അവൻ കണ്ണുകൊണ്ട് ഗ്രൗണ്ടിലേക്ക് നോക്കാൻ പറഞ്ഞു….
നോക്കിയപ്പോൾ ഞാൻ ഔട്ടായപ്പോൾ ഇറങ്ങിയവൻ ദേ ഔട്ടായി വരുന്നു….
ഇത്ര വേഗം ഔട്ട് ആവാനാണെൽ ഇവനൊക്കെ എന്തിനാ പിന്നേ ഇറങ്ങാൻ നിന്നത്…..😤
“ഞാൻ… ഞാൻ പൊക്കോട്ടെ…. ”
ആമി ഞാൻ കൂട്ടി പിടിച്ചിരിക്കുന്ന അവളുടെ കൈകളിലേക്ക് നോക്കി ചോദിച്ചു…..
ഞാൻ കൈവിട്ടതും അവൾ വേഗം എന്റെ അടുക്കൽ നിന്നും പോയി….
എല്ലാം നോക്കിക്കാണാനേ എനിക്ക് കഴിഞ്ഞുള്ളു…..
“സാരല്ല മോനേ ബാ ബന്ന് ഇവിടേ ഇരി… ”
റോസ് ഒരു കളിയാക്കുന്ന ടോണിൽ എന്നോട് പറഞ്ഞു…
ഞാൻ അവളുടെ അടുത്തായി ഇരുന്ന് അവളുടെ തോളിലേക്ക് ചാഞ്ഞു…
“എന്നാലും എനിക്ക് മാത്രമെന്താടി ഇങ്ങനെയൊക്കെ സംഭവിക്കുന്നേ…. ”
“എടാ പൊട്ടാ ഇതൊക്കെ വലിയ വലിയ കാര്യങ്ങളാണ്…. നിനക്കൊന്നല്ലെങ്കിലും അവൾ മുഖം കഴുകാൻ അവളുടെ വെള്ളം ഒക്കെ എടുത്ത് തന്നില്ലേ…. ”
റോസ് എന്നോട് വലിയെന്തോ കാര്യം പറയുന്നപോലെ പറഞ്ഞു…..
“എടി അത് ചിലപ്പോ എന്റെ കണ്ണ് കണ്ടിട്ട് പാവം തോന്നിയതുകൊണ്ട് ആയിരിക്കില്ലേ….. ”
“എന്റെ ദേവാ നീ ഇത്രക്ക് വലിയ പൊട്ടനാണോ…. നിന്റെ കണ്ണ് കണ്ട് പാവം തോന്നിയതുകൊണ്ട് തന്നതാണേൽ അവൻ ഇങ്ങനെ ഇരിക്കുമോ അവിടേ….”
റോസ് സൈഡിലോട്ട് ചൂണ്ടികൊണ്ട് പറഞ്ഞു….
ഞാൻ അങ്ങോട്ട് നോക്കുമ്പോൾ… രാഹുൽ നിലത്തിരുന്ന് കണ്ണിലേക്ക് കാറ്റ് ആവാഹിക്കുകയാണ്….
പെട്ടെന്ന് കണ്ടപ്പോൾ ചിരി വന്നെങ്കിലും ഞാനും ഈ അവസ്ഥയിലൂടെ പോയതാണ് എന്ന് ഓർമ്മവന്നപ്പോൾ ചിരി താനേ നിന്നു….
എന്നാൽ അതിനേക്കാൾ എന്റെ മനസ്സിനേ സ്വാധീനിച്ചത് ആമി എനിക്ക് മാത്രമേ വെള്ളം തന്നു എന്നുള്ളതാണ്…
അതും അവളുടെ വെള്ളം….
ആലോചിക്കുമ്പോൾ തന്നേ കുളിര് കയറുന്നു…..
“എടി നിന്റെ കയ്യിൽ വെള്ളമുണ്ടോ….”
ഞാൻ റോസിനോട് ചോദിച്ചു….
“എന്തിനാ അവന് കൊടുക്കാനാണോ….”
“മ്മ്…. തരോ….?”
