” സിദ്ധുവേട്ടാ…. ”
ഗേറ്റ് കിടക്കുന്നതിനു മുൻപ് വഴിയുടെ വശത്തു നിന്നും ഒരു കിളി മൊഴി കേട്ട് സിദ്ധുവും സൈക്കിൾ നിർത്തി ചിന്നനും തിരിഞ്ഞു നോക്കി…
” എങ്ങോട്ടാ ഇത്ര ദൃതിപ്പിടിച്ചു പോണേ..? ”
ഉടുത്തിരിക്കുന്ന ദാവണിയുടെ തുമ്പ് പിടിച്ചു എളിയിൽ രണ്ട് കയ്യും കുത്തിക്കൊണ്ട് ഇവരുടെ പോക്ക് നോക്കി നിൽക്കുന്ന സിതാര…അവളുടെ വകയാണ് ചോദ്യം..
അവളുടെ മധുരമൂറുന്ന വിളി കേട്ട് സിദ്ധുവിന്റെ കിളി പാറി… ആ നിൽപ്പിലും വിളിയിലും എന്തോ ഒരു പന്തിക്കേട്… ഇനി ഇതെന്ത്‌ മൈരാണാവോ..!!
സിദ്ധു നോക്കുമ്പോൾ ചിന്നൻ ഒരു കള്ള ചിരി കടിച്ചു പിടിച്ചുകൊണ്ടാണ് നില്കുന്നത്..സിദ്ധുവിന് ദേഷ്യം വന്നു..
” എങ്ങോട്ട് ആയാലെന്താ..നിനക്കിപ്പോ എന്താ വേണ്ടത്….??
സിദ്ധു ഉള്ളിൽ പൊന്തിയ ദേഷ്യത്തെ നിയന്ത്രിച്ചു കൊണ്ട് ചോദിച്ചു… നേരത്തെ ചെയ്ത സംഭവത്തിന്‌ ഉള്ള പണിയാണോ എന്തോ…
” കണ്ടോ… എപ്പളും ദേഷ്യാണ്, ഇതാ ഞാനൊന്നും ചോദിക്കാൻ വരാത്തത്.. ”
കൃത്രിമ പിണക്കം നടിച്ചു അവൾ പറയുന്നത് കേട്ട് സിദ്ധു അമ്പരന്നു, ചിന്നൻ ഈ നടക്കുന്നതൊന്നും ശ്രദ്ധിക്കുന്നില്ല എന്ന കണക്കിൽ മുൻപോട്ടു തന്നെ നോക്കി നിന്നു…
” വണ്ടിയെടുക്കെടാ പൊട്ടാ… ”
ചിന്നന്റെ പുറത്ത് ചെറിയൊരു അടി കൊടുത്ത് സിദ്ധു പറഞ്ഞപ്പോൾ സിതാര ബ്രേക്കിൽ അമർത്തി പോവല്ലേ എന്ന് ചിന്നനോട് കണ്ണുകാണിച്ചു.. ചിന്നൻ പേടിയോടെ സിദ്ധുവിനെ തിരിഞ്ഞു നോക്കി..
സിതാര സിദ്ധുവിനോട് ചേർന്നു നിന്നത് കണ്ടു ചിന്നൻ വീണ്ടും മുൻപോട്ടു തന്നെ തിരിഞ്ഞു..
” തേങ്ങ…. എടാ വണ്ടിയെടുക്കടാ.. ”
സിദ്ധു ഗത്യന്തരമില്ലാതെ അലറി.. ചിന്നൻ ഞെട്ടി ചവിട്ടാൻ നോക്കിയപ്പോൾ സിതാര ബ്രേക്ക്‌ അമർത്തിപ്പിടിച്ചു…
” പിണക്കം ഇനീം മാറീലെ..? ഇനി ഞാനിപ്പോ ന്താ ചെയ്യണ്ടേ…?? ”
അവന്റെ ശരീരത്തോടെ ചേർന്നു നിന്നു പറഞ്ഞത് കണ്ട് സിദ്ധു ഒരു ആന്തലോടെ ചുറ്റിനും നോക്കി, ഒന്ന് രണ്ട് പണിക്കാരിപ്പെണ്ണുങ്ങൾ നോക്കുന്നുണ്ടോ എന്നൊരു സംശയം…
സംഗതി ഉറപ്പായി, ഇത് അവൾ മനഃപൂർവം തരുന്നതാണ്.. ഏത് നേരത്താണാവോ ചന്തിക്ക് അടിക്കാൻ തോന്നിയത്… ന്തായാലും മൂഞ്ചി..
” നീ കളിക്കാതെ പോയെ.. എനിക്ക് പോണം… ”
സിദ്ധു അധികം ബലം വെക്കാതെ അവളോട് പറഞ്ഞു….
