണ്ടതും ചെക്കൻ ഒന്നു പരുങ്ങി…
“” എന്തോന്നാടാ ഇത്ര ചോദിക്കാൻ……… ?””
മല്ലികയും തിണ്ണയിലേക്ക് വന്നു……
“” നീ ചോയീര്… …. “
അമ്പൂട്ടൻ തിടുക്കം കൂട്ടി…
അബി മുഖം കുനിച്ചു നിന്നു…
“” ഞാൻ പറയട്ടെ…….?”
അമ്പൂട്ടൻ അബിയോട് ചോദിച്ചു……
വേണ്ട, എന്ന അർത്ഥത്തിൽ അബി, അമ്പൂട്ടന്റെ കൈയ്യിൽ പിടിച്ചു വലിച്ചു…
“” എന്നാ നീ ചോയ്ക്ക്… …. “
അബി എന്നിട്ടും അനങ്ങിയില്ല….
“” ചോയ്ക്കെടാ… ഞാൻ പറഞ്ഞത് സത്യമാ……. “
അമ്പൂട്ടൻ വീണ്ടും നിർബന്ധിച്ചു…
“” എന്നതാ കാര്യം:…?””
ഗിരി മുറ്റത്തേക്കിറങ്ങി…
ചണച്ചാക്കിൽ കിടന്ന ജാക്കി , ഒന്ന് തലയുയർത്തിയ ശേഷം, തന്നെ ബാധിക്കുന്ന പ്രശ്‌നമല്ല, എന്നു കണ്ട് വീണ്ടും കിടന്നു…
അബി, പെട്ടെന്ന് തിരിഞ്ഞു , ചാമ്പ മരത്തിൽ ഒരു കൈ കോർത്ത് , ഒന്നു കറങ്ങി , താഴെ വഴിയിലേക്ക് നോക്കി…
“ ഇവൻ സമ്മതിക്കുന്നില്ല..ഞാൻ പറഞ്ഞു ചേട്ടായി കരാട്ടെ ആണെന്ന്…”
അമ്പൂട്ടൻ അബിയെ പിടിച്ച്, ഗിരിയുടെ മുന്നിലേക്കാക്കി പറഞ്ഞു…
“” അതാണോ കാര്യം…… ?”
ഗിരി ചിരിച്ചു കൊണ്ട് ചോദിച്ചു…
തിണ്ണയിൽ നിന്ന് മല്ലിക ചിരിച്ചു കൊണ്ട് അകത്തേക്ക് കയറിപ്പോയി..
“” ഞാൻ കരാട്ടെയും കളരിയൊന്നുമല്ലടാ അബിക്കുട്ടാ… “
ഗിരി, കയ്യെടുത്ത് അബിയുടെ നെറുകയിൽ തലോടി……
ഇപ്പോഴെങ്ങനെയിരിക്കുന്നു , എന്ന ഭാവത്തിൽ അബി അമ്പൂട്ടനെ നോക്കി…
“” അല്ലേ… ….?””
അമ്പൂട്ടന്റെ മുഖം ഒറ്റയടിക്ക് മാറിപ്പോയി…
ദീനമായി അവൻ ഗിരിയെ നോക്കി……
“” അങ്ങനെ ചോദിച്ചാൽ, രണ്ടും ഞാൻ പഠിച്ചിട്ടുണ്ട്… “
ഗിരി ഒരു കണ്ണടച്ച് അമ്പൂട്ടനോടായി പറഞ്ഞു…
“” കേട്ടോടാ … കേട്ടോ…….”
അമ്പൂട്ടൻ അബിയെ പിടിച്ചു വലിച്ചു…
“” നാളെ ഡാർക്ക് ഫാന്റസി വാങ്ങിക്കൊണ്ട് നീ വന്നാൽ മതി…… “”
അമ്പൂട്ടൻ ബെറ്റ് ജയിച്ചിരിക്കുന്നു…
ഗിരിക്ക്കാര്യം മനസ്സിലായി…
സ്കൂളിൽ വരെ സംഭവം അറിഞ്ഞെന്ന് അതിൽ നിന്ന് ഗിരിക്ക് മനസ്സിലായി…
“ അബിക്കുട്ടാ… കേറി വാടാ… “
മല്ലിക ചായയുമായി തിണ്ണയിൽ വന്നു…
ചായ കുടിക്കു ശേഷം അമ്പൂട്ടൻ, അബിയെ കൊണ്ടു വിടാൻ റോഡിലേക്ക് പോയി..
കൂടെ ജാക്കിയും …….
“ പിള്ളേരുടെ ഓരോ കാര്യം… “
മല്ലിക ചിരിച്ചു കൊണ്ട് പറഞ്ഞു…
അമ്പൂട്ടനും ഉമയും ജാക്കിയും കൂടിയാണ് തിരിച്ചെത്തിയത്……
തിണ്ണയിലിരുന്ന ഗിരിയെ ഉമ ഒന്ന് നോക്കി…
ദേഷ്യമൊന്നും അവളുടെ മുഖത്തു ഗിരി കണ്ടില്ല…
അവളൊന്നു മന്ദഹസിച്ചോ എന്ന് നേരിയ സംശയം ഗിരിക്കു തോന്നി……
അടുക്കളയിൽ നിന്ന് വീണ്ടും കലപില തുടങ്ങിയിരുന്നു……
“”ടാ….. നിനക്കു കുളിക്കണ്ടേടാ… …. “
മല്ലികയുടെ ശബ്ദം കേട്ടു…
മല്ലികയും അമ്പൂട്ടനും തുണികളും ബക്കറ്റുമായി ഇറങ്ങിയതും ചണച്ചാക്കിൽ കിടന്ന ജാക്കി എഴുന്നേറ്റു..
