അയാൾ കണ്ടു…
കട്ടിലിനടുത്ത് പേടിച്ച് വിറച്ച് നിൽക്കുന്ന രണ്ട് രൂപങ്ങൾ..
ഒന്ന് താനോമനിച്ച് വളർത്തിയ തന്റെ പെങ്ങളുടെ മോൾ…
മറ്റത്… അതെ… അവൻ തന്നെ..
മൂന്ന് വർഷം മുൻപ് താനും തന്റെ കൂട്ടാളികളും ചേർന്ന് അടിച്ച് പഞ്ഞിക്കിട്ട അവൻ തന്നെ…ഷഫീഖ്.. ഐശൂന്റെ കാമുകൻ..
ഇവർ തമ്മിൽ ഇപ്പഴും ബന്ധമുണ്ടെന്ന് അയാൾക്ക് വിശ്വസിക്കാനായില്ല…
“കണ്ടല്ലോ… അമ്മാവനും അമ്മായീം ശരിക്ക് കണ്ടല്ലോ…
ഇനി വാ… നമുക്കകത്തേക്കിരുന്ന് സംസാരിക്കാം… “
പ്രശാന്ത് അകത്തേക്ക് കയറി.. വിറക്കുന്ന കാലടികളോടെ ശിവരാജനും വേച്ച് വേച്ച് സുശീലയും…
എല്ലാരും അകത്ത് കയറിയതും പ്രശാന്ത് ബെഡ്റൂമിന്റെ വാതിലടച്ച് കുറ്റിയിട്ടു..
ഐശ്വര്യയുടെ മുഖത്തേക്ക് നോക്കിയ ശിവരാജന് നിയന്ത്രിക്കാനായില്ല..
അയാൾ ഒരു കൊടുങ്കാറ്റ് പോലെ മുന്നോട്ട് കുതിച്ച് ഐശ്വര്യയുടെ മുഖം നോക്കി സർവശക്തിയും സംഭരിച്ച് ഒറ്റയടി..
നിന്നിടത്ത് നിന്ന് ഒന്നാടിയ ഐശ്വര്യ തെറിച്ച് കിടക്കയിലേക്ക് വീണു…
അവിടെയിട്ട് ചവിട്ടാൻ കാലുയർത്തിയ അയാളുടെ കാലിൽ തന്നെ സുശീല പിടിച്ചു..
“” എട്ടാ… എന്തായിത്… മതി… ആദ്യം കാര്യമെന്താന്ന് ചോദിക്ക്… എന്നിട്ട് മതി തല്ലലും ചവിട്ടലുമൊക്കെ… “
“” ഇനിയെന്ത് ചോദിക്കാനാടീ… എല്ലാം നേരിൽ കണ്ടില്ലേ… കുടുംബത്തിന്റെ മാനം കളഞ്ഞില്ലേ ഈ നായിന്റെ മോള്… “”
കലിയടങ്ങാതെ സുശീലയെ തള്ളി മാറ്റിയ ശിവരാജൻ അടുത്ത് നിൽക്കുകയായിരുന്ന ഷഫീഖിന്റെ മുഖമടച്ച് ആഞ്ഞടിച്ചു..
ഒറ്റയടിക്ക് തന്നെ അവൻ ചുവരിലേക്ക് തെറിച്ച് പോയി നിലത്തേക്ക് വീണു..
ചവിട്ടാൻ കാലുയർത്തിയ ശിവരാജനെ, പ്രശാന്ത് പിടിച്ച് മാറ്റി..
“” മതി… ഇനിയൊക്കെ അവിടെ… നിങ്ങളുടെ വീട്ടിൽ ചെന്നിട്ട്…
എത്രയും പെട്ടെന്ന് ഇവളെ ഇവിടുന്നങ്ങ് കൊണ്ട് പോയാ മതി… “
ശിവരാജൻ അടങ്ങി.. അയാൾ പേടിയോടെ പ്രശാന്തിനെ നോക്കി..
“” മോനേ… നമുക്ക്… സംസാരിച്ച്… ഒരു… തീരുമാനം… “
“” ഇനിയെന്ത് സംസാരിക്കാൻ അമ്മാവാ…?.
