വിഷാദ മുഖത്തോടെ അവൻ അമ്മുവിനെ നോക്കി
“ഉം… അമ്മുട്ടീ “
“ ഉം .. “
“ ഒരെണ്ണം “
“ ദേ പൊക്കോണേ”
“ഒറ്റ ഒന്ന്”
“ഇല്ല”
“ ഒന്നേ ഒന്ന് “
“ ഇല്ലന്ന് ഞാൻ ഒന്ന് പറഞ്ഞേ “
അവൻ വിഷമത്തോടെ തിരിഞ്ഞു നടന്നു . അമ്മു അവന്റെ കളികൾ കണ്ട് പുഞ്ചിരിച്ചു നിന്നു.
എല്ലാവരും അവരവരുടെ മുറികളിലേക്ക് കയറി ഉറക്കം തുടങ്ങി. സമയം 1 കഴിഞ്ഞിട്ടും അപ്പുവിന് ഉറക്കം വന്നില്ല .
അവന്റെ മനസ്സ് വല്ലാതെ കുളിരുകേറി ഇരിപ്പായിരുന്നു . അവന് അപ്പോൾ തന്നെ അമ്മുവിനെ കാണാൻ ആഗ്രഹം തോന്നി
അവൻ പതിയെ മുറിക്ക് പുറത്തിറങ്ങി അമ്മുവിന്റെ മുറിയുടെ അടുത്തേക്ക് ചെന്നു
ഡോർ ചാരാറേ ഉണ്ടായിരുന്നുള്ളു, അവൻ പതിയെ ശബ്ദം ഉണ്ടാക്കാതെ മുറിക്കുള്ളിൽ കയറി ഇരുട്ട് നിറഞ്ഞ മുറിയിലൂടെ അവൻ പതിയെ പതിയെ നടന്ന് കാട്ടിലിനടുത്തെത്തി .
അവൻ സൂക്ഷിച്ച് നോക്കിയപ്പോൾ അമ്മു കിടക്കുന്നത് അവന് മനസിലായി , അവൻ പതിയെ കാട്ടിലിലേക് കേറി അങ്ങ് കിടന്നു
“അമ്മേ………………….”
അമ്മേന്നും പറഞ്ഞ് ഒരു നിലവിളി ആയിരുന്നു , ആ നിലവിളി കേട്ടതും അവൻ ജീവനും കൊണ്ട് അവന്റെ മുറിയിൽ കയറി കതകടച്ചു.
പുറത്ത് ലൈറ്റുകൾ പ്രകാശിച്ചു , ചെറിയച്ഛന്ടെ മുറിയുടെ വാതിൽ തുറക്കുന്നതും സംസാരിക്കുന്നതും കേൾകാം, താഴെനിന്നും ആരൊക്കയോ ഓടി കയറി വരുന്ന ശബ്ദം
നീണ്ടുനിന്ന നിലവിളിയിൽ നിന്നും അപ്പുവിന് ഒരു കാര്യം മനസിലായി അത് അമ്മുവിന്റെ ശബ്ദമല്ല അതുല്യ ആണ് .
ആ കൊച്ചിതെപ്പോൾ തൊട്ട് അവളുടെ കൂടെ കിടക്കാൻ തുടങ്ങി .
കുഞ്ഞമ്മ അവളെ ആശ്വസിപ്പിക്കുന്നത് കേൾക്കാം . ഇനി അങ്ങോട് ചെന്നാൽ പിടിക്കപ്പെടുമോ … വേണ്ട പോകണ്ട
എല്ലാവരും അവരവരുടെ മുറികളിലേക്ക് പോയി ലൈറ്റുകൾ അണഞ്ഞു , അപ്പു കുറെ നേരം ഉറക്കം ഇല്ലാതെ കിടന്ന് പതിയെ ഉറക്കത്തിലേക്ക് വഴുതി വീണു .
രാവിലെ ഡോറിൽ ഉള്ള മട്ട് കേട്ടാണ് അവൻ എഴുന്നേറ്റത് , അവൻ ഉറക്കപ്പിച്ചയിൽ പോയി ഡോർ തുറന്നു .
തുറന്നപ്പോൾ കണ്ടത് കള്ള നോട്ടവുമായി നിൽക്കുന്ന അമ്മുവിനെ ആയിരുന്നു .
