അപ്പോളാണ് കേസ് നടത്താൻ രാപ്പകൽ ഓടിയ എന്റെ മുന്നിൽ അദ്ദേഹം ആദ്യമായി പ്രത്യക്ഷപ്പെടുന്നത്. മിസ്റ്റർ റിച്ചാർഡ്സൺ. അയാൾ എനിക്ക് നിഷ്പ്രയാസം എമിയെ നേടി തന്നു. അയാൾ എന്നെയും എമിയെയും അദ്ദേഹത്തിന്റെ വീട്ടിൽ കൊണ്ടുപോയി താമസിപ്പിച്ചു.
ഏതാനും ദിവസങ്ങൾക്കു ശേഷമാണ് അയാൾ ആരാണെന്നു എനിക്ക് മനസിലായത്. അദ്ദേഹം അമേരിക്കയിലെ വളരെ പ്രധാനപെട്ട സീക്രെട് ഏജൻസിയുടെ തലപ്പത്തു ഉള്ള ഒരു വ്യക്തിയായിരുന്നു. എന്റെ പപ്പാ അദ്ദേഹത്തിന്റെ സുഹൃത്തും അതേ ഏജൻസിയുടെ എൻകൗണ്ടർ സ്പെഷ്യലിസ്റ് ഉം. പപ്പാ? എൻകൗണ്ടർ സ്പെഷ്യലിസ്റ്? എനിക്ക് വിശ്വസിക്കാവുന്നതിലും അപ്പുറമായിരുന്നു അത്.
എനിക്കും എമിയ്ക്കും അദ്ദേഹത്തിന്റെ സമ്പാദ്യം ഏൽപ്പിക്കാൻ വരവേ ആണ് റിച്ചാർഡ്സൻ എന്റെ മാനസികാവസ്ഥ മനസിലായത്. അങ്ങനെ ഒരു ദിവസം അദ്ദേഹം എന്നോട് നേരംപോക്കുപോലെ എന്നോട് ഒരു കാര്യം ചോദിച്ചു
“നിനക്ക് എൻകൗണ്ടർ സ്പെഷ്യലിസ്റ് ആവാൻ താല്പര്യമുണ്ടോ? ”
“എന്ത്? ഞാനോ എൻകൗണ്ടർ സ്പെഷ്യലിസ്റ്റോ? ഹഹഹഹ “എനിക്ക് ചിരിയടക്കാൻ സാധിച്ചിരുന്നില്ല.
“ചിരിക്കാതെ അലക്സ്. ഞാൻ നേരംപോക്ക് പറഞ്ഞതല്ല ”
“നിങ്ങൾ എന്താണ് ഈ പറയുന്നത് മിസ്റ്റർ റിച്ചാർഡ്സൺ. ഞാൻ ഇത് വരെ ഒരു തോക്കുപോലും… അല്ല ഉണ്ട്.. ഒന്നോ രണ്ടോ തവണ എങ്ങാനും തോക്ക് കണ്ടിട്ടുണ്ട്… അതാണോ എന്റെ യോഗ്യത? ”
“നിന്നോട് ആരാണ് പറഞ്ഞത് തോക്ക് ഉപയോഗിക്കാൻ അറിയാവുന്നതാണ് എൻകൗണ്ടർ സ്പെഷ്യലിസ്റ്ന്റെ യോഗ്യത എന്ന്? ”
“പിന്നെ? ”
“വരൂ…. “എന്നെ അദ്ദേഹം അദ്ദേഹത്തിന്റെ അണ്ടർ ഗ്രൗണ്ടിലെ ഒരു മുറിയിലേക്ക് കൊണ്ടുപോയി…. അവിടെ വച്ച് ഒരുപാട് യുവാക്കളുടെ ചിത്രങ്ങൾ പരിചയപ്പെടുത്തി തന്നു.
“നോക്കു അലക്സ്… ഇവരാരും നീ പറഞ്ഞത് പോലെ തോക്ക് ഉപയോഗിക്കാൻ അറിയാവുന്നവർ ആയിരുന്നില്ല ”
“അപ്പൊ ഇവർ എൻകൗണ്ടർ സ്പെഷ്യലിസ്റ്സ് ആണോ? “
“ആയിരുന്നു… പക്ഷെ ഇപ്പോൾ ജീവിച്ചിരിക്കുന്നില്ല… നിന്റെ പപ്പയെ പോലെ കൊല്ലപ്പെട്ടു ”
“അപ്പോൾ നിങ്ങൾ എന്നെയും കൊലയ്ക്കു കൊടുക്കാൻ പോവാണോ? “ഞാൻ ചിരിച്ചു.
