അവളുടെ പരിഹാസം എനിക്ക് ഒട്ടും സുഖിച്ചില്ല. ഞാൻ പതിയെ നടത്തത്തിന്റെ സ്പീഡ് കൂട്ടി. അപ്പോൾ പിറകിൽ നിന്നും അവളുടെ സ്വരം കേൾക്കാം.
”ആഹാ… എന്നെ ഉപേക്ഷിച്ചിട്ട് പോകാൻ നോക്കുവാണോ??”
”ഉപേക്ഷിക്കാൻ ഞാൻ ആരാ നിന്റെ കെട്ടിയോനോ??”
”ഹ്മും… കെട്ടിയോൻ തന്നാ… ഇപ്പോൾ എന്താ??”
”ഹ..ഹ..ഹ.. അപ്പോൾ ഈ കെട്ടിയോൾ…കെട്ടിയോൾ എന്ന് പറയുന്ന ഈ സാധനം നീ ആയിരുന്നല്ലേ…??”
”ഹയ്യട… ഒരു കെട്ടിയോൻ വന്നിരിക്കുന്നു… എനിക്ക് വേറെ നല്ല ആൺപിളേളരെ കിട്ടും… നല്ല സൗന്ദര്യോം… വിദ്യാഭ്യാസോം ഒക്കെയുള്ളവരെ… നിന്നെ പോലത്തെ ഏഴാംമൂളേനെയൊക്കെ ആർക്കുവേണം…”
അതും പറഞ്ഞു അവൾ പൊട്ടി പൊട്ടി ചിരിച്ചു, ആ ചിരിയിൽ ഞാനും പങ്കു ചേർന്നു. കുറച്ചു നേരം ആ ചിരി തുടർന്ന ശേഷം പതിയെ അവളുടെ മുഖം മങ്ങി തുടങ്ങി… ഒടുവിൽ കടന്നൽ കുത്തിയ പോലെ ആ മുഖം ഊതി വീർത്തു. പിന്നെ തിരിഞ്ഞൊരു നടത്തം.ഞാൻ എന്താണ് സംഭവിച്ചത് എന്നറിയാതെ അവളുടെ പിന്നാലെ ഓടി.
”നീതു…നീതു… ”
ഞാൻ അവളുടെ കയ്യിൽ പിടിച്ചു നിർത്തി.
” എടീ… പെണ്ണെ നീ എന്തിനാ പിണങ്ങി പോണെ… അതിനു ഞാൻ ഒന്നും പറഞ്ഞില്ലല്ലോ”
”ഹാ… പറയാത്തത് കൊണ്ടാ പോണത്”
ആ കണ്ണുകൾ നിറഞ്ഞിരുന്നു.
”എന്ത് പറയാത്തത് കൊണ്ട്??”
”ചീത്ത പറയാത്തത് കൊണ്ട്”
”എന്തിന്??”
”എടാ… ബുദ്ദൂസെ…ഞാൻ നിന്നെ അങ്ങനെ ഒക്കെ പറഞ്ഞില്ലേ… അപ്പോൾ എന്നെ ചീത്ത പറയണ്ടേ… പിന്നെന്താ പറയാഞ്ഞേ??”
”അതിനു ചീത്ത പറയാൻ വേണ്ടി മാത്രം നീ ഒന്നും പറഞ്ഞില്ലല്ലോ… നീ പറഞ്ഞതെല്ലാം സത്യമല്ലേ…”
”അയ്യോ… ആണോ…?? എന്നാലും വിളി…. എന്റെ ഒരു സമാധാനത്തിന്…”
”ഈ പെണ്ണിന്റെ ഒരു കാര്യം… നീ പോയേ…”
അതും പറഞ്ഞ് ഞാൻ നടന്നു.
”എടാ… ഒന്ന് വിളിക്കടാ… ഡാ വിളിക്കേണെങ്കിൽ ഈ ട്രോഫി തരാം.”
”ശെരിക്കും??”
”ഹും… തരാം…പക്ഷെ വിളിക്കണം”
”ആദ്യം താ… എന്നാൽ വിളിക്കാം…”
അവൾ ട്രോഫി തന്നു.
” ഇനി വിളിക്ക്”
”എടീ നീ എന്താ കൊച്ചു കുട്ടികളെ പോലെ….”
”എടാ പട്ടീ… പറ്റിക്കാൻ നോക്കിയാൽ ഞാൻ കരയും….സത്യായിട്ടും കരയും..”
