നിന്നെ തേടി 1

Ninnethedi Part 1 | Author : Warrior

---

ആദ്യമായാണ് എഴുതുന്നത് .. തെറ്റുകൾ ഉണ്ടെങ്കിൽ ക്ഷെമിക്കണം. നിങ്ങളുടെ അഭിപ്രായവും സ്നേഹവും പ്രതീക്ഷിക്കുന്നു ..

പ്രണയം ആണ് തീം .. കഥാഗതിക്കനുസരിച്ച് കളികൾ വരും ..

എടി സുഭദ്രേ .. എവിടേടി അവൻ ..

എടാ ഹരി …

വിശ്വനാഥന്റെ അലർച്ച കേട്ട് സുഭദ്രയും ഹരിയും കാർത്തികയും ഒരുപോലെ ഞെട്ടി.

സുഭദ്ര ഹരിയെയും കാർത്തികയെയും നോക്കിയിട്ട് മുകളിൽ നിന്നും താഴേക്ക് ഓടി ..

സ്റ്റെയർകേസ് ഇറങ്ങുമ്പോൾ ദേഷ്യം കൊണ്ട് വിറയ്ക്കുന്ന വിശ്വനാഥനെ ആണ് സുഭദ്ര കാണുന്നത് .

അവനെവിടെ .. വിശ്വനാഥൻ വീണ്ടും മുരണ്ടു.

വിശ്വേട്ടാ.. ഞാൻ ഒന്ന് പറഞ്ഞോട്ടെ..  സുഭദ്ര ഓടിച്ചെന്നു വിശ്വനാഥനെ തടഞ്ഞു ..

നീ മാറിനിക്ക് .. വിശ്വനാഥൻ സുഭദ്രയെ തള്ളിമാറ്റി ഹാളിലേക്ക് നടക്കാൻ തുടങ്ങിയപ്പോഴേക്കും ഹരി മുകളിൽ നിന്നും സ്റ്റെയർകേസ് ഇറങ്ങാൻ തുടങ്ങിയിരുന്നു ..

അപ്പോഴേക്കും കാർത്തിക കീർത്തനമോളെ ബെഡിൽ കിടത്തി താഴേക്ക് നടന്നു ..

ഞാൻ ഇവനോട് ആയിരംവട്ടം പറഞ്ഞിട്ടുള്ളതാ ആവശ്യമില്ലാത്ത കാര്യങ്ങളിൽ ഇടപെടരുത് എന്ന് .. എത്ര പറഞ്ഞാലും കേൾക്കില്ല. ഇതിപ്പോ നാലെണ്ണത്തിനെയാ തല്ലി കയ്യും കാലും ഓടിച്ചിട്ടിരിക്കുന്നെ..  വിശ്വനാഥൻ ഹരിയുടെ അടുത്തേക്ക് നടന്നുകൊണ്ട് പറഞ്ഞു ..

ഇതെല്ലം കേട്ട് സുഭദ്രയും കാർത്തികയും ആകെ പേടിച്ചിരിക്കുകയാണ് ..

അപ്പോൾ  പുറത്ത് ഒരു വണ്ടി വരുന്ന ശബ്ദം കേട്ടു ..

ഇവനെ ഇന്ന് ഞാൻ .. വിശ്വനാഥൻ ഹരിയെ അടയ്ക്കാനായി കൈ പൊക്കിയതും .. പിന്നിൽ നിന്നും വിശ്വാ .. എന്നൊരു വിളി കേട്ടു ..

അതുകേട്ട് എല്ലാവരും അങ്ങോട്ട് തിരിഞ്ഞു നോക്കി ..

സുദേവ് അങ്കിൾ ആയിരുന്നു അത് .. എന്റെ അമ്മാവൻ .. അമ്മയുടെ മൂത്ത ഏട്ടൻ .. തമിഴ്നാട് പോലീസിൽ ആണ്. കൂടുതൽ പിന്നെ പറയാം.

ഞാൻ വളരെ നന്ദിയോടെ സുദേവ് അങ്കിളിനെ നോക്കി .. വേറെ ഒന്നും അല്ല, അച്ഛന്റെ കൈ എന്റെ മുഖത്തു പതിക്കുന്നതിൽ നിന്നും എന്നെ രക്ഷിച്ചതിന് ..

