ജോ :ശെരി നിന്റെ ഇഷ്ടം പോലെ തന്നെ നടക്കട്ടെ
ദേവ് പതിയെ ജോയുടെ അടുത്തേക്ക് എത്തി അവന്റ മുഖത്തേക്ക് നോക്കി
ദേവ് :ഇരിക്കുന്ന കോലം കണ്ടില്ലേ നീ എന്തിനാടാ പട്ടിയെ പോലെ നിന്ന് തല്ല് കൊണ്ടതു നിനക്ക് രണ്ടെണ്ണം കൊടുത്തു കൂടായിരുന്നോ
ജോ :എല്ലാം എന്റെ തെറ്റാടാ ജെയ്സനും ജാനിയും ഇഷ്ടത്തിലാണെന്ന് അറിഞ്ഞിട്ടും ഞാൻ
ദേവ് :ജെയ്സനും ജാനിയും ഇഷ്ടത്തിലോ ഇതൊക്കെ നിന്നോട് ആരാടാ പറഞ്ഞതു ജെയ്സൺ ആയിരിക്കുമല്ലേ പുല്ല് എന്തെങ്കിലുമാകട്ടെ നീ കിടക്കാൻ നോക്ക് ഞാൻ അപ്പുറത്ത് ഉണ്ടാകും എന്തെങ്കിലും ഉണ്ടെങ്കിൽ വിളിക്ക്
ഇത്രയും പറഞ്ഞു ദേവ് റൂമിന് പുറത്തേക്കു പോയി
ജോ പതിയെ ബെഡിലേക്ക് കിടന്നു ഉറങ്ങുവാനായി ശ്രമിച്ചെങ്കിലും അവനതിന് സാധിച്ചില്ല അവന്റെ മനസ്സിൽ മുഴുവൻ ജെയ്സന്റെ വാക്കുകൾ ആയിരുന്നു
“നീ അനുഭവിക്കാൻ പോകുന്നത്തേ ഉള്ളു നീ മാത്രമല്ല ഈ നായയും ”
ജോയുടെ മനസ്സിൽ ഇത് മുഴങ്ങികൊണ്ടേയിരുന്നു
പിറ്റേന്ന് രാവിലെ ജോയുടെ വീട്
ദേവ് :നീ എന്താ ജോ ഈ കാണിക്കുന്നത് നീ ഇപ്പോൾ കോളേജിലേക്ക് വരണ്ട ജെയ്സന്റെ ദേഷ്യമൊക്കെ ഒന്ന് തണുക്കട്ടെ ഞാൻ എല്ലാം ശെരിയാക്കുന്നത് വരെ നീയൊന്നു കാത്തിരിക്ക്
ജോ :ജെയ്സൺ എന്നെ എന്ത് വേണമെങ്കിലും ചെയ്തുകൊള്ളട്ടെ എനിക്കൊരു പ്രശ്നവും മില്ല എനിക്കിന്ന് കോളേജിൽ വന്നേ പറ്റു
ദേവ് :നിനക്ക് വയ്യാത്തതല്ലേ ജോ
ജോ :എനിക്കൊരു കുഴപ്പവുമില്ല ദേവ് എന്ത് വന്നാലും ഞാൻ നോക്കികൊള്ളാം
ഇത്രയും പറഞ്ഞു ജോ തന്റെ ബാഗ് പതിയെ തുറന്ന് അതിനുള്ളിൽ നിന്ന് ചെറിയൊരു ബോക്സ് കയ്യിലെടുത്തു ശേഷം പതിയെ അത് തുറന്നു അതിനുള്ളിൽ ചെറിയൊരു റിംഗ് ആയിരുന്നു ഉണ്ടായിരുന്നതു ജോ പതിയെ ആ റിംഗ് കയ്യിലെടുത്ത് നോക്കാൻ തുടങ്ങി
ദേവ് :ജോ ഇത്
ജോ :ജാനിക്ക് വേണ്ടി വാങ്ങിവച്ചതാ ഇത് ഞാൻ ഇന്നവൾക്ക് കൊടുക്കും
ദേവ് :നിനക്കെന്താ ജോ വട്ടായോ ഇന്നലെ നടന്നതൊക്കെ നീ മറന്നോ
ജോ :അതുകൊണ്ട് കൂടി തന്നെയാ ഞാൻ ഇപ്പോൾ ഇത് ചെയ്യുന്നതു എല്ലാത്തിനും ഇന്നൊരു തീരുമാനം ഉണ്ടാക്കണം
ദേവ് :എന്താ ജോ നിന്റെ ഉദ്ദേശം
ജോ :അവൾക്ക് എന്നെ ഇഷ്ടമാണെങ്കിൽ ജീവിതകാലം മുഴുവൻ അവൾ എന്നോടൊപ്പം ഉണ്ടാകും അവളെ മറ്റാർക്കും ഞാൻ വിട്ടുകൊടുക്കില്ല
