മാത്തുക്കുട്ടി ഊണ് കഴിഞ്ഞു കട്ടിലിൽ വിരിച്ചു കിടന്നു .ഒരു ബെഡ്ഡുള്ളത് ‘അമ്മ യുടെ കട്ടിലിൽ ആണ് . അവൻ ഷർട്ടിൽ നിന്ന് ഉണ്ണി തന്ന കാർഡെടുത്തു
‘സാജൻ മാത്യു അസ്സോസിയേറ്റ്സ് “
പ്രൈവറ്റ് കൺസൽട്ടൻറ് “
അവന്റെ ആണെന്ന് തോന്നുന്നു നമ്പറും ഉണ്ട് . ഉണ്ണിക്കു ആ കമ്പനിയിൽ ആയിരിക്കും ജോലി . മാത്തുക്കുട്ടി അതിൽ കണ്ട നമ്പറിൽ വിളിച്ചു . ബെല്ലടിച്ചെങ്കിലും എടുക്കുന്നില്ല ….ഉറങ്ങി കാണും . നാളെ വിളിക്കാം
അവൻ മൊബൈൽ തിരികെ മേശയിൽ വെച്ചതും അത് ബെല്ലടിച്ചു .ആ നമ്പർ തന്നെയാണ്
” ഉണ്ണിയാണോ “
“അതേടാ മാത്തു ….”
“ഡാ നീ എവിടെയാണ് ?”
ഞാൻ നമ്മള് രാവിലെ കണ്ട ഹോട്ടെലിൽ ഉണ്ട് .ഡാ മാത്തു …ഞാൻ നാളെ വിളിക്കാം …
“ഡാ ഞാൻ രാവിലെ പറഞ്ഞ കാര്യം മറക്കല്ലേ ?”
‘ഏതു കാര്യം ?”
” ഡാ ദുബായിൽ ജോലി ഉള്ള മാഡത്തിന്റെ അടുത്ത് ഒരു ജോലിക്കാര്യം “
“ആ ഹ് ..ഓക്കേ ഒക്കെ …നാളെ വിളിക്കാം “
മാത്തുക്കുട്ടി ഉണ്ണിയുടെ വർത്തമാനത്തിൽ നിരാശയോടെ ഫോൺ വെച്ച്
” ഓ !! അവനു താത്പര്യമില്ലാരിക്കും ….അതാ അവൻ പെട്ടന്ന് വെച്ചത് ..അവൻ ഓരോന്നോർത്തു കട്ടിലിലേക്കു മറിഞ്ഞു
രാവിലെ മാത്തുക്കുട്ടി പതിവ് പോലെ ടൗണിലെ ഹോട്ടെലിൽ എത്തിയെങ്കിലും ഉണ്ണികൃഷണനെ കണ്ടില്ല
അവൻ ഓട്ടോ പുറത്തേക്കു ഇറങ്ങിയപ്പോൾ ഫോൺ ബെല്ലടിച്ചു ..ഉണ്ണിയാണ്
“ഹെലോ “
” ഡാ മാത്തു ……ഞാൻ ഉണ്ണിയാണ് ..ഞാൻ നിന്നെ കണ്ടു “
മാത്തുക്കുട്ടി മുകളിലേക്ക് നോക്കി . നാലാം നിലയിലെ ഒരു മുറിയുടെ ബാൽക്കണിയിൽ നിന്ന് അവൻ കൈ വീശി കാണിക്കുന്നു ‘
“ഡാ …അവര് ഇവിടെയുണ്ട് …ഞാൻ ഇന്നലെ നിന്റെ കാര്യം സൂചിപ്പിച്ചു …നിന്നെ കാണണം എന്ന് പറഞ്ഞു..പക്ഷെ ഇപ്പോൾ അവര് പുറത്തു പോകുവാ …നിനക്ക് വൈകിട്ട് വരൻ പറ്റുമോ ? എന്റെ ഫ്ലാറ്റിൽ തങ്ങിയിട്ടു രാവിലെ പോകാം …അമ്മയോട് പറ അയാൾ വക്കത്തു വല്ലതും കിടക്കാൻ ഒരു ദിവസത്തേക്ക് “
“അത് കുഴപ്പമില്ല ..’അമ്മ തന്നെ കിടക്കാറുള്ളതാ …..പക്ഷെ രാവിലെ ടൗണിൽ എത്തിക്കേണ്ട സാധനങ്ങൾ എന്ത് ചെയ്യുമെന്ന ഓർക്കുന്നെ ….സാരമില്ല ……നേരം ഇരുട്ടിയാലും തിരിച്ചു പോകാം “
‘ എങ്കിൽ ഒക്കേടാ …വൈകുന്നേരം കാണാം ..നീ ടൗണിൽ വന്നിട്ട് വിളിച്ചാൽ മതി “
മാത്തുക്കുട്ടി സന്തോഷത്തോടെ തിരിച്ചു പോയി
””””””””””””””’
കാപ്പി കുടിയൊക്കെ കഴിഞ്ഞു മുറ്റം അടിച്ചോണ്ടു നിക്കുമ്പോ തമ്പി സാറിന്റെ കാറ് തോട്ടത്തിലേക്ക് കയറി പോകുന്നത് കണ്ടു . പുറകെ ജോണിയുടെ ജീപ്പും
കുറച്ചു സമയം കഴിഞ്ഞു അവൾ തോട്ടത്തിലെ വീട്ടിൽ എത്തി . ബെല്ലടിക്കാൻ തുടങ്ങിയതും കതകു തുറന്നു ജോണി ഇറങ്ങി വന്നു
‘ ആഹ് ..അന്നമ്മയോ …ഞാൻ ഇപ്പൊ തമ്പിസാറിന്റെ അടുത്ത് അന്നമ്മയുടെ കാര്യം പറഞ്ഞതെ ഉള്ളൂ …കേറി വാ “
അന്നമ്മ അകത്തേക്ക് കയറി .
