മഹേഷ് സർ ഞങ്ങളെ 2 പേരെയും പിടിച്ചു വലിച്ചു അടുത്തുള്ള ക്ലസിലേക്ക് കേറി .. എക്സിബിഷൻ ആയത് കൊണ്ട് അവിടെ ആരും ഉണ്ടായിരുന്നില്ല
“എന്തൊക്കെ ആണെടാ ഈ ചെയ്ത് വച്ചേക്കുന്നെ .. കിരണേ നീ നീ എന്തിനാ ആ അക്ഷര യെ തല്ലിയത് അവളുടെ കവിൾ ചുവന്നു വീർത്ത് മത്തങ്ങ പോലെ ആയിട്ടുണ്ട് , ഇതൊന്നും പോരാഞ്ഞിട്ട് അവളുടെ അച്ഛൻ വന്നു ഇവിടെ ഫുൾ കലിപ്പും, കണ്ടില്ലേ അവിടെ കുറെ എണ്ണം നിൽക്കുന്നത് പുള്ളിടെ ആളുകളാ നിന്നെ ഒക്കെ കിട്ടിയാൽ തീരും അപ്പോ എല്ലാം ,
അവസാനം അവൾ എന്തൊക്കെയോ പറഞ്ഞപ്പോൾ ആണ് അയാൾ ഒന്ന് അടങ്ങിയത് ഇപോ ദെ ആ റൂമിൽ ഉണ്ട് .. അങ്ങോട്ട് ആണോ നീയൊക്കെ പോയ് കേറാൻ പോണത്”
സാർ വെപ്രാളപ്പെട്ടു പറഞ്ഞു
” അത് ഞാൻ ക്യാന്റീനിൽ ഡ്യൂട്ടി ക്ക് നിന്നപ്പോ അവൾ എന്റെ ഫോണ് എടുത്ത് മാറ്റി .. എന്റെ ..’അമ്മ … ‘അമ്മ ക്ക് ശ്വാസം മുട്ടൽ ഉള്ളത, അവർ അവിടെ കിടന്നു ശ്വാസം കിട്ടാതെ എന്നെ വിളിച്ചത് ഞാൻ അറിഞ്ഞില്ല അത് … അത് അവൾ കാരണംമാ.. പിന്നെ രാജൻ ചേട്ടൻ വന്ന കൊണ്ട ഇല്ലേൽ എന്റെ അമ്മ… അതൊകെ കൂടെ ഓർത്തപ്പോ എനിക്ക് എന്റെ നില വിട്ട് പോയി സർ ഞാൻ…..”
കിരണ് ആരോടെന്നില്ലാതെ ഉച്ചത്തിൽ പറഞ്ഞു
“ടാ ടാ നീ…നീ പതിയെ പറ .. എന്തായാലും കഴിഞ്ഞത് കഴിഞ്ഞു മിനിമം ഒരു സസ്പെൻഷൻ എങ്കിലും ഉറപ്പാണ്.. പിന്നെ അവളുടേ അച്ചന്റെ കാര്യം അത് എന്നെ കൊണ്ട് ഒന്നും ചെയ്യാൻ പറ്റാത്ത ഏരിയ ആണ് എന്തെങ്കിലും നടക്കണം എങ്കിൽ അവൾ തന്നെ വിചാരിക്കണം. നമുക്കു നോകാം ഞാൻ ഓഫിസിൽ നിന്ന് ഒരു ഫോണ് വന്ന കൊണ്ട് ഇറങ്ങിയത അത് കൊണ്ട് നീയൊക്കെ രക്ഷപെട്ടു ..ഞാൻ പോയ് എന്തായി ന്ന് നോക്കട്ടെ നിങ്ങൾ ഇവിടെ തന്നെ നിൽക്കണം ഈ കതക് അടച്ചോ ഞാൻ വന്നു വിളിക്കാതെ തുറക്കണ്ട കേട്ടല്ലോ…ഓരോന്ന് കാണിച്ചു വച്ചോളും.”
സർ അതും പറഞ്ഞു പ്രിൻസിപൾ ന്റെ ഓഫീസിലേക്ക് പോയി.
