പാത്തൂന്റെ പുന്നാര കാക്കു 10

Pathoonte Punnara Kaakku Part 10 | Author : Afzal Ali

[ Previous Part ] [ www.kambi.pw ]

---

 

ഷഫീദയെ ഡിസ്ചാർജ് ചെയ്യുമ്പോൾ ഉച്ച ആവാറായിരുന്നു. ഹോസ്പിറ്റലിലെ ഫോർമാലിറ്റിട്ടികൾ തീർത്ത് അവളെ ആംബുലൻസിലേക്ക് കയറ്റുന്നത് വരെ ശ്രീജയും അവളോടൊപ്പം ഉണ്ടായിരുന്നു. അഫ്സലിനെ കാണുമ്പോൾ ശ്രീജയുടെ മുഖത്തു മിന്നിമറയുന്ന ഭാവങ്ങൾ കണ്ട് ഷഫീദയിൽ ഒരു കോരിതരിപ്പ് ഉണർന്നു.

 

‘കള്ളി… കാക്കൂനെ വളച്ചു അല്ലെ…’

 

ശരീരം ഇളക്കരുതെന്ന കാരണം കൊണ്ട് ശ്രീജയുടെ വാശിപ്പുറത്ത് ആംബുലൻസിലേക്ക് കയറുമ്പോൾ അവളുടെ മുഖത്തൊരു കള്ളച്ചിരി ഉണ്ടായിരുന്നു. ബിനിലയെയും സിനിയെയും തന്റെയൊപ്പം ആംബുലൻസിലേക്ക് കയറ്റി ഷംലയെ അവൾ അഫ്സലിനൊപ്പം വിട്ടത് മനപ്പൂർവം ആയിരുന്നു. അഫ്സലിന്റെ കൂടെ കാറിലേക്ക് കയറുന്ന ഷംലയെ നോക്കി ചിരിക്കുമ്പോൾ ബിനില ഷഫീദയെ ഇടം കണ്ണിട്ടു നോക്കുന്നുണ്ടായിരുന്നു.

 

മുൻസീറ്റിൽ മരുമകനൊപ്പം അവൾ കയറിയിരുന്നു.

 

“മോനിപ്പോഴും ഉപ്പയോട് ദേഷ്യമായിരിക്കും അല്ലെ…”

 

“അത് വിട് ഉമ്മാ… അതൊക്കെ കഴിഞ്ഞില്ലേ… ചെയ്ത പാപത്തിന്റെ കൂലി അല്ലെ ഇപ്പോഴുള്ള കിടപ്പ്…”

 

“പക്ഷെ ആ കിടപ്പ് എനിക്കിപ്പോ ഒരു ഭാരമാണ് മോനെ… എന്റെ മോളെയൊന്ന് കാണാൻ പോലും എന്നെകൊണ്ട് പറ്റുന്നില്ല… അവൾക്ക് എന്നെ ആവശ്യം ഉള്ളപ്പോ അടുത്ത് നിൽക്കാൻ എന്നെകൊണ്ട് പറ്റുന്നില്ല… പാപം ചെയ്തത് അങ്ങേരാണെങ്കിലും അതിന്റെ കൂലി കിട്ടിയത് എനിക്കാണെന്ന് മാത്രം…”

 

ഷംലയുടെ കണ്ണുകൾ നിറയുന്നത് കണ്ട അഫ്സലിനും വല്ലാതായി…

 

“ഉമ്മ ഇങ്ങനെ കരയല്ലേ… ഉമ്മാക്ക് എപ്പോ വേണമെങ്കിലും അങ്ങോട്ട് വരാലോ…”

 

“പക്ഷെ… ഒന്ന് എണീറ്റു മുള്ളാൻ പോലും ത്രാണിയില്ലാതെ കിടക്കുന്ന അയാളെ ഇട്ട് ആ വീടിനു വെളിയിലേക്ക് ഇറങ്ങാൻ പോലും എന്നെകൊണ്ട് പറ്റുന്നില്ല മോനെ… അന്നങ്ങു തീർന്നുപോയാൽ മതിയായിരുന്നു…”

 

“ഉമ്മാക്ക് അവളെ കാണണം എന്ന് തോന്നുമ്പോ പറഞ്ഞാൽ മതി… ഞാൻ കൊണ്ട് വരാം അവളെ… പോരെ?”

