ഭഗവതിയുടെ മുഹബ്ബത്ത് – 1

വീടിന് തൊട്ടടുത്തായതിനാൽ അച്ചു സമയം കിട്ടുമ്പോഴെക്കൊക്കെ അമ്മായിയുടെ വീട്ടിലേക്ക്ഓടികിതച്ചെത്തും..എങ്കിലും അവളും അരുണുമായുള്ള വിവാഹം ഉറപ്പിച്ചതുകൊണ്ട് എല്ലാവർക്കും അവരുടെ മേൽഒരു കണ്ണുണ്ട് താനും..എങ്കിലും എല്ലാവരുടെ കാര്യത്തിലും അവൾ ഇടപെടും…
നീ എന്തൊക്കെയാ അച്ചു പറയുന്നത് പാത്രങ്ങൾ കഴുകുന്നതിനിടയിൽ ഭാനു അവളോടായി ചോദിച്ചു…
അല്ല അമ്മായി ഇന്ന് പുറത്തേക്ക് പോയി വന്ന ശേഷം ചേച്ചിക്ക് വല്ലാത്ത മാറ്റം നമ്മൾ ഒന്നും അങ്ങോട്ട്പറയുന്നത് കേൾക്കുന്നില്ല…ഇങ്ങോട്ട് ഉത്തരം പറയണേൽ തന്നെ രണ്ട് മൂന്ന് തവണ ചോദിക്കണം…എന്തോപെണ്ണിനൊരു മാറ്റമൊക്കെയുണ്ട്….
അതുപിന്നെ അവൾ കുറേ നാളുകൾക്ക് ശേഷം പുറത്തിറങ്ങിയതല്ലേ…അതും ഒരു കല്യാണത്തിന്… പഴയകാര്യങ്ങളൊക്കെ ഓർത്തിട്ടുണ്ടാവും എന്റെ കുട്ടി…അവൾ അത്രക്കും അനുഭവിച്ചതല്ലേ..ഒലിച്ചിറങ്ങിയ കാണുനീർഭാനു സാരി തലപ്പുകൊണ്ട് തുടച്ചു…
എന്റെ ഭാനുവമ്മേ….അച്ചു ഭാനുവിന്റെ പിന്നിലൂടെ ചെന്ന് കെട്ടിപിടിച്ചു…ഇത് അതുപോലെയല്ല..വല്യസങ്കടമൊന്നും പോലെ തോന്നിയില്ലെന്നേ…എന്തോ ചിന്തിക്കുന്നതാണ് പക്ഷേ അത് പോയകാര്യങ്ങളെകുറിച്ചല്ല…ഭാവിയെ പട്ടിയാണെന്നാ എനിക്ക് തോന്നുന്നേ…എന്തായാലും ഇത്തിരി കഷ്ടപെട്ടിട്ടാണെങ്കിലും ഞാൻകണ്ടുപിടിക്കും…
ആണോ കാ‍ന്താരി ശരിട്ടാ…പിന്നെ സി. ഐ. ഡി യുടെ വീട്ടിലെ പണിയൊക്കെ കഴിഞ്ഞാവോ അല്ലേൽഅമ്മായി ഓഫീസിൽ നിന്ന് വരുമ്പോൾ പിന്നെയൊന്നും കണ്ടുപിടിക്കേണ്ടി വരില്ല ആരതി അച്ചുവിന്റെചെവിയിൽ പിടിച്ചുകൊണ്ട് പറഞ്ഞു..
അച്ചു ഒരു ചമ്മലോടെ ആരതിയെ നോക്കി കൊണ്ട് ഓടിപോയി…ഈ കാന്താരിയുടെ ഒരു കാര്യം…അത്പറഞ്ഞ് രണ്ടാളും കൂടി ചിരിച്ചു…
കുറച്ചുനേരത്തിന് ശേഷമാണ് ചേച്ചി എന്നുള്ള വിളി കേട്ട് ആരതി അടുക്കളയിൽ നിന്ന്പുറത്തിറങ്ങിയത്..നോക്കുമ്പോൾ അച്ചു ആരതിയെയും നോക്കികൊണ്ട് മുകളിലെ പടിയിൽനിൽക്കുന്നുണ്ട്..മുഖത്ത് എന്തോ കണ്ടുപിടിച്ച പോലെ നിറഞ്ഞ ചിരിയുണ്ട്….
ചേച്ചി ഈ വിസിറ്റിങ് കാർഡ് ആര് തന്നതാണ്…അല്ല ഇന്നലെ വരെ ഇത് മേശമേൽഉണ്ടായില്ലല്ലോ..അവൾ ആക്കി ചോദിച്ചു…
അമ്മായിയുടെ മകൾ എന്നതിനുപരി ഈ കാ‍ന്താരി തന്റെ നല്ല കൂട്ടുകാരിയാണ്..മുമ്പെങ്ങോ തനിക്ക് ഒരുപ്രണയമുണ്ടെന്നും അത് തികച്ചും വൺവേ ആണെന്നും ആളുടെ പേര് ഷാഹിർ എന്നാണെന്നുമൊക്കെ അവളോട്പറഞ്ഞത് ആരതി ഓർത്തെടുത്തു..പിന്നെയും അവളോട് പാടിയിട്ടുണ്ട് ആളോട് തോന്നിയ ആരാധനയും സകലകാര്യങ്ങളും…
ഇനി എന്ത് പറഞ്ഞിവളെ പറ്റിക്കുമെന്നോർത്ത് ആരതി നിന്ന് പരുങ്ങി..അച്ചുവിന്റെ ചുണ്ടിലപ്പോഴും എല്ലാംനേടിയെടുത്ത പോലെ ഒരു ചെറുചിരി വിരിഞ്ഞു….
*********************************************
ഇനി എന്ത് പറഞ്ഞിവളെ പറ്റിക്കുമെന്നോർത്ത് ആരതി നിന്ന് പരുങ്ങി..അച്ചുവിന്റെ ചുണ്ടിലപ്പോഴും എല്ലാംനേടിയെടുത്ത പോലെ ഒരു ചെറുചിരി വിരിഞ്ഞു….
അവൾ പടികൾ ഓരോന്നായി ഇറങ്ങി വരികയാണ്..തന്റെ മുഖതെന്തോ ആവശ്യമില്ലാത്ത ഒരു നാണവും തളംകെട്ടിയിരിക്കുന്നു..വല്ലാത്ത വെപ്രാളവും…നിന്നു പരുങ്ങുന്ന ആരതിയെ നോക്കി അച്ചു കണ്ണിറുക്കി..ആരതിക്ക്ചുറ്റും നിന്ന് അച്ചു വലം വക്കുകയാണ്…”പറയാത്ത മൊഴികൾ തൻ ആഴത്തിൽ മുങ്ങി പോയ്‌പറയുവാനാശിച്ചതെല്ലാം നിന്നോട് പറയുവാനാശിച്ചതെല്ലാം… “ബിജു നാരായണനും ചിത്രയും പാടിയ പാട്ട്സാമാന്യം മോശമായ രീതിയിൽ തന്നെ പാടി കുളമാക്കുകയാണ് കക്ഷി…അതുകൂടിയായപ്പോൾ ആരതിയുടെമുഖത്ത് ചിരിയാണ് വന്നത്…
നീ എന്താടി ഈ പാടുന്നത്…ഈ പാട്ട് ഇങ്ങനെയും പാടാമോ..
ചേച്ചി അത് വിട് പാട്ടല്ലല്ലോ ഇവിടുത്തെ വിഷയം…നമുക്ക് കാര്യത്തിലേക്ക് കടക്കാം…
എന്ത് കാര്യം…കൃത്രിമദേഷ്യം മുഖത്ത് വാരി നിറച്ചുകൊണ്ട് ആരതി കണ്ണുരുട്ടി….