സാധാരണ പോലീസുകാർ എല്ലാം കഴിയുമ്പോഴാ  എത്തുക .. ഇന്ന് എന്തോ നേരത്തെ എത്തി. നല്ല ടൈമിംഗ് ആയിരുന്നു. എന്നും പറഞ്ഞു ഞാൻ സുദേവ് അങ്കിളിന്റെ അടുത്തേക്ക് നടന്നു.

എടാ നിന്നെ ഞാൻ എന്നും പറഞ്ഞു അങ്കിൾ എന്നെ പിടിച്ചു അടുത്തുള്ള സോഫയിൽ ഇരുത്തി. അങ്കിളും എന്നിട്ട് എന്റെ അടുത്തിരുന്നു..

ഹ്മ്മ്. നിങ്ങളൊക്കെയാ ഇവനെ ഇങ്ങനെ വഷളാക്കുന്നെ എന്നും പറഞ്ഞു അച്ഛൻ ഞങ്ങളുടെ അടുത്തേക്ക് വന്നു..

പുലി പോലെ വന്നത് എലിപോലെ പോയത് കണ്ടു അമ്മയും കാർത്തിക ഏട്ടത്തിയും ദീർഘ നിശ്വാസം വിട്ടു ..

സുഭദ്രേ .. പോയി എല്ലാവര്ക്കും ചായ എടുക്കു. സുദേവ് അങ്കിൾ പറഞ്ഞത് കേട്ടു അമ്മയും ഏട്ടത്തിയും അടുക്കളയിലേക്ക് പോയി.

അച്ഛനും സുദേവ് അങ്കിളും സംസാരിക്കാൻ തുടങ്ങി.

ഓ.. മറന്നു ഞാൻ എന്നെ പരിചയപ്പെടുത്തിയില്ലല്ലോ. മുമ്പ് കഴിഞ്ഞ സീൻ എങ്ങിനെ ആകും എന്നുള്ള ടെൻഷൻ കാരണം പറയാൻ പറ്റിയില്ല. ഞാൻ ഹരി.. ഹരിപ്രസാദ് . വിശ്വനാഥന്റെയും സുഭദ്രയുടെയും രണ്ടാമത്തെ പുത്രൻ.. മൂത്തത് വിഷ്ണുപ്രസാദ് .. ആള് സ്ഥലത്തില്ല .. അല്ലെങ്കിൽ അച്ഛൻ വരുന്നതിനുമുമ്പേ പുള്ളിയുടെ വക ഒരു റൌണ്ട് കഴിഞ്ഞിട്ടുണ്ടാകും.

പിന്നെ കാർത്തിക ഏട്ടത്തി .. വിഷ്ണു ഏട്ടന്റെ ഭാര്യ. പിന്നെ അവരുടെ മോൾ കീർത്തന.. ഞങ്ങളുടെ കുട്ടി കുറുമ്പി. മൂന്ന് വയസ് ആയെ ഉള്ളു അവൾക്ക് പക്ഷെ ഈ വീട് ഭരിക്കുന്നത് അവൾ ആണെന്നാണ് അവളുടെ വിചാരം. കുറുമ്പി ..

ഈ വീട്ടിൽ ഈ മൂന്ന് സ്ത്രീ ജനങ്ങൾക്ക് മാത്രമേ എന്നോട് സ്നേഹം ഉള്ളു. അതൊക്കെ വഴിയേ പറയാം ..

ഓ.. പിന്നെ .. ഇന്നത്തെ വിഷയം പറയാൻ മറന്നു .. ഒരു ചെറിയ അടിപിടി .. ഞാൻ അങ്ങോട്ട് ചെന്നതൊന്നും അല്ല ഇങ്ങോട്ട് വന്നതാ ..

എന്ത് ചെയ്യാൻ പണ്ട് അച്ഛൻ ചെയ്ത ഒരു തെറ്റ് .. ജാക്കി ചാന്റെയും ബ്രൂസിലിയുടെയും കട്ട ഫാൻ ആയ അച്ഛൻ അച്ഛനോ കരാട്ടെയും കുങ്ഫുവും ഒന്നും പഠിക്കാൻ പറ്റിയില്ല എന്ന് പറഞ്ഞു എന്നെ ചെറുപ്പത്തിലേ കാരാട്ട പഠിക്കാൻ വിട്ടു.. പാവം അതിനിപ്പോ ദുഃഖിക്കുന്നത് കണ്ടില്ലേ ..