”കരയണ്ട… വിളിക്കാം… എടീ…. പൂ…. അല്ലെങ്കിൽ വേണ്ട, എടീ മൈരേ…. നീ എന്നതാടി പറഞ്ഞെ എന്നെ കല്യാണം കഴിക്കാൻ കൊള്ളില്ലെന്നോ….എന്നെ കാണാൻ കൊള്ളില്ലെന്നോ…. എനിക്ക് വിദ്യാഭ്യാസമില്ലെന്നോ
…. കാണണോടി എന്റെ വിദ്യാഭ്യാസം… ഏഴാംമൂള അത് നിന്റെ അച്ഛനാടി…… മൈരേ…ഹ..ഹ.. മതിയോ അതോ ഇനിയും വേണോ…. നല്ല രസം..”
ഞാൻ ന്റെ പ്രഭാഷണം കഴിഞ്ഞു അവളെ നോക്കുമ്പോൾ അവൾ കണ്ണ് തുടക്കുന്നു.
”അയ്യോ… നീതു… സോറി ഞാൻ അറിയാതെ…”
”പോടാ.. പട്ടീ.. തെണ്ടീ.. നാറി.. ചെറ്റേ.. നിന്നോട് ഞാൻ ചീത്ത പറയാനല്ലേ പറഞ്ഞത് തെറി വിളിക്കാനല്ലല്ലോ… പോരാത്തേന് എന്റെ അച്ഛനെയും പറഞ്ഞു… ”
”നീതു…. നിക്ക്… എടീ എനിക്ക് അറിയില്ലായിരുന്നു, ഈ തെറിയും ചീത്തയും രണ്ടും രണ്ടാണെന്ന്”
”ബുദ്ദൂസ്…..”അവൾ എൻറെ തലയിൽ കിഴുക്കി.ആ മുഖത്ത് ചിരി വിരിഞ്ഞു.
ഞങ്ങൾ വീട്ടിലെത്തിയപ്പോൾ അവളുടെ അമ്മയും എന്റെ ചേച്ചിയും മുറ്റത്തു നിക്കുന്നു.
”ഹേ… അച്ചൂട്ടനും ട്രോഫി കിട്ടിയോ??”
അവളുടെ അമ്മ എന്റെ കൈയിൽ ഇരുന്ന ട്രോഫി കണ്ട് ചോദിച്ചു.
ഞാൻ വലിയ ഗമയിൽ ട്രോഫി പൊക്കി കാണിച്ചു.
”എന്റെ ആന്റി… ഇവന് ട്രോഫി കൊടുക്കാൻ അവർക്കൊക്കെ എന്താ ഭ്രാന്ത് ഉണ്ടോ??… അച്ചൂ… സത്യം പറ ആരുടെന്നാ ഇത് മോഷ്ടിച്ചെ??
എന്റെ ചേച്ചി ആരാ മോള്,അവള് വിടോ??
”അല്ല… ഇത് സത്യയിട്ടും എന്റെയാ..”
”നീതു… മോളെ ഈ ട്രോഫി അവൻറെ ആണോ??”
”ഹും… അതെ ചേച്ചി”
”അതെന്താ മോളെ അനുമോദനവും പ്രോഗ്രാംസും എല്ലാം നിനക്കല്ലായിരുന്നോ…പിന്നെ ഈ ട്രോഫി എങ്ങനെ ഇവന് കിട്ടി??”
”ട്രോഫിയും എനിക്ക് കിട്ടിയതാ, പക്ഷെ അവൻ അവന്റെ കഴിവ് തെളിയിച്ചു അത് എന്നിൽ നിന്നും സ്വന്തമാക്കി”
അതും പറഞ്ഞു അവൾ നിന്ന് ചിരിച്ചു.ഞാനും….
അങ്ങനെ കോളേജിലെ തന്നെ ടോപ്പർ ആയി അവൾ മൂന്നാം വർഷത്തിലേക്ക് കടക്കുമ്പോൾ, പരമാവധി ക്ലാസും കട്ട് ചെയ്ത് പരമാവധി സിനിമയും കണ്ട് പരമാവധി വായും നോക്കി ഞാനും എത്തി മൂന്നാം വർഷത്തിലേക്ക്. ക്ലാസ്സിൽ കയറിയാൽ ടീച്ചറുടെ വക, കേറിയില്ലെങ്കിൽ പ്രിൻസി യുടെ വക, കോളേജിൽ പോയില്ലെങ്കിൽ വീട്ടുകാരുടെ വക, ഇവിടെ ഒന്നില്ലെങ്കിൽ നീതുവിന്റെ വക… ചീത്തവിളി ആർജ്ജുനെവിടെ?? ആർജ്ജുനെവിടെ ?? എന്ന് തിരഞ്ഞു പിടിച്ചു വരുന്ന പോലെ ആയിരുന്നു. അതിനിടയിൽ വെള്ളം കാളയുമ്പോൾ കിട്ടുന്ന ഒരാശ്വാസം….എന്റെ സാറേ….