കണ്ണുരുട്ടി എന്നെ പേടിപ്പിക്കൊന്നും വേണ്ട..ഇതെവിടുന്നു കിട്ടിയെന്ന് എനിക്കിപ്പോൾ അറിയണം…വേഗംപറഞ്ഞോ…
അപ്പോഴാണ് അരുണിന്റെ ബൈക്കിന്റെ ശബ്ദം കേട്ടത്…ആരതി വേഗം വിഷയം മാറ്റി…
ഇതിനല്ലേ പെണ്ണെ ഈ നേരത്തെന്നും നീ ഇങ്ങോട്ട് വരുന്നേ… ഇതൊന്നും അത്ര നല്ലതല്ലാട്ടോ…
എന്തിന്…അച്ചു നാണത്താൽ താഴേക്ക് നോക്കി..
എന്തിനെന്നോ എന്റെ അനിയനെ കാണാൻ…പിന്നെ..പിന്നെ… ഞാനൊന്നും കാണുന്നില്ലെന്ന്കരുതണ്ട…കണ്ട ഭാവം നടിക്കാത്തതാ..ആരതി തല താഴേക്ക് ഇട്ടു നിൽക്കുന്ന അച്ചുവിനെ നോക്കി മനസ്സിൽചിരിച്ചു…പിന്നെ വല്ലാതെ സാമർഥ്യം കാട്ടിയാൽ ഞാൻ കണ്ടതൊക്കെ അമ്മയോടും അച്ഛനോടും എല്ലാവരോടുംപറയും…പിന്നെ എന്റെ പൊന്നുമോൾ കല്യാണം കഴിയാതെ ഈ വീട് കാണില്ല…
അച്ചു പരിഭവ ഭാവത്തിൽ ആരതിയെ നോക്കി….ചേച്ചി എന്തു കണ്ടെന്നാ അവൾ നിന്ന് ചിണുങ്ങി…നിന്ന്കൊഞ്ചാതെ പോയിരുന്ന് രണ്ടക്ഷരം പഠിക്ക് പെണ്ണെ..അച്ചുവിന്റെ കയ്യിൽ നിന്നും കാർഡ് തട്ടിപ്പറിച്ചു കൊണ്ട്ആരതി മുകളിലേക്കോടി…
എന്നെ പറ്റിച്ചെന്നൊന്നും കരുതണ്ട… ഞാൻ പൊക്കിക്കോളാം ട്ടാ…അച്ചു ഉറക്കെ വിളിച്ചു പറഞ്ഞു….

ഓ ആയിക്കോട്ടെ രാജകുമാരി ആരതി ഓടുന്നതിനിടയിൽ പറഞ്ഞു…
പെണ്ണിനിത്തിരി ഇളക്കം കൂടുന്നുണ്ട്…എന്നോട് പഴയതുപോലെ ഒന്നും പറയുന്നുമില്ല…അച്ചു പിറുപിറുത്തു….
അപ്പോഴാണ് അരുൺ അവിടേക്ക് കയറി വന്നത്….അച്ചു ഒരു വളിച്ച ചിരി ചിരിച്ചു…
എടീ പഠിക്കാനൊന്നുമില്ലേ…സ്റ്റഡി ലീവാണ്..നടപ്പും കളിയും ചിരിയും കണ്ടാൽ തോന്നും എല്ലാം കഴിഞ്ഞ്ജോലിയും കിട്ടീന്ന്…ഡിഗ്രി രണ്ടാം വർഷമാണ് എന്നിട്ടും പക്വത വരാതെ അങ്ങോട്ടും ഇങ്ങോട്ടും നടപ്പ് തന്നെ…
എപ്പോ കണ്ടാലും ഇത് തന്നെ പഠിക്ക് പഠിക്ക്….ഇതുകണ്ടിട്ടാണല്ലോ ഭഗവാനെ എന്തൊക്കെയോ കണ്ടെന്ന് ആമഹാപാപി പറഞ്ഞത് അച്ചു പിറുപിറുത്തു…
എന്താടി പിറുപിറുക്കുന്നെ….അരുണിന്റെ ശബ്ദം കാതിലെക്കെത്തിയപ്പോഴാണ് അച്ചു ചിന്തയിൽനിന്നുണർന്നത്..എവിടെ….??
എന്ത്..അരുൺ പുരികം ഉയർത്തി കൊണ്ട് ചോദിച്ചു….എന്റെ പതിവ്….അവൾ ചോദിക്കുമ്പോൾ ഒരു ഡയറിമിൽക്ക് അവളുടെ കയ്യിലേക്ക് വച്ചുകൊടുത്തു…
വെറുതെയല്ല നിനക്ക് കുട്ടിക്കളി മാറീട്ടില്ലെന്ന് ഞാൻ പറയണേ..
പിന്നെ കുട്ടികൾ മാത്രമല്ലെ ചോക്ലേറ്റ് കഴിക്കുന്നേ…അവൾ കവർ തുറന്ന് ഒരു കഷ്ണം ചോക്ലേറ്റ് അരുണിന്റെവായിൽ വച്ചുകൊടുത്തു…ഒരു മുത്തം അവന്റെ കവിളിൽ നൽകാൻ തുടങ്ങിയതും അവൾ ആരതിയുടെവാക്കുകൾ ഓർമിച്ചു…എന്റമ്മോ ഇവിടെ ചുവരിന് വരെ കണ്ണുണ്ടെന്നാ തോന്നണേ എന്തായാലും ചേച്ചിയുടെമനസ്സ് അറിഞ്ഞതിനുശേഷം കളിയും ചിരിയുമൊക്കെ മതി..അല്ലേൽ താൻ ചോദിക്കുമ്പോഴൊക്കെ തന്നെ ബ്ലാക്ക്മെയിൽ ചെയ്യും…അവൾ എന്തോ ഓർത്തപോലെ ഓടിപോയി…
ഇവൾക്കിത് എന്ത് പറ്റിയെന്നോർത്ത് അരുൺ അന്തം വിട്ട് നോക്കി നിൽക്കുന്നുണ്ടായിരുന്നു….
🌸🌸🌸🌸🌸🌸🌸🌸🌸🌸🌸🌸🌸🌸
ഇരുട്ട് നീങ്ങുന്നേയുള്ളൂ…പല വീടുകളും ഇനിയും ഉണരാതെ അവിടമാകെ ഇരുട്ട് തളം കെട്ടികിടക്കുന്നുണ്ട്…കിളികളുടെ കളകൂജനങ്ങൾ ചുറ്റുനിന്നും കേൾക്കാം…ഇരുവശങ്ങളിലും നെൽക്കതിർ പൂത്തുനിൽക്കുന്നുണ്ട്…അതിന് നടുവിലായുള്ള ചെമ്മൺ പാതയിലൂടെ ആരതിയും അച്ചുവും നടന്നു നീങ്ങി..
കറുത്ത കരയുള്ള സെറ്റ്മുണ്ടിൽ സുന്ദരി
ആയിരുന്നു ആരതി..രണ്ടാളും സംസാരിച്ചു കൊണ്ടാണ് നടക്കുന്നത്..അച്ചുവിന്റെ കലപില ശബ്ദമാണ്അധികമായി കേൾക്കുന്നത്..
നീയെന്താടി പട്ടുപാവാടയിൽ നിന്ന് പെട്ടെന്ന് ധാവണിയിലേക്ക് മാറിയത്..എന്റെ അനിയനെ കൊണ്ട് പെട്ടെന്ന്കെട്ടിക്കാൻ വല്ല പ്ലാനും ഇട്ടിട്ടുണ്ടോ…അത് കേട്ടപ്പോൾ തന്നെ അച്ചുവിന്റെ മുഖത്ത് നാണത്തിന്റെ ഒരായിരംപൂക്കൾ ഒരുമിച്ച് വിരിഞ്ഞു…
ഓ അതൊന്നുമല്ല ചേച്ചി..വർഷം പോകുന്നെന്നേയുള്ളൂ..ഇപ്പോഴും ഞാൻ കുട്ടിയാണെന്നാ പലരുടെയുംവിചാരം..വേഷത്തിൽ മാറ്റം വരുത്തിയാലെങ്കിലും പക്വത തോന്നിയാലോ…അവൾ വിഷമത്തിൽ പറഞ്ഞു..
