[കുറച്ചു മുന്നേ എഴുതിയ രണ്ട് ഭാഗങ്ങൾ ഉള്ള കഥയാണ് ഇതിൽ ഒരു പാർട്ട് മാത്രമേ എഴുതിയിട്ടുള്ളൂ…
അടുത്ത ഭാഗം നിങ്ങളുടെ ഓരോരുത്തരുടെയും അഭിപ്രായങ്ങൾ അറിഞ്ഞതിന് ശേഷം ആയിരിക്കും എഴുതി തുടങ്ങുക അത് കൊണ്ട് ചിലപ്പോ വൈകും…. എല്ലാവരുടെയും വിലയേറിയ അഭിപ്രായങ്ങൾ പ്രതീക്ഷിച്ചു കൊണ്ട്….അൻസിയ ]
“പ്രകശേട്ട എനിക്ക് രണ്ട് സഹായം വേണം…”
“എന്തുവാട ഈ രണ്ട് സഹായം….??
ഹൻഡ്ബാഗിൽ ഡ്രെസ്സ് അടുക്കി വെക്കുന്നതിനടയിൽ ഞാൻ സംശയത്തോടെ തല തിരിച്ച് മുഹ്‌സിനെ നോക്കി ചോദിച്ചു…
“അത് പ്രകശേട്ടൻ നാട്ടിൽ പോയാൽ എന്റെ വീട്ടിൽ പോവില്ലേ…??
“ആ പോകണോ….??
“എന്തായാലും പോണം….”
“എന്ന പോകും..”
“അതൊരു സഹായം…”
“പിന്നെ…??
“അനീഷാക്ക് കുറച്ചു സാധനം ഉണ്ട് അത് വീട്ടിൽ കൊടുക്കാൻ പറ്റില്ല…”
“അതിന്…??
“അനീഷ അവളുടെ വീട്ടിൽ പോകുമ്പോ ചേട്ടനെ വിളിക്കും അപ്പൊ ആ സാധനം അവിടെ കൊടുക്കണം… അതാണ് രണ്ടാമത്തെ സഹായം…”
“രണ്ട് മാസമേ ലീവുള്ളു അത് നിന്റെ വീട്ടിലേക്ക് നടന്ന് തീർക്കണോ….??
ഞാനത് കുറച്ചു ഉച്ചത്തിൽ പറഞ്ഞപ്പോ മുഹ്‌സിൻ ഒന്ന് പേടിച്ചു… അവന്റെ മുഖം കണ്ടപ്പോ എനിക്ക് ചിരി വന്നു…
“കല്യാണം കഴിഞ്ഞ് നീ അവളുടെ കൂടെ എത്ര നിന്നു….??
“രണ്ട്…”
“അത് നിന്റെ ടോട്ടൽ ലീവ് .. അതല്ല ചോദിച്ചത് “
“നാല്പത്തിമൂന്ന്…”
എന്നും ഇക്കാര്യം പറഞ്ഞു റൂമിൽ മുഹ്‌സിനെ കളിയാക്കൽ പതിവായിരുന്നു….
“നീ കരയണ്ട ഞാൻ കൊടുത്തോളാം പോരെ…??
“ആഹ്… മതി ഞാനവളോട് പറയുകയും ചെയ്തു ചേട്ടൻ കൊണ്ട് വരുമെന്ന്….”
സന്തോഷത്തോടെ അവനത് പറഞ്ഞപ്പോ തെല്ല് സംശയത്തോടെ തന്നെ ഞാൻ ചോദിച്ചു…
“എന്തുവാട വീട്ടിൽ അറിയാൻ പാടില്ലാത്ത സാധനം…??
“ഒന്നുല്ല ഏട്ടാ… വീട്ടിൽ കൊടുത്താൽ ഉമ്മ എടുത്ത് പെങ്ങൾക്ക് കൊടുക്കും അവൾക്ക് കിട്ടില്ല അതാ….”
“ഉം…”
“പിന്നെ ഇവിടെ ആരോടും പറയല്ലേ അല്ലങ്കിലെ എന്നെ കണ്ടൂടാ….”
“ഇല്ലടോ താൻ എന്തുവാന്ന് വെച്ച വാങ്ങിച്ച് വാ പെട്ടി കെട്ടണം നാളെ രാവിലെ സമയം കിട്ടില്ല….”
“അതൊക്കെ റെഡിയാ…”
“എന്ന എടുത്ത് വെച്ചോ എന്റെ പെട്ടിയിൽ….”
“ആഹ്. “
അവൻ പോകുന്നതും നോക്കി ഞാൻ ചിരിച്ചു… പാവം ചെക്കാനാണ് കല്യാണം കഴിഞ്ഞ പുതുമോഡി കഴിയും മുൻപ് തിരിച്ച് ഗൾഫിൽ വന്ന് കരച്ചിലും പിഴിച്ചിലും ആയിരുന്നു രണ്ട് മാസം…..
