എന്തായാലും പത്തയ്യായിരംരൂപയെങ്കിലും പൊട്ടിയിട്ടുണ്ടാവും…
അതാവും തിരികെവന്നപ്പോൾ മുഖമാകെ വീർത്തുകെട്ടിയിരുന്നത്…
“”…നിങ്ങളു പ്രിൻസിയെ കണ്ടില്ലല്ലോ…?? എന്നാ പെട്ടെന്നുപോയ് കാണാന്നോക്ക്… ഇന്നുച്ചകഴിഞ്ഞിവിടൊരു ഫങ്ക്ഷന്നടക്കാമ്പോവാ… അതിന്റെ തെരക്കു തൊടങ്ങിയാപ്പിന്നെ ഇന്നു കാണാമ്പറ്റീന്നു വരില്ല…!!”””_ മീനാക്ഷി ബില്ലടച്ചിട്ടു വരുന്നതുകണ്ടപ്പോൾ ഓർമ്മിപ്പിയ്ക്കുമ്പോലെ തട്ടമാണതുപറഞ്ഞത്…
അപ്പോൾ മീനാക്ഷി, ഇത്രേക്കെന്നെ ചെയ്തില്ലേ… ഇനിയെങ്കിലുങ്കൂടെ വന്നൂടേയെന്ന ഭാവത്തിലെന്റെ കണ്ണിലേയ്ക്കു ദയനീയമായിനോക്കി…
“”…എന്നാ ശെരി… ഞങ്ങളു പ്രിൻസിപ്പാളിനെ കണ്ടേച്ചുവരാം…!!”””_ കഷ്ടപ്പെട്ടുണ്ടാക്കിയ ഇമേജു വെറുതെ പാഴാക്കണ്ടല്ലോന്നുകരുതി പറഞ്ഞു ഞാൻ മീനാക്ഷിയ്‌ക്കൊപ്പം പ്രിൻസിയുടോഫീസിലേയ്ക്കു നടന്നു…
അങ്ങോട്ടേയ്ക്കു നടക്കുമ്പോഴുമെന്റെ മനസ്സിൽ നാണക്കേടൊഴിവാക്കാനുള്ള പലതര പ്ലാനിങ്ങുകളും നടക്കുന്നുണ്ടായിരുന്നെന്നതു മറ്റൊരുകാര്യം…
പ്രിൻസിയുടെ റൂമെത്തീതും എന്നെയൊന്നുകൂടി തിരിഞ്ഞുനോക്കിക്കൊണ്ടവൾ അകത്തേയ്ക്കു കേറി…
നേരത്തെ മീനാക്ഷിയുടെ ഫ്രണ്ട്സിനു മുന്നിൽ ചിതറിയപോലെ അവിടെയുമൊന്നു ചിതറിക്കളയാമെന്ന പ്രതീക്ഷയോടെ പിന്നാലെ കേറിയ ഞാൻ കേൾക്കുന്നത്,
“”…നീയോ…?? നീയെന്തായിവടെ…??”””_ എന്നു മീനാക്ഷിയോടു ചോദിയ്ക്കുന്ന പ്രിൻസിയെയാണ്…
ചോദിച്ചുകഴിഞ്ഞാണു പുള്ളിയെന്നെ കാണുന്നത്,
“”…ആഹാ… രണ്ടുപേരുമുണ്ടോ..?? എന്തേയിനിയിവടെ റൂം കിട്ടോന്നറിയാമ്മേണ്ടി വന്നതാണോ..?? ഇത് ലോഡ്ജല്ല.. ഹോസ്പിറ്റലിലാണ്..!!”””_ അകത്തേയ്ക്കു കയറിയതും സ്പോട്ടിലുള്ള പുള്ളീടെ തഗ്ഗ് കേട്ടപ്പോളെനിയ്ക്കു ചിരിയാണുവന്നതെങ്കിലും ക്യാരെക്ടർ കളയരുതല്ലോന്നുകരുതി ഞാനങ്ങുപിടിച്ചുനിന്നു…
എന്നാൽ യൂണിവേഴ്സിറ്റി റാങ്ക്ഹോൾഡറായ തന്റെ സ്റ്റുഡന്റിൽനിന്നും ഇത്തരത്തിലൊരു ചെയ്തി പ്രതീക്ഷിയ്ക്കാത്തതിലുള്ള ദേഷ്യമായിരുന്നു പുള്ളിയ്ക്ക്…
“”…നീയെന്തിനാ വന്നേ…??”””_ അയാൾടെമുന്നിൽ തലകുനിച്ചു നിൽക്കുകയല്ലാതെ ഒരക്ഷരം മിണ്ടാതിരുന്ന മീനാക്ഷിയോടു വീണ്ടും പ്രിൻസിചോദിച്ചതും,
“”…സർ… അതു ഞാൻ… സസ്പെൻഷൻ പിൻവലിയ്ക്കാൻ…!!”””_ എന്നവളറിയാതെ പറഞ്ഞുപോയി…
