ദേവ് :എന്താടാ ഒന്നും മിണ്ടാത്തതു നാവിറങ്ങി പോയോ അവനു നമ്മളല്ലാതെ ആരാടാ ജൈസാ ഉള്ളത് നീ പണ്ടത്തെ കാര്യങ്ങൾളൊക്കെ ഇത്ര വേഗം മറന്നോ പണ്ട് നമ്മൾ കുഞ്ഞായിരുന്നപ്പോൾ ജോക്ക് ഒരു തടിയിൽ ഉണ്ടാക്കിയ കാറിന്റെ ടോയ് ഉണ്ടായിരുന്നു അവന്റെ അമ്മ അവന്റെ പിറന്നാളിന് സമ്മാനമായി നൽകിയ ഒന്ന് അത് കണ്ട പാടെ നിനക്കതു വേണം എന്ന് പറഞ്ഞു എന്നാൽ അവനും അത് അത്രക്ക് ഇഷ്ടമായിരുന്നു അത് കൊണ്ട് തന്നെ നിനക്ക് അത് പോലുള്ള വേറൊരെണ്ണം വാങ്ങി തരാം എന്നവൻ പറഞ്ഞു പക്ഷേ നീ അന്നും ഇതേ സ്വഭാവക്കാരനായിരുന്നു നിനക്ക് അത് തന്നെ വേണമെന്ന് നീ വാശി പിടിച്ചു അവസാനം അവനു അത്രക്ക് പ്രിയപ്പെട്ട ആ കാർ നിനക്കവൻ തന്നു അത് എന്ത് കൊണ്ടാണെന്ന് നീ എപ്പോഴെങ്കിലും ചിന്തിച്ചിട്ടുണ്ടോ കാരണം അതിനേക്കാൾ ഒക്കെ അവനു പ്രിയപ്പെട്ടതു നീ ആയിരുന്നു ആ അവനെയടാ നീ പട്ടിയെ പോലെ തല്ലി ചതച്ചത് നീ എന്താന്നു വെച്ചാൽ ചെയ്തോ ജൈസാ ഞാൻ ഇനി നിന്നെ തടയില്ല
ഇത്രയും പറഞ്ഞു ദേവ് അവിടെ നിന്നും നടന്നകന്നു ജെയ്സന്റെ മനസ്സിൽ പഴയ കാര്യങ്ങൾ ഓരോന്നായി വരുവാൻ തുടങ്ങി
ജെയ്സൺ :ടാ കിരണേ ഞാൻ ചെയ്തു കൂടിപോയോ
കിരൺ :എന്താ കുറഞ്ഞു പോയെങ്കിൽ വീണ്ടും പോയി കൊടുക്കാനാണോ
ജെയ്സൺ :ജോ അവൻ സത്യത്തിൽ എനിക്ക് സഹിക്കാൻ പറ്റാത്തോണ്ടാടാ
കിരൺ :അപ്പോൾ ഒരു പെണ്ണിന്റെ വിലയെ നീ നമ്മുടെ ഫ്രണ്ട്ഷിപ്പിന് തന്നിട്ടുള്ളു അല്ലേ
ജെയ്സൺ :അവനിപ്പോൾ എങ്ങനെയുണ്ടെടാ
കിരൺ :എനിക്കെങ്ങനെ അറിയാം എന്തായാലും നന്നായിരിക്കാൻ ഒരു വഴിയുമില്ല അമ്മാതിരി ഇടിയല്ലേ നീ ഇടിച്ചതു
ജെയ്സൺ പിന്നെ കിരണിനോട് ഒന്നും ചോദിച്ചില്ല അവൻ മൗനമായി തന്നെ ഇരുന്നു
കിരൺ :എന്താടാ ഒന്നും മിണ്ടാത്തതു
എന്നാൽ ജെയ്സൺ മറുപടി ഒന്നും നൽകാതെ അവിടെ നിന്ന് നടന്നകന്നു
വൈകുന്നേരം ജോ തന്റെ ബെഡിൽ കഴിഞ്ഞു പോയ കാര്യങ്ങൾ ആലോചിച്ചു കൊണ്ട് കിടക്കുകയായിരുന്നു പെട്ടെന്നാണ് അവൻ വീടിനുള്ളിൽ എന്തൊ ശബ്ദം കേട്ടത്
ജോ :ജൈസാ കേറി വന്നോ
