ഞാൻ അവളുടെ മുഖത്തേക്ക് നോക്കി അഞ്ജനമെഴുതിയ കണ്ണുകൾ നിറഞ്ഞു. അവൾ മുഖം പൊത്തി പിടിച്ച് കരഞ്ഞു കൊണ്ടു ഓടി. അവൾ ഓടുന്ന കണ്ടപ്പോൾ നിധിൻ എന്റെ അടുത്തേക്ക് വന്നു.
” എന്താടാ എന്താ അവൾ കരഞ്ഞോണ്ട് ഓടിയെ ”
” ഒന്നുല്ലടാ ”
” വെല്ല സീനും ആകുമോ ”
” എന്ത് സീൻ ” ഇവർക്ക് രണ്ടുപേർക്കും അറിയില്ലല്ലോ അവൾ എന്റെ ചേച്ചി ആണെന്ന്.
ഞാൻ ക്ലാസ്സിലേക്ക് കേറി ആവണി ഒന്നും മനസിലാകാതെ എന്നെ നോക്കി. ഞാൻ ഒന്നുമില്ല എന്നാ രൂപത്തിൽ തല അനക്കി.
പിന്നെ ബെൽ അടിച്ച് മിസ്സ് വന്നു. ആദ്യത്തെ ഹവർ മിസ്സ് ക്ലാസ്സ് എടുക്കത്തിനിടക്ക് പല ചിന്തകളും എന്റെ മനസ്സിൽ നിറഞ്ഞു.
“ഛെ അങ്ങനെ പറയണ്ടായിരുന്നു അല്ലെ.”
” ഹെയ് ”
” നീ എന്താടാ സ്വപ്ന കാണുവാണോ ” അക്ഷയ്
” എടാ ഞാൻ അവളോട് അങ്ങനെ പറയണ്ടായിരുന്നു അല്ലെ ”
” എങ്ങനെ അയിന് നീ പറഞ്ഞത് ഒന്നും ഞാൻ ഒന്നും കേട്ടില്ലല്ലോ ”
” എന്തടാ കാര്യം ” ആവണി ചോദിച്ചു.
” ഒന്നുമില്ല മോളെ നീ മിണ്ടാതെ ഇരിക്ക് നീ വാ തുറന്നാൽ പണിയ കിട്ടണേ ” ഞാൻ പറഞ്ഞു പിന്നെ ആവണി ഒന്നും മിണ്ടിലാ വൈകുന്നേരം പെട്ടെന്ന് അങ്ങ് പോയി .
വൈകുന്നേരം പതിവ് പോലെ അവരെ ഞാൻ ബസ് സ്റ്റാൻഡിൽ ആക്കി വീട്ടിലേക്ക് നടന്നു…..
നടക്കുന്ന വഴിക്ക് ഞാൻ ഇടക്ക് പുറകോട്ട് നോക്കി അവരെ പ്രതീക്ഷിച്ചോ എന്ന് എനിക്കൊരു സംശയം. ഞാൻ നടന്ന് വീട്ടിൽ എത്തി
ആന്റി അവിടെ ആരോടോ സംസാരിച്ചോണ്ട് ഇരിക്കുവാർന്നു ഞാൻ അകത്തേക്ക് കേറി ഡ്രസ്സ് മാറി താഴേക്ക് ചെന്ന് ടീവി തുറന്ന് ഇരുന്നു.
ആന്റി എനിക്ക് ചായ കൊണ്ടുവന്നു.
” ആന്റി അവൾ വന്നോ ”
” ആ വന്നു ഇന്ന് കോളേജിൽ എന്തോ കൊഴപ്പം ഉണ്ടെന്ന് തോന്നുന്നു. മുഖവും വീർപ്പിച്ചോണ്ട് കേറിയ പോയത് ”
അപ്പം അവൾ ഒന്നും പറഞ്ഞിട്ടില്ല. ഞാൻ ചായ കുടിച്ച് റൂമിലേക്ക് പോയി. ഒരു ആറര കഴിഞ്ഞപ്പോൾ ആവണി കോൾ ചെയ്യതു.
” ഹലോ ”
” ന്താണ് മോളെ പതിവ് ഇല്ലാതെ ഒരു കോൾ ”
” ഒന്നുമില്ല ചുമ്മാ വിളിച്ചതാ ”
” ടാ ”
” എന്താടി ”
” എടാ ”
” ഒന്ന് പറഞ്ഞു തൊലക്ക് ” എന്റെ ഉച്ച കുറച്ച് കടുപ്പിച്ചായിരുന്നു. കുറച്ച് നേരത്തേക്ക് അപ്പുറത്ത്ന്ന് മറുപടി ഒന്നുമില്ലായിരുന്നു.