“ എന്താ മോനെ പതിവില്ലാതെ കുറ്റി ഒക്കെ ഇട്ട് കിടന്നത് “
“അത് ഓർക്കാതെ ഇട്ടതാ”
“ ആ അതേ അതേ പേടിചൊടിവന്നപ്പോൾ അറിയാതെ ഇട്ടതല്ലേ “
“ പേടിച്ചിട്ടോ … ആര് എന്തിന് “
“ ആഹ ഹ ഹ ഹാ … മോനെ അപ്പുവേട്ടാ നീ ഏത് നട്ടപതിരാത്രിക്ക് എത്രവലിയ ഇരുട്ടിൽ വന്നാലും ഞാൻ നിന്നെ തിരിച്ചറിയും കേട്ടാ ..
അവൾ ചിരിച്ചുകൊണ്ട് അവന്റെ ചെവിയിൽ പിടിച്ചുകൊണ്ട് പറഞ്ഞു
“ പറ പറ എന്തിനാ ഇന്നലെ രാത്രി വന്നേ “
അപ്പു തലതാഴ്ത്തി
“ അത് ഉറക്കം വരാഞ്ഞപ്പോ…. നിന്നെ കാണാൻ തോന്നിയപ്പോ… ഞാൻ വന്നതാ”
അത് കേട്ടപ്പോൾ അവൾ പൊട്ടിച്ചിരിച്ചു
“ എന്നിട്ട് എന്നിട്ട് “
“ എന്നിട് ഞാൻ മുറിയിൽ വന്ന നിന്റെ അടുത്ത് കിടക്കാൻ നോക്കി…. ഞാൻ അറിഞ്ഞോ ആ കൊച്ച്‌ നിന്റെ കൂടെയ കിടക്കുന്നത് എന്ന് “
അവൻ പറഞ്ഞതും അവൾ പൊട്ടി ചിരിച്ചു
“ അതേ മോൻ ഇന്നലെ കേറി കിടന്നത് അവളുടെ മേത്ത അതാ അവൾ കിടന്ന് കരഞ്ഞെ.. എന്നാലും നാണക്കേടായി അപ്പുവേട്ടാ “
“ അയ്യോ .. അപ്പൊ എല്ലാവരും അറിഞ്ഞോ ഞാൻ വന്നത്
അത് കേട്ടും അമ്മുവിന് ചിരി വന്നു
“ ഇല്ലില്ല …. സ്വപ്നം കണ്ടതാണെന്ന എല്ലാവരും കരുതിയെ.”
“ ഹോ രക്ഷപെട്ടു.. “
“ അയ്യ .. ഒരു നാണോം ഇല്ലാതെ പാതിരാത്രി കള്ളനെപോലെ വന്നതും പോരാ “
“ നിന്റെ അടുത്തല്ലേ “
“ എന്ന് കരുതി … പക്കലുള്ള കുരുത്തക്കേട് പോരാ ഇനി രാത്രിയും ഇങ്ങു വാ തെണ്ടി “
“ ഹീ … “
“ കിണിക്കാതെ വേകം പോകാൻ നോക്ക് “
“ ഇന്ന് പോകുന്നില്ല “
“അതെന്നാ … “
“ ഇന്ന് നിന്റെ കൂടെ ഇരിക്കാൻ തോനുന്നു “
“ അയ്യട .. മരിയാതയ്ക്ക് പൊക്കോ , വെറുതെ എന്റെ സ്വസ്തത കളയാൻ “
“ഓ ഞാനിപ്പോ നിന്റെ സ്വസ്തത ഇല്ലാതാക്കുന്നവൻ ആണല്ലേ… ആയിക്കോട്ടെ , ഞാനായിട്ട് ആരുടെയും സ്വസ്തത കളയുന്നില്ലേ”
“അയ്യോ ഞാൻ അങ്ങനെ പറഞ്ഞതല്ല മാഷേ , മോനെന്റെ അടുത്ത് നിന്നാലെ ഓരോരോ കുരുത്തക്കേട് കാണിക്കാൻ തോന്നും “
“ഓ .. മാറ് ഈ ശല്യം പോട്ടെ “
“ അപ്പുവേട്ടാ പിണങ്ങല്ലപ്പുവേട്ട”
“ ഞാൻ പോകുവാ “
അവൾ അപ്പുവിന്റെ വയറിനോട് ചേർന്ന് അരക്കെട്ടിലൂടെ കൈ ചുറ്റിപിടിച്ചു
“ ദേ .. ഇങ്ങോട്ട് നോക്കിക്കേ “
അവൻ മുഖം വീർപ്പിച് അവളുടെ കണ്ണിലേക്ക് നോക്കി . അവൾ അവന്റെ കണ്ണുകളിലേക്ക് നോക്കി ചിരിച്ചുകൊണ്ട് അവന്റെ ഇടത് കവിളിൽ അവളുടെ ചുണ്ടുകൾ ചേർത്ത് ഒരു ഉമ്മ കൊടുത്തു.
