എന്നും എന്തിനും കൂടെ നിന്നിട്ടുള്ള അച്ഛൻ..
ഈ അവസ്ഥയിൽ ആയിട്ടും അച്ചനെന്തേ ഒന്ന് പറഞ്ഞില്ല.
അമ്മയെ ഞാൻ കൈനീട്ടി സ്വീകരിച്ചത് അച്ഛന് ഇഷ്ടമായിട്ടില്ലേ എന്നൊക്കെ ആലോചിച്ചു കൊണ്ട് മനു അതെ നിൽപ് തുടർന്നു..
കാർത്തി വന്നു തോളിൽ തട്ടിയപ്പോഴാണ് അവൻ ചിന്തയിൽ നിന്നും വിമോചിതനായത്..
മനു നീ ഒന്ന് ഇവിടെ ഇരുന്നേ ഇനി വിഷമിക്കാൻ ഒന്നുമില്ല എന്നല്ലേ ഡോക്ടർ പറഞ്ഞിട്ട് പോയത്.
പിന്നെന്താടാ നീ ഇങ്ങിനെ ആലോചിക്കാൻ..
മനു കരഞ്ഞു കലങ്ങിയ കണ്ണുമായി കാർത്തിയുടെ തോളിലേക്ക് വീണു.
കാർത്തി നിനക്കറിയില്ലേ ഞാൻ എത്രമാത്രം അച്ഛനെ സ്നേഹിക്കുന്നുണ്ട് എന്ന്..
എന്നിട്ടും അച്ഛൻ എന്നോട് ഇതേ പറ്റി ഒരക്ഷരം മിണ്ടിയില്ലല്ലോടാ.
ആരെയും അറിയിക്കാതെ പോകാമായിരുന്നു അപ്പൊ അച്ഛന്റെ മനസ്സിൽ..
ഏയ് മനു നീയെന്തിനാ അങ്ങിനെയൊക്കെ ചിന്തിച്ചു കൂട്ടുന്നെ.. എല്ലാം നമുക്ക് അച്ഛനോട് തന്നെ ചോദിക്കാലോ മനു..
അച്ഛൻ ഒന്ന് റെഡിയാകട്ടെ..
എന്നിട്ട് എനിക്കും ഉണ്ട് കുറെ ചോദിക്കാൻ..
ഒന്നുമില്ലേലും ഞാനും കുറെ അച്ഛന്റെ സ്നേഹവും വാത്സല്യവും അനുഭവിച്ചിട്ടുള്ളതല്ലേ മനു..
ശിൽപേ നീ ഇവനെ അങ്ങോട്ട് കൊണ്ട് പോയി ഫുഡ് കൊടുത്തേ.
ഇന്ന് ഒന്നും കഴിച്ചിട്ടില്ല.
വേണ്ട കാർത്തി അച്ഛനെ കാണാതെ ഒന്ന് സംസാരിക്കാതെ എനിക്ക് തോന്നുന്നില്ലെടാ..
ദേ മനു അച്ഛൻ കുറച്ചു കയിഞ്ഞാ കണ്ണു തുറക്കും അപ്പൊ ഈ കരഞ്ഞ മുഖം കണ്ടാൽ അച്ഛന് കൂടുതൽ വിഷമം വരത്തെ ഉള്ളൂ..
നീ ചെന്നു വല്ലതും കഴിക്ക് ഞാൻ കൊണ്ട് വന്നിട്ടുണ്ട്.
പ്രിയേ നീ അതൊന്നു ഇവർക്ക് എടുത്തു കൊടുത്തേ എന്ന് പ്രിയയോട് പറഞ്ഞോണ്ട് വാടാ വന്നു വല്ലതും കഴിച്ചിട്ട് വരാം.
കാർത്തിയുടെയും ശിൽപയുടെയും നിർബന്ധത്തിന്നു വഴങ്ങി മനു ഫുഡ് കഴിചെണീറ്റു..
രേഖയെയും ശില്പയും പാർവതിയും നിർബന്ധിച്ചു കഴിപ്പിച്ചു..
ആരാ മനു.
എന്തെ.
പേഷ്യന്റ് കണ്ണു തുറന്നു. മനുവിനെ ചോദിക്കുന്നുണ്ട്.
അപ്പോഴാണ് അവരുടെ എല്ലാവരുടെയും മുഖത്തു സന്തോഷം വന്നത്.
മനു നീ ചെല്ല് എന്ന് പറഞ്ഞോണ്ട് കാർത്തി അവനെ ഉള്ളിലേക്ക് തള്ളി.
മനു വിനെ കണ്ടതും അരവിന്ദൻ മനുവിനെ തന്നെ നോക്കി കൊണ്ട് കിടന്നു.
അച്ഛാ അച്ഛാ എന്നുള്ള മനുവിന്റെ വിളി കേട്ടതും അരവിന്ദൻ മനുവിനെ നോക്കി ചിരിക്കാൻ ശ്രമിച്ചു..
കൈ പിടിക്കാനായി ശ്രമിച്ച അരവിന്ദാനെ.
അതെ ശരീരം ഇളക്കരുത് എന്നാ ഡോക്ടർ പറഞ്ഞിട്ട് പോയെ.. എന്ന് പറഞ്ഞോണ്ട് നഴ്സ് രണ്ടുപേരെയും വഴക്ക് പറഞ്ഞു.
അച്ഛാ വേണ്ട ഇപ്പൊ ശരീരം ഇളക്കേണ്ട. എന്ന് പറഞ്ഞോണ്ട് മനു അരവിന്ദന്റെ അടുത്തേക്ക് നീങ്ങി നിന്നു.
ഞാൻ നിന്നെ തനിച്ചാക്കി പോകും എന്ന് കരുതിയോ മനു.
ഇല്ലെടാ അങ്ങിനെ ഒന്നും പോകത്തില്ല ഞാൻ.
ഇനിയും കുറെ കാലം നിന്റെ കൂടെത്തന്നെ കാണും എന്നാ ദൈവം പറയുന്നേ.
അത് കേട്ട് മനു പുഞ്ചിരിയോടെ അങ്ങിനെ ഒന്നും അച്ഛനെ ഞാൻ വിട്ടു കൊടുക്കില്ല അച്ഛാ.. എനിക്കെന്നും അച്ചനല്ലേ ഉള്ളൂ.
അരവിന്ദൻ ഡോറിനടുത്തേക്ക് നോക്കി കൊണ്ട് അമ്മ വന്നില്ലെടാ മനു.
ഹ്മ്മ് വന്നിട്ടുണ്ട് പുറത്ത് ഉണ്ട്.
ഞാൻ പോയിട്ട് വിളിക്കാം അമ്മയെ.
ഹ്മ്മ്.
കുറച്ചുനേരം മനു അരവിന്ദന്റെ അടുത്ത് തന്നെ നിന്നോണ്ട് ഞാൻ അമ്മയെ പറഞ്ഞു വിടാം അച്ഛാ.
പിന്നെ ശരീരം ഇളക്കേണ്ട കേട്ടോ എന്ന് പറഞ്ഞു പുഞ്ചിരിച്ചോണ്ട് മനു പുറത്തേക്കിറങ്ങി..
മനുവിനെ കണ്ടതും അമ്മയും കാർത്തിയും ഇരിക്കുന്നിടത്തു നിന്നും എഴുനേറ്റു വന്നുകൊണ്ട് മനു അച്ഛൻ സംസാരിച്ചോടാ..
ഹ്മ്മ് ഇപ്പൊ കുഴപ്പമൊന്നും ഇല്ലാ.