“ഹഹഹ…. അത് ഞാൻ നിന്നെ വെറുതെ വിട്ടാലും സംഭവിക്കും… എത്രകാലം എനിക്ക് നിങ്ങളെ സംരക്ഷിക്കാൻ പറ്റും? ”
“എനിക്ക് മനസിലാവുന്നില്ല ”
“നോക്കു അലക്സ്… നിന്റെ പപ്പയെ കൊന്നവർ ആരോ അവർ നിന്റെയും എമിയുടെയും പുറകെയുണ്ട്…. താത്കാലികമായി ഞാൻ നിങ്ങളെ എങ്ങോട്ടെങ്കിലും മാറ്റാം… പക്ഷെ ജീവിതകാലം മുഴുവൻ… എനിക്കറിയില്ല… ”
“എങ്കിൽ നിങ്ങള്ക്ക് അവരെ വധിച്ചുകൂടെ? ”
“തീർച്ചയായും ഞാൻ അത് ചെയ്യും… പക്ഷെ ഞാൻ നിനക്ക് നേരെ ഒരു അവസരം നീട്ടി എന്നേയുള്ളു…? ”
“എന്ത് അവസരം? ”
“നിന്റെ പപ്പയെ കൊന്നവരെ നിന്റെ കൈകളാൽ തീർക്കാനുള്ള അവസരം… അതിലുപരി എന്റെ ഏജൻസിയിലേക്ക് ഒരു മിടുക്കനെ തിരഞ്ഞെടുക്കാനുള്ള അവസരം ”
“നിങ്ങൾക്കുറപ്പുണ്ടോ എന്നെകൊണ്ട് അതിന് കഴിയും എന്നതിന്? ”
“തീർച്ചയായും അലക്സ്… ഞാൻ കാണിച്ച ആ ചെറുപ്പക്കാരുടെ ആകെയുള്ള മുതൽക്കൂട്ട് മരിക്കാൻ ഭയമില്ലാത്ത മനസ്സായിരുന്നു. ഇപ്പോളും അനേകം ചെറുപ്പക്കാർ ഞങ്ങൾക്ക് വേണ്ടി ജോലി ചെയ്യുന്നു. അവരുടെ സുരക്ഷയോർത്തു അവരെ നിനക്ക് കാണിച്ചു തരാൻ എനിക്ക് നിർവാഹമില്ല. ”
ശരിയാണ് എല്ലാം നഷ്ടപെട്ട എനിക്ക് എന്ത് നോക്കാൻ… അതിലുപരി എന്റെ മാനസികാവസ്ഥയും ആകെ താളം തെറ്റിയിരുന്നു. അതിൽ നിന്ന് പുറത്തുവരാൻ എന്തെങ്കിലും സാഹസം കാട്ടണം എന്ന് മാത്രമേ എനിക്കുണ്ടായിരുന്നുള്ളു. എമിയ്ക്കു വേണ്ടി എനിക്ക് ജീവിച്ചേ മതിയായിരുന്നുള്ളു. ഞാൻ മിസ്റ്റർ റിച്ചാർഡ്സണ്ണിനോട് സമ്മതം മൂളി.
അന്നുമുതൽ മിസ്റ്റർ റിച്ചാർഡ്സൺ എന്നെ ജോ എന്ന ജോർദാൻ എഡ്വില്ലിനാക്കി മാറ്റുകയായിരുന്നു. അലക്സ് എന്ന എന്റെ ഭൂതകാലമത്രയും അദ്ദേഹം മായ്ച്ചു കളഞ്ഞിരുന്നു. എന്നെയും എമിയെയും യൂകെയിലേക്കും അവിടെ നിന്ന് ജർമ്മനിയിലേക്കും മിസ്റ്റർ റിച്ചാർഡ്സൺ മാറ്റി. എമിയെ ജർമ്മനിയിലെ
ബോർഡിങ് സ്കൂളിൽ നിർത്തിയ ശേഷം പരിശീലനത്തിനായി എന്നെ പല രാജ്യങ്ങളിലേക്ക് പല വ്യക്തികളുടെ അടുത്തേക്ക് മിസ്റ്റർ റിച്ചാർഡ്സൺ അയച്ചിരുന്നു. ഏകദേശം രണ്ടര വർഷത്തെ കഠിന പരിശീലനത്തിനൊടുവിൽ എനിക്ക് എന്റെ ആദ്യ മിഷൻ മിസ്റ്റർ റിച്ചാർഡ്സൺ തന്നു. അത് എന്റെ പപ്പയുടെ ഘാധകനായിരുന്നു.