കോപ്പ്… ഞാനും മീനാക്ഷീങ്കൂടി റൂമിക്കെടന്നു കുത്തിമറികയാർന്നെന്നാ കക്ഷീടെവിചാരം…
ധർമ്മജൻ പറയുമ്പോലെ നെനക്കസൂയയില്ലാത്തോണ്ടു കൊഴപ്പല്ലേട്ടോ… എന്നമട്ടിൽ കീത്തൂനെ നോക്കുമ്പോൾ മാതാശ്രീടെ വിലക്കവളെ തേടിയെത്തി:
“”…നീയൊന്നു മിണ്ടാണ്ടിരുന്നേ കീത്തൂ… ആവശ്യോല്ലാത്തേടത്തു വർത്താനമ്പറയല്ലെന്നു നിന്നോടെ ഞാൻ പറഞ്ഞിട്ടൊണ്ട്…!!”””_ എന്നും പറഞ്ഞവൾടെ വായടപ്പിച്ച മമ്മി,
“”…എന്നിട്ടു മോളു പറ… എന്താ വൈകീത്…??”””_ എന്നും ചോദിച്ചുകൊണ്ടു മീനാക്ഷീടെ നേരേ തിരിഞ്ഞു…
പക്ഷേ കീത്തുവപ്പോഴും വിടാൻ കൂട്ടാക്കീരുന്നില്ല,
“”…ആ ചുണ്ടേന്നൊലിയ്ക്കുന്ന തേനങ്ങു തൂത്തുകള… അല്ലേ തൊണ്ടക്കുഴീലെറുമ്പു കേറും…!!”””_ എന്നുംപറഞ്ഞമ്മയെ രൂക്ഷമായി നോക്കിയ കീത്തൂനെ കണ്ടപ്പോൾ ചിരിയാണു വന്നത്…
സംഗതി മീനാക്ഷിയെ കൊഞ്ചിയ്ക്കുന്നതൊന്നും കക്ഷിയ്ക്കത്ര രസിയ്ക്കുന്നമട്ടില്ല…
പക്ഷേ ഇത്തവണമ്മ കീത്തൂനെ പാടെ ഉപേക്ഷിച്ചുകൊണ്ടു ചോദ്യമാവർത്തിയ്ക്കുന്ന മട്ടിൽ മീനാക്ഷിയെ നോക്കി…
“”…അതമ്മേ… ഇന്ന്… ഇന്നെനിയ്ക്കു ഡ്യൂട്ടിയില്ല… ജെസ്റ്റ് പ്രിൻസിപ്പാളിനൊന്നു കണ്ടാ മാത്രമ്മതി… സസ്പെൻഷന്റെ കാര്യമൊന്നു സംസാരിയ്ക്കണം… അത്രേയുള്ളൂ… അതോണ്ടു ഞാനാ സിദ്ധൂന്റോടെ പറഞ്ഞേ, വെപ്രാളോന്നുമ്മേണ്ട… കുറച്ചു വൈകിയൊക്കെപ്പോവാന്ന്..!!”””_ അവളമ്മയ്ക്കുള്ള മറുപടി കൊടുക്കുമ്പോഴും എന്നെ കടക്കണ്ണിൽ നോക്കുന്നുണ്ടായ്രുന്നു…
ഇനി ഉള്ളകാര്യം പറഞ്ഞാൽ ഞാങ്കൂടെ ചെന്നില്ലേലോന്നു കരുതിയാവും അവളങ്ങനെ പറഞ്ഞത്…
ആവുമെന്നൊന്നുമല്ല… അതോണ്ടു തന്നെയാ.!