എന്റെ ബാഗിൽ ആന്റി തന്നയച്ച നാരങ്ങ വെള്ളമുണ്ടായിരുന്നെങ്കിലും അത് തുറന്ന് എടുക്കാനുള്ള മടികൊണ്ട് ഞാൻ അവളോട് ചോദിച്ചു…. മാത്രവുമല്ല നാരങ്ങ വെള്ളമൊക്കെ ആരെങ്കിലും മുഖം കഴുകാൻ കൊടുക്കുമോ… 😌
അതിനൊരു മറുപടി പറയാതെ അവൾ അവളുടെ ബാഗിൽ നിന്നും ഒരു ബോട്ടിൽ വെള്ളമെടുത്ത് എനിക്ക് തന്നു….
“രാഹുലേ…. ഇത് വച്ച് ആ മുഖം ഒന്ന് കഴുക്….”
അതും പറഞ്ഞ് ഒറ്റ ഏർ ആയിരുന്നു കുപ്പി….
വീണ്ടും എന്റെ ശ്രദ്ധ റോസിലേക്ക് വന്നു….
“എടി ആദ്യം ബൗൾ ചെയ്യാൻ വന്ന പെണ്ണിന്റെ മുല നീ കണ്ടോ… എന്ത് വലുതാ അത്….”
“അയ്യേ…. ഈ ചെക്കൻ….”
പറയുന്നതിനൊപ്പം തോളിനിട്ട് ഒരു അടിയും കിട്ടിയിരുന്നു….
പിന്നീട് ആരും കാണാതേ അവളേ തൊട്ടും തലോടിയും ഞങ്ങൾ കളിയിൽ മുഴുകിയിരുന്നു….
ആമി പാവം അവളുടെ മാക്സിമം കളിക്കാൻ ശ്രമിക്കുന്നുണ്ടെങ്കിലും ഒരു റണ്ണിന് മീതെ അവൾക്കെടുക്കാൻ സാധിക്കുന്നില്ല….
പക്ഷേ നിധി അവളൊരുന്നൊന്നര കളിയായിരുന്നു…
കണ്ടാൽ കണ്ണ് തള്ളി പോവും പോലെയായിരുന്നു അവളുടെ ഓരോ ഷോട്ടുകളും…
ഒരു നിമിഷം എനിക്ക് എന്നോട് തന്നെ ലജ്ജ തോന്നി….
ആറ് ഓവർ കഴിയുമ്പോൾ സ്കോർ 43-3 ആയിരുന്നു…
ഏഴാംമത്തെ ഓവർ എറിയാനായി വന്നത് സെക്കന്റ് ഓവർ എറിഞ്ഞവളും..
ബാറ്റ് ചെയ്യാനായി നിൽക്കുന്നത് ആമിയും….
ആമിയേ കണ്ടാലറിയാം അവൾ നന്നേ ക്ഷീണിച്ചു നിൽക്കുകയാണെന്ന്…
ഗ്രൗണ്ടിൽ അല്പം നിശ്ശബ്ദ ബാക്കി നിൽക്കേ
അവൾ പന്ത് കൈയിൽ എടുത്തു… വിരലുകൾ കൊണ്ട് ഒന്ന് കുരുക്കി നോക്കി.
മുഖത്ത് ചെറിയൊരു ചിരിയുണ്ട്
അവൾ ഓടി വന്നു… കൈ ചുറ്റി പന്ത് ഒറ്റയേറ്
പതിവുപോലെ അവളുടെ ബൌളിംഗ് പതുക്കെയായിരുന്നെങ്കിലും അവൾ അതിൽ കൊടുത്ത റൊട്ടേഷൻ ചെറുതൊന്നുമല്ലായിരുന്നു…ഞാൻ ഇരിക്കുന്നത് സൈഡിൽ ആയതുകൊണ്ടുതന്നെ പന്ത് നിലത്ത് കുത്തിയാൽ എങ്ങോട്ട് തിരിയുമെന്ന് എനിക്ക് എനിക്ക് വലിയ ധാരണയുണ്ടായിരുന്നില്ല എന്തെങ്കിലും ചെയ്യാൻ സാധിക്കുമെങ്കിൽ അത് ആമിക്ക് മാത്രമാണ്…