നല്ലുച്ചത്തിലുള്ള ആ ശബ്ദം ആരുടേതാണെന്ന് ഞങ്ങൾക്കും അവന്മാർക്കും മനസ്സിലായി അവന്മാരും ഒപ്പം ഞങ്ങളും ആ ശബ്ദം കേട്ട ഭാഗത്തേക്ക് തിരിഞ്ഞു നോക്കി. “അഷ്കർ “.
അഷ്കർ സ്കൂൾ ചെയർമാനും ഞങ്ങൾടെ നാട്ടിലെ മെമ്പറുടെ മകനും, ഇവിടെ പണ്ടുതൊട്ടെ പഠിക്കുന്നതുകൊണ്ടും അവന്റെ വാപ്പ മെമ്പറും ആയതുകൊണ്ട് തന്നെ അവൻ കാണിക്കുന്ന പോക്കിരിത്തരങ്ങളൊക്കെയും കണ്ടില്ലെന്ന് നടിക്കുമെങ്കിലും ടീച്ചേഴ്സിനും സാറുമ്മാർക്കും അവനെ ഭയങ്കര കാര്യമാണ്, ആള് തല്ലിപ്പൊളിയാണെന്നലിലും എല്ലാവരോടും സ്നേഹമാണ് അതോണ്ട് തന്നെ ചങ്കെങ്കിൽ ചങ്ക് അടിയെങ്കി ഇടി ആ ടൈപ് ആണ് അവൻ അവൻ ഞങ്ങൾ നിന്ന അടുത്തേക്കെത്തികൊണ്ട് അവന്മാരോടായി ചോദിച്ചു,
“ന്തടാ, ന്താടാ ഇവിടെ പ്രശ്നം??”
“ഇവമ്മാര് വന്നദിവസം തന്നെ മെക്കിട്ട് കയറാൻ നോക്കയാണ് അഷ്കറെ അതോണ്ട്.”. കൂട്ടത്തിലെ ഒരു പൈയ്യൻ പറഞ്ഞു
“അതോണ്ട്, നീയൊക്കെ കേറിയങ് അടിക്കോ, എന്നാ അടിയെടാ നോക്കിനിക്കാതെ, പിന്നെ നീയൊക്കെ നേരാവണ്ണം ഇവിടുന്ന് വീട്ടിലോട്ട് പോവൂല്ല ഇവമ്മാര് ഇവിടുള്ളോൻമാരാ ദേഹത്തെങ്ങാനും തൊട്ടാ പുന്നാരമക്കളെ വെട്ടിനുറുക്കി റോട്ടിലെറിയും ഇവിടുള്ളൊന്മ്മാര്, എന്താ അത് വേണോ…?”
“അത്…..”
“എന്താടാ വേണോ അത്..”
“വേണ്ടാ…”
“എന്നാ തറയിക്കിടക്കണ ഈ രണ്ട് വാണാലികളേം എടുത്തോണ്ട് ക്ലാസ്സി പൊ മൈറോളെ, നീയൊക്കെ ഇവിടെക്കിടന്ന് ഊമ്പിയത് മതി.”
അതു കേട്ടയുടനെ തന്നെ അവമ്മാര് താഴെക്കിടന്ന രണ്ടാന്നെത്തിനേം പോടീമ് തട്ടിക്കൊണ്ടെനിയിടറ്റ് അവിടെന്ന് പോയി പോകുമ്പോ അതിലെ ഒരുത്തൻ ഞങ്ങളെ നോക്കി ചെറഞ്ഞു (ദേഷ്യത്തോടെ നോക്കി ).
അവന്മാര് പോയിക്കഴിഞ്ഞപ്പോ അഷ്കർ ഞങ്ങളോടായി പറഞ്ഞു.
“വന്ന ആദ്യത്തെ ദിവസം തന്നെ വേണോടാ അടിം ഇടിമൊക്കെ”.ചിരിച്ചോണ്ട് താടീം ചൊറിഞ്ഞോണ്ടവൻ പറഞ്ഞു.
“ഞങ്ങളെന്ത് ചെയ്യാനാ അണ്ണാ അവന്മാരാണ് വെറുതെ അങ്ങോട്ട് പോയ ഞങ്ങളെ വിളിച്ചു അടി വാങ്ങിയത് “.മറുപടി ഞാനാണ് പറഞ്ഞത്, വയസ്സിനു മൂത്തവരെയൊക്കെ ചേച്ചി, ചേട്ടാ എന്നൊക്കെ വിളിച്ചാ ശീലം നല്ല പരിചയമുള്ളോരൊക്കെ ടാ പോടാ എന്നൊക്കെയും മൈ @₹ എന്നൊക്കെയുമാ വിളിക്കാറ്.
