ഒരു ഊമ്പിയ ലൗസ്റ്റോറി

“വന്ന ആദ്യത്തെ ദിവസം തന്നെ വേണോടാ അടിം ഇടിമൊക്കെ”.ചിരിച്ചോണ്ട് താടീം ചൊറിഞ്ഞോണ്ടവൻ പറഞ്ഞു.

“ഞങ്ങളെന്ത് ചെയ്യാനാ അണ്ണാ അവന്മാരാണ് വെറുതെ അങ്ങോട്ട് പോയ ഞങ്ങളെ വിളിച്ചു അടി വാങ്ങിയത് “.മറുപടി ഞാനാണ് പറഞ്ഞത്, വയസ്സിനു മൂത്തവരെയൊക്കെ ചേച്ചി, ചേട്ടാ എന്നൊക്കെ വിളിച്ചാ ശീലം നല്ല പരിചയമുള്ളോരൊക്കെ ടാ പോടാ എന്നൊക്കെയും മൈ @₹ എന്നൊക്കെയുമാ വിളിക്കാറ്.

“അതന്നെ അല്ലാതെ ഞങ്ങളായിട്ട് അങ്ങോട്ട് കേറി പ്രശ്നമുണ്ടാക്കിയതല്ല “.

എന്റെ വാക്കിനു കൂട്ടുമ്പിടിച്ചു ഹിഷാം പറഞ്ഞു കൂടെ തലയാട്ടികൊണ്ട് ഇർഫാനും മറുപടി കൊടുത്തു.
“മ്മ് ഏതായാലും ഇന്ന് ഞാനുള്ളൊണ്ട് കുഴപ്പൊന്നുമില്ല അടുത്ത തവണ പ്രശ്നമുണ്ടക്കയാണെങ്കി ഞാൻ കണ്ടെന്ന് വരൂല്ല, പിന്നെ എന്തേലും പ്രശ്നോണ്ടെങ്കി പറയാൻ മറക്കണ്ട “.

അഷ്‌കർ ഞങ്ങൾ മൂന്നുപേരോടുമായി പറഞ്ഞു.

ഹിഷാം :”അതൊക്കെ പോട്ടെ, പോയപ്പോ ഞങ്ങളെ നോക്കികൊണ്ടുപോയ ആ പൈയ്യൻ ഏതാ ?”.

“ഏത് പൈയ്യൻ “.

ഞാൻ :”ഒരു ചെമ്പൻ മുടിത്തലയൻ നല്ല വെളുത്തിട്ട് “.

“ഓ അതോ അത് സയൻസ് ബാച്ചിലെ പൈയ്യനാ പേര് വിധു എന്തോ കാരാട്ടേയോ മറ്റോ എന്തിലോ ചാമ്പ്യൻ ആണെന്ന കേട്ടത് “.

ഇർഫാൻ :”അവനെങ്ങനാ പ്രശ്നം വല്ലോമാണോ??”

അഷ്‌കർ :”വന്ന ആദ്യമൊക്കെ ഭയങ്കര ജാടയായിരുന്നു കരാട്ടെയോ എന്തോ പറിയോ പഠിച്ചതല്ലേ അതൊന്റെയൊരു നെഗളിപ്പ്, അതും കണ്ടോണ്ട് കൂടെ കൂടിയതാ ഈ വാണങ്ങളൊക്കെ , ഒരു ദിവസം അതും. കൊണ്ട് നമ്മടെ സാലിയില്ലേ കഴിഞ്ഞ പ്ലസ് ടു ബാച്ചിൽ ഹ്യുമാനിറ്റീസ് ക്ലാസ്സിലുള്ള, അവനും കൂടെയുള്ളോരും കൂടെ എടുത്തിട്ടങ് കൊടഞ്ഞു, അവസാനം ഒരു മൂലയിൽ ചെരിവി വച്ച നിലയിലാ കിട്ടിയേ. ”

ഇർഫാൻ :”അയ്ശേരി തല്ലുകൊള്ളിയാണല്ലേ. ”

അഷ്‌കർ :”ഏറെക്കുറെ, പിന്നെ അടുത്ത തവണ നോക്കീം കണ്ടുംവേണം വല്ല പ്രശ്നങ്ങളിൽ ചെന്ന് ചാടാൻ ഇപ്പൊത്തന്നെ സീനിയർ പിള്ളേരെ ജൂനിയർ പിള്ളേര് തല്ലിയ കാര്യമൊക്കെ ഏറെക്കുറെ പേര് പറഞ്ഞിട്ടുണ്ട്.ഞാനും. ഒരു പെണ്ണ് പറഞ്ഞതും. കേട്ടാണ് വന്നത് തന്നെ.അപ്പോശേരി ക്ലാസ്സിലോട്ട് വിട്ടോ.”

ഞാൻ :”ശെരി അണ്ണാ” തൊഴുകൈയ്യോടെ ആക്കിക്കൊണ്ട് പറഞ്ഞു.

അഷ്‌കർ :”ടാ ടാ, വെളച്ചിലെടുക്കരുത് കേട്ടോ. ” അതും പറഞ്ഞോണ്ട് പുറത്തിട്ടൊരു തട്ടും തട്ടി അവൻ പോയി ഞങ്ങൾ നേരെ ക്ലാസ്സിലോട്ടും.

