എന്റെ ഡോക്ടറൂട്ടി 14

Ente Docterootty Part 14 | Author : Arjun Dev | Previous Part

പിറ്റേദിവസം അവൾക്കെങ്ങനെ പണികൊടുക്കുമെന്നും ചിന്തിച്ചു മുറിയിലേയ്ക്കുകയറിയ ഞാൻ ചിന്തിച്ചുതുടങ്ങും മുന്നേ ഉറങ്ങിപ്പോയി…

എന്നാൽ സാധാരണയെന്നെ സമാധാനത്തോടിരിയ്ക്കാൻ സമ്മതിയ്ക്കാതെ ടോർച്ചർ ചെയ്യാമ്മേണ്ടി മെനക്കെട്ടു നടന്നിരുന്ന മീനാക്ഷി, അന്ന് എനിയ്‌ക്കൊരുവിധ ശല്യവുമുണ്ടാക്കിയില്ല എന്നതു മറ്റൊരതിശയം…

ഒരുപക്ഷേ, ശല്യഞ്ചെയ്താപ്പിന്നെ ഞാങ്കൂടെ ചെന്നില്ലേലോയെന്നു കരുതിയാവണം കിടന്ന ബെഡ്ഡിൽ അവളുണ്ടായിരുന്നെന്നു കൂടി ഞാനറിഞ്ഞില്ല…

പിറ്റേന്നു രാവിലെയൊരു കോട്ടുവായുമിട്ടു കണ്ണുതുറന്ന ഞാൻ ശെരിയ്‌ക്കൊന്നു ഞെട്ടി…

സത്യത്തിൽ ഉയിരുപോയെന്നു കരുതിപ്പോയതാ…

കിടന്ന കട്ടിലിന്റടുത്തായി, എന്റെ കാലിന്റെഭാഗം
വരുന്നിടത്തുണ്ടായിരുന്ന
കസേരയിൽ കുളിച്ചൊരുങ്ങിയിരിയ്ക്കുന്ന മീനാക്ഷിയായിരുന്നു കണി…

ആകാശനീല നിറത്തിലുള്ള ചുരിദാറുമിട്ട് മുടിയൊക്കെ ഒതുക്കിക്കെട്ടി നെറ്റിയിൽ ചന്ദനവും പൂശിയിരുന്ന അവളെക്കണ്ടാൽ ഞെട്ടാതെപിന്നെ…

അതും അസഹനീയതയോടെന്റെ മുഖത്തേയ്ക്കു നോക്കിക്കൊണ്ടിരിയ്ക്കുമ്പോൾ…

…ഈശ്വരാ.! ചത്തിരിയ്ക്കുവാണോ ആവോ..??_ അവൾടിരുപ്പുകണ്ടു മനസ്സിൽ ചോദിച്ചുകൊണ്ടാണ് ഞാനെഴുന്നേറ്റത്…

ഞാനെഴുന്നേൽക്കുന്നതു കണ്ടതും പുഞ്ചിരിയോടെന്നെ നോക്കിക്കൊണ്ടവളും കസേരയിൽ നിന്നുമെഴുന്നേറ്റു…

“”…ആാ.! അങ്ങനിന്നത്തെ ദെവസോമ്പോയ്ക്കിട്ടി… നല്ല കണിയൊക്കെ കാണാനും യോഗമ്മേണം..!!”””_ രാവിലേതന്നെ ഉദ്ദേശം മറ്റൊന്നല്ലാത്തതിനാൽ ഞാൻ സ്വയം പിറുപിറുത്തുകൊണ്ടു ഫോൺകയ്യേലെടുത്തു…

വാട്സാപ്പും ഇൻസ്റ്റയുമൊക്കെ ഓടിച്ചുനോക്കുമ്പോഴേയ്ക്കും ടേബിളിലിരുന്ന ചായയെടുത്തു മീനാക്ഷിയെന്റെനേരേ നീട്ടി…

“”…മ്മ്മ്.! എന്താ..??”””_ കയ്യിലിരുന്ന കപ്പിലേയ്‌ക്കൊന്നു തുറിച്ചുനോക്കിയശേഷം ഞാനവളോടെ ചോദിച്ചു…

“”…ചായ..!!”””

“”…എന്നിട്ട് പാഷാണമാണോ എലിവെഷമാണോ കലക്കീത്..??”””