എന്നാൽ പിന്നെ നീ സാരിയുടുത്തിട്ടും കാര്യമില്ല..എന്താ പറഞ്ഞെ.. അച്ചു ആരതിയെ ഒന്ന് ചെവിയിൽപിടിച്ചു…രണ്ടാളും കൂടെ ചിരിച്ചു..
ഇന്ന് ചേച്ചിയുടെ പിറന്നാളൊക്കെ തന്നെ എങ്കിലും എന്തിനാ ഇത്ര നേരത്തേ അമ്പലത്തിൽ വരുന്നേ..അച്ചുകോട്ടുവായിട്ടു…തിരുമേനി വന്നോ എന്തോ…
അമ്പലത്തിൽ പിന്നെ ഉച്ചക്കാണോടി വരുന്നേ…ഇങ്ങനൊരു ഉറക്കപ്രാന്തി…ആരതി അവളെനോക്കികണ്ണുരുട്ടി…
ആരതിക്ക് ഏറ്റവും ഇഷ്ടപെട്ട ശിവനെയും പാർവതിയെയും തൊഴുതു..എല്ലാവർക്കും നല്ലതുവരണേയെന്ന്പതിവുപോലെ ആരതി പ്രാർത്ഥിച്ചു..എന്റെ ചേച്ചിയുടെ സങ്കടങ്ങളൊക്കെ മാറണെ..ഒരു നല്ല ജീവിതം ചേച്ചിക്ക്കിട്ടണേയെന്ന് അച്ചുവും പ്രാർത്ഥിച്ചു…അമ്പലത്തെ വലം വച്ച് പുറത്തിറങ്ങി…
വയൽക്കരയിൽ അടുത്തെത്താറായപ്പോഴാണ് അവർക്ക് മുൻപിൽ ഒരു കാർ വന്ന് നിന്നത്…കാറിൽ നിന്ന്ഇറങ്ങുന്ന ആളെ കണ്ട് ആരതി അവിടെ സ്തംഭിച്ച് നിന്നുപോയി…
ഭഗവാനെ ഷാഹിർ ..ഇന്നലെ ഇവളോട് എന്തൊക്കെയോ പറഞ്ഞ് വിഷയം മാറ്റിയതേയുള്ളൂ..ഷാഹിർ തന്നെകാണുകയും ചെയ്തു.. ഇനി മിണ്ടാതെ എങ്ങനെ പോവും…മിണ്ടിയാൽ അച്ചുവിന്റെ ചോദ്യത്തിനൊക്കെ മറുപടിനൽകേണ്ടി വരും തനിച്ചായതുകൊണ്ട് ഒഴിഞ്ഞുമാറാനും കഴിയില്ല…കുറച്ചുനേരം ആരതി നിന്ന്വിയർത്തു..പിന്നെയാണോർത്തത് ഞങ്ങൾ തമ്മിൽ ഒന്നുമില്ലല്ലോ പിന്നെയെന്തിനാണ് ഇങ്ങനെപരിഭ്രമിക്കുന്നതെന്ന്…
അടുത്തെത്തിയതും അവന്റെ നോട്ടം ആരതിക്കുനേരെയായി..ആരതി എന്തുപറയണമെന്നറിയാതെനിന്നു..അച്ചു ആരതിയെയും അവനെയും ഒന്നും മനസ്സിലാവാതെ നോക്കി…
കുറച്ചുനേരത്തെ മൗനത്തിന് ശേഷം…അച്ചുവിന് അവനെ പരിചയപെടുത്താനായി…ആരതി..ഇത്… ഇത്… എന്ന്പറഞ്ഞുവെങ്കിലും വാക്കുകൾ കിട്ടാതെ നിന്ന് പരങ്ങുന്നുണ്ടായിരുന്നു…പ്രതീക്ഷിക്കാതെ അവനെ കണ്ടതിലുള്ളഅമ്പരപ്പും ആരതിയിൽ നിന്നും വിട്ടു മാറിയിട്ടുണ്ടായില്ല…
അവൻ പുഞ്ചിരിച്ചുകൊണ്ട് അച്ചുവിന് ഷേക് ഹാൻഡ് നൽകി…ഹലോ ഞാൻ ഷാഹിർ …
ഞാൻ അർച്ചന.. അവളുടെ വാക്കുകൾ ഇടറുന്നുണ്ടായിരുന്നു…അച്ചുവിന്റെ കണ്ണുകൾ ബുൾസൈ പോലെപുറത്തേക്ക് തള്ളി..ഷാഹിർ …അച്ചു പതുക്കെ പറഞ്ഞു…മഹാരാജാസിൽ പഠിച്ച…അച്ചു അവനെ നോക്കിചോദിച്ചു..അതേ…ഷാഹിർ ചിരിച്ചുകൊണ്ട് മറുപടി പറഞ്ഞു…ഓറിയോൺ ഗ്രൂപ്പ്‌ ഓഫ് കമ്പനിയുടെ എം. ഡിആണോ അവൾ വീണ്ടും ചോദിച്ചു…അതേടോ…
എന്തെ തനിക്ക് എന്നെ അറിയോ…
ആ ചേച്ചി പറഞ്ഞിട്ടുണ്ട്…അച്ചു ആരതിയെ നോക്കികൊണ്ട് യാദൃച്ഛികമായി ഉത്തരംനൽകി..എന്നെകുറിച്ചോ…അവൻ വിശ്വാസമാവാത്ത പോലെ ചോദിച്ചു…
അത്…അതുപിന്നെ…അന്ന്..അന്ന് കല്യാണത്തിന് കണ്ടില്ലേ ആ കാര്യം പറഞ്ഞതാ…ആരതിപറഞ്ഞൊപ്പിച്ചു…എന്നാൽ ശരി ആരതി അച്ചുവിന്റെ കൈ പിടിച്ച് വലിച്ചു…
മുന്നോട്ട് നീങ്ങിയതും അച്ചുവൊന്ന് കുതറി മാറി പിന്നോട്ട് നോക്കി അപ്പോഴും അവൻ അവർ പോവുന്നതുംനോക്കി നിൽക്കുണ്ടായിരുന്നു…അച്ചു നോക്കിയതും ഷാഹിർ മുന്നോട്ട് പോവാനൊരുങ്ങി…അതേ ചേട്ടാ അച്ചുവിളിച്ചു…
ചേട്ടന്റെ വീട് ഇവിടെ അടുത്താണോ…
ആ ഇപ്പോൾ ഞങ്ങൾ ഇവിടെ അടുത്തൊരു വീട് വാങ്ങി…ഒന്നര മാസമായി ഇങ്ങോട്ട് താമസംമാറിയിട്ട്…സിറ്റിയിലെ തിക്കുംതിരക്കും മതിയായെടോ..ഇനി ഗ്രാമത്തിന്റെ വിശുദ്ധിയിൽ കുറച്ചുകാലംകഴിയണമെന്ന് തോന്നി…ആരതിയെ നോക്കിയാണ് മറുപടി നൽകിയത്…ആ..ആ… അച്ചു സ്വപ്നലോകത്തെന്നപോലെ മറുപടി നൽകി…കൂടുതലൊന്നും അച്ചുവിനെ ചോദിക്കാൻ അനുവദിക്കാതെ ആരതി അവളുടെകയ്യിന്മേൽ പിടിച്ച് വലിച്ചുകൊണ്ട് വേഗത്തിൽ നടന്നു…
പിന്നിലേക്കൊന്ന് തിരിഞ്ഞു നോക്കാൻ അവളെറെ കൊതിച്ചുവെങ്കിലും അതിനുള്ള ധൈര്യം ഉണ്ടായില്ല…
എങ്ങനെ നോക്കും …അച്ചു എന്ത് വിചാരിക്കും അതായിരുന്നു അവളുടെ ചിന്ത …..
