Related Posts
ബെന്നി ദീപുവിനെ അന്വേഷിച്ച് അളഞ്ഞുനടന്നിരുന്ന സമയത്ത് ദീപു സിറ്റിയിലെ ഏറ്റവും വലിയ ഷോപ്പിംഗ് മോളിലെ ഒരു തുണിക്കടയിൽ ലേഡീസ് ഡ്രസ്സ് ചേഞ്ചിങ് റൂമിന് പുറത്ത് അക്ഷമനായി കാത്തുനിൽക്കുകയായിരുന്നു. ഉള്ളിൽ അവന്റെ ഏറ്റവും പ്രിയപ്പെട്ട രേഷ്മ തുണിമാറ്റികൊണ്ടിരിയ്ക്കുകയായിരുന്നു. ഓഫീസിൽ ജോയിൻ ചെയ്തതിന്റെ പിറ്റേന്ന് മുതൽ തന്നെ വായ്നോക്കുന്ന ദീപുവിനെ അന്ന് മുതൽ തന്നെ രേഷ്മ കാണുന്നുണ്ട്. ഓഫീസിൽ മറ്റുള്ളവരുടെ കണ്ണെത്തുന്നതിന് മുൻപ് തന്നെ ദീപു അവളെ കാണുകയായിരുന്നു. അതിന് കാരണം അവൻ സ്ഥിരം വരുന്ന ബസ് ആണ്.
ഏതാണ്ട് ഒരു വർഷം മുൻപാണ് ആ ബസ്സിൽ വെച്ച് അവൻ അവളെ കണ്ടത്. അന്ന് അവന് കാറില്ല. കണ്ടാൽ വളരെ പാവമായി തോന്നിയ അവന്റെ തൊട്ടടുത്ത് അവൾ വന്നിരിയ്ക്കുകയായിരുന്നു. അവന് ആദ്യം കണ്ടപ്പോൾ തന്നെ അവളെ ഇഷ്ടമായി. ഇഷ്ടം എന്നു വെച്ചാൽ കമ്പി ഇഷ്ടമല്ല , നമ്മൾ ഈ സിനിമയിൽ ഒക്കെ കാണുന്നത് പോലെ അവളുടെ മുടി കാറ്റത്ത് പാറുന്നതും, ചിരിയും, കരിമഷിയെഴുതിയ കണ്ണുകളും , എന്താ പറയ ആകെപ്പാടെ ഒരു മണിരത്‌നം സിനിമ കാണുന്ന ഫീൽ. കുറ്റം പറയരുതല്ലോ, നല്ല ഗോതമ്പിന്റെ നിറവും, മീൻ തോൽക്കുന്ന കണ്ണുകളും, കവിളത്ത് ചിരിയ്ക്കുമ്പോൾ വിരിയുന്ന നുണക്കുഴികളും,അതു തോൽക്കുന്ന പാൽ പുഞ്ചിരിയും, മുതുക് മൂടും വിധം സമ്പന്നമായ കാർകൂന്തലും, മുല്ലപ്പൂവിന്റെ മണവുമുള്ള അവളെ കണ്ടാൽ ആരായാലും ഒന്ന് നോക്കിപ്പോകും.അവൾക്ക് നമ്മുടെ നടി ഭാമയുടെ ഒരു ലുക്ക് ഉണ്ട് എന്ന് കൂടി പറഞ്ഞാൽ മനസ്സിലാക്കാമല്ലോ. അവൾ വന്നിരുന്നത് അവന്റെ ഹൃദയത്തിൽ ആയിരുന്നു.
അന്ന് ഓഫീസിൽ വന്നപ്പോൾ അവളെ തൊട്ടപ്പുറത്തെ സീറ്റിൽ കണ്ട അവന്റെ ഹൃദയം നിന്ന് പോകാഞ്ഞത് അവന്റെ ഭാഗ്യം. ‘ദീപു,ഇത് രേഷ്മ. നമ്മുടെ ടീമിലെ പുതിയ മെമ്പർ ആണ്. ദീപു വേണം ആദ്യത്തെ ട്രെയിനിങ് ഒക്കെ കൊടുക്കാൻ’ എന്ന് ടീം ലീഡ് റോസ്ലിൻ പറഞ്ഞപ്പോൾ അവന്റെ മനസ്സിൽ ലഡ്ഡുപൊട്ടി. പരിചയപ്പെടുമ്പോൾ ഹായ് പറഞ്ഞുള്ള ആ പുഞ്ചിരിയും ഷേഖ് ഹാൻഡും, കൊലുകൊലുന്നനെയുള്ള വർത്തമാനവും അവന്റെ ഉള്ളിൽ അവളുടെ ചിത്രം ആണിയടിച്ചുറപ്പിച്ചു. ട്രെയിനിങ് ആയി, ഒരുമിച്ച് ഭക്ഷണം ആയി, ചായകുടി ആയി ഒന്നും പറയണ്ട അധിക ദിവസം കഴിയും മുന്നേ തന്നെ അവൻ ഓഫീസിൽ വരുന്നത് തന്നെ രേഷ്മയെ കാണാൻ ആണ് എന്ന മട്ടായി.ദീപുവിനെ പോലെ തന്നെ വളരെ റെസ്‌ട്രീക്ഷൻസോടെ വളർന്നവളായിരുന്നു രേഷ്മയും.