” പോക്കോളൂ , ആദ്യം ഒന്ന് മാറിനിൽക്കാം, എനിക്ക് ഒരൂട്ടം പറയാനുണ്ട്.. ”
അവൾ ശൃംഗാരത്തോടെ തന്നെ തുടർന്നു, സിദ്ധുവിന് ചൊറിഞ്ഞു കേറി.. ചിന്നൻ സിദ്ധുവിനെയും സിതാരയെയും പാളി നോക്കി…
” നീ എന്റേൽന്നു മേടിക്കും, കാര്യം പറയെടീ പുല്ലേ.. ”
സിദ്ധു അവളെ ഒന്ന് ചെറുതായി ഉന്തികൊണ്ട് പറഞ്ഞു…
” ഇപ്പൊ പറഞ്ഞാൽ ചക്രവർത്തിക്ക് അതൊരു കുറച്ചിലാകും… ”
അവൾ വിനയത്തോടെ കളിയാക്കി… സിദ്ധു വീണ്ടും ചമ്മി..
” ചക്രവർത്തിയോ.. അതെന്താ…? ”
ചിന്നൻ അങ്ങനൊരു സാധനം കേട്ടിട്ടില്ലാരുന്നെന്നു തോന്നുന്നു… സിദ്ധു നിസ്സഹായതയോടെ സിതാരയെ നോക്കി..
” ഇങ്ങു വന്നേ….”
അവൾ അവനെ കയ്യിൽ പിടിച്ചു വലിച്ചു സൈകിളിൽ നിന്നും ഇറക്കി, വലിക്കുമ്പോൾ സൈക്കിൾ വീഴാതിരിക്കാൻ ചിന്നൻ അശ്രാന്തമായി പരിശ്രമിച്ചു…
സിദ്ധുവിനെ കുറച്ചു മാറ്റി നിർത്തി കൊണ്ട് സിതാര കൈയ് കെട്ടി നിന്നു…അവളുടെ മുഖത്ത് ഒരു പരിഹാസ ഭാവം ഉണ്ടായിരുന്നു..
” എനിക്ക് സിദ്ധ്വേട്ടന്റെ ചന്തിക്ക് അടിക്കണം… ”
വളരെ ശാന്തമായി പക്ഷെ ഉറച്ച ശബ്ദത്തിൽ സിതാര പറഞ്ഞു… സിദ്ധുവിന്റെ കണ്ണ് അമ്പരപ്പിൽ മിഴിഞ്ഞു..
” എന്ത്‌..!!!!???? എന്താ പറഞ്ഞത്..? ”
സിദ്ധു ഒന്ന് കൂടി ഉറപ്പാക്കി..
” എനിക്ക് സിദ്ധുവേട്ടന്റെ ചന്തിയിലും അടിക്കണം ന്ന് … ”
അവൾ ഭാവഭേതമില്ലാതെ പറഞ്ഞു.. സിദ്ധു അമ്പരപ്പോടെ വേറെ ആരെങ്കിലും കേട്ടോ എന്ന് നോക്കി …
ചിന്നൻ കേൾക്കുന്നില്ലെങ്കിലും തങ്ങളെ തന്നെ നോക്കി അന്തം വിട്ട് നിൽക്കുന്നത് സിദ്ധു കണ്ടു..
” ഇപ്പളോ..?? ”
അൽപ്പം പരിഭ്രമം കലർന്നാണ് അവന്റെ ചോദ്യം… അത് മനസിലാക്കിയ സിതാര ഉള്ളിൽ ചിരിച്ചു…
” ആഹ് …. ആ പണിക്കാരും ചിന്നനും നോക്കിനിക്കുമ്പോ… ”
അവൾ പറഞ്ഞത് കേട്ട് സിദ്ധു ഉമിനീറിറക്കി…പണി പാളി..!!
” ഇപ്പൊ വേണ്ട, ഞാൻ ഒറ്റക്ക് ഉള്ളപ്പോ നിന്നു തരാം… ”
അവളിൽ നിന്നും രക്ഷപ്പെടാൻ കഴിയില്ലെന്ന് അവന് ഉറപ്പായിരുന്നു… ഇല ചെന്നു മുള്ളിൽ വീണാലും മുള്ള് ഇലയിൽ വീണാലും കേടു മുള്ളിനാണെന്നല്ലേ പ്രമാണം… ഇതിപ്പോ നാറ്റിക്കാൻ വേണ്ടി ഇറങ്ങിയതാണെന്നു ഉറപ്പ്..
