ദേഷ്യത്തോടെയാണ് മിയ പറഞ്ഞതെങ്കിലും അവൾക്ക് ശരിക്കും സങ്കടമാണ് വന്നത്..
ബെറ്റി തീർത്തും പതറിപ്പോയിരുന്നു..
രണ്ട് വടിയാണവരുടെയടുത്ത്..
രണ്ടും താൻ വെട്ടിക്കൊടുത്തത്..
ഒന്നാ വീഡിയോ… ഇപ്പോ ഇതും…റബ്ബർ ഷീറ്റ് മോഷ്ടിക്കാനൊന്നും ഞാൻ പറഞ്ഞില്ല,എന്നൊന്നും ഇനി പറഞ്ഞിട്ട് കാര്യമില്ല.. ഇവർ വിശ്വസിക്കില്ല..എല്ലാ കുറ്റവും തന്റെ തലയിലേക്കിട്ട് അയാൾ രക്ഷപെട്ടിരിക്കുന്നു..
എന്നാലും ചന്ദ്രേട്ടൻ വല്ലാത്തൊരു കുടുക്കിലാണ് തന്നെ കൊണ്ട് പോയി പെടുത്തിയിരിക്കുന്നത്..എങ്ങിനെയിനി ഇവരുടെ മുഖത്ത് നോക്കും..
ഇവളാണെങ്കിൽ ഡാഡിയെ വിളിച്ച് പറയും എന്ന വാശിയിലാണ്..
എന്ത് പറയും പറയും എന്ന് ബെറ്റി കുറച്ച് നേരമൊന്ന് ചിന്തിച്ചു..
പിന്നെ പതറിയ ശബ്ദത്തിൽ പറഞ്ഞു..
“ഞാനൊന്നും പറഞ്ഞിട്ടില്ല… എനിക്കൊന്നും അറിയുകയുമില്ല.. നിങ്ങളെന്താന്ന് വെച്ചാ ചെയ്തോ…”
ബെറ്റി അതും പറഞ്ഞ് ചാടിയെണീറ്റ് മുറിയിലേക്ക് പോയി..
“മമ്മി രക്ഷപ്പെട്ടെന്ന് കരുതണ്ട… ഇതിന് മമ്മി സമാധാനം പറയേണ്ടിവരും… “
ബെറ്റി അത് കേട്ട് വാതിൽ കൊട്ടിയടച്ചു..
മിയ, സണ്ണിയുടെ കയ്യും പിടിച്ച് മുകളിലേക്ക് പോയി..
റൂമിലെത്തിയതും ബെറ്റി,ചന്ദ്രന് ഫോൺ ചെയ്തു.. രണ്ട് വട്ടം പൂർണമായും ബെല്ലടിച്ച് തീർന്നു.. മൂന്നാം വട്ടം വിളിച്ചപ്പോ സ്വിച്ചോഫ്…
ചന്ദ്രൻ തന്നെ പെടുത്തി എന്ന് ബെറ്റിക്ക് തീർച്ചയായി..
ഒരുപാട് വിശ്വസിച്ചതാണ് ചന്ദ്രേട്ടനെ… തന്റെ കയ്യിൽ വന്ന പൈസയുടെ നല്ലൊരു പങ്കും താൻ അയാൾക്കാണ് കൊടുത്തത്..
അതെല്ലാം സന്തോഷത്തോടെ തന്നെയാണ് കൊടുത്തത്..
അയാളോട് ആത്മാർത്ഥമായ സ്നേഹമോ, പ്രണയമോ ഉണ്ടായിരുന്നില്ല..
പക്ഷേ, കാര്യം ഭംഗിയായി നടന്നിരുന്നു.. തന്റെ എല്ലാവൈകൃതത്തിനും അയാൾ നിന്ന് തന്നിരുന്നു.. അതിനുള്ള പ്രതിഫലമായി വാരിക്കോരി കൊടുത്തിരുന്നു..
ഇനിയെന്ത്… ?..
ആരാണിനി തന്നെ സഹായിക്കാനുള്ളത്..?..
എന്തായാലും അവന്റെ മുന്നിൽ കീഴടങ്ങാനാവില്ല.. എങ്കിൽ അന്ന് ബെറ്റി മരിച്ചിരിക്കും..
പെട്ടെന്ന് അവളുടെ ഫോൺ റിംഗ് ചെയ്തു.. നോക്കുമ്പോ ചന്ദ്രൻ..