“”…ഓ… അങ്ങനെ…! എന്നാ നിങ്ങളിരിയ്ക്ക്… ഞാങ്കഴിയ്ക്കാനെടുക്കാം..!!”””_ മീനാക്ഷീടെ കൈയ്ക്കുപിടിച്ചു സോഫയിലേയ്ക്കു ചൂണ്ടിപറഞ്ഞുകൊണ്ടമ്മ അടുക്കളയിലേയ്ക്കു നടന്നതും,
“”…ആ…! പെട്ടെന്നെടുത്തുവെയ്… വെശന്നിട്ടു പാടില്ല..!!”””_ എന്നും പറഞ്ഞുകൊണ്ടു ഞാനുമമ്മയ്ക്കു പിന്നാലെ ചെന്നു…
ഉടനെതന്നെ മീനാക്ഷിയെന്റെ കൈയ്ക്കു ചാടിപ്പിടിച്ചു…
അതിനു സംശയഭാവത്തോടവളെ നോക്കിയപ്പോൾ,
“”…പോണവഴിയ്ക്കു പണ്ടാരമടക്കിത്തരാം… നീ ഇപ്പെന്റൊപ്പമ്മാ….!!”””_ എന്നൊരു ഡയലോഗായിരുന്നു…
“”…എന്തോന്ന്…??”””_ അവളാ പറഞ്ഞതങ്ങടിഷ്ടപ്പെടാത്ത ഞാൻ വീണ്ടുമെടുത്തു ചോദിച്ചപ്പോൾ പുള്ളിക്കാരി പെട്ടെന്നു തണുത്തു:
“”…അല്ലാ… പോണവഴിയ്ക്കു ഞാമ്മേടിച്ചു തരാന്ന്… പ്ലീസ്.. ഇപ്പോത്തന്നൊരുപാട് ലേറ്റായി… ഇനിയെങ്കിലുമൊന്നു കൂടെവാടാ..!!”””_ എന്നു സ്വരം മയപ്പെടുത്തിക്കൊണ്ടു പറഞ്ഞു…
എന്തായാലും അടുക്കളയിൽനിന്നുവന്നത് ഉണക്കപ്പുട്ടിന്റെ സ്‌മെല്ലായിരുന്നതുകൊണ്ടും അവളുടെകാശിനു മൂക്കുമുട്ടെ തിന്നണമെന്നുള്ളതുകൊണ്ടും ആ അപേക്ഷ ഞാൻ സ്വീകരിച്ചു…
ഞാനുടനേ വണ്ടിയ്ക്കടുത്തേയ്ക്കു നടന്നപ്പോളവള്,
“”…കഴിയ്ക്കാനെടുക്കണ്ടമ്മേ… ഞങ്ങളു പോണവഴിയ്ക്കു കഴിച്ചോളാ…”” _ ന്നു വിളിച്ചുപറയുന്നതും,
“”…കഴിച്ചിട്ടുപോ പിള്ളേരേ…”””_ ന്നുള്ളമ്മേടെ മറുപടിയ്ക്കുമിടയിൽ,
“”…ഓ.. അമ്മേടെ ഫുഡൊന്നും മഹാറാണിയ്ക്കിറങ്ങില്ലാരിയ്ക്കും..!!”””_ എന്ന കീത്തൂന്റെ ചൊറിച്ചിലും ഞാൻ വണ്ടിയെടുക്കുന്നതിനിടേ കേട്ടു…
എന്തായാലും ഞാൻ ബൈക്കു സ്റ്റാർട്ടു ചെയ്തപ്പോഴേയ്ക്കും മഹാറാണിയുംവന്നു പിന്നേക്കേറി…
എന്നോടു മുട്ടിയുരുമി… എന്റെ തോളേ കയ്യുംവെച്ചെന്റെ ഭാര്യേപ്പോലെ അവളങ്ങു ഞെളിഞ്ഞിരുന്നതേ എനിയ്ക്കങ്ങോട്ടു പൊളിഞ്ഞു വന്നു,
“”…അങ്ങോട്ടു നീങ്ങിയിരീടീ കോപ്പേ… അവളു മുട്ടിയിരിയ്ക്കാമ്മന്നേക്കുന്നു..!!”‘”_ എന്നുംപറഞ്ഞു ഞാനങ്ങോട്ടു തെറിച്ചതും വീണ്ടുമൊരടിയ്ക്കുള്ള സമയമില്ലാത്തതുകൊണ്ടാവും അവളപ്പോഴേ നീങ്ങിയിരുന്നു…
ലേഡീസ്ഹാൻഡിലിൽ കയ്യുംവെച്ചു വീഴുമോ ഇല്ലയോന്നുള്ള സംശയത്തിലിരുന്നയവളെ, എൻഎസ്സു കിടത്തിക്കൊണ്ടൊന്നു രണ്ടുവട്ടം ഞാനുമൊന്നു ടെസ്റ്റു ചെയ്‌തെങ്കിലും മുടിഞ്ഞ ഭാഗ്യമായിരുന്നു അവൾക്ക്… എത്ര വീശിയിട്ടും വീണില്ലെന്ന്…
ഏതായാലുമവളേംകൊണ്ടു പോണു; പിന്നെ പരമാവധി മുതലാക്കണോല്ലോന്നു കരുതി നേരേ പെട്രോൾ പമ്പിലേയ്ക്കാണു വിട്ടത്…
വണ്ടി പമ്പിലേയ്ക്കു തിരിയ്ക്കുമ്പോളാ… സാമാനത്തിന്റെചോദ്യം,
“”…എന്തായിങ്ങോട്ട്..??”””_ ന്ന്…
“”…ഇവടെയോ…?? ഇവടെ ഞാനൊരു ചായകുടിയ്ക്കാൻ കേറുവാ… എന്താ പാലു കുറച്ചു പെട്രോളു ചേർത്തൊരു ചായയെടുക്കട്ടേ…?? കൃമികടി മാറും…!!”””_ എന്നയെന്റെ മറുപടിയിഷ്ടപ്പെടാതെ ചുണ്ടിനിടയിലിട്ടെന്തോ പിറുപിറുത്തശേഷമവള് വീണ്ടും ചോദിച്ചു:
“”…അതല്ല… ഇപ്പെന്തിനാ പമ്പിൽ കേറുന്നേന്ന്…??”””
