“ഇനി കഴിക്കുമ്പോൾ ഞാൻ കൊടുക്കും” അവൾ പറഞ്ഞു.
“ഇനിയും നമ്മൾ ഇതുപോലെ കഴിക്കുന്നുണ്ടോ?” ഞാനും ചുമ്മാ ചോദിച്ചു.
“താല്പര്യം ഇല്ലെങ്കിൽ വേണ്ട” അവൾ പെട്ടെന്ന് മുഖം തിരിച്ചു.
“താല്പര്യം ഒന്നും കുഴപ്പം ഇല്ലാ, ഏതായാലും പരിചയത്തിൽ ഒരു ഡോക്ടർ കൂടി ഉള്ളത് നല്ലതല്ലേ”
ഞങ്ങളുടെ അങ്ങനെ സംസാരിച്ചുകൊണ്ട് ബി ബ്ലോക്കിൽ എത്തി.
ചേച്ചി അപ്പോഴും ഇറങ്ങിയിട്ടില്ല എന്ന് അറിഞ്ഞപ്പോൾ ഇന്നിനി വെയിറ്റ് ചെയ്യണ്ട എന്ന് ഞാനും തീരുമാനിച്ചു. പക്ഷെ നവ്യയോട് സംസാരിച്ചു ഇരുന്നപ്പോൾ കുറച്ചു നേരം കൂടി ഇരിക്കാം എന്നും ഒരു തോന്നൽ.
അവൾ പിന്നീട് എന്നെ കുറിച്ച് ഓരോന്ന് ചോദിച്ചു. അങ്ങനെ അങ്ങനെ ഗേൾ ഫ്രിണ്ട് ഉണ്ടോ എന്ന് വരെ എത്തി
“ഇതുവരെ ഇല്ലാ” ഞാൻ അവളുടെ ആ ചോദ്യത്തിന് മറുപടി പറഞ്ഞു.
“കള്ളം പറയല്ലേ. നിനക്ക് ഇതുവരെ ഇല്ലാതെ ഇരിക്കില്ലല്ലോ. ആരോടും നിനക്കും തോന്നിയിട്ടില്ലേ”
അത് കേട്ടപ്പോൾ പെട്ടെന്ന് മെറിൻ ചേച്ചിയുടെ മുഖം ആണ് എനിക്ക് ഓർമ വന്നത്.
“ഇല്ല. പിന്നെ നിന്നെ ഇപ്പോൾ അല്ലേ കണ്ടത്. ഇനി നോക്കാം”ഞാൻ വെറുതെ ഒരു ഡയലോഗ് അങ്ങ് ഇട്ടു.
“എന്നാ വാ. ഇപ്പൊ തന്നെ കറങ്ങാനും പോയേക്കാം”
അവൾ ചാടി എഴുന്നേറ്റു.
ദൈവമേ മൂർഖൻ പാമ്പിനെ ആണല്ലോ ചവിട്ടിയത്.
“ഞാൻ നെഞ്ചത്ത് കൈ വെച്ചു പറഞ്ഞു”
“നിനക്ക് പ്രണയം ഒന്നും ഇല്ലേ” എനിക്കും അത് അവളോട് ചോദിക്കണം എന്ന് തോന്നി.
“ഇല്ലെടാ. നീയും ഇപ്പോൾ അല്ലേ വന്നേ” അവളും അതെപോലെ തിരിച്ചു എനിക്കിട്ടും കൊട്ടി.
“ഒക്കെ എന്നാൽ വാ വണ്ടിയിൽ കേറിക്കോ ഇപ്പോൾ തന്നെ പോയേക്കാം” അവൾ പറഞ്ഞ പോലെ ഞാനും പറഞ്ഞു.
“പോയെടാ. നിന്റെ ചേച്ചി അറിഞ്ഞാൽ കൊല്ലും”അവളുടെ മറുപടി കേട്ടു ഞാൻ ഒന്ന് ഞെട്ടി.
“അപ്പൊ ചേച്ചി അറിഞ്ഞില്ലെങ്കിൽ കുഴപ്പം ഇല്ലല്ലേ”
ഇവളെ അങ്ങനെ വിടാൻ എനിക്കു തോന്നിയില്ല. ഞാനവളെ മുഴുവനായും ഒന്ന് അടിമുടി നോക്കി. മെലിഞ്ഞ ശരീര പ്രകൃതം ആണ്. സായി പല്ലവി ഒക്കെ പോലെ തനി നാടൻ ഭംഗി. സൗണ്ടും അതുപോലെ തന്നെ ആണ് ഏകദേശം. എന്റെ നോട്ടം കണ്ടു അവൾ ചാടി എഴുന്നേറ്റു നിന്നു.
നീ ഫുൾ നോക്കിക്കോ, എന്ന് പറയുന്നപോലെ കൈ വിടർത്തി പിടിച്ചു.
“ഇരിക്കടി അവിടെ” ഞാൻ അവളെ ബലമായി പിടിച്ചു ഇരുത്തി.
