അവൾ എന്നെ പറ്റി നന്നായി മനസിലാക്കിയത് പോലെ തോന്നി, പക്ഷെ എനിക്ക് അവളെ മുഴുവനായും മനസിലാക്കാൻ സാധിച്ചിട്ടില്ല. ഞാൻ എങ്ങോട്ട് വിളിച്ചാലും അവൾ വരും എന്ന രീതിയിൽ ആണ് ഇപ്പൊ, പക്ഷെ വെറുതെ ഒന്ന് നിര്ബന്ധിക്കണം.
മാളിൽ ഒക്കെ എപ്പോഴും പോവുന്നത് കൊണ്ട് അങ്ങോട്ട് ഞങ്ങൾ തീരെ പോകാറില്ല. ഇതിന്ടെ ഇടയിൽ എപ്പഴോ പോയ സ്ഥലങ്ങളിൽ തന്നെ പോയി പോയി അവൾക് ചെറിയ രീതിയിൽ മടുത്തു തുടങ്ങിയിരുന്നു.
“വെറൈറ്റി ആയിട്ട് വേറെ ഒന്നും ഇല്ലേ, ശെരിക്കും ഇരുന്ന് ആലോചിക്, ഞാനും ആലോചിക്കാം.” അവൾ പറഞ്ഞു. ഞങ്ങൾ രണ്ടാളും അവളുടെ ക്യാമ്പസ്സിൽ ഇരിക്കുക ആണ്, ഇന്നും കഫേ പോയി ചായ കുടിക്കാം എന്നായിരുന്നു ഞാൻ കരുതിയത് അപ്പോഴാണ് അവൾക് വെറൈറ്റി ആയിട്ട് എന്തേലും ചെയ്യണം എന്ന് പറഞ്ഞത്.
ആദ്യമായിട്ടാണ് അവൾ ഇങ്ങോട്ട് ഇതുപോലെ ഒരു ആവിശ്യം പറയുന്നത്. പക്ഷെ ബീച്ച് മാൽ അല്ലെങ്കിൽ സിനിമ, ഇതല്ലാതെ മറ്റൊന്നും എന്റെ മനസിലേക്ക് വരുണ്ടായിരുന്നില്ല. അല്ലെങ്കിൽ വല്ല ട്രെക്കിങ്ങിനും പോണം, പക്ഷെ അത് പോലത്തെ സ്ഥലങ്ങൾ ഒന്നും ഇവിടെ അടുത്ത് ഉണ്ടായിരുന്നില്ല. അങ്ങനെ അവസാനം ഒരു ഐഡിയ കിട്ടി, അതിന് മുന്നേ അവൾക് അത് അറിയുമോ ഇല്ലയോ എന്ന് അറിയണം.
“നിനക്ക് നീന്താൻ അറിയുമോ?” ഞാൻ ചോദിച്ചു. അറിയാം എന്ന രീതിയിൽ അവൾ തലയാട്ടി.
“അങ്ങനെയാണെങ്കിൽ എന്റെ കസിന്റെ വീടിന്റെ കുറച്ച് അപ്പുറത്ത് ഒരു കുളമുണ്ട് നമുക്ക് അങ്ങോട്ട് പോകാം. അതാവുമ്പോ കുറച്ച് വെറൈറ്റി ഐഡിയ ആണ് അല്ലാതെ വെറുതെ മാളിൽ പോയി കറങ്ങുന്നത് ബീച്ചിൽ പോയി ഇരിക്കുന്നതോ പോലെയല്ലല്ലോ.” ഞാൻ പറഞ്ഞതും അവൾ ഇരുന്ന് ആലോചിക്കാൻ തുടങ്ങി.
“അല്ല ബുദ്ധിമുട്ടാണെങ്കിൽ വേണ്ട കേട്ടോ ഞാനൊരു ഐഡിയ പറഞ്ഞു എന്ന് മാത്രം.”
” ഐഡിയ ഒക്കെ എനിക്ക് ഇഷ്ടപ്പെട്ടു പിന്നെ ബുദ്ധിമുട്ടുമില്ല എന്നാലും… ഞാനെന്ന എന്റെ ഫ്രണ്ട്സിനെയും കൂടെ വിളിക്കട്ടെ? ” അവൾ ചോദിച്ചു. ഇതിപ്പോ എല്ലാവരെയും കൂടി കെട്ടിയെടുത്തോണ്ട് പോവാ എന്നൊക്കെ പറഞ്ഞ. ഇവരോടൊന്നും വരണ്ട എന്ന് പറഞ്ഞാൽ ഇവളും വരില്ല പിന്നെ സമ്മതിക്കാ എന്ന് അല്ലാതെ എന്റെ മുന്നിൽ വേറൊരു മാർഗ്ഗം ഇല്ലാ.
