ഞാൻ: മാതാശ്രീ എന്താ ദോശയാണോ ഇന്ന്..?
അമ്മ: അതെന്താ നിനക്ക് ദോശ ഇറങ്ങില്ലേ?
ഞാൻ: അയ്യോ, ചുമ്മാ ചോദിച്ചതാണേ..ദോശയോ പുട്ടോ എന്തായാലും ഇവിടെ പോകും എന്റെ മാതാവേ…🤣
അമ്മ തിരിഞ്ഞു എന്നെ നോക്കി ഒരു ചിരി പാസ്സാക്കി. ഞാൻ കുളിച്ചിട്ടു വരാം എന്നും പറഞ്ഞു നേരെ എന്റെ മുറിയിലേക്ക് പോയി. കുളിച്ചു ഡ്രെസ്സും മാറി കോളേജിൽ പോകാനായി താഴെ എത്തി. കാപ്പി കുടിച്ചു കൊണ്ടിരുന്നപ്പോൾ അമ്മയ്ക്ക് ഒരു ഫോൺ വന്നു. ലത മാമിയായിരുന്നു. മാമിയുടെ അച്ഛന് ഹാർട്ട് അറ്റാക്ക് വന്നിട്ട് അടുത്തുള്ളവർ ഹോസ്പിറ്റലിൽ കൊണ്ട് പോയി. പെട്ടെന്ന് എത്താൻ പറഞ്ഞു എന്ന്. ഞാൻ മാമിയെ കൊണ്ടാകാം എന്ന് പറഞ്ഞപ്പോൾ അമ്മ കൂടെ വരുന്നു എന്ന് പറഞ്ഞു.
അമ്മ അച്ഛനോടും ചേച്ചിയോടും കാര്യം പറഞ്ഞിട്ട് നേരെ ഡ്രസ്സ് മാറി വന്നു. ഞാനും അമ്മയും നേരെ മാമിയുടെ വീട്ടിൽ പോയി മാമിയെയും കണ്ണനെയും കൂട്ടി ഹോസ്പിറ്റലിൽ എത്തി. പുള്ളി ഐസിയുവിലാണ്. മാമിയുടെ അമ്മയും അയൽപക്കത്തുള്ള മാമിയുടെ വല്യച്ചനും ഐസിയുവിന്റെ മുമ്പിൽ ഞങ്ങളെയും കാത്തിരിക്കുകയായിരുന്നു. ഞങ്ങൾ എത്തിയപ്പോൾ മാമിയുടെ വല്യച്ഛൻ നമ്മളോട് കാര്യങ്ങൾ പറഞ്ഞു. severe അറ്റാക്ക് ആണ്. ആൻജിയോപ്ലാസ്റ്റി ചെയ്തു. ഇപ്പോൾ കുഴപ്പമില്ല. സമയത്തിന് ഹോസ്പിറ്റലിൽ എത്തിച്ചത് കൊണ്ട് ആള് രക്ഷപെട്ടു.
കുറച്ചു കഴിഞ്ഞപ്പോൾ ഡോക്ടർ വന്നു കണ്ടു. ഇപ്പോൾ കുഴപ്പം ഒന്നും ഇല്ല, വേറെ പ്രശ്നം ഒന്നും ഇല്ലെങ്കിൽ രണ്ടു ദിവസം കഴിഞ്ഞു ഡിസ്ചാർജ് ചെയ്യാം എന്നും പറഞ്ഞു. മാമി ഞങ്ങളോട് വീട്ടിൽ പൊയ്ക്കൊള്ളാൻ പറഞ്ഞു. പോകുന്ന വഴി കണ്ണനെയും മാമിയുടെ അമ്മയെയും വല്യച്ചനെയും അവരുടെ വീട്ടിൽ ആക്കിയിട്ട് പോകാം എന്ന് ഞങ്ങളും പറഞ്ഞു. അങ്ങനെ കുറച്ചു സമയം കഴിഞ്ഞു ഞങ്ങൾ മാമിയെ ഹോസ്പിറ്റലിൽ ആകിയിട്ട് തിരിച്ചു വീട്ടിൽ പോയി.