🌸🌸🌸🌸🌸🌸🌸🌸🌸🌸🌸🌸🌸🌸🌸
ആരതിയുടെ സങ്കടമൊക്കെ കുറച്ചു നേരത്തേക്കെങ്കിലും മാറ്റി ആ മുഖത്ത് സന്തോഷം എങ്ങനെയെങ്കിലുംനിറക്കാനുള്ള തിടുക്കത്തിലാണ് വീട്ടുകാർ…
ആരതിയും അച്ചുവും അമ്പലത്തിൽ നിന്നും തിരിച്ചുവന്നതും ആവുന്ന രീതിയിലൊക്കെ വീട്അലങ്കരിച്ചിരുന്നു…ആരതി വീട്ടിലേക്ക് കയറിയതും എല്ലാവരും “ഹാപ്പി ബർത്ത് ഡേ ടു യു “എന്ന് ഉറക്കെ പാടാൻതുടങ്ങി…
ശേഷം അവൾ കേക്ക് മുറിച്ചു..എല്ലാവരുടെ വായിലേക്കും മധുരം പകർന്ന് നൽകി..അരുണും അച്ചുവും അവളുടെമുഖത്തേക്ക് ക്രീം കേക്ക് വച്ച് തേക്കാനുള്ള തിരക്കിലായിരുന്നു….
എല്ലാവരും കൂടി ഇലയിട്ട് സദ്യയുണ്ണാൻ ഇരുന്നു…അച്ചുവിന്റെ അമ്മയും അച്ഛനും അടക്കം എല്ലാവരുംഉണ്ടായിരുന്നു…അരുണിന്റെ ശ്രദ്ധ തന്നിലേക്ക് തിരിക്കാൻ അച്ചു നന്നായി പാടുപെടുന്നുണ്ടായിരുന്നു…അവൻമുഖം പൊക്കിയൊന്ന് നോക്കുക പോലും ചെയ്യാതെ നന്നായി തന്നെ ആഹാരം കഴിക്കുന്നുണ്ട്…
ഓ പുറത്തുള്ള ഓരോന്നിനെ കാണുമ്പോഴാ വീട്ടിലുള്ളതിനെ…അച്ചു സ്വയം പറഞ്ഞു…നീയെന്താടി അടക്കംപറയുന്നേ…അരുണാണ്…
ഓ ഇപ്പോൾ ശബ്ദം പൊങ്ങി…കുറ്റം പറയാനാണേൽ എന്താ ശബ്ദം…അത് മനസ്സിലാണ് പറഞ്ഞത്…
അമ്മായി.., ഇവൾക്ക് രണ്ട് ദിവസായി തുടങ്ങീട്ട് പിറുപിറുക്കൽ എന്ത് പറ്റീന്നറിയില്ല…അരുൺ പറഞ്ഞു നിർത്തി…
അതൊന്നുമല്ല അമ്മേ ഞാൻ ഒരാളെ കൂടി ഈ പിറന്നാളിന് ക്ഷണിക്കേണ്ടതായിരുന്നു എന്ന്പറഞ്ഞതാണ്…അവൾ ആരതിയെ ഒന്ന് നോക്കി കള്ളച്ചിരി ചിരിച്ചു…അത് കേട്ടതും കുടിച്ചുകൊണ്ടിരിക്കുന്നവെള്ളം ക്ലാസ്സ്‌ ആരതിയുടെ കയ്യിൽ നിന്നും താഴെ വീണു…അവൾ ആരും കാണാതെ അച്ചുവിനെ കടുപ്പിച്ചൊന്ന്നോക്കി അതോടെ അവളടങ്ങി…
ആരെ ക്ഷണിക്കണമെന്നാ നീ പറഞ്ഞേ…
അത്… അത്….എന്റെ ഒരു ഫ്രണ്ടിനെ അവൾ പറഞ്ഞുനിർത്തി…
ഈ പെണ്ണിന് രണ്ട് ദിവസായിട്ട് എന്തൊക്കെയോ മാറ്റമുണ്ട്…കുരുത്തക്കേട് വല്ലതും കാണിച്ചാൽ എന്റെ കയ്യീന്ന്വേടിക്കും നീയ്..അച്ചുവിന്റെ അമ്മയുടെ ആ വാക്കുകൾ കൂടി കേട്ടപ്പോൾ അവൾക്ക് സമാധാനമായി…പിന്നൊന്നുംമിണ്ടിയില്ല…
🌸🌸🌸🌸🌸🌸🌸🌸🌸🌸🌸🌸🌸🌸
ആരതിക്കിപ്പോൾ 24 വയസ്സ് ആയിരിക്കുന്നു അല്ലേ ഭാനു…വിവാഹബന്ധം വേർപ്പെടുത്തിയിട്ട് ഇപ്പോൾ രണ്ട്വർഷം ആയില്ലേ…ഈ പ്രായത്തിനിടക്ക് ന്റെ കുട്ടി ഒരു ജന്മം അനുഭവിക്കാനുള്ളത് മുഴുവൻകരഞ്ഞുതീർത്തു…ഇനിയെങ്കിലും നമുക്ക് മറ്റൊന്നിനെ കുറിച്ച് ആലോചിക്കണ്ടേ…ആരതിയുടെ അച്ഛന്റെവാക്കുകളൊന്ന് ഇടറി..
നമ്മുടെ തെറ്റ് കൊണ്ടല്ലേ സേതുവേട്ടാ…, അവളെ പത്തൊമ്പത് വയസ്സ് കഴിഞ്ഞപ്പോഴേക്കും കെട്ടിച്ചയച്ചു..കുറച്ചുകൂടി പഠിപ്പിക്കണമായിരുന്നു…സ്വന്തം കാലിൽ നിൽക്കാൻ പ്രാപ്തിയായിട്ടു വേണമായിരുന്നുവിവാഹം..എന്നാൽ നമ്മുടെ മോൾക്ക് ഇത്രക്ക് സഹിക്കേണ്ടി വരുമായിരുന്നില്ല…ന്റെ കുട്ടിക്ക് പ്രായത്തിലുംകവിഞ്ഞ പക്വത ഉണ്ടായിരുന്നു എന്നും..അതുകൊണ്ട് അവൾ പിടിച്ചുനിന്നു..അല്ലേൽ… പറയാൻ വന്ന വാക്കുകൾമുഴുവനാക്കാൻ കഴിയാതെ ഭാനു തേങ്ങി കരഞ്ഞു..
സേതു തന്നിലെ കണ്ണുനീരിനെ മറച്ചുപിടിച്ച് ഭാനുവിനെ ആശ്വസിപ്പിച്ചു….നമ്മുടെ കുട്ടി ആരോടും ഒരു തെറ്റുംചെയ്തിട്ടില്ല അവളുടെ കണ്ണുനീർ ഇനിയും ഭഗവാന് കാണാതിരിക്കാൻ കഴിയില്ല…അവളുടെ കണ്ണുനീരൊപ്പാൻഒരാളെ ദൈവം കണ്ടു വച്ചിട്ടുണ്ടാകും സമയമാവുമ്പോൾ അവൻ വരും..എനിക്കുറപ്പുണ്ട്..അന്ന് അവൾ അനുഭവിച്ചകണ്ണുനീരെല്ലാം അവൻ ഒപ്പിയെടുക്കും..എന്നിട്ട് എന്നെന്നേക്കുമായി പകരം പുഞ്ചിരി നൽകും….