വെള്ള മുണ്ടും ജൂബയും കണ്ണടയും ഒക്കെ വെച്ച് തമ്പി സാർ മുറിയിൽ നിന്ന് ഇറങ്ങി വന്നു .ആറടി പൊക്കമുള്ള ,അതിനൊത്ത ശരീരമുള്ള മനുഷ്യൻ ഒരു അറുപതു വയസോളം പ്രായം കാണും .എന്നാൽ അത്ര തോന്നിക്കില്ല .. അന്നമ്മ അയാളുടെ തോളിനു താഴെയേ ഉള്ളൂ .അന്നമ്മ അയാളെ കണ്ടു കൈ കൂപ്പി
“ങാ !! അന്നമ്മയോ …ഇരിക്ക് …..ജോണി നിന്റെ കാര്യം ഒക്കെ പറഞ്ഞാരുന്നു ..നീ അവിടിരി ‘
അന്നമ്മ സോഫയിൽ ഇരുന്നു . എതിരെ ഉള്ള ദിവാനിൽ തമ്പിയും .
‘ കാര്യമൊക്കെ നല്ലതാ ..പശൂനെ വളർത്തലും മറ്റും. ദേണ്ടെ ….നീ കപ്പ ഇട്ടിരിക്കുന്ന പറമ്പിന്റെ തെക്കേ വശത്തു ഞാൻ ഒരേക്കർ റബറു വെട്ടി തരാം ..പുല്ലു നടാൻ . റബറിനു വിലയും കുറവാണല്ലോ . അഞ്ചാറ് നല്ല ഇനം പശൂനേം ഏർപ്പാടാക്കാം ….പക്ഷെ”
അന്നമ്മക്കു സന്തോഷമായി ..പക്ഷെ….?
അവൾ തമ്പി സാറിന്റെ മുഖത്തേക്ക് നോക്കി ആകാംഷായോടെ എന്താണ് പക്ഷെ ?
” എനിക്ക് ഈട് വേണം …കാര്യം ജോണി പറഞ്ഞിട്ടാ …..അവൻ പറഞ്ഞിട്ടാണല്ലോ തോമാച്ചനെ ചികിൽസിക്കാനും ഞാൻ പൈസ തന്നത് ..അത് ഒട്ടു ഇത് വരെ തീർത്തിട്ടും ഇല്ല ‘
” തമ്പി സാറെ ….ഞങ്ങൾക്ക് ആകെയുള്ളത് ആ വീടാ ..അത് ബാങ്കിൽ പണയത്തിലുമാ ..പിന്നെ എന്താ ഈട് തരാൻ ഉള്ളെ ,,,”
‘ ഈട് ഞാൻ മുൻപേ വറീതിന്റെ അടുത്ത് പറഞ്ഞു വിട്ടതാ ………എനിക്ക് മുതലാകില്ല എന്നാലും ………പലിശ ഇനത്തിൽ തന്നെ നല്ലൊരു തുകയായി ………നീ പറഞ്ഞാൽ ഞാൻ പലിശ അങ്ങ് വേണ്ടാന്ന് വെക്കാം “
അന്നമ്മക്കു ആകെ കലി വന്നു . അവൾ എഴുന്നേറ്റു പോകാൻ തുടങ്ങി
” ഹാ …നീ നിക്ക് അന്നമ്മേ ….. ‘ തമ്പി പറഞ്ഞു ..