പിറ്റേന്ന് യാത്രയാക്കാൻ വരുന്ന സമയത്ത് അവനോട് ഞാൻ ആരും കേൾക്കാതെ ചോദിച്ചു..
“ടാ എന്താ നീ വാങ്ങിയത്… സത്യം പറഞ്ഞോ….”
“ഒന്നുല്ല ഏട്ടാ… അതൊരു മേക്കപ്പ് സെറ്റ് ആണ് പിന്നെ ഒരു ഡ്രെസ്സും…”
“എന്ന ഇത് നേരത്തെ പറഞ്ഞൂടെ….”
അവനെ നോക്കി ചിരിച്ചു ഞാൻ പറഞ്ഞു…
“ചേട്ടന് ഞാൻ നമ്പർ അയച്ചിട്ടുണ്ട് പോകുമ്പോ വിളിക്കണം അവരെ..”
“ആ വിളിക്കാം…”
എല്ലാവരും കൂടി സന്തോഷത്തോടെ എന്നെ എയർപോർട്ടിൽ അയച്ച് തിരിച്ചു പോയി… എല്ലാം ഒക്കെ ആയതിന് ശേഷം ഞാൻ വീട്ടിലേക്ക് വിളിച്ചു ….
“ഹാലോ…..”
“ടീ നീ എപ്പോ വന്നു….??
അമ്മയുടെ ഫോൺ കാർത്തിക എടുത്തപ്പോ ഞാൻ ചോദിച്ചു…
“ഞാനിന്ന് രാവിലെ…. ഏട്ടൻ കയറിയോ…??
“ഇതാ എല്ലാം ഒക്കെയായി അരമണിക്കൂർ അതിനുള്ളിൽ പോരും…”
“ഞങ്ങൾ എപ്പോഴാ എത്തേണ്ടത്….??
“ഞാൻ അഖിലിനെ വിളിച്ചു പറഞ്ഞിട്ടുണ്ട് അവൻ വരുമ്പോ കയറിപോരെ….”
“ഓഹ്…. ഇക്കുറി ഞാൻ പറഞ്ഞത് വാങ്ങി തരണം ട്ടാ…..”
“എന്തോന്ന്….??
“ബൈക്ക്….”
“നിന്റെ കെട്ടിയോൻ ഇല്ലേ അവന് വാങ്ങികൊടുത്ത ബൈക്കിന്റെ അടവ് ഇപ്പോഴാ കഴിഞ്ഞത്….”
“രഞ്ജിത്തേട്ടന് വാങ്ങി കൊടുക്കാൻ ഞാൻ പറഞ്ഞോ….??
“ഇല്ല പറഞ്ഞില്ല എന്റെ ഒരേയൊരു പെങ്ങൾ അല്ലെ അവളുടെ കെട്ടിയൊന് ഒരു ബൈക്കു വാങ്ങി കൊടുത്ത അവൾക്ക് സന്തോഷം ആകുമല്ലോ എന്ന് കരുതി വാങ്ങിയതാ… ഇപ്പൊ എനിക്കായി കുറ്റം…”
“കുറ്റമല്ല എനിക്കും ഓടിക്കാൻ പറ്റുന്ന ബൈക്ക് വാങ്ങിയാൽ മതിയായിരുന്നു….”
“അതിന് ആ തെണ്ടിയല്ലേ പറഞ്ഞത് പൾസർ മതി എന്ന്….”
“വേണ്ടട്ടോ…. ഏട്ടനെ ചീത്ത വിളിച്ചാൽ ഉണ്ടല്ലോ…??
“അപ്പോ നമ്മ പുറത്ത് …. ആയിക്കോട്ടെ….”
“പ്രകശേട്ട…. ങ്ഹും…..ങ്ഹും….. ഞാനെല്ലാവരോടും പറഞ്ഞു ചേട്ടൻ വന്ന ബൈക്കു വാങ്ങുമെന്ന്…”
“എന്നെ അങ്ങു കൊല്ലടി…”
“എന്ന വേണ്ട…”
“ഇനി അതിന് മുഖം വാട്ടണ്ട വാങ്ങാം… അല്ല എന്നിട്ട് എന്തിനാ നിനക്ക് കാണാനോ…??
“പഠിക്കണം….”
“എന്ന പഠിച്ചിട്ട് പോരെ വാങ്ങൽ….??
“ചേട്ടൻ എത്ര മാസം ഉണ്ടാവും ഇവിടെ…??
“രണ്ട് എന്തേ…??
“രാത്രി കള്ള്കുടി പകൽ എനിക്ക് പഠിപ്പിച്ചു തരുന്നു എന്തേ….??