🌸🌸🌸🌸🌸🌸🌸🌸🌸🌸🌸🌸🌸🌸🌸
റൂമിൽ തൊടിയിലേക്ക് തുറക്കുന്ന ജനലിനരികിലായി ആരതി പുറത്തേക്ക് നോക്കി നിൽക്കുകയാണ്…നല്ലകുളിർക്കാറ്റ്
റൂമിനകത്തേക്ക് വീശുന്നുണ്ട്..പൂർണചന്ദ്രന്റെ നിലാവെളിച്ചം മുറ്റത്തെങ്ങും ഒഴുകിപരക്കുന്നുണ്ട്…
ആ ചേട്ടൻ എന്ത് ചുള്ളനാണല്ലേ…”ഹി ഈസ്‌ റിയലി ഹാൻഡ്‌സം” കാതിലേക്ക് ആ ശബ്ദം എത്തിയപ്പോഴാണ്ആരതി തിരിഞ്ഞുനോക്കിയത്…
എന്തെ അച്ചു ഈ നേരത്ത്…ഈ നേരത്ത് നീ വരാറില്ലല്ലോ…
ഓ ഞാൻ മാത്രമല്ല അച്ഛനും അമ്മയും ഒക്കെയുണ്ട്…എന്തോ വല്യ ചർച്ചയിലാ…എന്തോ കല്യാണ കാര്യമാപറയുന്നേ…ചേച്ചിയെ കെട്ടിച്ചുവിടാനാണെന്നാ എനിക്ക് തോന്നണേ…അച്ചു ആരതിയെ ഒന്ന് പാളിനോക്കി….അല്ലാതെ നമുക്ക് അതിനുള്ള പ്രായമൊന്നും ആയില്ലല്ലോ…അവൾ നെടുവീർപ്പിട്ടു….
ഹാ…ഇനി വീടൊക്കെ വിൽക്കേണ്ടി വരുമല്ലോ എന്നോർക്കുമ്പോഴാ….
എന്താടി നീയീ പരസ്പര ബന്ധമില്ലാതെ ഓരോന്ന് പറയുന്നേ…ആരതി അച്ചുവിനെ നോക്കി…
അതല്ല ആള് ചേച്ചിയെ എന്നും കാണാനായി ഇവിടെ അടുത്ത് വീട് വാങ്ങിയിട്ടുണ്ടല്ലോ…ചേച്ചി വേറെ കെട്ടിപോവുമ്പോൾ പിന്നെ അതിന്റെ ആവശ്യം ഇല്ലല്ലോ…അതോർത്ത് പറഞ്ഞതാണേ…അത് കേട്ടതും ആരതിഅച്ചുവിന് പിന്നാലെ ഓടി… ഓരോന്നുങ്ങൾ പ്രണയിനിക്കായി വീട് വാങ്ങുന്നു..നമുക്കെന്നും ഡയറി മിൽക്ക്തന്നെ ശരണം…അച്ചു ഓടുന്നതിനിടയിൽ അടക്കം പറയുന്നുണ്ടായിരുന്നു…
അരുണേട്ടാ..ഉറക്കെ വിളിച്ചുകൊണ്ടാണ് അച്ചു മുറിയിലേക്ക് കയറിയത്..റൂമിൽ ബെഡ് ഷീറ്റൊക്കെ ഭംഗിയിൽമടക്കി വച്ചിട്ടുണ്ട്…ആളെ മുറിയിലെങ്ങും കാണാനില്ലല്ലോ ഇത്ര വേഗം എണീറ്റോ…അച്ചു മുടിയൊതുക്കി കൊണ്ട്കണ്ണാടിയിലേക്ക് നോക്കി നിന്നു…
പെട്ടെന്നാണ് രണ്ടുകൈകൾ അവളെ പിന്നിലൂടെ വന്ന് ചുറ്റിപ്പിടിച്ചത്…തിരിഞ്ഞു നോക്കാതെ തന്നെഅരുണാണെന്ന് അവൾക്ക് മനസിലായി…
ഏയ്‌…മാറി നിൽക്ക് എനിക്ക് തണുക്കുന്നു…പിന്നെ കുളിച്ച് ഇറങ്ങിയല്ലേയുള്ളൂ തണുക്കാതിരിക്കുമോ…അരുൺ അവളോടായ് കാതിൽ മെല്ലെ പറഞ്ഞു
..അവൻ അവളുടെ മുഖത്തിനോട് മുഖം ചേർത്തങ്ങനെ കണ്ണാടിയിലൂടെ അവളെയും നോക്കി നിന്നു…എന്തുചേലാ എന്റെ പെണ്ണിനെ കാണാൻ.. എത്രനേരം വേണമെങ്കിലും ഇങ്ങനെ നിന്നു പോവും..
അച്ചു പെട്ടെന്ന് കുതറി മാറി അവന്റെ മുൻപിൽ നിന്നു…
അധികം സുഖിപ്പിക്കല്ലേ…ഞാനിന്നലെ എത്രവട്ടം ഏട്ടന്റെ മുൻപിലൂടെ അങ്ങോട്ടും ഇങ്ങോട്ടും നടന്നു..ഒന്ന്നോക്കിയോ എന്നെ…അപ്പോഴേക്കും അവളുടെ മുഖത്ത് കാർമേഘം വന്ന് മൂടിയിരുന്നു…
അരുൺ അവളുടെ കയ്യിന്മേൽ പിടിച്ച് വലിച്ച് തന്നോട് ചേർത്ത് നിർത്തി അച്ചുവിന്റെ കണ്ണുകളിലേക്ക്നോക്കി…
എടീ പുല്ലേ…വീട്ടുകാരുടെ മുൻപിൽ വച്ചാണോടീ നിന്റെ ശൃംഗാരം..അവൻ മീശ പിരിച്ച് ഒരു കള്ളച്ചിരിചിരിച്ചു..അവൾ കുതറി മാറാൻ ശ്രമിച്ചെങ്കിലും കൂടുതൽ കൂടുതൽ അവനിലേക്ക് അടുത്തു കൊണ്ടിരുന്നു…
പെട്ടെന്നാണ് ഭാനുവിന്റെ അച്ചു എന്നുള്ള വിളി കേട്ടതും അവൾ കുതറിമാറിയതും..ഹേയ്..നിൽക്കെടി അവൻവീണ്ടും അവളുടെ കയ്യിൽ കയറി പിടിച്ചു…
രണ്ടു കവിളിലും പിടിച്ച് മുഖമുയർത്തി കണ്ണുകളിലേക്ക് നോക്കി…നെറ്റിയിൽ വാത്സല്യപൂർവ്വംചുംബിച്ചു…എനിക്ക് നിന്നെ എന്നെക്കാളും ഇഷ്ടമാടീ…
ശരിക്കും…അവൾ പ്രണയാതുരമായി കണ്ണുകളിലേക്ക് നോക്കി…
അതെന്നേ… പക്ഷേ നന്നായി പഠിച്ച് ഒരു ജോലി വാങ്ങിയില്ലേൽ ഞാൻ കെട്ടില്ലാട്ടോ പറഞ്ഞില്ലെന്ന് വേണ്ട…
വേണ്ട…ഞാനൊരു നല്ല പയ്യനെയും കെട്ടി കുട്ടികളുമായി സുഖമായി ജീവിച്ചോളാം..
എന്നാൽ നിന്നെ ഞാൻ കൊല്ലും…വീണ്ടും ഭാനുവിന്റെ വിളി കേട്ടതും അവൾ അരുണിനെ തള്ളി മാറ്റി കൊണ്ട്താഴേക്ക് പോയി…
🌸🌸🌸🌸🌸🌸🌸🌸🌸🌸🌸🌸🌸🌸🌸
താഴെ ഇരിക്കുന്ന ശ്യാമയയെയും റാമിനെയും കണ്ട് അവളൊന്ന് പുഞ്ചിരിച്ചു..കൂടെ ആരതിയും ഇരുന്ന് നല്ലചർച്ചയിലാണ്…
അടുക്കളയിൽ ഭാനു അവർക്കായി ചായ എടുക്കുന്ന തിരക്കിലാണ്…
നീ എവിടെയായിരുന്നു അച്ചു…എത്രനേരായി ഞാൻ വിളിക്കുന്നു…ആരതിയോട് എന്തോ സംശയംചോദിക്കാനുണ്ടെന്ന് പറഞ്ഞല്ലേ നീ മുകളിലേക്ക് പോയത്..
