കള്ളം പിടിച്ചതിന്റെ ചമ്മലിൽ നാണത്തിൽ അവൻ തല താഴ്ത്തി
“ നാണമില്ലെടാ പാതിരാത്രി .. അയ്യയ്യേ ..”
“ എന്നതാ കുഞ്ഞേ എനിക്കെന്തോ ഉറക്കം വന്നില്ല അപ്പോൾ അവളെ കാണാൻ തോന്നി പോയതാ , ഞാൻ അറിഞ്ഞോ ആ നീർക്കോലി അവളുടെ കൂടെ കിടക്കുന്നത് “
“ കഷ്ടം .. “
“ ഓ പിന്നെ … എന്റെ പെണ്ണിന്റെ അടുത്തല്ലേ “
“ ആയിട്ടില്ല”
“ ഇനി എന്നാ ആകാന “
“ ചേച്ചിയെ ദേ ഈ ചെക്കനെ വേകം കെട്ടിച്ചോ ഇല്ലേൽ പണി ആകുമെ “
“ ഈ പെണ്ണുംപിള്ള നാണം കെടുത്തും “
അതും പറഞ്ഞവൻ ഓടി
കുളി ഒക്കെ കഴിഞ്ഞവൻ തിരിച്ചു വന്നപ്പോൾ അമ്മു ചായ എടുത്ത് വയ്ക്കുകയായിരുന്നു .
“ അമ്മു ഡ്രെസ്സ്….”
“ മുറിലുണ്ട് അപ്പുവേട്ടാ “
അപ്പു മുറിയിൽ പോയി ഡ്രെസ്സും മാറി വന്നു .
ചായ കുടിക്കുമ്പോൾ അമ്മു അടുത്തുവന്നു
“ നമുക്ക് ഇന്നൊരു സ്ഥലംവരെ പോകാം അമ്മുട്ടീ “
“ സ്ഥലത്തോ എങ്ങോട്ട് “
“ നിന്റെ കൂടെ കുറച്ച്നേരം ഒറ്റയ്ക്ക് ഇരിക്കാൻ ഒരു മോഹം “
“ റൊമാൻസ് ആണോ മോനെ “
“ ഹാ… അങ്ങനേം പറയാം .. എന്തേ നിനക്ക് ആഗ്രഹമില്ലേ.. “
“ഇല്ലാതില്ല “
“ എന്നാ പോകാം “
“ അതിപ്പോ …. അമ്മയോട് ചോദിക്കണം “
“ ആ ‘അമ്മ സമ്മതിക്കും . നീ പോയി ചോതിക് “
“ നോക്കട്ടെ .. “
“ നോക്കിയാ പോരാ “
“ആ …”
അവൾ അകത്തേക്ക് കയറി
“ ഡാ ചെക്കാ ഇവിടെ കിടന്നുള്ള കുരുത്തക്കേട് പോരാഞ്ഞിട്ടാണോ ഇനി അവളേം കൂട്ടി പുറത്തേക്ക് “
“ എന്തുവാ കുഞ്ഞമ്മേ … “
“ ഓ ഒന്നുല്ലെ …ഞാനൊന്നും പറയുന്നില്ല “
കുറച്ച് കഴിഞ്ഞപ്പോൾ അവൾ ഒരു ഓറഞ്ചും വെള്ളയും ധവാണിയും ഉടുത്ത് വന്നു
“പോകാം “
“ നീ കഴിച്ചോ “
“ ആ…”
“ എന്നാ വാ “
അവര് രണ്ടുപേരും വീട്ടിൽ നിന്നും ഇറങ്ങി
“ എങ്ങോട്ടേക്ക് മോനെ “
“ ഹും….. വടക്കേപാടത്തെ കവുങ്ങിൻ തോട്ടത്തിൽ പോയാലോ .. “
“അവിടെന്താ “
“അവിടെ കവുങ്ങിന്റെ മുകളിൽ ഒരു ഏറുമാടം ഉണ്ട് , അവിടാകുമ്പോൾ ഇപ്പൊ പണിക്കാരും ഇല്ല. സമാധാനമായി ഇരിക്കാം “
“ ഉം .. ശെരി ..”
അവൾ അവന്റെകൈൽ ചേർത്തുപിടിച്ചു , ആ വീടിന്റെ മുറ്റത്തൂടെ ഇടവഴിയിലേക്കിറങ്ങി .
ഒരു ഉത്തമ പുരുഷനെപോലെ അവൻ നടന്നു , അവന്റെ കൈൽ ചേർത്ത് പിടിച്ച് അനുസരണയുള്ള ആട്ടിൻകുട്ടിയെപോലെ
മരങ്ങളുടെയും , ഇലകളുടെയും ഇടയിലൂടെ സൂര്യ രശ്മികളുടെ തലോടലും ഏറ്റുവാങ്ങി അവരാപറമ്പിലൂടെ നടന്നു , അവൻ അവളെ ചേർത്തു പിടിച്ചു .