“അതന്നെ അല്ലാതെ ഞങ്ങളായിട്ട് അങ്ങോട്ട് കേറി പ്രശ്നമുണ്ടാക്കിയതല്ല “.
എന്റെ വാക്കിനു കൂട്ടുമ്പിടിച്ചു ഹിഷാം പറഞ്ഞു കൂടെ തലയാട്ടികൊണ്ട് ഇർഫാനും മറുപടി കൊടുത്തു.
“മ്മ് ഏതായാലും ഇന്ന് ഞാനുള്ളൊണ്ട് കുഴപ്പൊന്നുമില്ല അടുത്ത തവണ പ്രശ്നമുണ്ടക്കയാണെങ്കി ഞാൻ കണ്ടെന്ന് വരൂല്ല, പിന്നെ എന്തേലും പ്രശ്നോണ്ടെങ്കി പറയാൻ മറക്കണ്ട “.
അഷ്കർ ഞങ്ങൾ മൂന്നുപേരോടുമായി പറഞ്ഞു.
ഹിഷാം :”അതൊക്കെ പോട്ടെ, പോയപ്പോ ഞങ്ങളെ നോക്കികൊണ്ടുപോയ ആ പൈയ്യൻ ഏതാ ?”.
“ഏത് പൈയ്യൻ “.
ഞാൻ :”ഒരു ചെമ്പൻ മുടിത്തലയൻ നല്ല വെളുത്തിട്ട് “.
“ഓ അതോ അത് സയൻസ് ബാച്ചിലെ പൈയ്യനാ പേര് വിധു എന്തോ കാരാട്ടേയോ മറ്റോ എന്തിലോ ചാമ്പ്യൻ ആണെന്ന കേട്ടത് “.
ഇർഫാൻ :”അവനെങ്ങനാ പ്രശ്നം വല്ലോമാണോ??”
അഷ്കർ :”വന്ന ആദ്യമൊക്കെ ഭയങ്കര ജാടയായിരുന്നു കരാട്ടെയോ എന്തോ പറിയോ പഠിച്ചതല്ലേ അതൊന്റെയൊരു നെഗളിപ്പ്, അതും കണ്ടോണ്ട് കൂടെ കൂടിയതാ ഈ വാണങ്ങളൊക്കെ , ഒരു ദിവസം അതും. കൊണ്ട് നമ്മടെ സാലിയില്ലേ കഴിഞ്ഞ പ്ലസ് ടു ബാച്ചിൽ ഹ്യുമാനിറ്റീസ് ക്ലാസ്സിലുള്ള, അവനും കൂടെയുള്ളോരും കൂടെ എടുത്തിട്ടങ് കൊടഞ്ഞു, അവസാനം ഒരു മൂലയിൽ ചെരിവി വച്ച നിലയിലാ കിട്ടിയേ. ”
ഇർഫാൻ :”അയ്ശേരി തല്ലുകൊള്ളിയാണല്ലേ. ”
അഷ്കർ :”ഏറെക്കുറെ, പിന്നെ അടുത്ത തവണ നോക്കീം കണ്ടുംവേണം വല്ല പ്രശ്നങ്ങളിൽ ചെന്ന് ചാടാൻ ഇപ്പൊത്തന്നെ സീനിയർ പിള്ളേരെ ജൂനിയർ പിള്ളേര് തല്ലിയ കാര്യമൊക്കെ ഏറെക്കുറെ പേര് പറഞ്ഞിട്ടുണ്ട്.ഞാനും. ഒരു പെണ്ണ് പറഞ്ഞതും. കേട്ടാണ് വന്നത് തന്നെ.അപ്പോശേരി ക്ലാസ്സിലോട്ട് വിട്ടോ.”
ഞാൻ :”ശെരി അണ്ണാ” തൊഴുകൈയ്യോടെ ആക്കിക്കൊണ്ട് പറഞ്ഞു.
അഷ്കർ :”ടാ ടാ, വെളച്ചിലെടുക്കരുത് കേട്ടോ. ” അതും പറഞ്ഞോണ്ട് പുറത്തിട്ടൊരു തട്ടും തട്ടി അവൻ പോയി ഞങ്ങൾ നേരെ ക്ലാസ്സിലോട്ടും.