” ഹലോ.? ന്തേ ഒന്നും മിണ്ടാത്തെ ”
” എടാ നിനക്ക് നോട്ട് കോംപ്ലറ്റ് ആക്കണ്ടേ ” അവൾ ഒറ്റയടിക്ക് പറഞ്ഞു. ഇതാണോ ഇവൾ ഇത്രയും നേരം തത്തി കളിച്ചത്.
” ഹ്മ്മ് ”
” ന്ന വാ ”
ഞങ്ങൾ രണ്ടും കൂടെ ഒരു 9 മണിവരെ ഇരുന്ന് നോട്ട് എഴുതി.
ആന്റി അത്താഴം കഴിക്കാൻ വിളിച്ചപ്പം. താഴേക്ക് ചെന്നു.
” അവൾ കഴിച്ചോ ആന്റി ” കഴിക്കാൻ ഇരിക്കുന്നതിന്റെ ഇടക്ക് ഞാൻ ആന്റിയോട് ചോദിച്ചു
” ഇല്ലാ അവൾക്ക് വേണ്ട പോലും ”
ഇനി ഞാൻ പറഞ്ഞതും വിചാരിച്ച് ഇരിക്കുവായിരിക്കും അവൾ.
” ആന്റി ഞാൻ പോയി വിളിക്കണോ ”
” വേണ്ട അവൾ വിശക്കുമ്പോൾ ഇറങ്ങിക്കോളും ”
ഞാൻ ഫുഡും കഴിച്ച് പോയി കിടന്നു.
രാവിലെ കൊറച്ച് വൈകിയാണ് എഴുന്നേറ്റത്.
ഞാൻ ഫ്രഷ് ആയി പുറത്തേക്ക് വന്നു.
” ബാ ചായ കുടിക്കാം ”
ഞാൻ ആന്റിന്റെ കൂടെ പോയി ചായ കുടിച്ചു.
” ആന്റി ”
” എന്താ അച്ചു ”
” അവൾ ഇന്നലെ രാത്രി എന്തെങ്കിലും കഴിച്ചോ ”
” ഇല്ലാ. ഞാൻ രാവിലെ എഴുന്നേറ്റ് നോക്കുമ്പോൾ എല്ലാം അതെ പോലെ തന്നെ ഇരിപ്പുണ്ടായിരുന്നു ” ആന്റി അത് പറയുമ്പോൾ എനിക്ക് ഇന്നലെ ഉച്ചക്ക് നടന്ന കാര്യങ്ങൾ ആണ് മനസിലേക്ക് വന്നത്.
” ഈ കൊച്ചിന് ഇത് എന്ത് പറ്റിയാവോ ” അതും പറഞ്ഞ് ആന്റി പിന്നെയും ഓരോരോ പണി ചെയ്യുകയാണ്.
” ഞാൻ പിന്നെ നേരെ റൂമിൽ പോയി ” എന്നും ചെയ്യുന്ന പോലെ ഒരു മാറ്റവും ഇല്ല കോളേജിലേക്ക് ഇറങ്ങി. സാധാരണ ഞാൻ താഴേക്ക് ചെല്ലുമ്പോൾ ഗായത്രിനെയും നിമ്മിനെയും കാണുന്നതാണ്. ഇന്ന് കണ്ടില്ലാ ആ എപ്പഴേലും വരുമായിരിക്കും.
ഞാൻ ഇന്ന് കൊറച്ച് നേരത്തെ തന്നെ കോളേജിൽ എത്തി. ഗേറ്റിന്റെ മുൻപിൽ നിന്ന് തന്നെ ഞങ്ങൾ ഒന്നിച്ചു ഞങ്ങൾ ക്ലാസ്സിലേക്ക് കേറി ബാക്ക് ബെഞ്ചിൽ തന്നെ സ്ഥാനം ഒറപ്പിച്ചു.
ബെൽ അടിച്ചു.
” അപ്പം ഇന്നും 1st ഹവർ ഫ്രീ ആയിരിക്കും അല്ലെ ” ആവണി പറഞ്ഞ് തീരലും സാറ്റിൻ സിൽക്ക് സാരിയിൽ ഒരു സുന്ദരി ക്ലാസ്സിലേക്ക് കേറി.