കോളേജ് പ്രൊഫസർമാരായ അവളൂടെ അച്ഛനമ്മമാർ അവളെ വളർത്തിയതും പഠിപ്പിച്ചതും ഗേൾസ് സ്‌കൂളിലും ഗേൾസ് കോളേജിലുമായിട്ടാണ്. പക്ഷേ അവൾ ദീപുവിനെപ്പോലെ നിഷ്‌കു ആയിരുന്നില്ല. അവൾ ദീപുവിനെക്കാൾ കുറച്ചുകൂടി ആക്ടീവും, സ്മാർട്ടുമായിരുന്നു. ദീപു അഞ്ചു വർഷംകൊണ്ട് ഉണ്ടാക്കിയത്തിന്റെ ഇരട്ടി ഫ്രണ്ട്സിനെ രേഷ്മ ഒരു വർഷം കൊണ്ട് ഉണ്ടാക്കി. താമസിയാതെ ദീപുവിന് രേഷ്മയുടെ കൂടെ നടക്കുന്നവൻ എന്ന അഡ്ഡ്രസ് വന്നുചേർന്നു. എങ്കിലും രേഷ്മയ്ക്ക് അവനെ വലിയ ഇഷ്ടമായിരുന്നു.അതുകൊണ്ട് തന്നെ ആ വിളി അവൻ എൻജോയ് ചെയ്തു. ദിവസങ്ങൾ പോകും തോറും അവന് അവളോടുള്ള പ്രണയം കൂടി കൂടി വന്നു.
കാള വാല് പൊക്കുമ്പോഴേ അറിയാം എന്ന പഴഞ്ചൊല്ല് ഇക്കാര്യത്തിൽ വളരെ ശരിയാണ്. അവൾക്കും കാര്യം പിടികിട്ടി, അവൾക്കും ഇഷ്ടമൊക്കെ തന്നെ ആയിരുന്നു. പക്ഷെ രണ്ടുപേരും കാര്യം പറഞ്ഞില്ല.
അവന് പറയാൻ ഉള്ള ധൈര്യം ഉണ്ടായിരുന്നില്ല. അവളാവട്ടെ ആദ്യം അവൻ പറയട്ടെ എന്ന് വാശിപിടിച്ചു. അങ്ങനെ ഇനി ഇത് പറ യാതെ പറ്റില്ല എന്ന് അവന് മനസ്സിലായി. എങ്ങനെ പറയും എവിടെവെച്ചു പറയും എന്ന ആലോചനയിൽ തല പുകഞ്ഞിരിയ്ക്കുകയായിരുന്നു അവൻ രണ്ടു ദിവസമായി. അങ്ങനെയിരിയ്ക്കെ ഇന്ന് ഉച്ചയ്ക്കാണ് അവളുടെ ബർത്ത് ഡേ ആണെന്ന് അവൻ അറിയുന്നത്. അവനെ കുറ്റം പറഞ്ഞിട്ട് കാര്യമില്ല, പരിചയപ്പെട്ട ദിവസം മനസ്സിലാക്കി വെച്ചതിൽ ഡെയ്റ്റും മന്തും മാറിപ്പോയി.
‘ഹാപ്പി ബർത്ത് ഡേ’ ഐസ് ക്രീം നുണയുന്നതിനിടയിൽ അവൻ പറഞ്ഞു.
‘ഇതു മാത്രമേ ഉള്ളോ? ഗിഫ്റ്റ് ഒന്നുമില്ലേ?’ അവൾ തമാശയ്ക്ക് ചോദിച്ചു.അപ്പോഴാണ് താൻ എന്തൊരു മണ്ടൻ ആണെന്ന് ദീപുവിന് തോന്നിയത്. കാത്തുകിട്ടിയ ഒരു ചാൻസ് മുന്നിൽ വന്നിട്ട് അത് തിരിച്ചറിയുന്നില്ലല്ലോ. താൻ ചുമ്മാ പറഞ്ഞതാണെന്ന് അവൾ പലവട്ടം പറഞ്ഞെങ്കിലും ഗിഫ്റ്റ് വാങ്ങിയെ തീരൂ എന്ന് അവൻ നിർബന്ധിച്ചു. ആ വകുപ്പിൽ ഒരു ഡേറ്റിങ് ഒപ്പിച്ചെടുക്കാം, അതിനിടയിൽ തന്റെ ഇഷ്ടം പറയാം എന്നായിരുന്നു അവന്റെ പ്ലാൻ.ബർത്ത് ഡേ ദിവസം പ്രാപ്പോസലും, അവൻ ഉള്ളിൽ ചിരിച്ചു.അങ്ങനെയാണ് ഗിഫ്റ്റ് വാങ്ങാൻ വേണ്ടി ദീപു ഹാഫ് ഡേ സിക് ലീവെടുത്ത് അവളെയും കൊണ്ട് ഷോപ്പിംഗ് മോളിൽ കയറിയത്.