അത് അമ്മായി മുകളിൽ ചേച്ചിയെ കണ്ടില്ല… അപ്പോൾ അരുണേട്ടനോട് ചോദിക്കാമെന്ന്കരുതി…അമ്മായി..,പിന്നെ ശ്യാമേച്ചിയും ഭർത്താവും എന്തെ രാവിലെ തന്നെ…
അവർ ഇവിടെ അടുത്ത് അമ്പലത്തിൽ വന്നതാ…അപ്പൊൾ ആരതിയെ ഒന്ന് കണ്ടിട്ട് പോകാമെന്ന്കരുതിയത്രെ…ചായ ഗ്ലാസ്സിലേക്ക് പകർന്നു കൊണ്ട് ഭാനു അച്ചുവിനെ ഏൽപ്പിച്ചു…
അച്ചു ലിവിങ് റൂമിലേക്ക് ചെന്നതും അവിടെ അരുണും വന്നിട്ടുണ്ട്..ആള് ഹരിചന്ദ്രനെ പോലെ ഇരിപ്പാണ്അച്ചുവിനെ ഒന്ന് നോക്കുന്നു പോലുമില്ല…
ദൈവമേ നേരത്തെ മുകളിൽ കണ്ട ആള് തന്നെയാണോ ഇത്..ഇങ്ങനെയാണേൽ ഇങ്ങേർക്ക് വല്ല ഓസ്‌കാറുംകിട്ടും..പെൺകുട്ടികളുടെ മുഖത്ത് പോലും നോക്കാത്ത മാന്യൻ…ഇങ്ങേർക്കൊന്ന് ചിരിച്ചാൽ വല്ലതും കൊഴിഞ്ഞ്വീഴുമോ അച്ചു മനസ്സിൽ പറഞ്ഞു…
അരുണും റാമും നല്ല ചർച്ചയിലാണ് അതും രാക്ഷ്ട്രീയമാണ് വിഷയം…തങ്ങൾക്ക് അതിൽ വല്യ താല്പര്യംഒന്നും ഇല്ലാത്തതുകൊണ്ട് ആരതിയും ശ്യാമയും റൂമിലേക്ക് പോയി ഒപ്പം അച്ചുവും…പോകുന്ന പോക്കിൽഅരുണിന്റെ കാലിന് അറിഞ്ഞൊരു ചവിട്ടും വച്ച് കൊടുത്തു അച്ചു..അരുൺ അവളെ തറപ്പിച്ചൊന്ന്നോക്കിയതല്ലാതെ ഒന്നും പറഞ്ഞില്ല…
🌸🌸🌸🌸🌸🌸🌸🌸🌸🌸🌸🌸🌸🌸🌸
പഠിച്ചുവന്ന ക്ലാസ്സിനെ കുറിച്ചും കലാലയത്തെ കുറിച്ചുമൊക്കെ അവർ വാ തോരാതെ സംസാരിച്ചുകൊണ്ടിരുന്നു…കല്യാണത്തെ ക്കുറിച്ചൊക്കെ ഇടയിൽ സംസാരം വന്നു..
പുതിയ ഫാഷനിലുള്ള ആഭരണങ്ങളെ കുറിച്ചൊക്കെ അച്ചു ചോദിച്ച് അറിയുന്നുണ്ടായിരുന്നു…
ഇപ്പോൾ ചോദിച്ചിട്ട് ഒരു കാര്യോം ഇല്ല മോളെ.. നിന്റെ കല്യാണമാവുമ്പോഴേക്കും ഇതൊക്കെ ഓൾഡ് ഫാഷൻആവും…നിന്നെ പഠിപ്പിച്ച് ജോലിയും കിട്ടിയിട്ടേ കെട്ടിച്ച് വിടൂ എന്ന് അമ്മാവൻ പറയുന്നുണ്ടായിരുന്നു.. ആരതിഅത് പറയുമ്പോൾ അച്ചു അവളെ നോക്കി മുഖം വീർപ്പിച്ചു…ശ്യാമയും ആരതിയും അത് കണ്ട് ചിരിച്ചു…
ശ്യാമക്ക് സുഖമാണെന്നും വീട്ടു വിശേഷങ്ങളെ കുറിച്ചും അവർ സംസാരിച്ചു…അച്ചു എല്ലാംകേട്ടിരിക്കുന്നുണ്ടായിരുന്നു…
🌸🌸🌸🌸🌸🌸🌸🌸🌸🌸🌸🌸🌸🌸
ആരതി രാത്രി നേരത്തേ റൂമിലേക്ക് പോയി…ഉറക്കം വരുന്ന വരെ എന്തെങ്കിലും വായിച്ചിരിക്കും…എന്നാൽഇന്ന് ഒന്നും വായിക്കാൻ കഴിയുന്നില്ല മനസ്സ് മുഴുവൻ ശ്യാമ പറഞ്ഞ കാര്യങ്ങളായിരുന്നു…ഷാഹിർ ശ്യാമയോട്തന്റെ നമ്പർ വാങ്ങിയത്രേ…അവൾ കരുതി താൻ എന്തെങ്കിലും ജോലി അന്വേഷിക്കുന്നുണ്ടെന്ന്…ഷാഹിർ അവളോട് പറഞ്ഞതും അങ്ങനെയാണ്…
എന്തിനായിരുന്നു അവൻ അവളോട് അങ്ങനൊരു കള്ളം പറഞ്ഞ് തന്റെ നമ്പർ വാങ്ങിയതെന്ന് എത്രആലോചിച്ചിട്ടും ആരതിക്ക് പിടികിട്ടിയില്ല…അവൾ അതും ആലോചിച്ച് അങ്ങോട്ടുമിങ്ങോട്ടും നടക്കുമ്പോഴാണ്ഫോൺ റിംഗ് ചെയ്തത്…
കോളിങ് “ഷാഹിർ “….
ഒരു നിമിഷം കോൾ എടുക്കണോ വേണ്ടയോ എന്ന് ആരതി സംശയിച്ച് നിന്നു…ഫോൺ എടുക്കാനായിഅടുത്തേക്ക് പോയതും കട്ടായി…തിരിച്ച് വിളിക്കാൻ ഡയൽ ചെയ്തതും മനസ്സനുവദിക്കാതെ വീണ്ടും ഫോൺതാഴെ വച്ചു…
പിന്നെയും റിംഗ് ചെയ്തപ്പോൾ ഒന്നും ആലോചിക്കാതെ വേഗം എടുത്തു….
“ഹലോ…”ആരതി..ഞാൻ.. ഞാൻ …ആ ശബ്ദം കേൾക്കാൻ ഒരുപാട് കൊതിച്ചത് പോലെ ആരതി ഏറ്റുവാങ്ങി…താൻ കേൾക്കുന്നില്ലേ എന്താ ഒന്നും മിണ്ടാത്തെ…
ആരതി തനിക്ക് എന്നെ കുറിച്ചൊന്നും ചോദിക്കാനില്ലേ…ഇപ്പോൾ നമ്മൾ രണ്ട് തവണ കണ്ടിട്ടും എന്നെകുറിച്ചൊന്നും ചോദിചില്ലല്ലോ…മറന്നോ എന്നെ ആ വാക്കുകളിൽ പരിഭവമുണ്ടായിരുന്നു…
ഷാഹിർ …, ഞാനൊന്നും ചോദിക്കാൻ പറ്റിയ മാനസികാവസ്ഥയിൽ അല്ലായിരുന്നു…ഞാൻ…ഞാൻ.. കുറേപ്രശ്നങ്ങളുടെ ഇടയിൽ പെട്ടുപോയി…അപ്പോഴേക്കും ആരതിയുടെ കണ്ണുകൾ നിറഞ്ഞൊഴുകിയിരുന്നു….
എനിക്കെല്ലാം അറിയാമെടോ…എല്ലാം അറിയാം…താൻ വിഷമിക്കരുത്..ഇനി കാണുമ്പോൾ പഴയ ആ പുഞ്ചിരിവീണ്ടും എനിക്ക് തരണം…തരുമോ…
ഉം… അവളൊന്ന് മൂളി..