“ അപ്പുവേട്ടാ “
“ ഉം …. “
“ എന്നെ ഒന്ന് എടുക്കുഓ ..”
അവൻ അവളുടെ മുഖത്തേക്ക് നോക്കി
അവൾ ചിരിച്ചുകൊണ്ട് അവനെ നോക്കി കെഞ്ചി
അവൻ ചിരിച്ചുകൊണ്ട് അവളെ അവന്റെ 2 കൈകളിലും കോരി എടുത്തു . അവൾ ചിരിച്ചുകൊണ്ട് അവന്റെ കഴുത്തിൽ കോർത്ത് പിടിച്ചു .
“ എന്തൊരു കനാ അമ്മുട്ടീ നിനക്ക് “
“ ആ ഹ ഹാ .. ദേ അവിടെ എത്തും വരെ എന്നെ താഴെ ഇട്ടേക്കല്ലേ “
“അപ്പൊ കൈ കഴച്ചാലോ “
“അതൊന്നും എനിക്ക് അറിയണ്ട , എന്നെ നിലത്തിറക്കാൻപാടില്ല “
“ ആഹ … എന്നാ നിന്നെ ഞാൻ “
അതും പറഞ്ഞവൻ അവളെ പൊക്കി അവന്റെ വലത് തോളിലേക്ക് ഇട്ടു
“അയ്യോ… അപ്പുവേട്ടാ ഞാൻ വീഴുട്ടോ “
“അങ്ങനെ നിന്നെ ഞാൻ താഴെ ഇടുവൊടി അമ്മുട്ടീ “
അവളുടെ വയർ അവന്റെ തോളിൽ അമർന്നിരുന്നു
“ എടാ അപ്പുവേട്ടാ നല്ല സുഖമാ ഇങ്ങനെ കിടക്കാൻ “
അവരങ്ങനെ നടന്ന് പറമ്പിലെത്തി
“ ഡി പെണ്ണേ ദേ ഈ കോവണിയിൽ ചവിട്ട് “
“എവിടെ ..”
അവൻ വീണ്ടും കൈകളിൽ എടുത്ത് അവളുടെ കാൽ പടികളിൽ വച്ചു
“ ഉം കേറിക്കോ .. “
അവൾ പാവാട ഒരല്പം വലതുകൈകൊണ്ട് പൊക്കി പിടിച്ച് കാൽ പദങ്ങൾ ഓരോന്നായി ചവിട്ടി കയറി .
അവന്റെ കണ്മുന്നിൽ അവളുടെ വെളുത്ത വെള്ളിക്കോലുസണിഞ്ഞ കുഞ്ഞു കുഞ്ഞു രോമങ്ങൾ ഉള്ള കാലുകൾ .
ആ കാലുകൾ അവന്റെമുന്നിലൂടെ പടി പടിയായി കയറി. അവൻ അവളുടെ പുറകെ കയറി .
“ അപ്പുവേട്ടാ എന്തുഭംഗിയാ ഇവിടുന്ന് നോക്കാൻ”
ദൂരേക്ക് നോക്കി അമ്മു പറഞ്ഞു
അപ്പു പടികൾ കയറി അമ്മുവിന്റെ പുറകിൽ ചെന്ന് , അവളുടെ വിടർന്നുകിടക്കുന്ന മുടികളിലേക്ക് ചേർന്ന് ,അവളുടെ കൈകളെ പിടിച്ച് വയറിനെ ചുറ്റി വലത് തോളിൽ താടി അമർത്തി ചേർന്നു നിന്നു .
“അപ്പുവേട്ടാ ..”
“ഉം… “
“ഒരുപാട് സന്തോഷം തോനുന്നു ഇപ്പൊ “
“അപ്പൊ ഇത്രയും കാലം സന്തോഷം ഉണ്ടായില്ലേ”
“ അതല്ല…. അപ്പുവേട്ടൻ എന്റെ ഭാഗ്യാ … അപ്പുവേട്ടൻ ഉള്ളത് കൊണ്ടല്ലേ എനിക്ക് ഇത്രയധികം സന്തോഷം കിട്ടിയെ”
“ പിന്നെ “
“ എന്നും അപ്പുവേട്ടന്റെ കൂടെ ഇതുപോലെ സന്തോഷത്തോടെ നിൽക്കാൻ തോനുവാ “
“ love you”
“ ഉയ്യോ .. കുളിര് കോരുന്നു… ദേ അപ്പുവേട്ടാ രോമമൊക്കെ എഴുനേറ്റു “
അവൾ ചിരിച്ചുകൊണ്ട് അവനെ കൈ നീട്ടി കാണിച്ചു
അവൻ ഒന്നൂടെ അവളുടെ വയറിൽ മുറുക്കി പിടിച്ചു
അവളുടെ കവിൾ അവന്റെ കവിളിലേക്ക് അവൾ ചേർത്തു വച്ചു
അവൻ അവളിലെ പിടിവിട്ട് നിലത്തിരുന്നു അവളും അവന്റെ അരികിൽ അവനോട് ചേർന്നിരുന്നു .