” ഉറപ്പാണോ..?? ”
അവൾ ഗൗരവത്തിൽ ചോദിച്ചു…
” ചിറക്കൽ സിദ്ധാർഥ് ആണ് പറയുന്നത്, ഉറപ്പിച്ചോ… ”
അവൻ കനത്തിൽ പറഞ്ഞു കൊണ്ട് തിരിഞ്ഞു നടന്നു…
ചിന്നന്റെ ചുണ്ടിൽ ഒരു ആക്കിയ ചിരി ഉണ്ടായിരുന്നു… കേട്ടിട്ടില്ലെന്നാണ് വിശ്വാസം…. മൈര്..!!
സിദ്ധുവിന്റെ മൂഡ് മൊത്തം പോയിരുന്നു… സിതാര ഇങ്ങനെ ചെയ്യുമെന്ന് അവൻ കരുതിയിരുന്നില്ല…ഉശിരുള്ള പെണ്ണ്..!! കെട്ടി കഴിഞ്ഞാൽ അങ്ങോട്ട് തൃശൂർ പൂരമായിരിക്കുമെന്നാണ് തോന്നണത്…
ന്നാലും ആ ചന്തിയുടെ ഒരു സുഖം.!! അവൻ അറിയാതെ തന്നെ ആ കൈ ഉഴിഞ്ഞു…
” നിന്റെയൊക്കെ തലേൽ വരച്ചത് എന്റെ അസനത്തിലെങ്കിലും വരഞ്ഞിരുന്നെങ്കിൽ… ”
ചിന്തകൾ കാടു കയറുമ്പോളാണ് മുന്നിൽ നിന്നൊരു അശരീരി…
” ന്താടാ പറയണത്…?? ”
സിദ്ധു ചിന്നനോട് ചോദിച്ചു…
” ഒന്നുമില്ലണ്ണോ….”
ചിന്നൻ ആ വിഷയം വിട്ടു…. അവർ പതിയെ പോണ കാര്യത്തിന്റെ പ്ലാനുകളിലേക്ക് കടന്നു…
അര മണിക്കൂർ കൊണ്ട് ഷാപ്പിന്റെ പരിസരത്തെത്തി…എങ്ങനെ തുടങ്ങണമെന്നൊരു പ്ലാൻ ഇല്ലാത്തത് കൊണ്ട് സ്ഥലമെത്തിയതോടെ ചിന്നൻ സിദ്ധുവിന്റെ മുഖത്തേക്ക് നോക്കി…
” എങ്ങനെയാ പരിപാടി..? ”
ചിന്നൻ സൈക്കിൾ സ്റ്റാന്റിലിട്ടുകൊണ്ട് തിരിഞ്ഞു… സിദ്ധു ചുറ്റുപാടും നോക്കി..
” ആദ്യം അവൻ ഉണ്ടോ എന്നറിയണം… ”
സിദ്ധു ഷാപ്പിലേക്ക് നോക്കികൊണ്ട്‌ പറഞ്ഞു.. ചിന്നൻ ശെരി എന്ന് ആംഗ്യം കാണിച്ചു പോയി അന്വേഷിച്ചു വന്നു. മ.
” ആളവിടെ ഉണ്ട്… അത്യാവശ്യം പൂസാണ്.. ”
ചിന്നൻ സന്തോഷത്തോടെ പറഞ്ഞു… സിദ്ധു പോക്കെറ്റിൽ നിന്നും കുറച്ചു പൈസ എടുത്ത് ചിന്നന്റെ കയ്യിൽ കൊടുത്തു..
” നീ പോയി ചെറുതായിട്ടൊന്നു അടിച്ചേക്ക്, അവനെ നന്നായിട്ട് ഒന്ന് കുടിപ്പിച്ചെടുക്കണം…. നടക്കുമോ..?? ”
സിദ്ധുവിന്റെ ചോദ്യം കേട്ട് ചിന്നൻ ചിരിച്ചു..
” അവനെ കുടിപ്പിക്കാൻ ഒരു പാടുമില്ല, ഓസിനു കിട്ടിയാൽ ആള് ചാവണ വരെ കുടിക്കും.. ”
ചിന്നന്റെ സംസാരം കേട്ട് സിദ്ധു സന്തോഷത്തോടെ അവനെ ഷാപ്പിലേക്ക് പറഞ്ഞയച്ചു..
ചിന്നൻ പോയി ഒന്നൊന്നര മണിക്കൂർ എടുക്കുമെന്ന് സിദ്ധു ഊഹിച്ചു.. അവനെ പൂസിന് കിട്ടിയാൽ ചിലപ്പോൾ കാര്യങ്ങൾ നടന്നേക്കാം… ഉള്ള സമയം ഷാപ്പിന്റെ ചുറ്റുപാടുകൾ നിരീക്ഷിക്കാൻ അവൻ തീരുമാനിച്ചു..