എല്ലാം ശരിയാവും…വാക്കുകൾ കിട്ടാതെ ഫോണും കാതിൽ വച്ച് രണ്ടാളും കുറച്ചുനേരം നിന്നു..എന്താ ഞാൻവിളിച്ചതെന്ന് ചോദിക്കുന്നില്ലേ..
എന്താ വിളിച്ചത്…അവൻ അത് കേട്ടതും ചിരിച്ചു..കൂടെ അവളും…
വെറുതെ…തന്നോട് ഒന്ന് സംസാരിക്കണമെന്ന് തോന്നി…ശ്യാമയോട് ഒരു കള്ളം പറഞ്ഞു…സോറി…എന്റെനമ്പർ ഉണ്ടായിട്ടും തനിക്ക് എന്നെയൊന്ന് വിളിക്കാൻ തോന്നിയില്ലല്ലോ..വീണ്ടും മൗനം…ശരിയെന്നാൽവയ്ക്കട്ടെ…അവന്റെ വാക്കുകൾ കേട്ട് ആരതിയൊന്ന് മൂളി….
ഷാഹിർ വല്ലാതെ മാറിയിരിക്കുന്നു…എന്ത് ഗൗരവക്കാരനായിരുന്നു…ഇങ്ങനെയൊരു ഷാഹിറിനെ താൻആദ്യമായാണെന്ന് കേൾക്കുന്നതെന്ന് ആരതിക്ക് തോന്നി..
🌸🌸🌸🌸🌸🌸🌸🌸🌸🌸🌸🌸🌸🌸🌸
രാത്രിയിൽ എല്ലാവരും ഒരുമിച്ചിരുന്ന് ഭക്ഷണം കഴിക്കുകയാണ്…അതാണ് പതിവ്.. സാധാരണ ഈസമയത്താണ് വീട്ടിൽ എന്തെങ്കിലുമൊക്കെ ചർച്ചകൾ നടക്കുക…സംസാരവും ചിരിയുമൊക്കെ ഒരു സാധാരണകുടുംബത്തിലെന്ന പോലെ ഡൈനിങ് ടേബിളിൽ ഒതുങ്ങും…
ആരതി എന്തോ ഓർത്ത പോലെ ഇരിക്കുകയാണ്.. പ്ലേറ്റിൽ വെറുതെ കയ്യിട്ട് ഇളക്കുന്നുണ്ടെന്ന് അല്ലാതെ ഒന്നുംകഴിക്കുന്നില്ല…
മോളെ ഇത്രയും കാലമായില്ലേ ഈ വീട്ടിൽ എല്ലാവരുമുണ്ടായിട്ടും മോള് തനിച്ചായ പോലെ കഴിയുന്നു…രണ്ടുവർഷങ്ങളായില്ലേ എല്ലാം കഴിഞ്ഞിട്ട്..മോളുടെ സങ്കടം കണ്ടിട്ട് ഞങ്ങളിതു വരെ ഒന്നും
ചോദിക്കാറില്ല…ഇനിയുംവിഷമിച്ചിട്ട് എന്താ കാര്യം…നമുക്കിനി മറ്റൊന്നിനെ കുറിച്ച് ചിന്തിക്കാം…എന്നായാലും മോൾക്ക് ഒരു ജീവിതംവേണ്ടേ എപ്പോഴും അച്ഛനും അമ്മയും ഉണ്ടാവില്ലല്ലോ…സേതു അത് വല്ലാതെ വിഷമത്തോടെയാണ് പറഞ്ഞത്…
അച്ഛാ എനിക്കിനിയും പഠിക്കണം..ഇടയിൽ വച്ച് പഠിപ്പ് നിർത്തേണ്ടി വന്നില്ലേ
…കൂടെ ശ്യാമയും ഉണ്ട്…ഞങ്ങൾ ചിലതൊക്കെ പ്ലാൻ ചെയ്തിട്ടുണ്ട്.. ആരതി അത് പറയുമ്പോൾ എല്ലാവരുടെമുഖത്തും അതിശയം കാണാമായിരുന്നു…
മോളെ…, ഓരോ വർഷവും കടന്നുപോവല്ലേ…വയസ്സും കൂടി വരികയാണ്..ഭാനുവിനെ മുഴുവൻ പറയാൻഅനുവദിക്കാതെ ഇടയിൽ അരുണിന്റെ വാക്കുകൾ കടന്നു വന്നു…
വേണ്ട അമ്മേ ഒന്നും പറയണ്ട..ഇത്രയും നാൾ എല്ലാവരും പറയുന്നത് ചേച്ചി അനുസരിച്ചില്ലേ..ഇനിയെങ്കിലുംചേച്ചിയുടെ ഇഷ്ടം പോലെ നടക്കട്ടെ…ഒരു ചെറിയ ജോലിയെങ്കിലും ആയിട്ട് മതി ഇനി അടുത്തതിനെ കുറിച്ചുള്ളചിന്ത..ആ വാക്കുകളിൽ ഒരു ആങ്ങളയുടെ കരുതലും സ്നേഹവും ഉണ്ടായിരുന്നു…
ഒന്നും കഴിക്കാതെ അവൾ എണീറ്റ് പോവുമ്പോഴും മനസ്സിൽ എവിടെയോ ഷാഹിറായിരുന്നു …അവന്റെ വാക്കിന്റെആഴത്തിൽ മനസ്സും വയറും ഒരു പോലെ നിറഞ്ഞിരുന്നു…ഇതുവരെ കിട്ടാത്ത അനുഭൂതിയെന്തോ അവൾതിരിച്ചറിയുകയായിരുന്നു…ആദ്യമായി ഒരാളോട് തോന്നിയ ഇഷ്ടത്തിന്റെ ബാക്കിയെന്തോ മനസ്സിൽ അപ്പോഴുംഉണ്ടായിരുന്നു…
പക്ഷേ മനസ്സിൽ അപ്പോഴും ഉത്തരം കിട്ടാത്ത ഒരുപാട് ചോദ്യങ്ങൾ ഉയർന്നുവന്നു…എങ്കിലും അവന്റെ വാക്കുകൾഅവൾ മുറുകെ പിടിച്ചിരുന്നു…അതിൽ അവൾക്ക് വിശ്വാസം ഉണ്ടായിരുന്നു…എല്ലാം ശരിയാവും…കുറേനാളുകൾക്ക് ശേഷം നിദ്രാദേവി അവളുടെ കണ്ണുകളെ ശരിക്കും പുൽകി…അവൾ സ്വപ്നം കണ്ടുറങ്ങി…
*******************************************
അച്ചൂ..ഏതേലും ചെറിയ കടയിൽ കയറിയാൽ മതീട്ടോ..
ഹോ ഇങ്ങനൊരു പിശുക്കി…ഇന്നത്തെ ചിലവ് മുഴുവൻ എന്റെ വകയാ മോള് പഠിക്കാൻ തീരുമാനിച്ചതല്ലേ ആസന്തോഷത്തിൽ..നമുക്ക് ഏതേലും വല്യ ഷോപ്പിങ് കോംപ്ലക്സിൽ ഒക്കെ കയറി അടിച്ച് പൊളിച്ച് തിരിച്ചു വരാം…
എന്താടി നിനക്ക് വല്ല ലോട്ടറിയും അടിച്ചോ..