“ അപ്പുവേട്ടാ ഇന്ന് വ്യാഴാഴ്ചയായി മിക്കവാറും ഞായറാഴ്ച ഞാൻ പോകും “
അത് കേട്ടപ്പോൾ അപ്പു അമ്മുവിന്റെ തലയിലൊരു ഉമ്മ കൊടുത്തു
“ ഞാൻ ഒറ്റയ്ക്ക് ആകുമല്ലേ …. നീ പോയാൽ എനിക്കൊരുതരം ശ്വാസം മുട്ടലായിരിക്കും “
“അപ്പൊ എനിക്കോ …. ഞാൻ ഉറപ്പായും കരയും “
“ ഈ പ്രീഡിഗ്രി എങ്കിലും ഒന്ന് കഴിഞ്ഞ് കിട്ടിയിരുന്നേൽ …”
“അപ്പുവേട്ടാ ബൈക് വന്ന് കഴിയുമ്പോ ശനിയാഴ്ച അവിടെ വന്ന് നിൽകുവോ “
“ഉം .. ഞാൻ വരും “
“ ഇനി കൂടിപ്പോയാൽ 3 ദിവസം “
“ പറഞ്ഞ് വിഷമിപ്പിക്കല്ലെടി പിശാശ്ശേ “
“ സ്കൂൾ തുറന്ന് കഴിഞ്ഞാൽ പിന്നെ വായിനോട്ടവും കൂടും അല്ലെ “
“ വായിനോട്ടമോ … ഞാനോ “
“ മോനെ അപ്പു… നിന്റെ അത്യാവശ്യം കുരുത്തക്കേടൊക്കെ എനിക്കറിയാം . “
“എന്ത് കുരുത്തക്കേട് “
“ ക്ലാസ് കട്ടാക്കി സിനിമയ്ക്ക് പോകുന്നതും ,പെൺപിള്ളേരെ വായിനോക്കുന്നതും , കമന്റ് അടിക്കുന്നതും ഒക്കെ . “
“ ഇതൊക്കെ ആരു പറഞ്ഞു “
“അതൊക്കെ അറിയും മോനെ “
“ പറ പറ അമ്മുട്ടീ “
“ നിന്റെ ക്ലാസ്സിലെ മീനാക്ഷി ഇല്ലേ “
“ ആ …. “
“ അവളുടെ കസിൻ മൃദുല എന്റെ കൂടെയ പഠിക്കുന്നെ “
അതും പറഞ്ഞവൾ അപ്പുവിനെ നോക്കി ചിരിച്ചു
“ ആ നായിന്റെ മോളെ ഞാൻ കൊല്ലും “
“ നീ ഞൊട്ടും .. അവളെ നീ എന്തേലും ചെയ്താ അത് ഞാൻ അറിയും പിന്നെ നീ വിവരം അറിയും .. “
“ പിന്നെ .. ഇത്രേം കാലം ഇതൊക്കെ അറിഞ്ഞിട്ടും ഞാൻ മിണ്ടാഞ്ഞതെ , ചെറിയ ചെക്കനല്ലേ പ്രായത്തിന്റെ തിളപ്പല്ലേ പോട്ടെ എന്നൊക്കെ കാരുതിട്ടാ “
“ ഓ ശെരി വല്യ ചേച്ചി … “
“ കളിയാക്കുന്നോ .. “
അവൾ അവന്റെ മൂക്കിൽ പിടിച്ച് വലിച്ചു
“ ആ …സോറി “
“ആ … പിന്നെ നീ ഏതോ കൊച്ചിന്റെ അച്ഛന് വിളിച്ചതും ഒക്കെ അറിഞ്ഞു “
“ അതാരെ “
“ അതാരെ .. “
“എന്നോടാണോ ചോദിക്കുന്നെ”
“ ഇല്ലമ്മു അത് നുണയ “
“ നുണയൊന്നും അല്ല , തെറി വിളിയും ബസ്സിൽ പെൺപിള്ളേരുടെ മെത്തുമുട്ടി നിൽക്കലും അങ്ങനെ കുറച്ചൊക്കെ അറിയുന്നുണ്ട് . ഒരു മനു ആണ് നിന്റെ ഏറ്റോം വല്യ കച്ചറ കൂട്ട് എന്നും അറിഞ്ഞു . “