“ഓ വിളിച്ചോ അതിനെന്താ…” ഞാൻ പറഞ്ഞു.
“അപ്പൊ ഞാൻ അവളെയൊക്കെ വിളിച്ച കാര്യം പറയട്ടെ, നമ്മൾ നാളെ അല്ലെ പോവുന്നെ ??” അവൾ ചോദിച്ചു. ഞാൻ അവൾക് ശെരിയെന്ന രീതിയിൽ തലയാട്ടി. ഇനിയാണ് അടുത്ത ടാസ്ക്. വീടിന്ടെ അടുത്ത് കുളം ഉള്ള കസിൻ നീതു ആണ്, അവളോട് ഇനി എന്ത് പറയും എന്നായിരുന്നു ഞാൻ ആലോചിക്കുന്നത്. ഇത്രെയും പെൺകുട്ടികളുമായി പോവുമ്പോ നീതു കൂടെ ഉള്ളത് ഒരുകണക്കിന് നല്ലതാ. ഇത്രെയും ഒക്കെ സംഭവിച്ചിട്ടും അവളോട് പറയാതെ ഇരുന്നതിന് അവളുടെ വായയിൽ ഇരിക്കുന്നത് ആദ്യം കേൾക്കേണ്ടി വരും.
നീതുവിന്റെ വീട്ടിൽ ഞാനും കിച്ചുവും കൂടി പോയി
“ഡി പ്ളീസ് കുറച് നേരത്തെ കാര്യം മാത്രേ ഉള്ളു ഞാൻ അവരോട് എല്ലാം റെഡി ആണ് എന്ന് പറഞ്ഞു പോയി.” ഞാൻ നീതുനോട് പറഞ്ഞു.
“ഹൃതിക്ക് നീ ആദ്യം കാര്യം എന്താണ് എന്ന് സത്യം പറ, അല്ലാതെ ഇത്രെയും പെൺപിള്ളേരെയും കൂട്ടി ഇങ്ങോട്ട് വരാൻ പറ്റില്ല, ഇതെന്താ വല്ല ലേഡീസ് ഹോസ്റ്റലും ആണോ.”
“നീതു കൂറേ ആൾകാർ ഒന്നും ഇല്ല ഇവന്ടെ ഒരു 3-4 ഫ്രണ്ട്‌സ്, വരുന്നു നമ്മൾ എല്ലാരും കൂടി കുളത്തിൽ പോയി കളിക്കുന്നു തിരിച് പോകുന്നു. നീ സമ്മതിക്കാൻ വേണ്ടി ഞാൻ വേണമെങ്കിൽ ഹൃതികിനെ കൊണ്ട് നിന്ടെ കാൽ പിടിപ്പിക്കാം” കിച്ചു പറഞ്ഞു. എന്തും ചെയാം എന്ന് ഉള്ള എന്റെ മാനസികാവസ്‌തിയെ ഇവൻ നന്നായി തന്നെ ഉപയോഗിക്കുന്നുണ്ടായിരുന്നു, ഇങ്ങോട്ട് വരാൻ കൂട്ട് വിളിച്ചതിനും നീതു ഒന്നും അറിയാതെ ഇരിക്കാനും തന്നെ ഒരു കുഴിമന്തി വാങ്ങികൊടുക്കേണ്ടി വന്നു.
“എന്നാലും പെൺകുട്ടികളോട് സംസാരിക്കുന്നത് പോയിട്ട് അങ്ങോട്ട് ഒന്ന് നോക്കുക പോലും ചെയ്യാത്ത ഇവനെ ഇത് എവിടുന്നാ ഇത്രെയും പെൺകുട്ടികൾ ഫ്രണ്ട്‌സ് ആയിട്ട് ഉള്ളത്.”
“അതൊക്കെ പണ്ടല്ലേ, ഇപ്പൊ ഞാൻ ആ പഴയ ആൾ അല്ല” ഞാൻ പറഞ്ഞു. ഒരുപാട് ഒന്നും സംസാരിക്കാതെ തന്നേ വീട്ടിലേക്ക് വരാൻ ഉള്ള സമ്മതം നീതുവിന്റെ കയ്യിൽ നിന്നും കിട്ടി. അവളും കൂട്ടുകാരികളും വന്ന് കഴിഞ്ഞാൽ ഡ്രസ്സ് മാറാനും വേറെ എന്തെങ്കിലും ആവശ്യത്തിനും ആ പരിസരത്തു ഒന്നും ഇല്ല, അതുകൊണ്ടാണ് നീതുവിനോടെ കാര്യം പറയേണ്ടി വന്നത്.
