”ഹും”
”പിന്നെ നിനക്ക് ഇഷ്ടമല്ലെങ്കിൽ ഞാൻ ആരെയും പ്രേമിക്കില്ല പോരേ??”
”ഓഹ്…. ഞാൻ കാരണം ഇനി ഇപ്പോൾ ആരുടെയും പ്രേമം പൊളിയണ്ട …. നീ വരുന്നില്ലേ ചെക്കാ…. വീട്ടിൽ പോകാം.”
”വാ കേറ്”
പിറ്റേന്ന് രാവിലെ കുളിച്ചിറങ്ങുമ്പോൾ അതാ റൂമിൽ അവൾ നില്ക്കുന്നു.
”എന്നതാടി… ആണുങ്ങളുടെ റൂമിലൊരു ചുറ്റികളി..വല്ല ദുരുദ്ദേശവും ഉണ്ടോ?? എന്താ വല്ലോം കട്ടോണ്ടു പോകാനാണോ??”
”അതേ…. കട്ടോണ്ടു പോകാൻ തന്നെ…. നിന്നെ. ഹല്ല…. ആരാ ഇത്ര വലിയ ആണ്?? ഞാൻ ഇതു വരെ കണ്ടിട്ടില്ലല്ലോ??” അതും പറഞ്ഞു അവളൊരു ചിരി.എനിക്ക് ദേഷ്യം വന്നു.
”ആണാരാണെന്ന് കാണണോടീ നിനക്ക്??”
”അയ്യോ… വേണ്ടായേ….ഞാൻ കുറച്ചു മുമ്പ് കണ്ടതേ ഉളളൂ…”
”അയ്യേ… ശവം…. ഞാൻ കുളിച്ചപ്പോൾ ഒളിഞ്ഞു നോക്കി അല്ലേ… നാണം കെട്ടവൾ…. പരിഷ…”
”പോടാ പട്ടീ… ഒളിഞ്ഞു നോക്കാൻ എൻറെ അച്ഛൻ വരും”
”ങാ…ഹാ..!! അപ്പോൾ നിൻറെ അച്ഛൻ മറ്റവൻ ആണല്ലേ??”
”അച്ചൂ!!!!”
”ചുമ്മാ… ചുമ്മാ… അല്ല നീ എന്താ രാവിലെ തന്നെ ഇവിടെ??”
”എടാ… എനിക്ക് ഇന്ന് നേരത്തേ കോളേജിൽ പോണം… എന്നെ ഒന്ന് ഡ്രോപ്പ് ചെയ്യടാ.. പ്ളീസ്”
”ഹയ്യ… അവളുടെ പറച്ചിൽ കേട്ടാൽ തോന്നും എന്നും അവൾ ഒറ്റക്കാണ് പോണതെന്ന്… വീട്ടീന്ന് ബസ് ഫെയറും വാങ്ങി ഓസിന് എൻറെ പിറകിൽ കേറും ശവം.”
”ആഹാ.. നീ കണക്ക് പറയേണാ… എന്നാൽ എനിക്കും പറയാനുണ്ട്…”
”നിനക്ക് എന്നാ കോപ്പാടീ… പറയാനുളേള??”
”അതേ… ഞാൻ വീട്ടീന്ന് ഓരോ കളളം പറഞ്ഞു വാങ്ങണ കാശൊക്കെ എങ്ങനാ തീരണെ?? മൊത്തം നിനക്ക് സിനിമ കാണാനും നെറ്റ് ചാർജ്ജിംഗിനും തന്നാ തീരണെ”
”ഓഹ്… ഇനി ഞാൻ നിന്നോട് ഒരു പൈസയും വാങ്ങില്ല… നോക്കിക്കോ…”
”അയ്യോ… എൻറെ അച്ചൂട്ടൻ പിണങ്ങിയോ?? സോറി… സോറി…”
”പോടി…നിൻറെ പാടു നോക്കി.”
ഞാൻ അവളെ റൂമിൽ നിന്നും പുറത്താക്കി, ഡ്രെസ്സെല്ലാം മാറി വരുമ്പോൾ ഡൈനിംഗ് ടേബിളിൽ അവളിരുന്ന് പുട്ട് കഴിക്കുന്നു.
”എന്താ അമ്മേ… എന്നും ഇവിടെ പുട്ടേ ഉളേളാ?? മനുഷ്യനു വായിൽ വെച്ചു കഴിക്കാൻ ഒന്നുമില്ലേ…??”
”അച്ചൂ… നീതുമോൾക്ക് പുട്ടല്ലേ ഇഷ്ടം അതു കൊണ്ടാ പുട്ട് ഉണ്ടാക്കിയേ”
”ഒരു നീതു മോള്…. ഇനി അവളേം കെട്ടി പിടിച്ച് ഇരുന്നോ ഞാൻ പോണു.”