“”…ഛെ.! സിത്തുവെന്താ ഇങ്ങനൊക്കെ പറേണേ…?? ഇതു ചെറീമ്മ കൊണ്ടേത്തന്നതാ… സിദ്ധുവൊറക്കായോണ്ടു ഞാമ്മേടിച്ചു വെച്ചെന്നേയുള്ളൂ… മ്മ്മ്.. ദാ..!!”””_ പറഞ്ഞുകൊണ്ടവള് വീണ്ടുമെന്റെ നേരേ ചായക്കപ്പു നീട്ടി…

“”…നിന്റച്ഛന് കൊണ്ടോയ് കൊടെടീ മൈരേ… എനിയ്‌ക്കൊന്നുമ്മേണ്ട നിന്റെ മറ്റേടത്തെച്ചായ..!!”””_ ഇത്ര സ്നേഹത്തോടെ എനിയ്ക്കു വെച്ചുനീട്ടണമെങ്കിൽ മിനിമമവളതിൽ തുപ്പിയെങ്കിലും കാണുമെന്നുറപ്പുള്ള ഞാനതു തട്ടിത്തെറിപ്പിയ്ക്കാനായി തുനിഞ്ഞതും അവളതൊതുക്കി പിടിച്ചു…

എന്റെ പ്രവർത്തി അത്രകണ്ടിഷ്ടപ്പെടാത്തതിനാൽ അവൾടെ മുഖത്തേയ്ക്കു ദേഷ്യമിരച്ചു കയറിയെങ്കിലും കലിപ്പിച്ചൊന്നും മിണ്ടീല…

പകരം,

“”…എന്താ സിദ്ധൂ… ഇങ്ങനെ…??”””_ എന്നൊരു ചോദ്യമായിരുന്നു മറുപടി…

“”…ഞാനെങ്ങനായാലും നെനക്കെന്താ..?? മുന്നേന്നു മാറടീ..!!”””

“”…സിത്തൂ… പ്ലീസ്… എനിയ്ക്കിപ്പൊ നിന്നോടു വഴക്കിടാനൊരു മൂഡൂല്ല… അതോണ്ടു വെറുതെ നീയായ്ട്ടു വഴക്കിനുവരല്ലേ..!!”””_ കട്ടിലിൽനിന്നും എഴുന്നേൽക്കാനായി മുന്നിൽനിന്നയവളെ പിടിച്ചുതളളിക്കൊണ്ടു ചീറീതും അവൾ പതിഞ്ഞസ്വരത്തിൽ പറഞ്ഞു…

“”…അതെന്താ നെനക്കു വഴക്കൊണ്ടാക്കാൻ മൂഡില്ലാത്തേ..?? നീ വന്നു കേറിയപ്പൊ ഇങ്ങനൊന്നുമല്ലല്ലോ പറഞ്ഞേ… എന്നേതാണ്ടൊക്കെ തൊലിച്ചുകളയോന്നു പറഞ്ഞിട്ടിപ്പെന്താ..??”””_ ഞാനങ്ങനൊന്നും എന്റെ ചൊറി നിർത്താൻ ഉദ്ദേശിച്ചിരുന്നില്ല…

“”…അത്… അതപ്പോഴ്ത്തെ ദേഷ്യത്തിനങ്ങനൊക്കെ പറഞ്ഞോയതാ… അതുപോട്ടേ… ഇതു തണുത്തോയെങ്കിൽ ഞാമ്മേണേ ചെറീമ്മേടെപ്പറഞ്ഞു വേറെ ചായയെടുപ്പിയ്ക്കാം..!!”””_ അവൾ സംശയഭാവത്തോടെന്റെ മുഖത്തേയ്ക്കു നോക്കി പറഞ്ഞെങ്കിലും ഞാനതിനു പ്രതികരിയ്ക്കാതെ വന്നതുകൊണ്ടാകണം വാതിലിനരികിലേയ്ക്കു നീങ്ങിയത്…

ഉടൻതന്നെ ഞാഞ്ചോദിച്ചു:

“”…എന്നിട്ടതു കുടിയ്ക്കാൻ
നിന്റെ തന്തവരോ..??”””

“”…സിദ്ധൂ… ദേ വെറുതെ എപ്പോഴുമെന്റച്ഛനെ വിളിച്ചാലെനിയ്ക്കും ദേഷ്യമ്മരൂട്ടോ..!!”””

“”…പിന്നേ… ഒന്നുപോയേടീ… നെനക്കു ദേഷ്യമ്മന്നാലേ എനിയ്‌ക്കോണം വന്നമാതിരിയാ..!!”””_ അവളെയൊന്നുകൂടി തളിച്ചുകൊണ്ടു ഞാൻ കട്ടിലിൽനിന്നുമിറങ്ങീതും വാതിലിന്റടുക്കെനിന്നും അവളോടി അടുത്തേയ്ക്കുവന്നു… വന്നപ്പോൾ കൈയിലൊരു ടവലുമുണ്ടായിരുന്നു…

“”…ഇതെന്തോത്തിനാ..??”””_ ടവൽ എന്റെനേരേ നീട്ടിയതും ഞാൻചോദിച്ചു…

“”…തല തോർത്താൻ..!!”””

“”…അതു കുളിയ്ക്കുന്നെങ്കിലല്ലേ..??”””