“നിനക്ക് എന്നെ ഫുൾ നോക്കാൻ സൗകര്യത്തിന് നിന്നതാ”
നീ ശെരിക്കും ലൂസ് ആണോ. ഇനി ഇവിടെ മെന്റൽ വാർഡിൽ നിന്ന് ചാടി വന്നതാണോ.
“ഡാ. നിനക്ക് ഒരു ഉപകാരം ചെയ്തപ്പോൾ നീ എന്നെ വട്ടു കേസ് ആകുന്നോ? ഞാൻ പോകുവാ”അവൾ എഴുന്നേറ്റു നടന്നു.
“നീ പോകല്ലേ. ഞാൻ കണ്ടു തീർന്നില്ല”
അവളെ ഞാൻ വീണ്ടും പിടിച്ചു ഇരുത്തി.
“ഡാ മതി നോക്കിയത് ഞാൻ ഒരു തമാശക്ക് ചെയ്തതാ.” എന്റെ നോട്ടം സഹിക്കാൻ വയ്യാതെ അവൾ ഷാൾ അൽപ്പം ഇറക്കി ഇട്ടു.
“നശിപ്പിച്ചു” അത് കണ്ടു ഞാൻ പറഞ്ഞു.
“നിനക്ക് നല്ല ധൈര്യം ആണല്ലോ” എന്നെ ഒരു മാതിരി നോട്ടം നോക്കി ആണ് അവൾ പറഞ്ഞത്.
“നിന്റെ ചേച്ചി പറഞ്ഞത് പോലെ അത്ര പാവം അല്ല നീ”
“ഞാൻ പാവം ഒക്കെ തന്നെ ആണേ. പക്ഷെ നിന്നോട് ഇപ്പോൾ കുറച്ചു നേരം കൊണ്ട് ഒരു പ്രത്യേക അടുപ്പം.”
തമാശ പോലെ ആണെങ്കിലും എനിക്കും ഇതിൽ രസം പിടിച്ചു തുടങ്ങിയിരുന്നു..
പിന്നെ ഞാൻ പതുക്കെ ചിരിച്ചു അപ്പോൾ ആണ് ഞാൻ പറഞ്ഞത് തമാശ ആണെന്ന് അവൾക്കു മനസ്സിലായത്.
“വേണ്ട മോനെ നിന്റെ അടവൊക്കെ മനസ്സിൽ ഇരുന്നാൽ മതി, ചേച്ചിയെ ഞാൻ ഇന്ന് കാണട്ടെ”
അവൾ എന്നെ ഒന്ന് ആക്കി പറഞ്ഞു.
“നീ ഒന്നും പറയില്ല” നമുക്ക് ഇങ്ങനെ തമാശ ഒക്കെ പറഞ്ഞു പോകാം.
എന്തോ ഇവളുടെ അടുത്ത് എനിക്ക് ഇങ്ങനെ പറയാൻ ആണ് തോന്നുന്നത്.
അപ്പോഴേക്കും ചേച്ചി പുറത്തേക്കു വന്നു.
പിന്നെ അവൾ ഞങ്ങളോട് സംസാരിച്ചു കുറിച്ചു നേരം ഇരുന്നിട്ട് വീണ്ടും അകത്തേക്ക് പോയി.
അപ്പോൾ ശെരിക്കും ഇവൾ എനിക്ക് കമ്പനി തരാൻ വേണ്ടി ഇരുന്നത് തന്നെ ആണ്. അതും ചേച്ചി പറഞ്ഞിരുന്നു ഞാൻ ഫോൺ വിളിച്ചാൽ പറയണം എന്നും ഫുഡ് കോർട്ട് ഒക്കെ കൊണ്ടുപോയി കാണിക്കണം എന്നും. പക്ഷെ ഇത്രേം നേരം ഇവൾ ഇരുന്നത് ഇവൾക്ക് ഇരിക്കാൻ താല്പര്യംഉള്ളത് കൊണ്ട് തന്നെ ആണ്.
“നിന്റെ നമ്പർ പറ” ഞാൻ അവളോട് ചോദിച്ചു
“എന്തിനാടാ രാത്രി വിളിക്കാനാണോ.?”
തമാശ ആണെങ്കിലും ഈ സംസാരം ഞങ്ങൾ രണ്ടു പേരും ആസ്വദിക്കുന്നുണ്ട്.
“അതെ വീഡിയോ കാൾ”
ഞങ്ങളുടെ ഈ സംസാരം എല്ലാം ഇപ്പോൾ സീരിയസ് ആണോ വെറും ഡയലോഗ് ആണോ എന്ന് മനസ്സിലാക്കാൻ പറ്റാത്ത പോലെ ആയിരുന്നു രണ്ടുപേരും..
അവൾ എനിക്ക് നമ്പർ തന്നു. ഞാൻ അവളെ പക്ഷെ അപ്പോൾ വിളിച്ചില്ല ഫോൺ ഇപ്പോൾ ചേച്ചിയുടെ കയ്യിലും ആണ്.
എന്നിട്ട് പിന്നെ കാണാം എന്ന് പറഞ്ഞു വേഗം അവിടെ നിന്ന് ഞാൻ പൊന്നു. അത് അവൾക്കും ഒരു സർപ്രൈസ് ആയി കാണും.