പുതിയ സ്കൂൾ, പുതിയ ക്ലാസ്സ്‌, പുതിയ പിള്ളേർ പെണ്ണുങ്ങൾ ഉൾപ്പെടെ അറിയാവുന്ന ഒന്നുരണ്ടു പിള്ളേരൊക്കെ ഉണ്ട്‌ പക്ഷെ ഒരുത്തനുമായും അധികം കമ്പനി ഒന്നുമില്ലാത്തോണ്ട് പേരും മൈരുമൊന്നും അറിയില്ല . അടുത്ത രണ്ട് വർഷം പറ്റാവുന്നത്ര അടിച്ചു പൊളിക്കണം , പ്ലസ് ടു ലൈഫ് എൻജോയ് ചെയ്യണം എന്നൊക്കെയുള്ള ആഗ്രഹത്തോടെ പ്ലസ് വൺ ഹ്യുമാനിറ്റീസ് ബാച്ച് ക്ലാസ്സിലോട്ട് ഞാനും എന്റെ ഫ്രണ്ട്സും കാലെടുത്തുവച്ചു, പുറത്ത് നടന്ന സംഭവങ്ങൾ അറിഞ്ഞതിനാലോ കണ്ടതിനാലാണോ എന്തോ ഞങ്ങൾ ക്ലാസ്സിലോട്ട് കയറിയതും പിള്ളേരെല്ലാം സൈലന്റ് ആയി. ഞങ്ങളെ തന്നെ നോക്കാൻ തുടങ്ങി, പെണ്ണുങ്ങൾക്കിടയിലെ ചെറിയ അടക്കം പറച്ചിലുകളും ഞങ്ങളെയൊക്കെ മാറി മാറി ചൂഴ്ന്നു നോക്കുന്നുമുണ്ട്,ഒരന്യഗ്രഹ ജീവിയെ കണ്ട പോലെയൊക്കെ അതിൽ ചിലതൊക്കെ എന്നെ തന്നെ നോക്കി ചിരിക്കുന്നകണ്ടപ്പോലേ നെഞ്ചങ് പട പാടാന്ന് ഇടിക്കാൻ തുടങ്ങി . എനിക്കാണേൽ ഈ പെണ്ണുങ്ങൾ നോക്കുന്ന കണ്ടാലേ ഒരുമാതിരി തോന്നും അതിനെയെന്ത് പറിയാണ് പറയുന്നെന്നൊന്നും എനിക്കറിഞ്ഞൂടാ.
ഞാൻ :”ഇതെന്തുവാടേയ് എല്ലാണോം സൈലന്റ് ആയത് പെട്ടന്ന്??. ”

ഇർഫാൻ :”താഴെ നടന്ന കാര്യങ്ങൾ വല്ലോം ഇവരൊക്കെ അറിഞ്ഞുകാണും.

എന്തോ ആകട്ടെയെന്നും പറഞ്ഞു ഞങ്ങൾ ബാക്ക്ബെഞ്ചിലേക്ക് പോയി അവിടെ ആകെ ഒരു പൈയ്യൻ മാത്രമേ ഉണ്ടായിരുന്നുള്ളൂ നല്ല പൊക്കവും വണ്ണവുമുള്ള ഒരു പൈയ്യൻ, ഞങ്ങളവന്റെ അടുത്തേക്കിരുന്നു. ഈ ഉടായിപ്പുകൾക്കൊക്കെയെ മറ്റൊരു ഉഡായിപ്പുള്ള പിള്ളേരെ കണ്ടു മുട്ടാൻ പറ്റിയ സ്ഥലം അത് ക്ലാസ്സ്‌റൂമിലെ ബാക്ക്ബെഞ്ചിലിരിക്കുന്ന പിള്ളേരാണെന്നാണ് എന്റെ ഒരു ഇത്, ഏത് ഏതോ.

ഞങ്ങളുടെ അടുത്തിരുന്നവൻ സംസാരിച്ചു തുടങ്ങി.

“ഹായ് ”

ഞാൻ :” ഹായ്, “.

അവൻ : “അഹ്മ് നിന്റെ പേര് റസൂൽ എന്നല്ലേ?”.

ഇവനെങ്ങനെ എന്റെ പേരറിയാം എന്ന സംശയത്തോടെ ഞാനവനോട് ചോദിച്ചു.

“അതേ, അല്ല എന്റെ പേരെങ്ങനെ നിനക്കറിയാം???”.

അവൻ : “നീയും ഇവമ്മാരും ബോയ്സ് സ്കൂളിലല്ലേ പഠിച്ചിരുന്നേ “. ഞാനും അവിടെ തന്നെയാ പഠിച്ചേ കെ ഡിവിഷനിൽ.

ഇർഫാൻ :”ആരെ മഞ്ചാടിയുടെ ക്ലാസ്സിലാണോ?”.

അവൻ :”അതേ “.

ഞാൻ :”മഞ്ചാടിയോ? അതാരാ ടാ?”.