“”…അപ്പൊ കുളിയ്ക്കുന്നില്ലേ..??”””_ മീനാക്ഷി കണ്ണുമിഴിച്ചു…

“”…എന്തോത്തിന്..?? നീ നിന്റെ പാടുനോക്കിപ്പോയേ, തൽക്കാലം എന്റെ കാര്യന്നോക്കാൻ എനിയ്ക്കറിയാം… അവളു കുളിപ്പിയ്ക്കാമ്മന്നേക്കുന്നു..!!”””_ ഞാനാദ്യമവളോടായും പിന്നീടു സ്വയമായും പറഞ്ഞുകൊണ്ടു ബാത്ത്റൂമിലേയ്ക്കു കേറി…

“”…അതേ… ഞാൻ ഷർട്ട് തേച്ചുവെയ്ക്കണോ..??”””_ പല്ലുരയ്ക്കാനായി ടൂത്ത്ബ്രെഷിലേയ്ക്കു പേസ്റ്റെടുക്കുമ്പോളാണ് അവൾടടുത്ത ചോദ്യം…

“”…നെനക്കെന്നെ ഇത്രയൊക്കെയിട്ടു തേച്ചതു പോരാഞ്ഞിട്ടാണോ ഇനിയെന്റെ ഷർട്ടിന്റെ പെടലിയ്ക്കു കേറാമ്പോണേ..?? അവളൊരു മേശിരി വന്നേക്കുന്നു… ഒന്നുപോയേടീ നീ..!!”””_ ബ്രെഷ് ചെയ്യുന്നതിനിടയ്ക്കു സ്വയംപിറുപിറുക്കുമ്പോഴും മീനാക്ഷിയുടെ ഭാവമാറ്റത്തിനുള്ള കാരണമെനിയ്ക്കു മനസ്സിലായില്ല…

അല്ലേൽ തലേദിവസത്തെ തന്തപ്പടിയുടെ ഉഗ്രശാസനം ഞാൻ പാടേ മറന്നുപോയെന്നുതന്നെ പറയാം…

“”…സിദ്ധൂ… പെട്ടെന്നു റെഡിയായി താഴത്തേയ്ക്കുവാട്ടോ… ഞാനപ്പോഴ്ത്തേയ്ക്കും കഴിയ്ക്കാനെടുത്തു വെയ്ക്കാം..!!”””

“”…അല്ല… സത്യത്തിലെന്താ നിന്റുദ്ദേശം..?? നീയാരെക്കാണിയ്ക്കാനായീ കോപ്രായങ്ങളൊക്കെ എന്റെമുന്നേ കാണിയ്ക്കുന്നേ..?? നിന്റെയീ വലിച്ച നാടകോക്കെ അമ്മേടേം ചെറിയമ്മേടേംമുന്നെ നടന്നെന്നുവരും… പക്ഷേ എനിയ്ക്കിതൊക്കെ വെറുംമൈരാടീ മറ്റവളേ..!!”””_ ഞാൻ ബാത്ത്റൂമിൽനിന്നും ചാടിയിറങ്ങി, കഴിയ്ക്കാനെടുക്കാനായി പുറത്തേയ്ക്കു പോകാനൊരുങ്ങിയ മീനാക്ഷിയുടെ കൈയ്ക്കു പിടിച്ചുകൊണ്ടു പുലമ്പിയതും, കൈയമർന്ന വേദനയിലാവും അവൾടെ മുഖം വല്ലാതായി…

“”…സിദ്ധൂ… വിട്… കൈനോവുന്നു..!!”””_ എന്നും പറഞ്ഞവളെന്റെ കൈ കുടഞ്ഞുതെറിപ്പിച്ചശേഷം തുടർന്നു:

“”…ഞാൻ നാടകങ്കളിച്ചേന്നുമല്ല, ഇപ്പൊത്തന്നെ എട്ടരയായി… ഇനീംവൈകിയാ ഹോസ്പിറ്റലിലെത്തുമ്പൊ ലേറ്റാവും… അതോണ്ടാ ഞാൻ..!!”””_ അവളൊന്നു വിക്കിക്കൊണ്ടു പറഞ്ഞുനിർത്തിയപ്പോളാണ് കക്ഷീടെ മനസ്സിലിരുപ്പു വ്യക്തമാകുന്നത്…

“”…ഓഹ്.! അങ്ങനെവരട്ടേ.! നിന്റെയാ എരണംകെട്ട കൂട്ടുകാരികൾടെ മുന്നെക്കൊണ്ടോയി കെട്ടുകാഴ്ച നടത്താമ്മേണ്ടിയാല്ലേ നീയപ്പോ തെരക്കുകൂട്ടിയതും… ഈ തൊലിഞ്ഞ സ്നേഹമ്മൊത്തോം കാട്ടീതും..??”””