പെട്ടെന്ന് തന്നെ ജെയ്സൺ കയ്യിൽ ഒരു കിറ്റുമായി ജോയുടെ റൂമിലേക്ക് കയറി
ജോ :എന്തിനാടാ തല താഴ്ത്തി നിൽക്കുന്നത്
ജെയ്സൺ പതിയെ കയ്യിലുള്ള കിറ്റ് മേശപുറത്തു വെച്ച ശേഷം ജോയുടെ അരികിൽ ഇരുന്നു
ജെയ്സൺ :ജോ ഞാൻ
ജോ :കുഴപ്പപ്പമില്ലേടാ വേറേയാരുമല്ലല്ലോ നീയല്ലേ അതുകൊണ്ട് സാരമില്ല
ജെയ്സൺ പതിയെ ജോയുടെ മുഖത്തെ പാടുകളിലേക്ക് നോക്കി
ജെയ്സൺ :നിനക്ക് വേദനയുണ്ടോടാ
അപ്പോഴേക്കും അവന്റെ കണ്ണുകൾ നിറഞ്ഞിരുന്നു
ജോ :നീ എന്തിനാടാ കരയുന്നത് ഇതൊന്നും എനിക്ക് ഒന്നുമല്ല അതിരിക്കട്ടെ നീ
എന്താ ആ കിറ്റിൽ കൊണ്ട് വന്നത്
ജെയ്സൺ :അത് കുറച്ച് ബിയറാ നമ്മൾ ഒന്നിച്ച് കുടിച്ചിട്ട് ഒരുപാട് നാളായല്ലോ
ജോ :ഉം അത് നന്നായി ഏതായാലും നീ പൊട്ടിക്ക് നമുക്ക് കുടിക്കാം
ജെയ്സൺ വേഗം തന്നെ ബിയർ പൊട്ടിച്ചു ഇരുവരും ഒന്നിച്ചിരുന്ന് കുടിക്കാൻ തുടങ്ങി
അല്പസമയത്തിന് ശേഷം
ജെയ്സൺ :ടാ ജോ എന്നോട് ക്ഷമിക്കടാ ഞാൻ ഒരു മണ്ടനാ അല്ലെങ്കിൽ ഇങ്ങനെയൊക്കെ ചെയ്തു കൂട്ടുമോ ജാനി അവൾ നിനക്കാടാ ചേരുന്നത് ജാനി ജോ നല്ല ചേർച്ചയുണ്ട് നിങ്ങളുടെ കല്യാണം ഞാൻ നടത്തി തരും എന്താ പോരെ
ജോ :അതൊന്നും ഇനി നടക്കില്ലടാ
ജെയ്സൺ :നടക്കില്ലേ അതെന്താ
ജോ :അവളുടെ മനസ്സിൽ വേറൊരാളുണ്ട്
ജെയ്സൺ :ഏതാടാ അവൻ അവന്റ കാര്യം ഞാൻ നോക്കികൊള്ളാം
ജോ :അത് നീ തന്നെയാടാ പുല്ലേ
ജെയ്സൺ :എന്താ
ജോ :അവൾക്ക് നിന്നെയാ ഇഷ്ടം അവൾക്ക് നിന്നെ ജീവനാടാ
ജെയ്സൺ :നീ പോയേ ജോ എന്നെ അതും അവൾ നിനക്ക് അങ്ങനെ പെട്ടെന്ന് തലക്ക് പിടിക്കാത്തതാണല്ലോ
ജോ :സത്യമാടാ
ജെയ്സൺ :അങ്ങനെ അവൾ പറഞ്ഞോ
ജോ :ഇല്ല പക്ഷേ എനിക്ക് മനസ്സിലായി വേണമെങ്കിൽ ഞാൻ തെളിയിച്ചു തരാം
ജെയ്സൺ :വേണ്ടടാ ഞാൻ അവൾക്ക് ചേരില്ലെടാ
ജോ :അത് നീ മാത്രം പറഞ്ഞാൽ മതിയോ
ജെയ്സൺ :നിനക്ക് അവളെ ഇഷ്ടമല്ലേടാ കുഞ്ഞുനാളിലേ മുതൽ നീ എനിക്ക് എല്ലാം വിട്ടുതന്നിട്ടുണ്ട് ഇനിയും അത് വേണ്ട
ജോ :ഇത് ഞാൻ വിട്ട് തരുന്നതോന്നുമല്ല അവൾക്ക് നിന്നെയാണ് ഇഷ്ടം ആ ഇഷ്ടം തന്നെ നടക്കണം