ആദ്യം ഒരു സിനിമ, പിന്നെ ഗിഫ്റ്റ് അതായിരുന്നു അവരുടെ പ്ലാൻ. സിനിമ ഏതാണ് എന്നൊന്നും പറയുന്നില്ല, ഏതായാലും അത്യാവശ്യം ലിപ്‌ലോക്കും നല്ലോണം റൊമാൻസും ഉള്ള സിനിമയായിരുന്നു. കാര്യം എത്ര സ്മാർട്ട് ആണെങ്കിലും താൻ ഇഷ്ടപ്പെടുന്ന ആളുടെ കൂടെ ഇരുന്ന് ഇതൊക്കെ കാണുമ്പോൾ ആരായാലും നാണിയ്ക്കുമല്ലോ. അവളും നാണിച്ചു. അവനും നാണമായി. എന്തായാലും സിനിമ കഴിഞ്ഞതിന് ശേഷം പുറത്തിറങ്ങിയ രണ്ടുപേരും മറ്റൊരു മൂഡിലായിരുന്നു. കോഫി കുടിച്ചുകൊണ്ടിരുന്നപ്പോൾ ഇന്റർവെൽ നേരത്ത് വാങ്ങി പോക്കറ്റിൽ വെച്ചിരുന്ന റോസാപ്പൂ അവൾക്ക് കൊടുത്തുകൊണ്ട് അവൻ പറഞ്ഞു, ‘ ഐ ലവ് യൂ.’
അവൾ ചിരിച്ചു, അവൾക്കും അവനെ ഇഷ്ടമായിരുന്നു. അവൾ അത് പ്രതീക്ഷിച്ചിരുന്നതുമാണ്. ‘ ഐ ലവ് യൂ ടൂ,’ അവൾ പറഞ്ഞു. അവൻ സന്തോഷത്തിന്റെ കൊടുമുടിയിൽ ആയിരുന്നു. അവളെ കെട്ടിപ്പിടിച്ച് ഉമ്മ കൊടുക്കാൻ തോന്നിയെങ്കിലും പരിസരബോധം കാരണം വേണ്ടെന്ന് വച്ചു. അങ്ങനെ അവർ സംസാരിച്ചുകൊണ്ടിരിയ്ക്കുമ്പോഴാണ് അവരുടെ ഓഫീസിൽ നിന്ന് തിങ്കളാഴ്ച എന്തോ പണി ഏൽപ്പിക്കാൻ വേണ്ടി റോസ്ലിൻ വിളിച്ചത്. റോസ്‌ലിനോട് സംസാരിച്ചു കഴിഞ്ഞു ഫോണ് കട്ട് ചെയ്തതും അവൾ അവളുടെയും അവന്റെയും ഫോൺ എടുത്ത് സ്വിച്ചോഫ് ചെയ്തു.
‘ഇന്നത്തേക്ക് നമ്മൾ പിരിയും വരെ ഈ ഫോണ് നമ്മളെ ശല്യം ചെയ്യണ്ട,ഇന്നൊരു സ്പെഷ്യൽ ദിവസമാണ്’
അവൻ ചിരിച്ചു, ‘ഉത്തരവ് പോലെ, എന്നാപ്പിന്നെ ഇത് നീ തന്നെ വെച്ചോ.’
അവൻ അവന്റെ ഫോണ് അവളുടെ പേഴ്‌സിൽ ഇട്ടു.
കാപ്പികുടി ഒക്കെ കഴിഞ്ഞ് ഗിഫ്റ്റ് എന്തുവേണമെന്ന് ചോദിച്ചപ്പോൾ അവൾ പറഞ്ഞ ഐഡിയ ആണ് ഡ്രസ്സ് എടുക്കാം എന്നത്. അങ്ങനെ അവൾക്കൊരു ചുരിദാർ എടുക്കാൻ വേണ്ടി ഒരു റെഡിമെയ്ഡ് ഷോപ്പിലേയ്ക്ക് നടക്കുമ്പോഴാണ് അവൻ അധികം തിരക്കൊന്നുമില്ലാത്ത ചെറിയൊരു ബ്രാൻഡ് ഷോ റൂം കണ്ടത്. അതു കണ്ടപ്പോൾ ദീപുവിന് ഒരു ഐഡിയ തോന്നി. ഓഫീസിലേക്ക് സ്ഥിരം ചുരിദാരിലോ കുർത്തയിലോ ആണ് അവൾ വരുന്നത്. അല്ലാതെ മോഡേണ് വേഷങ്ങൾ ഒന്നിലും കണ്ടിട്ടില്ല. അങ്ങനെ കാണാൻ അവന് വലിയ ആഗ്രഹം ഉണ്ടായിരുന്നു. അവൾ എത്രത്തോളം സെക്സി ആണ് എന്ന് അറിയണ്ടേ. ആ ഭംഗി ഒളിച്ചുവെക്കാമോ.