പിന്നെ അങ്ങോട്ട് സമയം പോയതറിഞ്ഞില്ല. ഞായറാഴ്ച്ച പയ്യൻ വീട്ടുകാർ വന്നതും പിന്നെ ഇവിടെ നിന്നും പയ്യന്റെ വീട്ടിൽ പോയി ഉറപ്പിച്ചതും ജാതകം മാറലും എല്ലാം ഒരു മാസത്തിനകം നടന്നു. ചിങ്ങം അഞ്ചിന് കല്യാണം നിശ്ചയിച്ചു. കല്യാണം വിളിയും ബാക്കി ഓട്ടവും എല്ലാം ആയി ഞാനും ബിസി ആയി. മാമിയുടെ അച്ഛന് വയ്യാത്തത് കൊണ്ട് മാമി കണ്ണനെയും കൊണ്ട് താമസം അങ്ങോട്ട് മാറ്റി. അത് പോലെ മാമനും മിക്കവാറും ടൂറിൽ ആകുമെല്ലോ. ഇതിനിടയ്ക്ക് വീട് വൃത്തിയാക്കാൻ വരുമ്പോൾ ആണ് ഒന്ന് കാണുകയും നമ്മുടെ കാര്യങ്ങൾ നടക്കുകയും ചെയ്യുന്നത്.
കല്യാണത്തിന് മുൻപ് എനിക്കും ചേച്ചിക്കും ശെരിക്കും പറഞ്ഞാൽ ഒന്ന് സംസാരിക്കാൻ പോലും സമയം കിട്ടിയില്ല. അങ്ങനെ കല്യാണ നാൾ എത്തി. ഞങ്ങൾക്ക് പിന്നെ ബന്ധുക്കൾ കുറവല്ലാത്തത് കൊണ്ട് ഏകദേശം 1000 പേർ നമ്മുടെ കൂട്ടത്തിൽ തന്നെ ഉണ്ട്. അമ്മയുടെ കൂടെ 8 സഹോദരങ്ങൾ. അച്ഛന് 6 പേര്. പിന്നെ അതിന്റെ മക്കൾ. അതിൽ കല്യാണം കഴിഞ്ഞവരുടെ കുടുംബക്കാർ, ചുരുക്കം പറഞ്ഞാൽ ഒരു പഞ്ചായത്ത് തന്നെ ഉണ്ട് കല്യാണത്തിന്. താലി കെട്ടും സദ്യയും ഒക്കെ മംഗളമായി നടന്നു.
പിന്നെ ഒരാഴ്ച്ച കല്യാണക്ഷീണം. അതിനിടയ്ക്ക് മറുവീട്, വിരുന്ന് എന്നെ കലാപരിപാടികളും കഴിഞ്ഞു. അവസാനം ഒരു മാസം കഴിഞ്ഞു അളിയൻ ചേച്ചിയെയും കൊണ്ട് ദുബായ്ക്ക് പറന്നു. പുള്ളി വരുന്നതിന് മുൻപ് തന്നെ വിസ പ്രോസസ്സ് ചെയ്തിട്ടാണ് വന്നത്. എയർപോർട്ടിൽ അവരെ യാത്രയാക്കാൻ ഞാൻ പോയി. ചേച്ചി എന്നെ കെട്ടി പിടിച്ചു ഒരുപാട് കരഞ്ഞു. ഞാൻ ഒരു വിധം സമാധാനിപ്പിച്ചു വിട്ടു..
നിങ്ങൾ നൽകുന്ന എല്ലാ പിന്തുണയ്ക്കും ഒരിക്കൽ കൂടി നന്ദി രേഖപെടുത്തുന്നു. ഈ ഭാഗത്തിൽ പേജുകൾ കുറവാണെന്നറിയാം, അടുത്ത ഭാഗം മുതൽ കൂടുതൽ പേജുകൾ ഉൾപെടുത്താൻ ശ്രമിക്കാം. എല്ലാ ആഴ്ചയും ഓരോ ഭാഗം ഇടാനും ശ്രമിക്കാം. അടുത്ത ഭാഗം മുതൽ പുതിയ കഥാപാത്രങ്ങളുമായി കിച്ചുവിന്റെ ഭാഗ്യജീവിതം തുടരും….