‘അങ്ങനെ വലിയ കാര്യം ഒന്നും നീ ചെയ്യണ്ട ….ഞാൻ വരുന്ന ദിവസം ഇവിടൊക്കെ ഒന്ന് ക്ളീൻ ചെയ്യണം .. രാവിലെ പിന്നെ മൂന്നു നേരം ശാപ്പാടും ഉണ്ടാക്കിതരണം “
ഹോ അത്രേയുള്ളു ..അന്നമ്മ ഓർത്തു . അത് നേരാം സമയം വീട്ടിൽ തന്നെ ഉണ്ടാക്കി എടുത്തോണ്ട് വന്നാൽ മതിയല്ലോ
എന്നാൽ തുടർന്ന് വന്ന വാക്കുകൾ അന്നമ്മയെ ഞെട്ടിച്ചു
” ശാപ്പാട് എന്ന് പറഞ്ഞാൽ എനിക്ക് ഇവിടുത്തെ അടുക്കളയിൽ നിന്ന് തന്നെ ഉണ്ടാക്കി തരണം …ഞാൻ വരുന്ന ദിവസം വറീതാ ഉണ്ടാക്കി തരുന്നേ …അവന്റെ അത്ര പോരാ …… പിന്നെ അതൊക്കെ നീ തന്നെ വിളമ്പിയും തരണം …” ഒന്ന് നിർത്തി അയാൾ തുടർന്ന് ..” ഒരു ഭാര്യയെ പോലെ “
‘തമ്പി സാറെ അതിനു …”
” നിനക്കൊരു സഹായമാകട്ടെ എന്ന് കരുതിയാ ….ഞാൻ വിചാരിച്ചാൽ നല്ല ചെറുപ്പ കറികൾ കിട്ടും ……പിന്നെ നിനക്കൊരു സഹായോം ..എനിക്കുള്ള പലിശയും എന്ന് ഞാൻ കരുതി …പറ്റില്ലേ…പറഞ്ഞോ ….”
അന്നമ്മക്കു ചിന്തിക്കാൻ സമയം കിട്ടും മുൻപേ അയാൾ അടുത്ത ഓഫറും എറിഞ്ഞു
” സമ്മതമാണേൽ …മാത്തുക്കുട്ടി ഇപ്പൊ ഓടിക്കുന്ന ഓട്ടോ ഞാനവന് വാങ്ങി കൊടുക്കും ……എന്താടാ ജോണി ,,,,നിനക്ക് സമ്മത കുറവൊന്നും ഇല്ലല്ലോ ‘
‘അയ്യോ !! തമ്പി സാറെ ..എനിക്ക് സന്തോഷമേ ഉള്ളൂന്നോ ..അന്നമ്മ പറയുവാണേൽ ” ജോണി മുഴുമിക്കാതെ നിർത്തി
“പിന്നെ പഴയതിന്റെ പലിശ ഒരു ചില്ലി പൈസ നീ എനിക്കു തരണ്ട . മാത്രമല്ല ഇപ്പൊ ഞാൻ തരുന്ന കാശിൻറേം പലിശ തരേണ്ട …ആ പറമ്പിന്റെ പാട്ടവും തരണ്ട ” തമ്പി സാറ് അവസാനത്തെ അമ്പും എറിഞ്ഞു
അന്നമ്മ ആകെ ചിന്ത വിഷ്ടയായി ..മാത്തുക്കുട്ടിക്ക് ഓട്ടോ കിട്ടുന്ന കാര്യമാണ് അവളെ ചിന്തയിൽ ആഴ്ത്തിയത് .ഒരു സ്ഥിര വരുമാനമായി
” തമ്പി സാറെ ..അന്നമ്മ ഒന്നാലോചിക്കട്ടെ ” ജോണി അവൾ ചിന്തിച്ചു നിക്കുന്നത് കണ്ടിട്ട് പറഞ്ഞു
‘ആയിക്കോട്ടെ …ഞാൻ മൂന്നാലു ദിവസം ഇവിടെ കാണും …..പെട്ടന്ന് വേണം..പാട്ടെങ്കിൽ ഇന്ന് തന്നെ തീരുമാനം പറയണം ‘
അന്നമ്മ വീട്ടിലേക്കു തിരിച്ചു വന്നു .അവൾ ആകെ കൺഫ്യൂഷനിൽ ആയി .
ഉച്ചക്ക് ഊണ് കഴിക്കാൻ മാത്തുക്കുട്ടി വന്നപ്പോൾ അവൻ അമ്മയോട് പറഞ്ഞു
” അമ്മെ ഞാൻ ഇന്ന് രാത്രി ചിലപ്പോളെ വരൂ …ഇന്നലെ ടൗണിൽ വെച്ച് എന്റെ ഒരു കൂട്ടുകാരനെ കണ്ടു .അവനോടു ഒരു ജോലിയെ കുറിച്ച് പറഞ്ഞാരുന്നു .ഇന്ന് അവൻ വിളിച്ചു വൈകിട്ട് ടൗണിൽ എത്താൻ പറഞ്ഞു .രാത്രിയെ കാണണ്ട ആള് വരൂള്ളു എന്ന് ..ഒരു സ്ഥിരമായ വരുമാനം കിട്ടിയാൽ നല്ലതല്ലേ അമ്മെ .”