“”…ഓഹോ… അതിനെന്തിനാ താനിയാളേങ്കൊണ്ടു വന്നത്…?? അച്ഛനെ വിളിച്ചോണ്ടു വരാനല്ലേ ഞാമ്പറഞ്ഞത്…?? “””
“”…അതു സാർ… ഹീ… ഹി യീസ് മൈ ഹസ്ബെന്റ്…!!”””_ അയാളുടെ ചോദ്യത്തിനൊന്നു പതറിയശേഷമാണ് മീനാക്ഷിയുടെ മറുപടിചെന്നത്…
അതുകേട്ടതും പ്രിൻസിയും ഞാനുമൊരുമിച്ചു ഞെട്ടി…
ഇതൊക്കെയെപ്പോളെന്ന ഭാവത്തിലയാൾ ഞങ്ങളെനോക്കുമ്പോൾ,
ഈസംഭവം കൊള്ളാല്ലോയെന്ന മട്ടായിരുന്നു എനിയ്ക്ക്…
“”…ഓഹോ… അപ്പ
പോളങ്ങനെയായോ കാര്യങ്ങള്…?? എന്നാലിരിയ്ക്ക്…!!”””_ കല്യാണം കഴിഞ്ഞെന്നറിഞ്ഞതും പുള്ളിയൊന്നു തണുത്തെന്നു തോന്നുന്നു…
അതുകൊണ്ടാണ് മുന്നിലെ കസേരചൂണ്ടി പറഞ്ഞപ്പോൾ മറ്റൊന്നുംനോക്കാതെ ഞാൻ ചാടിക്കയറിയിരുന്നത്…
എന്നാലതോടെ അങ്ങേരുടെ വിധമ്മാറുവാരുന്നു…
എന്റെപിന്നാലെ ചെയറിലേയ്ക്കു കുണ്ടിയുറപ്പിച്ച മീനാക്ഷിയെ നോക്കിയയാൾ അടുത്തനിമിഷം ചീറി:
“”…അപ്പൊ നീയൊക്കെ വേഷങ്കെട്ടെടുക്കുവായ്രുന്നല്ലേ…?? അന്നു തനിയ്ക്കെന്തോ അബദ്ധമ്പറ്റീതാന്നേ ഞാങ്കരുതിയിരുന്നുള്ളൂ… എന്നാലിപ്പൊ മനസ്സിലായി… രണ്ടുങ്കൂടിയറിഞ്ഞോണ്ടുള്ള വേലയായ്രുന്നെന്ന്… എന്നാലും മീനാക്ഷിയ്‌ക്കൊക്കിത്രേം തരംതാഴ്ന്നു ചിന്തിയ്ക്കാമ്പറ്റുന്നല്ലോന്നാണ്..!!”””
“”…സാർ… അതു ഞാൻ…”””_ അയാൾനിന്നു ചിതറിയപ്പോൾ ന്യായീകരണത്തിനാവണം വായതുറന്ന മീനാക്ഷിയെയയാൾ കൈതടഞ്ഞുകൊണ്ടു പറയുന്നതിൽനിന്നും വിലക്കി…
“”…താനിനിയിപ്പെന്തൊക്കെ ന്യായമ്പറഞ്ഞാലും എനിയ്ക്കതൊന്നുങ്കേക്കണ്ട… ഇതുവരെയിവിടെ ഞാനാർക്കുങ്കൊടുക്കാത്ത ഫ്രീഡമാ നെനക്കുതന്നത്… അതുനിന്റെ ബ്രില്ല്യൻസ് കണ്ടിട്ടുമാത്രമാ… നീയോരോ പ്രോബ്ലംസുമുണ്ടാക്കി വരുമ്പോളെത്ര പ്രാവശ്യമാ എല്ലാരുങ്കൂടെ നിന്നെ കോളേജീന്നു പൊറത്താക്കണോന്നു പറഞ്ഞതെന്നറിയോ… അന്നെല്ലാം നെനക്കുവേണ്ടി വാദിച്ചയെന്നെ… വേണ്ട… എന്നെക്കൊണ്ടൊന്നും പറയിപ്പിയ്ക്കണ്ട..!!”””_ അയാളും വികാരഭരിതനായി പറഞ്ഞു നിർത്തിയപ്പോൾ മീനാക്ഷിയുടെകണ്ണുകൾ നിറയുന്നതുകണ്ടു…
“”…തനിയ്ക്കറിയോ ഇപ്പൊത്തന്നെ തന്നെയിവടന്നു ഡിസ്മിസ്സ്‌ ചെയ്തേ മതിയാകൂന്ന് മാനേജുമെന്റും പിടിഎയുമൊക്കെ ഒന്നടങ്കം പറഞ്ഞതാ… തന്റെ പ്രൊഫൈയിലൊന്നുകൊണ്ടു മാത്രാ ഞാനതിനു മുതിരാതിരുന്നത്..!!”””
