ആര്യയും അവനു പിറകെ ചെന്നു, ചെന്ന പാടേ അവൻ എടുത്തു കയ്യിൽ പിടിച്ച സിഗരറ്റ് പാക്കറ്റ് അവൾ തന്റെ കയ്യിലാക്കി.
“”ഏട്ടാ ഞാൻ പറഞ്ഞിട്ടില്ലേ നമുക്കിത് വേണ്ടെന്ന് “” ആര്യ ശാസനയുടെ രൂപത്തില്‍ പറഞ്ഞു.
“”നീ അതിങ്ങെടുക്ക്, എനിക്കിന്നത് വേണം “”
അവളുടെ മുന്നില്‍ താഴാതെ കടുപ്പിച്ചു തന്നെ അവൻ പറഞ്ഞു.
“”ഇല്ല തരില്ല””
അവൾ ചിണുങ്ങിനോക്കി, അവളുടെ ആ വാക്ക് അവൻ കേൾക്കുമെന്ന് അച്ചൂന് ഉറപ്പുണ്ടായിരുന്നു, എന്നാൽ.
“”എടുക്കടി ഇവിടെ “”അവൻ അലറി.
ഭദ്രന്റെ മുഖത്തെ ആ വന്യത തെളിഞ്ഞു വന്നു. പക്ഷേ അച്ചു അതോട്ടും പ്രതീക്ഷിചിരുന്നില്ല , അവളുടെ മുഖം വിളറി വെളുത്തു. അവൾ ഒന്നും മിണ്ടാതെ ആ സിഗരറ്റ് തിരികെ ഭദ്രന്റെ കയ്യിൽ കൊടുത്തു. പിന്നെ തിരിഞ്ഞു നടന്നു, അവൾ താഴേക്ക് പോകുമ്പോൾ കണ്ണ് തുടക്കുന്നത് ഭദ്രന്റെയും ശ്രെദ്ധയിൽ പെട്ടിരുന്നു. അവൻ തന്റെ കയ്യിൽ അച്ചു വെച്ചിട്ട് പോയ സിഗരറ്റ് കൂടു ഒന്ന് നോക്കി. അപ്പോഴും ആ ദേഷ്യത്തിന് ഒരു കുറവും ഉണ്ടായിരുന്നില്ല. അവൻ അതിൽ നിന്ന് ഒന്ന് ചുണ്ടിൽ വെച്ചു ലാമ്പ് കത്തിച്ചു. പിന്നെ ഒരു നിമിഷം അങ്ങനെ തന്നെ നിന്നു. എന്തോ അവൻ ആ കത്തിക്കൊണ്ട് ഇരുന്ന ലാമ്പ് താഴ്ത്തി, അതില്‍ നിന്നും കയ്യെടുത്തു. ചുണ്ടിൽ വെച്ചിരുന്ന സിഗററ്റും ലാമ്പും അവൻ അവിടെ ഉപേക്ഷിച്ചിട്ട് താഴേക്ക് ഇറങ്ങി വന്നു.
എന്നാല്‍ അപ്പോള്‍ അടുക്കളയിൽ നിന്ന് കരയുവായിരുന്നു അവൾ. അവനെ കണ്ട ഉടനെ കണ്ണു തുടച്ചു. അവനു മുഖം കൊടുക്കാതെ തിരിഞ്ഞു മാറി നിന്നു. ഭദ്രനും എന്തോ ഒന്ന് സംസാരിക്കാൻ ശ്രെമിച്ചു. അവൾക്കു ഒരു പ്രതികരണവുമില്ല. അവൾ ഭദ്രനോട് പിണങ്ങിയോ?. പിന്നെ ഭദ്രൻ ഒന്നും മിണ്ടിയില്ല, തിരിച്ചു വന്നു ഡൈനിങ്ങ് റൂമിൽ ഇരുന്നു. അവൻ രണ്ടു കയ്യും തലക്ക് കൊടുത്തു എന്തോ ചിന്തിച്ചിരുന്നു. കുറച്ചു കഴിഞ്ഞു ഒരു പ്ലേറ്റ് മുന്നിൽ വന്നു, അതിൽ ചപ്പാത്തിയും കറിയും വിളമ്പി അവൾ തിരിച്ചു പോയി. ഭദ്രൻ അപ്പോഴും അതേ ഇരുപ്പ് തന്നെ. അവള്‍ വന്ന് പോയത് അറിഞ്ഞിട്ടുണ്ടാവില്ല.അവൾ വീണ്ടും ഒരു ഗ്ലാസ്‌ വെള്ളം കൊണ്ട് വന്നു. ഡൈനിങ്ങ് ടേബിളിന്റെ മുകളിൽ അൽപ്പം ഉച്ചത്തിൽ തന്നെ അത് വെച്ചു. അവൻ ഒന്നു തല അനക്കി നോക്കി അപ്പോഴേക്കും അവൾ അടുക്കളയിൽ എത്തിയിരുന്നു. വലിയ താല്പര്യം ഇല്ലാതെ ഒരു ചെറിയ കഷ്ണം പിച്ചി വായിൽ വെച്ചു.