എന്റെ ചേച്ചിയുടെ മുഖത്ത് ഈ പുഞ്ചിരി കാണുമ്പോൾ…കുറേ നാളുകൾക്ക് ശേഷം ചേച്ചീടെ കൂടെ പുറത്തേക്ക്വരുമ്പോൾ.. ഒക്കെ എനിക്ക് ലോട്ടറി അടിച്ച പോലെ തന്നാ…ടൗണിന്റെ അരിക് പിടിച്ച് അവർ നടന്ന്പോകുമ്പോൾ വാ തോരാതെ സംസാരിച്ചു കൊണ്ടിരുന്നു…അച്ചുവിന്റെ മുഖത്ത് ഒരുപാട് സന്തോഷവുംകുസൃതിയും കാണാമായിരുന്നു…
നാളെ തൊട്ട് പഠിക്കാൻ പോവല്ലേ…നമുക്കീ വേഷമൊക്കെ മാറ്റണം..രണ്ടുവർഷമായി സ്വയം സന്യാസി ചമഞ്ഞ്നടക്കുവല്ലേ ആയിരുന്നെ.. നിറം മങ്ങിയ സാരിയും.. കണ്ണെഴുതാതെ പൊട്ടുതൊടാതെ..നിറഞ്ഞുതുളുമ്പിയകണ്ണുകളുമായി..അതേ അവിടെ കുറേ ചുള്ളന്മാരൊക്കെ ഉണ്ടാവും..
എടീ ഞാൻ ക്യാമ്പസിലേക്കൊന്നുമല്ല പോവുന്നെ.. സൺ‌ഡേ ക്ളാസ്സിലേക്കാ.. അവിടെ ഇതൊക്കെ മതി..
അതൊക്കെ ഞാൻ തീരുമാനിച്ചോളാം.. എന്റെ ചേച്ചിക്കുട്ടി ഒന്ന് നിന്നു തന്നാൽ മാത്രം മതി..
അച്ചുവും ആരതിയും ഒരു വലിയ ടെക്സ്റ്റൈൽ ഷോപ്പിൽ തന്നെ
കയറി…വടിവൊത്ത സാരിയും ചുറ്റി ചുണ്ടിൽലിപ്സ്റ്റിക്കുമായി സെയിൽസ് ഗേൾസ് അവരെ അകത്തേക്ക് സ്വാഗതം ചെയ്തു…
കുറേ നാളത്തെ ക്ഷീണം തീർക്കും പോലെ അച്ചു കുറേ ഡ്രെസ്സുകൾ വാങ്ങുന്നുണ്ടായിരുന്നു..അവയിൽ കൂടുതലുംആരതിക്കുള്ള ചുരിദാറുകൾ ആയിരുന്നു..ഓരോന്നും ആരതിക്കുനേരെ വച്ച് അവൾ ഭംഗി നോക്കികൊണ്ടിരുന്നു..തന്റെ കണ്ണുകളിൽ ഉടക്കിയ ഒന്നുരണ്ടു സാരി ആരതിയും സെലക്ട്‌ ചെയ്തു..
മാഡം ക്യാഷ് വേണ്ട ബില്ല് ഒരു സാറ് പേ ചെയ്തിട്ടുണ്ട്..കാഷ്യർ പറയുന്നതുകേട്ട് ആരതിയും അച്ചുവുംമുഖത്തോട് മുഖം നോക്കി..
ഏത് സാറ്..അച്ചുവാണ് ചോദിച്ചത്…
സോറി മാഡം..ആള് ഞങ്ങളുടെ സ്ഥിരം കസ്റ്റമറാ.. പേര് പറയണ്ടെന്നാ പറഞ്ഞിരിക്കുന്നെ..
പേര് പറയാത്ത നിങ്ങളുടെ സാറിന്റെ ഔദാര്യം ഞങ്ങൾക്ക് വേണ്ട..തിരിച്ചു കൊടുത്തേക്ക്.. അച്ചു പൈസ എടുത്ത്ക്യാഷ്യർക്ക് നേരെ നീട്ടി..
മാഡം പ്രശ്നം ഉണ്ടാക്കരുത്..ഷാഹിർ സാറാണ് ബിൽ അടച്ചത്..ആരതി അച്ചുവിന്റെ മുൻപിൽ വല്ലാതെ നിന്ന്വിയർക്കുന്നുണ്ടായിരുന്നു..എന്തോ ഒന്നുമില്ലെങ്കിലും ഷാഹിർ എന്നുള്ള പേര് കേൾക്കുമ്പോൾ തെറ്റ് ചെയ്ത്പിടിക്കപ്പെടുമോ എന്നുള്ള കുട്ടിയുടെ മനസിന്റെ വ്യഗ്രതയാണ് ആരതിക്കെപ്പോഴും പ്രതേകിച്ചും അച്ചുവിന്റെമുൻപിൽ..
ഓ അതുശരി..എന്നാൽ ഓക്കെ..അച്ചു ആരതിയെ നോക്കി ഒരു കുസൃതി ചിരി ചിരിച്ചു..ഛെ..കുറച്ചുകൂടിപർച്ചേസ് ചെയ്യാമായിരുന്നു അല്ലേ ചേച്ചി.. ഇതൊക്കെ ഒന്ന് പറഞ്ഞിട്ട് ചെയ്തൂടെ..ഈ ചേട്ടന്റെ ഒരു കാര്യം..ഇനിഎവിടെ പോയാലും പിന്നാലെ നടന്ന് ചിലവ് ചെയ്യുമോ എന്തോ…ഓ ചേച്ചീടെ ഒരു ഭാഗ്യം..അച്ചുകണ്ണിറുക്കികൊണ്ട് പറഞ്ഞു..
” അച്ചു..”എന്നുള്ള ആരതിയുടെ കടുപ്പിച്ചുള്ള വിളിയിൽ അവളൊന്ന് പതറി പിന്നെ ഒന്നും മിണ്ടിയില്ല…
വീട്ടിൽ വന്നപ്പോൾ തന്നെ അച്ചു തുണികളൊക്കെ കൊച്ചുകുട്ടിയുടെ ആവേശത്തോടെ ഭാനുവിനെ എടുത്ത്കാണിക്കുന്ന തിരക്കിലായിരുന്നു…ആരതി സ്വപ്നത്തിലെന്ന പോലെ നടന്ന് മുകളിലേക്ക് കയറിപ്പോയി..
റൂമിൽ കയറിയതും വാതിലടച്ചു…കുറച്ചുനേരം അങ്ങിനെ നിന്നു..ശേഷം ഫോണെടുത്ത് ഷാഹിറിന്റെ നമ്പർഡയൽ ചെയ്തു…ആരതിയുടെ കോൾ പ്രതീക്ഷിച്ചിരുന്ന പോലെ ഒരു റിംഗ് അടിച്ചപ്പോഴേക്കും അവൻഫോണെടുത്തു…
ഹലോ…എന്തിനാ ബിൽ അടച്ചത്..പതിവിലും ഗൗരവം ഉണ്ടായിരുന്നു ആ ചോദ്യത്തിൽ…
എന്തെ എനിക്ക് ബിൽ അടക്കാൻ പാടില്ലേ..തികഞ്ഞ കുസൃതിയിൽ ആദി മറുപടി കൊടുത്തു…
അത്… അത് പിന്നെ എന്നോട് ചോദിക്കാതെ…വീണ്ടും കൃത്രിമ ഗൗരവം അവളുടെ വാക്കുകളിൽ നിറഞ്ഞിരുന്നു..
എന്നാൽ ഇനി മുതൽ ചോദിച്ചിട്ട് അടക്കാം… അവൻ ചിരിച്ചു കൊണ്ട് പറഞ്ഞു…
എടൊ ഞാൻ അവിടെ നിൽക്കുമ്പോൾ താൻ മുകളിലേക്ക് കയറി പോകുന്ന കണ്ടു…അന്നേരത്തെ ഒരുതോന്നലിൽ ചെയ്തതാ…പിന്നെ തനിക്കെന്നെ വിളിക്കാൻ ഇതൊരു കാരണവും ആവുമല്ലോ..അല്ലെങ്കിൽ താൻഎന്നെ ഇപ്പോൾ വിളിക്കുമോ…
പിന്നെ ആരതി ഒന്നും മിണ്ടിയില്ല കുറച്ചുനേരം ഫോൺ അങ്ങനെ കൈയിൽ വച്ച് നിന്ന ശേഷം കട്ട്‌ ചെയ്തു..

+23

-1