അങ്ങനെയിരിക്കെ ഫ്രഷേഴ്‌സ് ഡേ ആയി.കുറച്ച് സൗന്ദര്യം ഉളളതിനാലാകും, ഒരുത്തി വലയിലായി. അതിന് മുന്നേ കുറെ എണ്ണത്തിനെ കൊത്തിയതാ… പക്ഷെ നീതു അവൾ നോട്ടീസ് ബോർഡിൽ കോഴികളുടെ ലിസ്റ്റ് ഇടുമെന്നും അതിൽ ആദ്യത്തെ പേര് ഈയുളളവന്റെ ആകുമെന്നും പറഞ്ഞു ഭീഷണിപെടുത്തിയിരുന്നു.അങ്ങനെ അല്ലറ ചില്ലറ വായി നോട്ടവുമായി നടക്കുമ്പോഴാണ് ഇങ്ങോട്ട് വന്നൊരുത്തി… ഇഷ്ടമാണെന്നു പറയുന്നത്.
”അർജ്ജുനും പെണ്ണോ??”
കോളേജിൽ മൊത്തം സംസാര വിഷയം…
അതോടെ കോളേജിലെ സ്റ്റാർ ”അർജ്ജുൻ ദേവചന്ദ്രൻ”
അന്ന് വൈകിട്ട് വീട്ടിലേക്ക് പോകുമ്പോൾ ഞാൻ നീതുവിനോട് ചോദിച്ചു
”നീതു… എന്താ നിനക്ക് എന്നെ കുറിച്ചുള്ള അഭിപ്രായം??”
”നല്ല അഭിപ്രായം”
”ശെരിക്കും??”
”ഹാ… അങ്ങനെ പറഞ്ഞില്ലെങ്കിൽ നീ എന്നെ അടിക്കും”
”ഹാ.. ഹാ.. ഹാ.. നല്ല തമാശ… ഇനിയും ഇതു പോലെ ഉണ്ടെങ്കിൽ ഇറക്ക് കേൾക്കട്ടെ…”
”ദേ.. ചെറുക്കാ… നീ എൻറോടെ ചിലക്കാതെ വണ്ടി നോക്കി ഓടിക്ക്…”
”ഹെലോ… എന്താ മേഡത്തിനൊരു മൂഡ് ഓഫ്…. ടീച്ചർ വഴക്ക് പറഞ്ഞോ??”
”കിണുങ്ങാതെ വണ്ടി ഓടിക്ക് ചെറുക്കാ…”
”പറേടാ… എന്താ പറ്റിയെ??”
”ഒന്നും ഇല്ലെന്ന് പറഞ്ഞില്ലേ”
അവൾ അതും പറഞ്ഞു കണ്ണ് തുടക്കുന്നത് ഞാൻ ഗ്ലാസിലൂടെ കണ്ടു.അപ്പോൾ മനസിലായി സംഗതി കോൺട്രയാ…
”നീതു നീ കരയാതെ കാര്യം പറ..
എനിക്ക് ദേഷ്യം വരുന്നുണ്ട്.”
ഞാൻ വണ്ടി ഒതുക്കി.
”ഇനി ഇപ്പോൾ എന്നോട് എന്തും ആകാലോ… നിനക്ക് കൊഞ്ചാനും കുഴയാനും കൂടെ കൊണ്ട് നടക്കാനും ഒക്കെ പുതിയ ആളെ കിട്ടിയല്ലോ…. ഇനി ഞാനെന്തിനാ??”
”എടി പെണ്ണെ… അത് നിന്നെ പോലെ ആണോ …. വെറും ടൈം പാസ്സ്”
”ഹാ… അപ്പോൾ സത്യമണല്ലേ…. ഫൈസൽ പറഞ്ഞപ്പോൾ ഞാൻ കരുതി ചുമ്മാതെ ആണെന്ന്….പോടാ.. എനിക്ക് നിന്നെ കാണണ്ട പൊയ്ക്കോ”
അപ്പോൾ അവനാണല്ലേ ഒറ്റിയത്…. വീട്ടിൽ അറിഞ്ഞാലും സാരമില്ല ഇവളാണ് വിഷയം എന്നറിയാകുന്നവനാ..
”നായിന്റെ മോൻ”
”ഹേ… അപ്പോൾ നീ എന്നെ തെറി വിളിക്കാനും തുടങ്ങി അല്ലേ… അവൾ ഇഷ്ടമാണെന്ന് പറഞ്ഞപ്പോൾ തന്നെ ഇങ്ങനെ ആണെങ്കിൽ….”
”എടീ… ഒന്നു നിർത്തിയെ… നായിന്റെ മോൾ എന്നല്ല…. മോൻ…മോൻ…”