“എന്ന വരിക വൈദ്യർ….??
“നാളെ വരാൻ പറഞ്ഞിട്ടുണ്ട് … നാളെ വന്നാൽ വേണ്ട മരുന്നൊക്കെ കുറിച്ചു തരും… പിന്നെ അതൊക്കെ തയ്യാറാക്കിയ ശേഷം ആകും വരിക….”
“പൈസ…”
“അതൊക്കെ ഉണ്ട്… മോള് അത് ഓർത്ത് വിഷമിക്കണ്ട…. മോള് പോയി കിടന്നോ…. പിന്നെ ഇന്ന് ഗുളിക കഴിക്കല്ലേ….”
“ഇല്ല….”
“രണ്ട് ദിവസം കാണും ബുദ്ധിമുട്ട് പിന്നെ ശരിയാവും…”
“ഉം…”
അച്ഛനോട് കഴിക്കില്ല എന്ന് പറഞ്ഞെങ്കിലും ഗുളിക കഴിക്കാതെ എങ്ങനെ തനിക്ക് ഉറക്കം ഉറക്കം കിട്ടുമെന്ന് അവൾ ആലോചിച്ചു…. എന്ത് വന്നാലും ഇന്ന് കഴിക്കില്ല എന്നവൾ ഉറപ്പിച്ചു… മകളിൽ ഇന്നുണ്ടായ മാറ്റം കുറച്ചൊന്നുമല്ല അയാളെ സന്തോഷിപ്പിച്ചത്… നിവർന്ന് നടക്കാനും പണിയെടുക്കാനുമുള്ള തന്റെ ആരോഗ്യം മോഷമാകുന്നത് അയാൾ അറിയാഞ്ഞിട്ടല്ല മകൾ അവൾ നേരെ ആവുന്നത് വരെ വീണ് പോകല്ലേ എന്നാണ് അയാളുടെ പ്രാർത്ഥന… തന്റെ രണ്ട് ആണ്മക്കളും ഭാര്യയും തന്നെ വിട്ട് പോയ ഈ നശിച്ച ദിവസം അയാൾ ഓർത്തെടുത്തു… എന്തൊരു സന്തോഷമായിരുന്നു എല്ലാവർക്കും… അഞ്ച് മണിക്ക് തന്നെ വീട്ടിൽ നിന്നും ഇറങ്ങണം എന്ന് പറഞ്ഞത് പാർവ്വതി ആയിരുന്നു എന്നാലേ ഒൻപത് മണിക്ക് മുന്നേ വീഗാലാന്റ് എത്തു എന്ന്… അവളുടെ വാക്കിന് മറുവാക്ക് ഇവിടെ ഉണ്ടായിരുന്നില്ല.. പക്ഷേ ഒരു നിമിഷം കണ്ണടച്ച ലോറി ഡ്രൈവർ എല്ലാം തട്ടിയെടുത്തു…
പാറുകുട്ടിയെ പോലെ താനും തളർന്ന് പോയിരുന്നു എങ്കിൽ എന്നോ എല്ലാം തകർന്ന് പോകുമായിരുന്നു… സ്വന്തം വീട്ടുകാരെ വിട്ട് മകന്റെ കൂടെ വന്ന അതും നായർ കുടുംബത്തിൽ പെട്ട കുട്ടി അവൾക്ക് വേണ്ടി ജീവിക്കാൻ അയാൾ തീരുമാനിക്കുക ആയിരുന്നു.. തന്നെ കൊണ്ട് കഴിയുന്ന പണിയെല്ലാം എടുത്ത് അയാൾ അവളെ നോക്കി.. ഇപ്പോ ഒരു പേടി മകൾ ഒറ്റയ്ക്കായി പോകുമോ എന്ന്.. അവളിലെ പഴയ പ്രസരിപ്പും ചുറു ചുറുക്കും വീണ്ടെടുക്കാൻ ആയാൽ മരിക്കാനും അയാൾക്ക് ഭയമില്ലായിരുന്നു….