“”അച്ചൂ….””
അവന്‍ പരുഷമായി തന്നെ വിളിച്ചു. അവൾ വന്നു ആ വാതിക്കൽ തല കുനിച്ചു നിന്നു.
“’അച്ചൂ….. ആഹ് വന്നാരുന്നോ… ഇതെന്താ ഈ ഉണ്ടാക്കി വെചെക്കുന്നത്, മനുഷന് തിന്നാന്‍ അല്ലെ നീ…? “”
അവൻ ഒന്ന് നിർത്തി അവൾ ഒന്നും മിണ്ടണില്ല.
“”എന്താത്?….“”അവൻ വീണ്ടും ഗൌരവത്തോടെ ചോദിച്ചു എന്നാല്‍ അവള്‍ക്കു ഒരു പ്രതികരണവും ഇല്ല.
“”നീ ഇതൊന്നു നാക്കിൽ വെച്ചു നോക്കടി “”
അവൾ അതേ നിപ്പ് തന്നെ. ഇപ്പൊ അണപൊട്ടും എന്ന നിലയിൽ അവളുടെ
മുഖവും കണ്ണും മാറിയിരുന്നു. അവൾ കൈമുട്ടു കൊണ്ട് കണ്ണു തുടച്ചു.
“”നീ എന്തിനാ ഇപ്പൊ കരയുന്നെ? ഇതൊന്നു തൊട്ട് നാക്കിൽ വെച്ചു നോക്ക്…… നോക്കാൻ “”
അവൾ പേടിച്ചു വിറച്ചു അൽപ്പം എടുത്തു കഴിച്ചു നോക്കി
“”ഉപ്പുണ്ടോ?…. ഉണ്ടോന്ന് “”
“”മ്മ് “” അവൾ മൂളി
“”എന്താ? കേട്ടില്ല.. വാ തുറന്നു പറയാൻ””
“”ഉണ്ട് “” അല്‍പംപകപ്പോടെ അവള്‍ പറഞ്ഞു
“”നീ പറഞ്ഞാല്‍ മതിയോ, എനിക്ക് വിളമ്പിയതിൽ കൂടെ നോക്കടി.””
അവൾ വീണ്ടും കുനിഞ്ഞു അൽപ്പം എടുത്തുക്കാൻ തുടങ്ങിയതും ഭദ്രൻ അവളുടെ മുഖം പിടിച്ചു അവനു നേരേ തിരിച്ചു. എന്നിട്ട് മുഖത്തേക്ക് ഊതി
“”മണം ഉണ്ടോ?””
അവൾ ഒന്നും മിണ്ടിയില്ല. ഭദ്രൻ ചാടി എഴുന്നേറ്റു അവൾക്കു നേരേ നിന്നു, അവൾ ഒരു സ്റ്റെപ്പ് പുറകോട്ടു വെച്ചു. ഭദ്രൻ അവളുടെ മുഖത്തേക്ക് നോക്കി. അവൾ മുഖം വെട്ടിതിരിച്ചു. അവൻ അവളുടെ മുഖം ബലമായി തിരിച്ചു എന്നിട്ട് ഒന്നുടെ ഊതി.
“”പറയടി മണം ഉണ്ടോന്ന് ?….. ടി വലിച്ചതിന്റെ മണം ഉണ്ടോന്ന് ? “”
“”മുച്ച് “”
“”ഹ്മം…. പിന്നെ നീ എന്തിനാ പിണങ്ങി നിക്കുന്നെ ?ഹേ…!””
എന്നിട്ടവൻ അവളുടെ ചുണ്ടുകൾ ലക്ഷ്യമാക്കി നീങ്ങി. അവൾ വീണ്ടും മുഖം വെട്ടിച്ചു.
“”എനിക്ക് വേണ്ട എന്നെ വിട് “”അവൾ ദയനീയമായി പറഞ്ഞൊപ്പിച്ചു.
“”എന്ത് വേണ്ടന്ന്?””
“”എന്നെ ഇഷ്ടം ഇല്ലാത്തൊരു എനിക്ക് ഉമ്മ തരണ്ട “”അവള്‍ വിങ്ങി അവളുടെ കണ്ണുകള്‍ നിറഞ്ഞൊഴുകി.
“”വേണ്ടേല്‍ വേണ്ട “”
അവൻ നിസാരം മട്ടിൽ പറഞ്ഞു.
