സത്യപാലൻ സശ്രദ്ധം കേട്ടിരുന്നു……
“” ഈ മോഷണക്കേസിൽ ആദ്യം പിടിക്കപ്പെട്ടത് ഗിരിയെ ആണ്.. തളിപ്പറമ്പ പൊലീസ് രജിസ്റ്റർ ചെയ്ത കേസിൽ കണ്ണൂർ ജയിലിലാണ് കൂട്ടുപ്രതികളെ കിട്ടുന്നവരെ ഗിരിയെ തടവിലിട്ടത് …പക്ഷേ അത് സുധാകരൻ മരിച്ച , സോറി കൊല്ലപ്പെട്ടു കഴിഞ്ഞിട്ട് ഒരു വർഷത്തിലേറെ കഴിഞ്ഞ്………. “
“” സംതിംഗ് ഫിഷി………..?””
സത്യപാലൻ പുരികമുയർത്തി …
“”യെസ് സർ…, നമ്മൾ വെരിഫൈ ചെയ്യുന്ന സോമനുമായിട്ടാണ് കഴിഞ്ഞ ദിവസം ഗിരി ക്ലാഷ് ആയത്…… ആൾക്ക് കുറച്ചു കുത്തിക്കെട്ടൊക്കെയുണ്ട്… നമ്മുടെ കേസിനെ ബാധിക്കാതിരിക്കാനാ ഞാൻ അത് , സാറിനോട് പറഞ്ഞു തീർപ്പാക്കിയത്………. “
“” ഹർഷൻ നല്ലൊരു ഓഫീസറാണ്… നിങ്ങളിതു വരെയും ഒരു കേസും തോറ്റിട്ടില്ലല്ലോ… …. “
സത്യപാലൻ പുഞ്ചിരിച്ചു…
“” സൊ, ഈ കേസ് നിങ്ങളുടെ റിസ്ക്കാണ്…… ഇതിന്റെ എല്ലാ ഉത്തരവാദിത്വവും നിങ്ങൾക്കു തന്നെയാണ്… “
“” ബട്ട് സർ………., സുധാകരൻ കേസിൽ ഫൂട്ടേജിൽ ആകെ പെട്ടത് , കഴിഞ്ഞ ദിവസം ഞാൻ സാറിനു വിട്ടു തന്ന ഫോട്ടോയിലൊരാൾ… ഗിരിയെ തല്ലാൻ വന്നവരിൽ ഒരുവൻ… ഒരു അമീറലി… “
ഹർഷൻ ഒന്നു നിർത്തി സത്യപാലനെ നോക്കി… ….
“ സുധാകരൻ ഹബീബ് റാവുത്തരുടെ ഡ്രൈവറായിരുന്നു.. അതേ റാവുത്തരുടെ ആളാണ് ഈ അമീറലിയും… “
സത്യപാലൻ സംശയത്തോടെ ഹർഷനെ നോക്കി…….
“”കളി റാവുത്തർക്കെതിരെയാണെങ്കിൽ നമ്മളുടെ തെളിവുകളും വിലങ്ങുകളും മതിയാകുമോ സർ…….?”
ഹർഷൻ കസേരയിൽ നിന്ന് എഴുന്നേറ്റു……….
“” ഹീയീസ് ഡോൺ…… കുഴലും സ്വർണ്ണവും മണ്ണും പെണ്ണും പിടിപാടും പിന്നാമ്പുറത്ത് എന്തിനും പോന്ന പിള്ളേരുമുണ്ടയാൾക്ക്… “
“” അത് എനിക്കു വിട്ടേക്ക് ഹർഷൻ…””
സത്യപാലൻ ചെയറിൽ നിന്ന് എഴുന്നേറ്റു , ടേബിൾ വലം വെച്ച് മുന്നിലേക്ക് വന്നു……
“” കസ്റ്റഡി മർഡർ കേസ് കോർട്ട് ഓർഡറാ… അതിനു സമാധാനം പറയേണ്ടത് ഞാനും താനും നമ്മൾക്കു മുകളിൽ ഇരിക്കുന്നവരുമാ… “
ഹർഷൻ തല കുലുക്കി… ….
“” ആളുടെ വലുപ്പമല്ല നമ്മളുടെ എയിം… അവൻ തുപ്പുന്ന വിഷത്തിന്റെ വ്യാപ്തിക്കനുസരിച്ച്… ….ചാകേണ്ടവനാണെങ്കിൽ ചത്തല്ലേ പറ്റൂ ഹർഷൻ… …. “
“”യെസ് സർ………. “
“” എങ്ങനെയുണ്ട് ഫോറസ്റ്റ് ഡ്യൂട്ടി… ?””
ഹർഷൻ ചിരിച്ചതല്ലാതെ മറുപടി പറഞ്ഞില്ല… ….
“” അധികം വൈകണ്ട… ഒരു കേസെങ്കിലും കോർട്ടിൽ സബ്മിറ്റ് ചെയ്തിട്ടു വേണം എനിക്കൊന്നു ഫ്രീയാകാൻ… “
നര പകുതി കയറിയ മുടിയിഴകൾ തലോടി സത്യപാലൻ പറഞ്ഞു…
“”യെസ് സർ… …. “
ഹർഷൻ സല്യൂട്ടടിച്ചു തിരിഞ്ഞു…….
(തുടരും… ….)