എല്ലാം നേരിൽ കണ്ടില്ലേ… ?.
ഇനി ഇവളേയും വിളിച്ച് ഒന്നിറങ്ങിത്തന്നാ മതി… “
പ്രശാന്തിന് ഇനിയൊന്നും ചിന്തിക്കാനില്ലായിരുന്നു..
അവൻ പകയോടെയാണ് ഐശ്വര്യയെ നോക്കിയത്..
“മോനേ… ഇപ്പോ ഇവളെ കൊണ്ടുപോയാ… അവളുടെ അമ്മ…
അവളോട് ഞങ്ങളെന്ത് പറയും മോനേ… ?.
നമുക്ക്… നാളെ… ?””..
“” അമ്മയോട് നിങ്ങള് എന്ത് പറഞ്ഞാലും വേണ്ടില്ല…അതൊന്നും എനിക്കറിയേണ്ട കാര്യവുമില്ല…
നിങ്ങള് ഇവളേയും വിളിച്ചിറങ്ങുന്നോ,അതോ ഞാനാളെ കൂട്ടണോ… ?””.
പ്രശാന്ത് കലിപ്പാവാൻ തുടങ്ങി..
ശിവരാജന് മനസിലായി, ഇപ്പോ ഇവനോടെന്ത് പറഞ്ഞിട്ടും കാര്യമില്ല.. മനസ് തകർന്നിരിക്കുകയാണവൻ.. അവനായത് കൊണ്ടാണ് അടങ്ങി നിൽക്കുന്നത്.. അവന്റെ സ്ഥാനത്ത് താനായിരുന്നേൽ രണ്ടിനേം വെട്ടിക്കീറിയേനെ…
അയാൾ തൊട്ടിലിന് നേരെ നോക്കി
ഒന്നര വയസുള്ള അവളുടെ ആൺകുട്ടി ഒന്നുമറിയാതെ അതിൽ കിടന്നുറങ്ങുന്നു..അതിന്റെ ഭാവി പോലും ഓർത്തില്ലല്ലോ ഈ പുലയാടി മോള്…
“” ഇങ്ങോട്ടെണീൽക്കെടീ… ഇനി എന്തും നോക്കിയിരിക്കുകയാ… ?.. എടുക്കാനുള്ളതൊക്കെ എടുത്തോ…?”.
ശിവരാജൻ, ഐശ്വര്യയെ നോക്കി മുരണ്ടു..
സുശീല അയാളെ നോക്കി കണ്ണുകൾ കൊണ്ട് ആംഗ്യം കാട്ടി..
“മോളേ… നീയീ നൈറ്റിയൊന്ന് മാറ്റിയാ മതി… സാധനങ്ങളൊക്കെ നമുക്ക് പിന്നെ വന്നെടുക്കാം… “
അവളിട്ട സ്ലീവ്ലെസ് നൈറ്റിയിലേക്ക് നോക്കി സുശീല പറഞ്ഞു..
എല്ലാം കെട്ടിപ്പെറുക്കി ബന്ധം വിടർത്തിപ്പോകാൻ സുശീലക്ക് താൽപര്യമില്ല..
ഇതിന്റെ ചൂടൊന്നാറിയാൽ സംസാരിച്ച് തീരുമാനമാക്കാം എന്നാണവർ വിചാരിച്ചത്..
എന്നാൽ പ്രശാന്ത് എല്ലാം തീരുമാനിച്ചിരുന്നു..
“” നിന്റെ ഒരു സാധനവും ഇനിയീ വീട്ടിൽ കണ്ട് പോകരുത്… എല്ലാം എടുത്തോ…
എന്നിട്ട് പെട്ടെന്നിറങ്ങടീ… “
പകയോടെ മുരണ്ട പ്രശാന്ത് പറഞ്ഞ് വന്നപ്പോഴേക്കും വിതുമ്പിപ്പോയി..
അവൻ പെട്ടെന്ന് മുറിയിൽ നിന്നിറങ്ങിപ്പോയി..