“”…ഇപ്പഴോ… ഇപ്പയിവടെ നിന്റെ കള്ളത്തന്തേടെ രണ്ടാങ്കെട്ടുണ്ട്… അതിന്റെ സദ്യയുണ്ടേച്ചും പോകാന്നുവെച്ചു…. എന്താ നെനക്കുവേണ്ടേ…??””‘_
ഞാൻ ചൊറിതുടർന്നതും അവളെന്നെ തുറിച്ചുനോക്കിയിരുന്നു…
അതിന്,
“”…നിന്നേങ്കൊണ്ടെഴുന്നള്ളി നടക്കാനേ… വണ്ടീൽ പെട്രോളടിയ്ക്കണം… അതിനിവടെ വരണം… അല്ലാണ്ടു നീ കവച്ചിരുന്നു മുള്ളിയാൽ പെട്രോള് വരില്ല..!!”””_ എന്നുള്ളെന്റെ വിവരണങ്കേട്ടതും കക്ഷിയ്ക്കു കാര്യം മനസ്സിലായി…
പിന്നൊരക്ഷരം മിണ്ടീല…പക്ഷേ കൊണ്ടുചെന്നു നിർത്തിയപ്പോൾ പെട്രോളടിയ്ക്കാൻ നിയ്ക്കുന്നോന്റൊരു അവലക്ഷണംകെട്ട ചോദ്യം,
“”…എപ്പഴ്ത്തേമ്പോലെ മുപ്പതുതന്നല്ലേ..!!”””_ ന്ന്…
സംഗതി കാര്യം സത്യമായിരുന്നെങ്കിലും മീനാക്ഷികൂടുള്ളതിനാൽ സാമാന്യം നല്ലരീതിയിലൊന്നുചമ്മി…
അതിന്റൊപ്പമവൾടെ കൊണച്ച ചിരികൂടിക്കണ്ടപ്പോ ശെരിയ്ക്കും തീട്ടത്തിൽ ചവിട്ടീതുപോലായി…
എന്നാലവളെ കാണിയ്ക്കാനുള്ളവന്റെ ഡോഗ്ഷോയിറക്കലായിരുന്നതെന്നു മനസ്സിലായതും എനിക്കങ്ങോട്ടു വിറഞ്ഞുകേറി…
അതല്ലേലും നമ്മളെപ്പോലുള്ള ലോക്ലാസ്സ് പയ്യന്മാർക്കൊരു പെണ്ണുവളഞ്ഞൂന്നു കേൾക്കുമ്പോ നാട്ടിലെ സർവനാറികൾക്കുമുള്ളതാ ഈ കൃമികടി…
ഇനിയാ പീസൽപ്പം മെനയുള്ളതാണേ പറയുവേംവേണ്ട…
അവളുമാരുടെമുന്നില് നമ്മളെ താഴ്ത്തിക്കെട്ടാനായ്ട്ടുള്ള ഒരുതരം മൂഞ്ചിയസംസാരം….
അതും ഞാനവളെ വളച്ചതാണെന്ന ചിന്തയിലുള്ള ഷോയാണെന്നു മനസ്സിലായതും ഞാനുമൊന്നാളായി:
“”…മുപ്പതോ…?? എണ്ണൂറിനടിയ്ക്കെഡേയ്… ഇനി ടാങ്കിക്കൊള്ളാതെ പുറത്തുപോയാ നീയങ്ങ് കുടിച്ചോ… സാരമില്ല..!!”””_ പരമപുച്ഛം നിറച്ചുകൊണ്ടുളെളന്റെ മറുപടികേട്ടവൻ അന്തിച്ചുനില്ക്കേ, അവനെ പരമാവധി താഴ്ത്തിക്കൊണ്ടു ഞാൻതുടർന്നു:
“”…അല്ലേ വേണ്ട… ഫുൾടാങ്കടിച്ചോ…അല്ലേ നീയൊക്കെ എയറുകേറ്റി വല്ല ഉടായിപ്പും കാട്ടിയാലോ… അതോണ്ടടിയ്ക്കെടാ മോനേ ഫുൾടാങ്ക്..!!”””_ ജീവിതത്തിലിന്നേവരെ നൂറിനുമുകളിലടിച്ചിട്ടില്ലാത്ത ഞാൻ ഫുൾടാങ്കെന്നൊക്കെ പറഞ്ഞപ്പോളവനൊരു സംശയം, ഞാനിനിയവനെ ആക്കുവാണോന്ന്….