“…എന്താടാ,…എന്താ അജൂ നിനക്ക് പറ്റിയേ….”.
സതി ചേച്ചി സ്വകാര്യമായി എന്നോട് ചോദിച്ചുകൊണ്ട് വീണ്ടും നുള്ളി.
“…ഞാന് പറയാം സതീച്ചീ…”.
നുള്ളലിന്റെ ചെറു വേദനയില് ഞാന് പറഞ്ഞു.
വക്കീലപ്പൂപ്പന് ഡിന്നര് കഴിച്ചുകൊണ്ടിരിക്കുകയായിരുന്നു. കബനി കാര്യങ്ങള് ആയതിനാല് ഞങ്ങള് പിന്നെ ഡിന്നര് കഴിക്കാം എന്ന് പറഞ്ഞു ഞാനും സതി ചേച്ചിയും വലിഞ്ഞു. .ഇതിനിടയില് പത്ത് വട്ടമെങ്കിലും ഫോണ് അടിക്കുന്നത് ഞാന് ശ്രദ്ധിച്ചു. അമ്മ ഫോണ് എടുത്ത് എന്തൊക്കെയോ പതിഞ്ഞ ശബ്ദത്തില് അല്പ്പം ഭയത്തോടെ പറയുന്നുണ്ടായിരുന്നു. ഫോണ് വച്ച് കഴിഞ്ഞ് ഞങ്ങളെ വല്ലാതെ നോക്കുന്നും ഉണ്ടായിരുന്നു. അമ്മയുടെ മുഖത്തെ കള്ള ലക്ഷണം സതി ചേച്ചി പെട്ടെന്ന് കണ്ടുപിടിച്ചു.
പെട്ടെന്ന് എന്തോ തീരുമാനിച്ച് ഉറപ്പിച്ച പോലെ എന്റെ കൈയും പിടിച്ച് സതി ചേച്ചി മുറിയിലേക്ക് കൂട്ടികൊണ്ട് പോയി.
“…സത്യം പറ….എന്തോക്കെയാണ് ഇവിടെ നടക്കുന്നെ …പറയെടാ…”.
സതി ചേച്ചിയുടെ മുഖഭാവം മാറിയിരുന്നു. അത് കണ്ടപ്പോള് എനിക്ക് പിടിച്ച് നില്ക്കാന് സാദ്ധിച്ചില്ല. ഞാന് ചേച്ചിയുടെ മാറില് വീണ് തേങ്ങികരഞ്ഞു. എന്റെ മുടിയിഴകളില് ചേച്ചി പതുക്കെ തടവി തന്നു. അല്പ്പം ആശ്വാസം പതുക്കെ എന്നിലേക്ക് നൂഴ്ന്നു വന്നതിനാല് മനോഹരന് ഇളയഛനും അമ്മയും ആയുള്ള കാര്യങ്ങള് ഞാന് തുറന്ന് പറഞ്ഞു.
ഞെട്ടലോടെയാണ് എന്റെ സതിചേച്ചി അത് കേട്ടത്. ആ ശരീരം വിറക്കുന്നത് ഞാന് കണ്ടു.ഞാന് ചേച്ചിയുടെ മാറില് നിന്നും അടര്ന്ന് ആ മുഖത്തേക്ക് നോക്കി. പ്രക്ഷോഭമായ ചേച്ചിയുടെ കണ്ണുകള് നിറഞ്ഞൊഴുകുന്നുണ്ടായിരുന്നു.
ആ സമയത്താണ് വക്കിലപ്പൂപ്പന് മുറിയിലേക്ക് കടന്നു വന്നത്. ഞങ്ങളുടെ കണ്ണുകള് നിറഞ്ഞിരിക്കുന്നത് കണ്ട അദ്ദേഹം പെട്ടെന്ന് ഞങ്ങളുടെ അരികിലെക്ക് വന്നു.
“…അഛനെ ഓര്മ്മ വന്നു കാണും അല്ലെ….എല്ലാം സഹിക്ക്വാ….തബുരാന് വിളിച്ചാല് പോകാതിരിക്കാന് പറ്റുമോ….”.