” കോപ്പ് ഒന്നും വേണ്ടായിരുന്നു .. ”
ഞാൻ ആത്മഗതം പോലെ പറഞ്ഞു
“പ്ഫ നാറി … നിന്നെ ഞാൻ എത്ര വട്ടം പുറകി ന്ന് വിളിച്ചത നീ കേട്ടോ… ”
“ജെറി പതുക്കെ…
“ടാ നിനക്ക് അറിയാലോ എനിക്ക് ന്റെ അമ്മയല്ലാതെ ആരും ഇല്ല ടാ അവർ ക്ക് എന്തെങ്കിലും പറ്റിയ എനിക്ക് … എനിക്ക് പിന്നെ സഹിക്കുമോ.. രാജൻ ചേട്ടനും ഫോണ് എടുത്തില്ലേൽ ഇപോ എന്ത് സംഭവിച്ചേനെ… എനിക് ആലോചിക്കാൻ കൂടെ വയ്യ ടാ… എല്ലാം കൂടെ ആയപ്പോ എന്റെ സമനില തെറ്റി പോയതാ… അല്ലാതെ മനപൂർവം അല്ല ടാ ”
ഞാൻ തലക്ക് കൈ കൊടുത്ത് ഇരുന്നു
“എന്തായാലും നടക്കാൻ ഉള്ളതൊക്കെ നടന്നു നമുക്ക് ബാക്കി ഇനി വരുന്നിടത്ത് വച്ചു കാണാം .എന്തായാലും സാർ വരട്ടെ..”
കുറച്ചു നേരം ഞങൾ ആ ക്ലാസ്സിൽ ഇരുന്നു
എന്റെ മനസിൽ അതേ സമയം അവളെ തല്ലിയത് ശരിയോ തെറ്റോ എന്നുള്ള ഒരു സംഘർഷം തന്നെ നടക്കുകയായിരുന്നു
‘എന്തായാലും നടന്നു ഇനി ബാക്കി നോകാം …’
ഞാൻ ആത്മഗതം പോലെ പറഞ്ഞു
പെട്ടെന്ന് ഡോറിൽ ഒരു മുട്ട് കേട്ടു ഞങ്ങൾ 2ഉം ഞെട്ടി. ജെറി എന്നെ നോക്കി
എന്ത് ചെയ്യണം എന്നൊരു ചോദ്യ ഭാവം അവന്റെ മുഖത്ത് കണ്ടു
“ടാ ഞാനാ തുറക്ക്”
മഹേഷ് സർ ആയിരുന്നു
അപ്പോഴാണ് ശ്വാസം നേരെ വീണത്
ജെറി പോയ് ഡോർ തുറന്നു .. സർ കയറിവന്നു സാറിന്റെ മുഖത്തു ഒരു ആശ്വാസം ഫീൽ ചെയ്യുന്നുണ്ടായിരുന്നു
“എന്തായി സാറേ?” ജെറി ചോദിച്ചു
“ഉം … നിങ്ങളെ പ്രിൻസിപ്പൽ കാണണം ന്ന പറയുന്നേ.. പിന്നെ സസ്പെൻഷൻ ഉണ്ടാവാൻ സാധ്യത ഇല്ല നിങ്ങൾ രക്ഷപെട്ടു ന്ന് തോന്നുന്നു, അയ്യോ ! നിങ്ങൾ അല്ല ഇവൻ”
സർ കിരണിനെ ചൂണ്ടി പറഞ്ഞു
“അതെന്താ സസ്പെൻഷൻ ഇല്ലാത്തെ ??”
“ആ നിനക്കൊക്കെ ഭാഗ്യം ഉണ്ട് അവൾ പ്രിൻസിപ്പൽ നോട് പറഞ്ഞു ന്ന് അവൾക്ക് പരാതി ഇല്ല ന്ന് പിന്നെ നിന്നെ സസ്പെന്റ് ചെയ്യരുത് ന്നും.. പ്രിൻസി ഒന്നും സമ്മതിക്കുന്നില്ലയിരുന്നു അവസാനം അവളുടെ അച്ചൻ എന്തൊക്കയോ ഡൊണേഷൻ ഒക്കെ ഓഫർ ചെയ്തപ്പോള അങ്ങേര് സമ്മതിച്ചത്”
സർ പറഞ്ഞു നിർത്തി.
“ങേ… അവൾക്ക് പരാതി ഇല്ലെന്ന ?” ജെറി അത്ഭുതത്തോടെ എന്നെ നോക്കി.. ഞാൻ ഒന്നും മനസ്സിലാവാതെ നിൽക്കുകയാണ്