ഇർഫാൻ : ” അതെന്റെ ഒരു ഫ്രണ്ടാടാ നിനക്കറിഞ്ഞൂടാ”.

ഞാൻ :“ങാ ”.

ഹിഷാം : “തുപോട്ടെ ന്താ നിന്റെ പേര്?”.

അവൻ :” അബിൻ “.

അങ്ങനെ ഞങ്ങൾ ഫ്രണ്ട്സായി, അന്ന് ക്ലാസ്സിൽ വന്ന ക്ലാസ്സ്‌ടീച്ചർ ഞങ്ങളെ ഓരോരുയത്തരെയായി പരിചയപ്പെട്ടു. അതിനിടയ്ക്ക് back ബെഞ്ചിന്റെ ഊഴം വന്നപ്പോൾ. ഇന്നത്തെ സംഭവത്തെ കുറിച്ചറിയാവുന്ന ആ ടീച്ചർ ഞങ്ങളെ നല്ലപോലെ നിർത്തി ഉപദേശിച്ചശേഷമാണ് അവിടെന്ന് പോയത്, അന്നത്തെ ക്ലാസും ഉച്ചവരെ മാത്രമേ ഉണ്ടായിരുന്നുള്ളൂ പ്ലസ് ടു പിള്ളേരുടെ ഇമ്പ്രൂവ്മെന്റ് എക്സാമിന്റെ എന്തോ കാര്യത്തിനുവേണ്ടി അന്ന് ഉച്ചയ്ക്ക് വിട്ടത്, പിന്നെയുള്ള രണ്ടാഴ്ച അധികം കുഴപ്പങ്ങളൊന്നുമില്ലാതെ പോയി, അതിനിടയ്ക്ക് ക്ലാസ്സിലുള്ള ചില പെൺകുട്ടികളടക്കമുള്ള എല്ലാവരുമായി കമ്പനി ആയി, എന്നെക്കാൾ വേകത്തിൽ ഇർഫാനോടും ഹിഷാമിനോടുമാണ് പെൺപിള്ളേർ കമ്പനി ആയത് , എന്റെ എന്റെ ഈ നിഷ്കു മുഖവും വിനയത്വമുള്ള സ്വഭാവവും കാരണം പതിയെ പതിയെയാണ് എല്ലാവരോടുമായി അടുത്തത്. അതിനിടയ്ക്ക് ഹിഷാമിന് ഒരു പെണ്ണിന്റെ പ്രൊപോസലും വന്നു, നല്ല മൊഞ്ചുള്ള ഒരു പെണ്ണായതുകൊണ്ടും അവനിഷ്ടമായതുകൊണ്ടും രണ്ടുദിവസം കഴിഞ്ഞതും അവൻ യെസ്സ് പറഞ്ഞു നല്ല ലുക്കും ഗ്ലാമറും അവനും പിന്നെ ഇർഫാനും ഉണ്ട്‌ കൂട്ടത്തിൽ ഞാൻ മാത്രമേ ഇത് രണ്ടും ഇല്ലാത്തതായി ഉള്ളൂ ഹാ, ഒരു പ്ലസ് വൺ കാരന്റെ രോദനം 😪 അല്ലാതെന്ത് പറയാൻ.അങ്ങനെ ക്ലാസ്സ്‌ ആരംഭിച്ചു ഒരാഴ്ച കഴിഞ്ഞപ്പോളാണ് അവളെ കാണുന്നത്,
ഉച്ചയ്ക്കുള്ള ഇന്റർവെൽ കഴിഞ്ഞ് രണ്ടുമിനിറ്റ് വൈകിയാണ് ഞാൻ ക്ലാസ്സിലേക്ക് പോയത് , പടികൾ കയറി മുകളിലേക്ക് പോകുമ്പോളാണ് എതിരെ വന്ന ഒരാളുമായി കൂട്ടിമുട്ടിയത്.

ക്ലാസ്സിലേക്ക് പോകാനുള്ള തിരക്കാൽ ചുറ്റുമുള്ളതൊന്നും നോക്കാതെയാണ് ഞാൻ ഓടിയത്, കൂട്ടിയിടിച്ചു വീണു നെറ്റിയും തിരുമ്മിക്കൊണ്ടിരുന്നപ്പോഴാ ഞാനങ്ങോട്ടു നോക്കുന്നത് തന്നെ, ഒരു പെണ്ണ് നെറ്റിയിൽ കൈയുംവച്ചോണ്ട് താഴേ ഇരിക്കുന്നു, നല്ല കറുകറുത്ത നീളൻ മുടി പോണിസ്റ്റൈലിൽ കെട്ടിവച്ചേക്കുന്നു, കരിയെഴുതിയ കണ്ണുകൾ ചിമ്മിയടഞ്ഞുകൊണ്ടിരുന്നു നല്ല വെളുത്തതല്ലാത്ത ഒരു നിറമുള്ള പെണ്ണ്, നെറ്റിയും തിരുമ്മി ഞാൻ എഴുന്നേറ്റ് അവളുടെ നേർക്ക് കൈ നീട്ടി അവളെന്റെ കൈയും പിടിച്ചെഴുന്നേറ്റു.