വക്കീലപ്പൂപ്പന് കണ്ണുകള് തുടച്ച് വേഗത്തില് പുറത്തേക്കിറങ്ങി. ഞങ്ങളുടെ അടുത്ത് ഇനിയും നിന്നാല് അദ്ദേഹവും കരയും എന്നത് ഉറപ്പായിരുന്നു. കുഞ്ഞുങ്ങളുടെ മുന്നില് കരയാന് അയാളുടെ മനസ്സ് അനുവദിച്ച് കാണില്ല.
വക്കീല്അപ്പൂപ്പന് പോയപ്പോള് ഞങ്ങള് കട്ടിലിന്റെ ഇരു തലയിലും ഇരുന്ന് എന്തൊക്കെയോ ചിന്തിച്ചു.
അമ്മ ഒന്നും അറിയാത്ത പോലെ വന്നു ഭക്ഷണം കഴിക്കാന് പറഞ്ഞു. സതി ചേച്ചിയുടെ കണ്ണുകള് ദ്വേഷ്യത്തില് ചുവന്ന് കലങ്ങീരുന്നു. അമ്മ പറഞ്ഞതനുസ്സരിച്ച് ഞങ്ങള് ഭക്ഷണം കഴിച്ചു. പാത്രങ്ങള് കഴുകുന്നതിനായി അടുക്കളയിലേക്ക് ഞങ്ങള് പോയി.
“…ആ നിങ്ങള് കഴിച്ച് കഴിഞ്ഞാല് ഈ പാല് കുടിക്ക്….”.
അമ്മ രണ്ട് ഗ്ലാസ്സില് പാല് കൊണ്ട് വച്ച് പറഞ്ഞു. അമ്മയില് എന്തോ ഒരു പരിഭ്രമം ഉണ്ടെന്ന് എനിക്ക് മനസ്സിലായി. വളരെ പെട്ടെന്ന് അത് കണ്ട് പിടിച്ച സതിച്ചേച്ചി ആ ഗ്ലാസ്സ് എടുത്ത് പാല് ബേസിനിലെക്ക് ഒഴിച്ച് കളഞ്ഞു. എന്നീട്ട് ആ ഗ്ലാസ്സിന്റെ അടിഭാഗത്ത് സൂക്ഷിച്ച് നോക്കി. അതില് ഗുളികയുടെ പകുതി ഭാഗം കലങ്ങാതെ കിടക്കുന്നു.
“…അജൂ…പാല് കുടിക്കണ്ടാ….അതില് ഉറക്ക ഗുളികയാണ്…”.
“..അയ്യോ…ഉറക്ക ഗുളികയോ….???”.
“…ഇന്ന് നമ്മള് ബോധമില്ലാതെ ഉറങ്ങേണ്ടത് അമ്മയുടെ ആവശ്യമാണ്…”.
സതിച്ചേച്ചി എനിക്കുള്ള ഗ്ലാസ്സും ബേസിനില് കമഴ്ത്തി കളഞ്ഞു. വേഗത്തില് അത് കഴുകുന്നതിനിടയില് അമ്മ തിടുക്കപ്പെട്ട് വീണ്ടും അടുക്കളയിലേക്ക് കടന്നു വന്നു.
“…പാല് കുടിച്ചോ മക്കളെ….”.
അമ്മ എന്റെ മുടിയില് തഴുകികൊണ്ട് ചോദിച്ചു.
“…ഇന്നെന്താ പതിവില്ലാതെ പാലൊക്കെ…”.
ഞാന് അറിയാത്തവണ്ണം ചോദിച്ചു. എന്റെ ചോദ്യം അമ്മയില് ഞെട്ടലുണ്ടാക്കിയെങ്കിലും എനിക്ക് ഒരു നുള്ള് തന്ന് തിരിഞ്ഞ് ചേച്ചിയുടെ കയ്യിലുള്ള ഗ്ലാസ്സ് വാങ്ങി ഷെല്ഫില് വച്ചു.
“…നിങ്ങള് വലുതായികൊണ്ടിരിക്കല്ലേ….അത്യാവിശ്യം പോഷകങ്ങള് ഒക്കെ കഴിക്കണം…..അതാ…”.