ദേവ് :മറിച്ചാണെങ്കിലോ
ജോ :മറിച്ചാണെങ്കിൽ പിന്നൊരിക്കലും ഞാൻ അവളെ ശല്യം ചെയ്യില്ല അവൾ എപ്പോഴും എന്റെ നല്ലൊരു സുഹൃത്തായിരിക്കും പക്ഷേ എനിക്കുറപ്പുണ്ട് അവൾ എന്നെ തന്നെ തിരഞ്ഞെടുക്കും
ഇതേ സമയം ജെയ്സൺ കുട്ടികളുടെ മുൻപിൽ
ഇവിടെയുള്ള എല്ലാവരും കേൾക്കാൻ വേണ്ടി പറയുകയാ ജോക്ക് ഞാൻ റെഡ് കാർഡ് നൽകുന്നു അവൻ ഇനി ഡെവിൾസ് ഗ്യാങ്ങിന്റെ ഭാഗമല്ല
പെട്ടെന്നാണ് അവിടേക്ക് ജാനി വന്നത്
ജാനി :മതിയാക്ക് ജൈസാ പ്ലീസ്
ജെയ്സൺ :മതിയാക്കാനോ ഞാൻ തുടങ്ങിയിട്ടേയുള്ളു എന്നെ ചതിച്ചിട്ട് ആരും സന്തോഷിക്കണ്ട
ജാനി :ആരാ നിന്നെ ചതിച്ചത് ഞാനാണോ അതോ ജോയോ ഞാൻ എപ്പോഴെങ്കിലും നിന്നോട് ഇഷ്ടമാണെന്ന് പറഞ്ഞിട്ടുണ്ടോ
ജാനിയുടെ ചോദ്യത്തിനു ഉത്തരം നൽകാതെ ജെയ്സൺ മുൻപോട്ടു നടക്കാൻ തുടങ്ങി
ജാനി :ഉത്തരം പറഞ്ഞിട്ടു പോ ജൈസാ
ജെയ്സൺ :അതെ നീ പറഞ്ഞതു ശെരിയാ നീ എന്നെ സ്നേഹിച്ചിട്ടില്ല നീ മാത്രമല്ല ആരും പിന്നെ ഒരുകാര്യം കൂടി നീ എനിക്ക് മനസ്സിലാക്കി തന്നു എന്നെ ആർക്കും സ്നേഹിക്കാൻ പറ്റില്ലെന്ന് നിനക്ക് വേണ്ടി ഞാൻ കുറേ മാറാൻ ശ്രമിച്ചു എല്ലാം എന്റെ മണ്ടത്തരം പഴയ ജെയ്സൺ തന്നെയാ നല്ലത് വെറുത്തോ എല്ലാവരും എന്നെ
വെറുത്തോ
ഇത്രയും പറഞ്ഞ ശേഷം ജെയ്സൺ പതിയെ ജാനിയുടെ കഴുത്തിൽ കിടക്കുന്ന ലോക്കറ്റിലേക്ക് നോക്കി
ജെയ്സൺ :ഇനി എന്തിനാടി ഇത് കഴുത്തിൽ ഇട്ടിരിക്കുന്നത് പൊട്ടിച്ചു വലിച്ചെറിഞ്ഞെക്ക്
ഇത്രയും പറഞ്ഞു ജെയ്സൺ മുൻപോട്ടു നടന്നു
ഉടനെ തന്നെ അവിടെ കൂടി നിന്ന കുട്ടികൾ ഓരോന്ന് പറഞ്ഞു ചിരിക്കാൻ തുടങ്ങി
“മൈരൻമ്മാർ എന്തായാലും അടിച്ചു പിരിഞ്ഞല്ലോ സമാധാനമായി ”
“അയ്യോ പോയേ ഡെവിൾസ് ഗ്യാങ് പോയേ ”
കുട്ടികളെല്ലാം കൂകിവിളിക്കാൻ തുടങ്ങി
പെട്ടെന്ന് തന്നെ മീര ജാനിയുടെ അടുത്തേക്ക് വന്നു
“എന്നാലും നീ ഇത് എങ്ങനെ ഒപ്പിച്ചു മോളേ നിന്നെ ഞാൻ സമ്മതിച്ചിരിക്കുന്നു ”
പല കുട്ടികളും ജാനിയോടെ പലതും ചോദിക്കുവാൻ തുടങ്ങി ജാനി പതിയെ അവിടെ നിന്ന് നടന്നകന്നു
അല്പസമയത്തിന് ശേഷം ജോയും ദേവും കോളേജിൽ
ദേവ് :ജോ നിനക്കവൻ റെഡ് കാർഡ് നൽകി എന്നാ കിരൺ വിളിച്ചു പറഞ്ഞതു ഇപ്പോൾ അങ്ങോട്ടേക്ക് പോണോ