“ആ ബെസ്റ്റ്…. ലീവേ രണ്ട് മാസം തന്നെ കിട്ടിയത് കാൽ പിടിച്ചിട്ട…. കയ്യോ കാലോ ഒടിഞ്ഞാൽ ചുരുങ്ങിയത് മൂന്ന് മാസമെങ്കിലും വേണം ശരിയാവാൻ…. മോള് വേറെ വല്ല വഴിയും നോക്ക്….”
“നോക്കിയതാ രഞ്ജിത്തേട്ടൻ പറഞ്ഞത് ചേട്ടൻ പഠിപ്പിക്കുക ആണങ്കിൽ നോക്കാം എന്ന വേറെ ഒരു വഴിയും നോക്കണ്ട എന്ന്…”
“എന്റെ പൊക കണ്ടിട്ടേ നിങ്ങൾ അടങ്ങു അല്ലെ….??
“എന്ന ശരി ഞാനിത് എല്ലാവരോടും പറയട്ടെ…”
എന്റെ മറുപടി കേൾക്കാൻ ഒന്നും നിൽക്കാതെ അവൾ ഫോൺ വെച്ചു ഓടി…. എന്റെ ഒരേയൊരു പെങ്ങളുട്ടി ആണ് കാർത്തിക അച്ഛൻ ഇല്ലാത്ത അവൾക്ക് എല്ലാം ഞാനായിരുന്നു ഒന്നര കൊല്ലം മുൻപ് അവളുടെ കല്യാണത്തിന് വന്നതാ ഞാൻ … അളിയൻ നാട്ടിൽ തന്നെ തയ്യൽ ഷോപ്പ് ആണ് .. ഈ കാര്യം വന്നപ്പോ പ്രവാസി അല്ലെന്ന് അറിഞ്ഞ ഉടനെ കെട്ടിക്കോ ഒന്നും നോക്കണ്ട എന്ന് പറഞ്ഞത് ഞാനാ… അതിന് വീട്ടിൽ മറുവാക്ക് ഇല്ലായിരുന്നു…
ഇത് വരെ മക്കൾ ആയിട്ടില്ല അവർക്ക് ചിലപ്പോ വേണ്ടന്ന് വെച്ചാവും അവൾ ചെറുപ്പമല്ലേ അതാകും എന്നൊക്കെ കരുതി ഞാനാ വിശയം വിട്ടു… അമ്മയ്ക്ക് ഇപ്പൊ നടക്കാൻ തീരെ വയ്യ എന്നോട് പെണ്ണ് കെട്ടാൻ പറഞ്ഞിട്ട് മതിയായി കാണും അവർക്കെല്ലാം ഇപ്പൊ ആരും അക്കാര്യം പറയാറില്ല… രഞ്ജിത്തും കാർത്തികയും അമ്മയുടെ കൂടെ തന്നെ ആയതിനാൽ എനിക്ക് അമ്മ ഒറ്റയ്ക്ക് ആണെന്ന പേടിയും ഇല്ല… കെട്ടാൻ പറയുന്നവരോട് മുപ്പത്തി നാല് കഴിഞ്ഞ എനിക്ക് ഇനിയും സമയം ഉണ്ടെന്ന എന്റെ മറുപടി…. രണ്ട് ലിറ്റർ കള്ളും വാങ്ങി എയർപോർട്ടിന് പുറത്ത് ഇറങ്ങിയ എന്നെ കാത്ത് എല്ലാവരും നിന്നിരുന്നു… അമ്മയെ കൂടി കണ്ടപ്പോ എനിക്ക് സന്തോഷമായി…
“ആഹ് അമ്മയും വന്നോ….??
ഓടി ചെന്ന് ഞാൻ അമ്മയെ കെട്ടിപിടിച്ചു ചോദിച്ചു…
“ഇവൾ സമ്മതിക്കാതെ വന്നതാ മോനെ….”
“പിന്നെ അമ്മയെ ഒറ്റയ്ക്ക് ഇരുത്തി ഈ രാത്രി ഞാൻ ഇങ് വരികയെല്ലേ….”
“അത് ശരിയാ അമ്മേ….”
ഞാൻ കാർത്തികയുടെ ഒപ്പം കൂടി …
“അളിയോ എന്തുണ്ട് ….??
“നല്ലതേ….”
“ഇതാ നേരത്തെ എത്തിയാൽ ഇന്ന് തന്നെ “
കയ്യിലെ കുപ്പി അളിയനെ ഏൽപ്പിച്ചു ഞാൻ പറഞ്ഞു… ഒളികണ്ണിട്ട് നോക്കി കാർത്തിക ചുണ്ട് കോട്ടി പറഞ്ഞു..