എന്റെ വായിൽ നിന്നും ഒരു ശബ്ദം പുറത്ത് വന്നു ‘”””ലക്ഷ്മി “‘””.
” എടാ നിനക്ക് അറിയോ ” നിധിൻ എന്നോട് ചോദിച്ചു.
” എടാ ഇത് ആ അഡ്മിഷൻ സെക്ഷൻ ഇരിക്കുന്ന പുള്ളിക്കാരി ആണ് നിങ്ങൾ കണ്ടിട്ടില്ലേ ”
” ഇല്ലാ ” അവർ രണ്ടുപേരും ഒരുപോലെ പറഞ്ഞു.
” ഹലോ സ്റ്റുഡന്റസ് ഞാൻ ആണ് നിങ്ങളുടെ ക്ലാസ്സ് ടീച്ചർ ” ലക്ഷ്മി മിസ്സ് പറഞ്ഞു.
” അപ്പം നമ്മളുടെ ഫസ്റ്റ് മീറ്റ് ആണ്. എന്റെ പേര് ലക്ഷ്മി വർമ്മ ഞാൻ നിങ്ങൾക്ക് ഈ സെമിൽ ഇക്കണോമിക്സ് ആണ് എടുക്കുന്നത്. എല്ലാരും ഒന്ന് പേര് പറയ് ഒന്ന് പരിചയ പെടലോ ” ഒരു സൈഡിൽ നിന്ന് പേര് പറയാൻ തുടങ്ങി
ഞങ്ങളുടെ ബെഞ്ചിൽ എത്തി
” നിധിൻ ”
” ഒക്കെ ”
ഞാൻ പേര് പറയാൻ എഴുന്നേറ്റപ്പോൾ “അക്ഷയ് അതല്ലേ പേര് ”
” യെസ് മിസ്സ് ”
” ഒക്കെ next ”
” ആവണി “
മിസ്സ് ബാക്കി പേര് ചോദിക്കുന്നതിന്റെ ഇടക്ക് ആവണി എന്നോട് ചോദിച്ചു.
” നിന്റെ പേര് മാത്രം എങ്ങനെ മിസ്സിന് കറക്റ്റ് മനസിലായി ”
” ആ എനിക്ക് അറിയോ ” ഞാൻ കൈ മലർത്തിക്കാണിച്ചു.
” ഉവ്വ ഉവ്വ ” നിധിൻ എന്നെ ഒന്ന് ആക്കാൻ തുടങ്ങി
” ഒക്കെ സ്റ്റുഡന്റസ് നമ്മക്ക് കൊറേ ക്ലാസ്സ് മിസ്സ് ആയിട്ട് ഉണ്ട് സോ നമ്മക്ക് ക്ലാസ്സ് സ്റ്റാർട്ട് ചെയ്യാം ” എന്ന് പറഞ്ഞു മിസ്സ് ബുക്ക് എടുത്തു.
” മാം ” വാതിലെന്റെ അടുത്ത ഒരാൾ നിൽക്കുന്നു
” യെസ് ”
” ഒന്ന് ഓഫീസിലേക്ക് വരാൻ പറഞ്ഞു ഒരു അഡ്മിഷൻ ന്റെ ആവിശ്യത്തിന് ”
” ഒക്കെ ഞാൻ വരാം. ഞാൻ ഒന്ന് ഓഫീസ് വരെ പോയിട്ട് വരാം ” അതും പറഞ്ഞു. മിസ്സ് പുറത്തേക്ക് പോയി
ഓ മിസ്സിന് പോകാൻ പറ്റിയ സമയം ഞാൻ സ്വയം പറഞ്ഞു കൊണ്ടു ഞങ്ങൾ മൂന്നു പേരും സംസാരിച്ചു കൊണ്ടു ഇരിന്നു. ഒരു 10 മിനിറ്റ് കഴിഞ്ഞപ്പോൾ മിസ്സ് ക്ലാസ്സിലേക്ക് വന്നു.
” നമ്മക്ക് പുതിയ ഒരു മെമ്പർ കൂടെ ഉണ്ട് ” അതും പറഞ്ഞു. പുറത്തു നിക്കുന്ന ആളെ അകത്തേക്ക് വിളിച്ചു. പുറത്തു നിന്ന് ആൾ അകത്തേക്ക് വന്നു
ഞാൻ ഒന്ന് ഞെട്ടി.
തുടരും…………..