ജോ :അതൊന്നും കുഴപ്പമില്ല ഇത് ഞാൻ പ്രതീക്ഷിച്ചതാണ്
ദേവും ജോയും പതിയെ മുൻപോട്ട് നടക്കാൻ തുടങ്ങി
“ജോ ചേട്ടാ മോന്തക്ക് എന്ത് പറ്റി ”
“അയ്യോ പോയേ ജോ പോയേ ”
“ടാ നോക്കെടാ ചതിയൻ ജോ വരുന്നു ”
ഇത്തരത്തിൽ കുട്ടികൾ ജോയെ നോക്കി പലതും വിളിച്ചു പറയാൻ തുടങ്ങി
ദേവ് :ഏതു മറ്റവൻമാരാടാ അത് ധൈര്യമുണ്ടെങ്കിൽ മുൻപിൽ വന്നു പറയടാ
മൈരുകളെ
ജോ :വേണ്ട ദേവ് അവർ ആഘോഷിക്കട്ടെ
ദേവ് :ആ ജെയ്സൺ ഇത് എന്തിനുള്ള പുറപ്പാടാ ജോ നീ ക്ലാസ്സിലേക്ക് പൊക്കോ ഞാൻ ജെയ്സണെ കണ്ടിട്ട് വരാം എനിക്ക് അവനോട് രണ്ട് പറയണം
ജോ :വേണ്ടടാ
ദേവ് :നീ പൊക്കോ ഞാൻ ഇപ്പോൾ വരാം
ഇത്രയും പറഞ്ഞു ദേവ് മുന്പോട്ട് നടന്നു ജോ പതിയെ ജാനിയുടെ ക്ലാസ്സ് ലക്ഷ്യമാക്കി നടന്നു
ജാനിയുടെ ക്ലാസ്സിനടുത്തേക്ക് എത്തിയ ജോ പതിയെ ക്ലാസ്സിനുള്ളിലേക്ക് നോക്കി എന്നാൽ അവിടെ ജാനി ഉണ്ടായിരുന്നില്ല പെട്ടെന്നാണ് മെറിൻ അവിടേക്ക് വന്നത്
മെറിൻ :ഇപ്പോൾ എങ്ങനെയുണ്ട് ജോ
ജോ :ഹേയ് കുഴപ്പമൊന്നുമില്ല മെറിൻ ജാനി..
മെറിൻ :അവൾ മുകളിലുണ്ട് ഒറ്റക്കിരിക്കണം എന്ന് പറഞ്ഞു പോയതാ വന്നത് മുതൽ ഇവിടെയുള്ളവരോന്നും ഒരു സ്വസ്ഥതയും കൊടുത്തിട്ടില്ല പുറകേ പുറകേ നടന്ന് ശല്യം ചെയ്യുകയാ
ജോ :ശെരി ഞാൻ അവളെയൊന്നു കണ്ടിട്ടു വരാം
തന്റെ പോക്കറ്റിൽ ഉണ്ടായിരുന്ന റിംഗ് കയ്യിൽ എടുത്ത ശേഷം ജോ പതിയെ പടികെട്ടുകൾ കയറി മുകളിലേക്ക് നടന്നു അവിടെ എത്തിയ അവൻ കണ്ടത് ജെയ്സൺ നൽകിയ ലോക്കറ്റും കയ്യിൽ പിടിച്ചു കരഞ്ഞു കൊണ്ടിരിക്കുന്ന ജാനിയെയാണ് ജോ പതിയെ ജാനിയുടെ അടുത്തേക്ക് എത്തി
“ജാനി ”
ജാനി വേഗം തന്റെ കണ്ണുകൾ തുടച്ച ശേഷം ജോയെ നോക്കി ജോ പതിയെ ജാനിയുടെ അടുത്തിരുന്നു
ജോ :എന്നോട് ക്ഷമിക്ക് ജാനി ഇന്നലെ ഞാൻ
ജാനി :വേണ്ട ജോ ഞാൻ ആണ് ക്ഷമ ചോദിക്കേണ്ടതു ഞാൻ ഇന്നലെ ആ ട്രിപ്പിന് വരാൻ പാടില്ലായിരുന്നു അതാണ് എല്ലാത്തിനും കാരണം ഞാൻ ഇങ്ങനെയൊന്നും ഉണ്ടാകുമെന്ന് കരുതി..
ജാനിയുടെ കണ്ണുകൾ വീണ്ടും നിറഞ്ഞു
ജോ :കരയാതെ ജാനി നടക്കേണ്ടതൊക്കെ നടന്നു ജെയ്സൺ അവൻ അങ്ങനെയാ പെട്ടെന്ന് ദേഷ്യം വരും നീ കണ്ടോ രണ്ട് ദിവസം കഴിയുമ്പോൾ അവൻ തന്നെ എന്റെടുത്തേക്ക് വന്നോളും