വളരെ ഉല്ലാസത്തോടെ ഞാൻ അടുത്ത ദിവസം രാവിലെ ഉണർന്നു. കുളത്തിൽ ചാടുമ്പോ ഇടാൻ ഉള്ള ഡ്രെസ്സും തോർത്തും ഒക്കെ ആയിട്ട് ആണ് ഞാൻ വീട്ടിൽ നിന്നും ഇറങ്ങിയത്. ഇറങ്ങിയതും ഇതാ മുറ്റത്ത് ഒരു ഒറ്റമൈന… ദൈവമേ ഇന്ന് ഇനി എന്താണാവോ ഉണ്ടാകാൻ പോവുന്നത്… ഒന്നും സംഭവിക്കില്ല അന്ധവിശ്വാസം ആണ് മൈൻഡ് ആകണ്ട എന്ന് മനസ്സിൽ പറഞ്ഞ് ഞാൻ വീട്ടിൽ നിന്നും ഇറങ്ങി…
വൈകുനേരം ആയതും ഞാൻ അവളുടെ കോളേജിലെക് ചെന്നു, അവളും പ്രിയയും മീരയും ഉണ്ട്, അവളൂടെ ഒരു കൂട്ടുകാരിയെ വീട്ടിൽ നിന്നും വിടത്താതെ കൊണ്ട് വന്നില്ല. ഇനി അങ്ങോട്ട് പോവാൻ രണ്ട് വണ്ടി ആണ് ഉള്ളത്, എന്റെയും അവളുടെയും. അവളുടെ കൂട്ടുകാരികൾ എന്തായാലും എന്റെ പുറകിൽ കേറാൻ ചാൻസ് ഇല്ല അവർ രണ്ടാളും അവളുടെ വണ്ടിയും എടുക്കും, അവൾ എന്റെ പുറകിലും കേറും.
ഞാൻ മുന്നിൽ പോവുന്നു സ്കൂട്ടറിൽ എന്റെ പിന്നാലെ ഇവർ വരുന്നു എന്നായിരുന്നു പ്ലാൻ. ഞാൻ വണ്ടി സ്റ്റാർട്ട് ആക്കിയതും അവൾ എന്റെ പുറകിൽ കേറി, എന്റെ തോളിൽ ഒരു കൈ വെച്ചു, നെയിൽ-പോളീഷ് ചെയ്ത് സുന്ദരമായ കൈകൾ, അവൾ കാണാൻ ഞാൻ പുറകിലേക്ക് തിരിഞ്ഞപോ ആണ് മനസ്സിലായത് അത് പ്രിയ ആയിരുന്നു എന്ന്. ഒരു ഞെട്ടലോടെ ഞാൻ അവളെ നോക്കി ചിരിച്ചു പ്രിയാ എന്നെയും നോക്കി ചിരിച്ചു.
“പോവാം” സ്കൂട്ടറിൽ ഇരുന്ന് അവൾ പറഞ്ഞു. അവൾ പ്രിയയോട് തോളിൽ നിന്ന് കൈ എടുക്കാൻ കണ്ണുകൾ കൊണ്ട് പറഞ്ഞു. അവളോട് ശെരി എന്നും പറഞ്ഞ് ഞങ്ങൾ വണ്ടി മുൻപിലോട്ട് എടുത്തു. പോകുന്ന വഴിക്ക് പ്രിയാ കൂറേ വർത്തമാനം പറഞ്ഞു
“സോറി, എനിക്കും മീരക്കും വണ്ടി ഓടിക്കാൻ അറിയില്ല, അറിയാമായിരുനെകിൽ അവളെ നിന്ടെ വണ്ടിയിൽ കെട്ടിയേനെ.”
“അത് സാരമില്ല”
“പിന്നെ ഒരു കാര്യം കൂടി ഉണ്ട് ഞങ്ങൾ രണ്ടാൾക്കും നീന്താനും അറിയില്ല അവൾക് മാത്രമേ നീന്താൻ അറിയൂ”
“അയ്യോ, അല്ല ഈ അവൾ എന്ന് പറയുമ്പോ…”
“ആ… ഓ… ഞാൻ ഇപ്പൊ അവളുടെ പേര് പറഞ്ഞ് പോയേനെ, കൊള്ളാലോ നീ” പ്രിയ മറുപടി തന്നു. പെട്ടന് ചോദിക്കുമ്പോ അറിയാതെ പേര് പറഞ്ഞ് പോയാലോ എന്ന് കരുതി ഇട്ട നമ്പർ ഫ്ലോപ്പ് ആയി.
“എന്തായാലും എന്റെ പേര് പ്രിയാ.”
“ഓ നിങ്ങൾക്ക് ഒക്കെ പേര് ഉണ്ടല്ലേ. എന്റെ പേരും പിന്നെ പറഞ്ഞ മതിയെന്നാണ് അവൾ പറഞ്ഞത്.”