അപ്പുവിന്റെ കവിളുകൾ സന്തോഷം കൊണ്ട് ചുവന്നു തുടുത്തു. ചിരികൊണ്ട് മുഖം വിടർന്നു.
അമ്മു നാണം കൊണ്ട് അവനിലേക്ക് ചേർന്ന് അവന്റെ ഇടത് കഴുത്തിലേക് മുഖം ചേർത്ത് മുറുകെ കെട്ടിപിടിച്ചു
“ അമ്മു …”
“ ഉം ….. “
“എനിക്കിപ്പോ കല്യാണം കഴിക്കണം നിന്നെ “
അവളുടെ മനസ്സിൽ ആ വാക്കുകൾ തണുപ്പ് കോരിയിട്ടു . അവൾ ഒന്നൂടെ അവനെ മുറുക്കെ കെട്ടിപിടിച്ചു
അവൻ അവളുടെ മുഖം കൈകളിൽ കോരിയെടുത്ത് ആ നെറ്റിയിൽ സ്നേഹത്തിന്റെയും , വത്സല്യത്തിന്റെയും , ലാളനയുടെയും ഒരു ചുമ്പനം നേർന്നു .
“ ഈ നെറ്റിയിൽ എന്നാ അപ്പുവേട്ടാ അപ്പുവേട്ടൻ സിന്ദൂരം ചർത്തുന്നെ “
“ ഞാൻ എന്നേ റേഡിയ മോളെ “
അവൾ ഒന്നൂടെ അവനെ മുറുക്കികെട്ടിപിടിച്ചു . കുറേ നേരം അവർ ഒരു ശരീരമായി നിന്നു .
“ അമ്മൂ … അമ്മുവേ .. “
“ആ … ദേ വരുന്നു അമ്മമ്മേ “
താഴെനിന്നും അമ്മമ്മയുടെ വിളികേട്ട് അമ്മു അപ്പുവിൽ നിന്നും മാറി .
അപ്പോൾ അവളുടെ കണ്ണുകൾ നിറഞ്ഞത് അവൻ കണ്ടു .
അവൾ കണ്ണുകൾ തുടച്ച് നടന്നു
“ അമ്മുട്ടീ … “
അവൾ കണ്ണ് തുടച്ച് അവന്റെ വിളികേട്ട് മനസ് നിറഞ്ഞ ചിരിയോടെ അവനെ തിരിഞ്ഞു നോക്കി
“ പോയി പല്ല് തേക്കട ശല്യമേ “
അവൾ ചിരിച്ചുകൊണ്ട് മുറികടന്ന് താഴേക്ക് പോയി .
അവന്റെ ഉള്ള് അവളുടെ മനസ്സിന്റെ പുറകെ പോയി .
അവളുടെ സ്നേഹം , അവളുടെ ആ നോട്ടം , ആ കണ്ണുകൾ , അവൾ തന്ന ചുമ്പനം, അവളുടെ മണം , അവളുടെ നെറ്റി , മുടിച്ചുരുളുകൾ , അവളുടെ ആ സ്നേഹം നിറഞ്ഞ കണ്ണുനീർ തുള്ളികൾ
അങ്ങനെ പലതും അവനെ അവളിൽ മാത്രമായി നിർത്തി .
അല്പനേരത്തിനു ശേഷം അവൻ താഴേക്കിറങ്ങി
പല്ലും തേച്ച് അടുക്കള പുറത്തുടെ നടക്കുകയായിരുന്നു.
“ ഡാ നീ എന്റെ കൊച്ചിന്റെ മേത്ത് കേറി കിടക്കുമല്ലേ “
ആ ചോദ്യം കേട്ട് ഞെട്ടി അവൻ അടുക്കള വാതിലിലേക്ക് മിഴിച്ചുനോക്കി
ദേ നിൽക്കുന്നു കുഞ്ഞമ്മ
“ ഒന്ന് മെല്ലെപറ കുഞ്ഞമ്മേ “
കുഞ്ഞമ്മ അല്പം ശബ്ദം താഴ്ത്തി
“ എന്റെ കൊച്ചിനെ പേടിപ്പിച്ചതും പോരാ “
“ ഞാനോ … ഞാനാണെന്ന് ആരുപറഞ്ഞു “
“ പിന്നേ… അത്രയും വല്യ കാറിക്കുവൽ കേട്ടിട്ടും നീ മാത്രം എണീക്കാത്തപ്പോഴേ എനിക്ക് തോന്നി നീ തന്നാ വന്നെന്ന് . ദേ ഇപ്പൊ മെല്ലെ പറ എന്ന് പറഞ്ഞപ്പോൾ ഉറപ്പായി “