ബെറ്റിക്ക് ദേഷ്യം ഇരച്ച് കയറി..
“നീയെന്ത് തെമ്മാടിത്തമാടാ പട്ടീ കാണിച്ചത്… ഞാൻ പറഞ്ഞോടാ നിന്നോട് ഷീറ്റ് മോഷ്ടിക്കാൻ..?..
അവരെന്തൊക്കെയാണ് എന്റെ മുഖത്ത് നോക്കി പറഞ്ഞെതെന്നറിയോ നിനക്ക്..
ഞാനിനി എങ്ങിനെ അവരുടെ മുഖത്ത് നോക്കും..?”..
ഫോണെടുത്തതും ബെറ്റി ചീറി..
അപ്പുറത്തൂന്ന് മിണ്ടാട്ടമൊന്നുമില്ല.. ബെറ്റിക്ക് ദേഷ്യം ഇരട്ടിച്ചു..
“ എന്താടാ പട്ടീ നീയൊന്നും മിണ്ടാത്തത്… ?.. എന്റെ ജീവിതം തകർത്തപ്പോ നിനക്ക് സമാധാനമായല്ലോ… മോളിന്ന് തന്നെ ഇച്ചായനെ വിളിച്ച് പറയുമെന്നാ പറഞ്ഞത്… ഇവിടുന്നെങ്ങാനും ഇറങ്ങേണ്ടി വന്നാ, ഞാനങ്ങ് വരും, നിന്റെ വീട്ടിലോട്ട്… ഞാനവിടെ പൊറുക്കും…”
“ബെറ്റീ…”
ഞരക്കം പോലൊരു വിളി ബെറ്റി കേട്ടു..
“എന്തേ,… നിനക്കൊന്നും പറയാനില്ലേ..?”..
“ബെറ്റീ,… ഞാനിവിടെ ഹോസ്പിറ്റലിൽ അഡ്മിറ്റാ… എന്നെയവര് തല്ലിയെടീ…
രണ്ട് വാരിയെല്ലിന് പൊട്ടലുണ്ട്… മൂന്ന് പല്ലും ഇളകി…”
ചന്ദ്രൻ വിക്കി വിക്കിയാണ് സംസാരിക്കുന്നത്…
“ ആരാ ചന്ദ്രേട്ടാ… ആരാ തല്ലിയത്…?”..
അയാൾക്ക് തല്ല് കിട്ടിയെന്നും ഹോസ്പിറ്റലിലാണെന്നും കേട്ടപ്പോ അവൾക്ക് പേടി തോന്നി..
“ സണ്ണിയും, അവന്റെ കൂട്ടുകാരൻ മാർട്ടിനും…”
ബെറ്റിക്ക് ആളെ മനസിലായില്ല.. മാർട്ടിനോ..അവനേതാണ്… ?..
“നമ്മുടെ തോട്ടത്തിലെ റബ്ബർ വെട്ട് കാരനാ… സണ്ണിയുടെ കൂടെ അനാഥാലയത്തിൽ ഉണ്ടായിരുന്നൊരു ചെറ്റയാ… അവനാ എന്നെ തല്ലിയത് മുഴുവൻ…. സണ്ണി അടിക്കാൻ പറഞ്ഞാ അവൻ അടിക്കും.. കൊല്ലാൻ പറഞ്ഞാ കൊല്ലും… ഒരു മയവുമില്ലാത്തൊരു കാട്ട് പോത്ത്… എന്നെക്കൊണ്ടിനി ഒന്നിനും കഴിയില്ല ബെറ്റീ…എന്നെ വിട്ടേക്ക്…”
ചന്ദ്രൻ ഫോൺ കട്ടാക്കി..
ബെറ്റിക്ക് കടുത്ത നിരാശ തോന്നി.. ആളിക്കത്തുന്ന പകയും..
ആകെയുണ്ടായിരുന്ന പിടിവള്ളിയായിരുന്നു ചന്ദ്രേട്ടൻ.. അങ്ങേര് കൈമലർത്തുകയാണ്.. തന്നെ ഊരാക്കുടുക്കിൽ കൊണ്ട് ചാടിച്ചിട്ട് അയാൾക്കിനി ഒന്നിനും കഴിയില്ലെന്ന്… അയാളെ വിട്ടേക്കാൻ..
തന്റെ പണം മുഴുവൻ കയ്യിലാക്കിയിട്ട് അയാൾ സൂത്രത്തിൽ തടിയൂരി..