അച്ഛന് കൊടുത്ത വാക്ക് പാലിക്കാൻ തന്നെ അവൾ തീരുമാനിച്ചു…. കാലങ്ങളായി കഴിക്കുന്ന ഗുളിക കഴിക്കാതെ ഇരുന്നപ്പോ അവൾക്ക് എന്തൊക്കെയാ പോലെ ആയി.. ഉറക്കം വരാതെ പുലർച്ചെ നാല് മണിവരെ അവൾ തിരിഞ്ഞും മറിഞ്ഞും കിടന്നു… രാവിലെ പതിവായി മകൾ എണീക്കുന്ന സമയം കഴിഞ്ഞിട്ടും കാണാതെ ആയപ്പോ അയാൾ മുറിയിലേക്ക് ചെന്ന് നോക്കി മാക്സി മാറി കിടന്ന മകളെ കണ്ടപ്പോ വേഗം വാതിൽ ചാരി പുറത്തേക്ക് വന്നു.. ഉച്ചയോടെ എണീറ്റ് വന്ന മകളെ കണ്ട് സംശയത്തോടെ അയാൾ ചോദിച്ചു…
“എണീക്കാൻ വൈകിയല്ലോ ഇന്നലെയും കഴിച്ച….??
“കഴിക്കാത്ത കാരണം ഉറക്കം കിട്ടിയില്ല… പുലർച്ചെ എപ്പോഴോ ആണ് ഉറങ്ങിയത്….”
“സാരല്ല…. ഇന്ന് കൂടി കഴിഞ്ഞ ശരിയാവും…”
“ഉം…”
“എന്ന മോള് പോയി റെഡിയായി നിക്ക് കുമാരൻ വൈദ്യർ വിളിച്ചിരുന്നു ഉച്ച കഴിഞ്ഞു വരാമെന്ന്….”
തലയാട്ടി അവൾ അകത്തേക്ക് ചെന്നു… തനിക്ക് കാലിന്റെ മുട്ടിനും അതിന് മുകളിലും ആണ് അന്ന് പരിക്ക് പറ്റിയത്.. ഇനി വൈദ്യർ വന്ന കാണിച്ചു കൊടുക്കേണ്ടി വരുമോ… അച്ഛന്റെ കൂട്ടുകാരൻ അല്ലെ പ്രായം ആയ ആളാവും അതുമല്ല ചികിത്സക്ക് ഡോക്ടർമാരുടെ അടുത്ത് പോയാലും ഇതൊക്കെ തന്നെയല്ലേ അവസ്ഥ…. ഓരോന്ന് ആലോചിച്ചു പാർവ്വതി പോയി കുളിച്ച് തന്റെ വൃത്തിയുള്ള നീല മാക്സി എടുത്തിട്ടു… കുറെ നാളായ കാരണം നല്ല ടൈറ്റ് ആയി അവൾക്ക് തോന്നി… പുറത്തിറങ്ങി വന്ന അവൾക്ക് അച്ഛൻ ഭക്ഷണം എടുത്ത് കൊടുത്തിട്ട് പറഞ്ഞു അവൻ വരുന്നതിന് മുന്നേ ഞാനിപ്പോ വരാം… അവൾ തലയാട്ടി ഭക്ഷണം കഴിച്ചു… ഒരു നാല് മണി ആയി കാണും പുറത്ത് നിന്ന് സംസാരം കേട്ടപ്പോ അവൾ എണീറ്റ് ഉമ്മറത്തേക്ക് ചെന്നു കസേരയിൽ ഇരുന്ന തടി നിരച്ച നീളമുള്ള മനുഷ്യൻ അതാവും വൈദ്യർ എന്ന് അവൾ മന്ത്രിച്ചു… തന്നെ കണ്ടതും അയാൾ എണീറ്റ് ബഹുമാനത്തോടെ മാറി നിന്നപ്പോ പണ്ട് വീട്ടിലെ പണിക്കാർ അച്ഛനെ കാണുന്ന രംഗം ആണ് ഓർമ്മ വന്നത്… കാലം എത്ര കഴിഞ്ഞാലും ഈ ആളുകൾ ഒന്നും മാറാൻ പോണില്ല എന്നവൾ മനസ്സിലാക്കി….