പുഴയിലേക്കായിരിക്കും…….
ഇപ്പോൾ സോമനെ പേടിക്കണ്ടല്ലോ…
ഗിരി മനസ്സിലോർത്തു…
കുറച്ചു കഴിഞ്ഞതും പാലൊഴിച്ച ചായയും പഴം പൊരിയും വന്നതു കണ്ട് ഗിരി മുഖമുയർത്തി…
ഉമ……….!
വസ്ത്രം മാറിയിട്ടില്ല…
അവൾ ചായ അരഭിത്തിയിൽ വെച്ചിട്ട് വാതിൽക്കലേക്ക് ഒതുങ്ങി നിന്നു…
“ ഇയാളെന്താ ഗുണ്ടയാ……….?””
പതിഞ്ഞതെങ്കിലും അവളുടെ സ്വരത്തിന് മൂർച്ചയുണ്ടായിരുന്നു…
ഗിരി, ചായക്കപ്പ് കയ്യിലെടുത്ത് അവളെ നോക്കി…
“ ചായക്കടയിലും അങ്ങാടിയിലുമൊക്കെ സംസാരം ഇയാളാണല്ലോ… ….””
പഴം പൊരിയുടെ ഗുട്ടൻസ് ഗിരിക്ക് പിടി കിട്ടി…
“” നാട്ടിലൊരു സംഭവം നടന്നാൽ കുറച്ചു ദിവസം ഇങ്ങനൊക്കെ തന്നെയല്ലേ… ?””
ഗിരി മറു ചോദ്യമെറിഞ്ഞു…..
“”എന്താ ഇയാളുടെ മനസ്സിലിരുപ്പ്……?””
ചോദ്യത്തിന് പഴയ മൂർച്ച ഇല്ലായിരുന്നു……
“”എന്നോടൊരു കാര്യം അച്ഛൻ പറഞ്ഞിട്ടുണ്ടായിരുന്നു…… അത് നടന്നാൽ നമ്മളിവിടെ നിന്ന് പോകും……….””
ഗിരി ചായ ഒരിറക്ക് കുടിച്ചു……
പാലും പഞ്ചസാരയും ആവശ്യത്തിലധികം ചായയിൽ ഉണ്ടായിരുന്നു……
“”നമ്മളോ……….?””
ഉമ അമ്പരപ്പിൽ
ചോദിച്ചത് കുറച്ചുറക്കെയായിരുന്നു……
“”ആ…… എല്ലാവരും ……….””
ഗിരി കസേരയിൽ ഒന്ന് ഇളകിയിരുന്നു..
“”ഇയാളു പറയുന്നതൊന്നും ഇവിടാരും വിശ്വസിച്ചിട്ടില്ല…… മുറിവുണങ്ങിയാൽ സ്ഥലം വിട്ടോണം……….””
അവൾ പറഞ്ഞതിന് അത്ര ബലമില്ലായിരുന്നു……
ഗിരി അവളെ ഒന്നു നോക്കി..
“”വയ്യാത്ത ഒരാളെ ഇറക്കിവിടണ്ടാന്ന് കരുതീട്ടാ…… നാട്ടുകാരു പറയുമല്ലോ……….””
ആ വാചകത്തോടെ അവൾക്ക് ഒരു മാറ്റവും സംഭവിച്ചിട്ടില്ലെന്ന് ഗിരിക്ക് മനസ്സിലായി……
ഉമ ഉമ തന്നെയാണ്…….
സഹതാപം കൊണ്ട് , പാലും പഞ്ചസാരയും കൂടുതലിട്ടു ഒരു ചായ തന്ന്, പതിയെ സംസാരിച്ചുവെന്നാൽ ഉമ മാറി എന്ന് കരുതരുത് എന്നൊരു ധ്വനി……….
നാട്ടുകാരെ പേടിച്ചിട്ടാണ്……….
അല്ലാതെ തനിക്കൊന്നുമില്ല…..
അല്ലെങ്കിലും അതൊന്നും തന്റെ ലക്ഷ്യമല്ലല്ലോ……….
“” മുറിവുണങ്ങിയാൽ ഒരാഴ്ച കൂടി ഞാനിവിടെ നിൽക്കും……””
ഗിരി പറഞ്ഞത് ഘനത്തിലായിരുന്നു……
ഉമ, അവനെ തുറിച്ചു നോക്കി..
നിശബ്ദമായ നിമിഷങ്ങൾ……….!
“” കഴിക്കുന്നില്ലേ………..?””
ഉമ പതിയെ ചോദിച്ചു..
“ ഞാൻ നേരത്തെ ചായ കുടിച്ചിരുന്നു……””
ഗിരിയും പതിയെ പറഞ്ഞു……
“” ഞാൻ മേടിച്ചതാന്ന് കരുതി , അത് തിന്നാതിരിക്കുകയൊന്നും വേണ്ട…… “
ഉമ, ഒരു നനുത്ത പുഞ്ചിരി ചേർത്ത് പറഞ്ഞു…
“” ചിലർക്ക് ശീലങ്ങളുണ്ടാകുമല്ലോ…… വൈകുന്നേരം ചായക്കടയിൽ പോക്കൊക്കെ…… അതിനു മുടക്കം വരണ്ടാന്ന് കരുതി വാങ്ങിയതാ……….””
ഉമ ചിരിച്ചു……
ഗിരി, പഴം പൊരി കയ്യിലെടുത്തു……
“”നാലഞ്ചു തവണ അച്ഛനെ കാണാൻ ഞാൻ പോയിട്ടുണ്ട്…… അപ്പോഴൊന്നും അച്ഛൻ ഇങ്ങനെ ഒരാളെക്കുറിച്ച് പറഞ്ഞിട്ടില്ല……””