“”…സാർ… ഞാമ്പറയുന്നോടൊന്നു കേക്ക്… എന്നിട്ട്….”””
“”…വേണ്ട…! ഇത്രേക്കെയായിട്ടിനിയെന്താ നെനക്കു പറയാനുളേള…?? നീയൊന്നുമ്പറേണ്ട….!!”””_ മീനാക്ഷിയെ വീണ്ടും ബ്ലോക്കാക്കിക്കൊണ്ട് അയാൾടെ ശബ്ദമുയർന്നതും ഞാനങ്ങു ത്രില്ലടിച്ചുപോയി…
ഇങ്ങനൊക്കെ നടക്കോന്നറിഞ്ഞെങ്കി നട്ടവെളുപ്പിനു ഞാനിവളേങ്കൊണ്ടു കോളേജിന്റെ പടിയ്ക്കെ നിന്നേനേലോന്നും ചിന്തിച്ചിരിയ്ക്കുമ്പോഴാണ്,
“”…എന്നാലും തനിയ്ക്കുമിത്രയ്ക്കു വിവരമില്ലാണ്ടായ്പ്പോയല്ലോടോ…??”””_ ന്നും ചോദിച്ചെന്റെ നേരേ അയാൾ തിരിഞ്ഞത്…
എന്താണു പുള്ളിചോദിച്ചതിന്റെ വശമെന്നുമനസ്സിലാകാതെ വായുംപൊളിച്ചു
നോക്കുമ്പോളയാൾ തുടർന്നു:
“”…ഒരു വിമൻസ് ഹോസ്റ്റലിൽ പാതിരാത്രി ചെന്നുകേറാൻ തനിയ്ക്കു നാണമില്ലേ…?? ഒന്നൂല്ലേലുമതു പുറത്തറിഞ്ഞാ ബാക്കിക്കുട്ടികൾടെ ഭാവിയെന്താവോന്നു താൻ ചിന്തിച്ചിട്ടുണ്ടോ…?? ഇതിനൊക്കെ വല്ല ഹോട്ടലിലും പൊക്കൂടെ..??”””_ ചോദിച്ചുകൊണ്ടയാൾ നിന്നു തെറിച്ചപ്പോൾ കാര്യംപിടികിട്ടിയ എന്റെ വിധവുമ്മാറി:
“”…എന്റെ പൊന്നു സാറേ… സാറ് വിചാരിക്കുന്നപോലെ ഞാനന്നതിനു വന്നേന്നുമല്ല…!!””
“”…പിന്നെ…??”””_ പുതിയ ന്യായീകരണം കേൾക്കാനുള്ള താല്പര്യത്തോടെ പ്രിൻസിയെന്നെ നോക്കുമ്പോൾ, മീനാക്ഷീടെ മുഖത്തൊരു ഞെട്ടലായിരുന്നു…
ഇവനിനിയെന്തൊക്കെയാ പറയാമ്പോണേന്നുള്ള ഒരമ്പരപ്പ്…
“”…എന്റെ സാറേ… സാറിതു കേൾക്കണം… ഞാനൊരു നൂറുപ്രാവശ്യമിവളോടെ പറഞ്ഞതാ… ലേഡീസ് ഹോസ്റ്റലാ… ആരേലുങ്കണ്ടാ നാണക്കേടാന്ന്… അപ്പൊ അവൾടമ്മേടെ…”””_ പൂഞ്ഞിക്കര ടോണിൽ പറഞ്ഞുവന്നപ്പോൾ കൈയീന്നുപോയ ഞാൻ പെട്ടെന്നു ബ്രേക്കിട്ടശേഷം വീണ്ടുംതുടർന്നു:
“”…സോറീ സാർ… ദേഷ്യമ്മന്നപ്പോളറിയാണ്ടു പറഞ്ഞുപോയതാ… സാറിനറിയോ അന്നു ഞാനൊരു ബുക്കും കൊണ്ടുവന്നതാ ഹോസ്റ്റലിലോട്ട്…. ആവശ്യത്തിന് ഞാമ്പറഞ്ഞതാ… ബുക്കു ഞാൻ സെക്യൂരിറ്റീടേ കൊടുക്കാം… നീ പുള്ളിയോടു മേടിച്ചാമതീന്ന്… അപ്പവൾടൊടുക്കത്തൊരു നാണക്കേട്… എന്തോ സെമിനാറോ കോപ്പാണ്ട് പ്രെസെന്റ് ചെയ്യാനുള്ളതാ മറ്റതാന്നൊക്കെ പറഞ്ഞ് കരച്ചിലായി… അങ്ങനെയാ ഞാനാബുക്കുങ്കൊണ്ട് റൂമിച്ചെന്നു കേറിയേ….??”””