അവൻ അവളെ പതിയെ വിട്ടു. അവള്‍ ഒന്ന് സമാധാനപ്പെട്ടു.പക്ഷേ അടുത്ത നിമിഷം അവൻ വീണ്ടും അവളുടെ തല തന്റെ മുഖത്തിന് നേരേ പിടിച്ചു അവളുടെ ചുണ്ടുകൾ അവൻ വായിലാക്കി. അവൾ ഒന്ന് കൂതറാൻ ശ്രെമിച്ചിങ്കിലും പതിയെ അവളുടെ അധരങ്ങൾ അവനു വിട്ടുകൊടുത്തു. അവളുടെ എതിർപ്പ് തീരെ ഇല്ലാതെയായി എന്ന് മനസിലായപ്പോൾ ഭദ്രന്‍ തന്റെ ഇടത്തെ കൈ അവളുടെ തലയിൽ നിന്നെടുത്തു . അരക്കെട്ടിൽ ചുറ്റി വരിഞ്ഞു അവളെ തന്നിലേക്കടിപ്പിച്ചു. മഴ കാത്തിരുന്നവേഴാമ്പൽ പോലെ അവളും അത് ഒരുപാട് ആഗ്രഹിച്ചിരുന്നു. അവൻ അവളുടെ കണ്ണു തുടച്ചു. അവര്‍ ആ നിപ്പു കൊറച്ചു നേരം തുടര്‍ന്നു. അച്ചു വിന്റെ മുഖത്തു ഒരു ചെറു ചിരി മോട്ടിട്ടു.
”പിണക്കം മാറിയോ? ഹ്മ്മ് “”
“”മച്””
“”പിന്നെ എന്തിനാ ചിരിച്ചേ? ഹ്മ്മ് !””
“” ഞാന്‍ ചിരിച്ചില്ല, എന്നെ ഇങ്ങനെ കെട്ടിപിടിച്ചിട്ട് ഇപ്പോ എത്ര നാളായി അറിയോ?””
“”ഇല്ല””
“” ഒരു മാസം””
“”ഓഹോ അപ്പൊ ദിവസം എണ്ണി വെച്ചേക്കുവാ ല്ലേ! “”
അവൻ ഒരു ചിരിയോടെ ചോദിച്ചു. അവളും ഒന്ന് നാണത്തോടെ ചിരിച്ചു.
“”ഇതൊന്നും പതിവില്ലാത്ത ആണല്ലോ എന്ത് പറ്റി…..””
അവള്‍ പതിഞ്ഞ സ്വൊരത്തില്‍ ചോദിച്ചു.
“”ഏത് പതിവില്ലന്ന് “”
“”രണ്ടും..നേരത്തത്തെ വലിയും ഈ കുടിയും . എന്താ എന്ത് പറ്റി. “”
“”എന്ത് പറ്റാൻ എനിക്ക് തോന്നി “”
“”പറയാൻ ബുദിമുട്ട് ഉള്ള ആണേൽ വേണ്ട. “” അവള്‍ ഒന്ന് ചിണുങ്ങി
“”ഹ്മം ബുദ്ധിമുട്ട് ഉണ്ട്, എനിക്കിപ്പോ നിന്നക്കൊരു ഉമ്മ തെരാൻ കാരണം വേണോ? ഹേ… “’
അവൻ ഒന്ന് ഉരുണ്ടുകളിച്ചു.
“”ഹ്മം, അവൾ അല്ലേ അരുണിമ, എന്നെ രാവിലെ വിളിച്ചിരുന്നു ഏട്ടന്റെ നമ്പർ ചോദിച്ചു അവള്‍ ആല്ലേ“” അവള്‍ എന്തോ കണ്ടുപിടിച്ചപോലെ ചോദിച്ചു.
തന്റെ രഹസ്യം അവള്‍ കണ്ടുപിടിച്ചപ്പോള്‍ ഒന്നും പറയാനാ പറ്റാതെഅവൻ അവളെ വിട്ടുമാറി പുറത്തെക്കിറങ്ങി.
“”ദേ ഇത് തിന്നിട്ടു പോ “”
“”അത് നിന്റെ തന്തക്ക് കൊടുക്ക്.””
“”ഇത് ഞാൻ നിങ്ങക്കായി ഉണ്ടാക്കിയതാ , കഴിച്ചിട്ട് പോ മനുഷ്യ. “”
അവൾ പിന്നെയും വിളിച്ചു പറഞ്ഞു. എന്നാൽ അവൻ അതൊന്നും കേട്ട മട്ടുകാണിച്ചില്ല. ഇന്നിനി വിളിച്ചാൽ വരില്ലെന്നറിയാമെങ്കിലും അവളൊന്നു വിളിച്ചു നോക്കിയതാ.ഭദ്രൻ നേരേ വീരന്റെ അടുത്ത് പോയി വീരനെ എടുത്തു. ഭദ്രന്റെ വീക്നെസ് അവന്‍ ആയിരുന്നു. വീരനെ ഭദ്രന്‍ സ്നേഹിക്കുന്ന പോലെ ആര്യക്ക്‌ പോലും പറ്റിയിരുന്നില്ല. അവൻ വീരനേം മുകളിത്ത മുറിയിൽ ഒരു സോഫയിൽ ചെന്നിരുന്നു.അവന്‍ ആവനെ അവിടെ ഉണ്ടാരുന്ന ചൂരല്‍
തൊട്ടിലില്‍ കിടത്തി. കുറച്ച്‌ കഴിഞ്ഞു അവളും അങ്ങോട്ട്‌ കയറിചെന്നു.