 

“മ്മ്മ്… അങ്ങേരോട് കാണിക്കുന്ന ദേഷ്യം എന്നോടും കാണിക്കല്ലേ എന്ന് മോൻ പാത്തൂനോട് പറയണം… നീയും അവളും മാത്രേ ഉള്ളൂ എനിക്ക്…”

 

“ആരാ പറഞ്ഞെ അവൾക്ക് ഉമ്മയോട് ദേഷ്യം ആണെന്ന്… അതൊക്കെ ഉമ്മാടെ തോന്നലാ… അവളെപ്പോഴും പറയും… ഉമ്മയെ ഒപ്പം നിർത്താൻ അവൾക്ക് ഒരുപാട് ആഗ്രഹം ഉണ്ടെങ്കിലും അയാൾ കാരണം അതിനും പറ്റുന്നില്ലെന്ന്…”

 

ആംബുലൻസിൽ നിന്നും ഷഫീദയെ റൂമിലേക്ക് മാറ്റുമ്പോഴും അവൾക് വേണ്ടതൊക്കെ ചെയ്തു കൊടുക്കാൻ ഓടി നടക്കുന്ന സിനിയെ ഷംല ശ്രദ്ധിക്കുന്നുണ്ടായിരുന്നു. തന്റെ മകളോട് അവൾ കാണിക്കുന്ന സ്നേഹം അവളുടെയുള്ളിൽ സന്തോഷം നൽകുന്നുണ്ടെങ്കിലും ഇടക്ക് അഫ്സലിനോട് അവൾ കാണിക്കുന്ന സ്വാതന്ത്ര്യം അവളെ തെല്ലൊന്ന് ചൊടിപ്പിച്ചു. ഷഫീദയോട് അവളെ പറ്റി ചോദിക്കണം എന്ന് ഉറപ്പിക്കുകയും ചെയ്തിരുന്നു ഷംല…

 

“ഡാ… എന്നെയൊന്നു വീട്ടിൽ വിടുവോ നീ?”

 

ഷഫീദക്ക് വേണ്ടുന്ന കാര്യങ്ങൾ ഒക്കെയും നോക്കിയും കണ്ടും ചെയ്തു കൊടുത്ത് സിനി അഫ്സലിനോട് പറഞ്ഞു

 

“അങ്ങോട്ട് പോകുന്നുണ്ടോ?”

 

“പോണം… എല്ലാം ഞാൻ പാത്തൂനോട് പറഞ്ഞിട്ടുണ്ട്…”

 

“മ്മ്മ്”

 

“മക്കളെ കൂട്ടണ്ടേ…”

 

“ഞാൻ പോയി ഫുഡ് മേടിച്ചു വരാം… അപ്പോഴേക്കും നീ റെഡി ആയി നിന്നോ”

 

ഉച്ചഭക്ഷണം ഹോട്ടലിൽ നിന്ന് മേടിച്ചു തിരികെ എത്തുമ്പോൾ സിനി അവനെയും കാത്ത് ഹാളിൽ ഇരിപ്പുണ്ട്. ഷഫീദയോട് യാത്ര പറഞ്ഞ് അഫ്സലിനൊപ്പം കാറിലേക്ക് കയറുന്ന സിനിയെ ഷംല നോക്കി നിന്നു. അവർ പോയതും ഷംല മകളുടെ അടുത്തേക്ക് ഓടി…

 

“പാത്തൂ… ആ പെണ്ണ് ആളത്ര ശെരിയല്ലട്ടോ…”

 

“ആരാ ഉമ്മാ?”

 

“ഇപ്പോ പോയ പെണ്ണില്ലേ… സിനി… അവൾ തന്നെ”

 

“അതെന്താ?”

 

“അവൾ അഫ്സൂനോട് വല്ലാത്ത സ്വാതന്ത്ര്യം കാണിക്കുന്ന പോലെ…”