ഞാൻ ദേഷ്യപ്പെട്ട് പുറത്തേക്കിറങ്ങി.ബൈക്ക് സ്റ്റാർട്ട് ചെയ്ത് പുറത്തിറക്കുമ്പോഴേക്കും അവളും വന്നു. മുഖം ബലൂൺ പോലെ വീർത്തിരിപ്പുണ്ട്. വന്ന പാടെ പിറകിൽ കയറി ഇരുന്നു. ഇരു കാലുകളും ഒരു വശത്തേക്കിട്ടാ ഇരുപ്പ്.അപ്പോൾ പിണക്കം തന്നെ… അല്ലെങ്കിൽ രണ്ടു കാലുകളും രണ്ടു സൈഡിലാക്കി എന്നോട് ചേർന്നിരുന്ന് ചെവി തിന്നലാ പരിപാടി.ഞാനും മൈൻറാൻ നില്ക്കാതെ വണ്ടി എടുത്തു.അതുവരെ ഒന്നും മിണ്ടാതിരുന്ന അവൾ ദാമുവേട്ടൻറെ കടയുടെ മുന്നിലെത്തിയപ്പോൾ വണ്ടി നിർത്താൻ പറഞ്ഞു.ഞാൻ മറുത്തൊന്നും പറയാതെ വണ്ടി നിർത്തി.അവൾ എന്നേയും പിടിച്ചു വലിച്ചും കൊണ്ട് കടയിലേക്ക് കയറി.
”ദാമുവേട്ടാ…. ഈ കൊരങ്ങനു വല്ലതും കഴിക്കാൻ കൊടുക്ക്”
അവൾ എന്നെ അവിടുത്തെ ബെഞ്ചിൽ പിടിച്ച് ഇരുത്തി കൊണ്ട് പറഞ്ഞു.
”ആഹാ…. അപ്പോൾ രാവിലെ തന്നെ രണ്ടും കൂടി പിണങ്ങിയോ?? ഇന്നെന്താ കാരണം??”
”ഒന്നുമില്ല എൻറെ ദാമുവേട്ടാ… ഈ ചെക്കന് പിണങ്ങാൻ പ്രത്യേകിച്ച് കാരണം ഒന്നും വേണ്ടല്ലോ…. ചേട്ടൻ വല്ലതും കഴിക്കാൻ കൊടുക്ക്… അല്ലെങ്കിൽ അവൻ ചിലപ്പോൾ എടുത്ത് കഴിക്കും.”
” എന്നതാ എടുക്കേണ്ടേ…??”
”പൊറോട്ടയും ബീഫും” ഞാൻ ഓർഡർ കൊടുത്തു.
”ആഹാ.. അപ്പോൾ പിണക്കം തീർന്നോ കൊരങ്ങന്റെ??”
”പിണക്കം തീർന്നിട്ടൊന്നുമില്ല.പിന്നെ വിശപ്പ് ഉളളതു കൊണ്ടാ”
‘അച്ചൂട്ടാ… സോറി… നേരത്തെ അങ്ങനെ പറഞ്ഞതിന്”
”അത് പോട്ടെ നീ കഴിക്കുന്നില്ലേ??”
”ങൂഹും… എനിക്ക് വേണ്ട.”
എന്നാൽ ഞാൻ എവിടെയോ എപ്പോഴോ ഒരു കാര്യം മനസിലാക്കി. ഞാൻ നീതുവിനെ സ്നേഹിക്കുന്നത് മറ്റൊരു അർത്ഥത്തിലാണെന്ന സത്യം.അതെന്നെ വളരെ അസ്വസ്ഥനാക്കി. നല്ലൊരു കൂട്ടുകാരനായി മാത്രം അവളെന്നെ കാണുമ്പോൾ ഞാൻ അവളെ എന്റെ കാമുകി ആക്കുന്നു. അത് അവൾ അറിയുമ്പോൾ തീർച്ചയായും അവളെന്നെ വെറുക്കും.ആ ഒറ്റ കാരണത്താൽ റ്റ്ഞാൻ അവളോടുള്ള സ്നേഹം തുറന്ന് കാട്ടാൻ മടിച്ചു അങ്ങനെയിരിക്കെ ഒരു ദിവസം ഞാൻ വീട്ടിലെത്തുമ്പോൾ വീട്ടിൽ ആരുമില്ല.ഞാൻ നേരേ നീതുവിന്റെ വീട് ലക്ഷ്യമാക്കി നടന്നു.ഗേറ്റ് കടന്നപ്പോൾ മുറ്റത്ത് ഒരു സ്കോർപിയോ കിടക്കുന്നു. അപ്പോൾ മനസിലായി ആരോ വന്നിട്ടുണ്ട്. ഞാൻ മെയിൻ ഹോളിൽ കടക്കുമ്പോൾ എല്ലാരും അവിടെ ഇരിക്കുന്നു.എന്റെ അച്ഛനും അമ്മയും ചേച്ചിയുമുണ്ട്.എന്നെ കണ്ട പാടെ നീതുവിന്റെ അച്ഛൻ വിളിച്ചു പറഞ്ഞു.
”അച്ചൂട്ടാ… കേറിവാടാ മോനേ..”
ഞാൻ കാര്യമെന്താണെന്ന് അറിയാതെ കയറിചെന്നു. അവിടെ മൂന്ന്-നാലു പേർ കൂടി ഇരിപ്പുണ്ടായിരുന്നു.ഞാൻ ചേച്ചിയുടെ അടുത്തായി നിലപ്പുറപ്പിച്ചു.എന്നിട്ട് അവളുടെ ചെവിയിൽ ചോദിച്ചു,
”എന്നതാടി ചേച്ചി കാര്യം?? ഇതാരൊക്കെയാ?? വല്ല വസ്തു കച്ചവടവുമാണോ??
അവൾ എന്നെ ഏതോ പൊട്ടനെ നോക്കുന്ന പോലെ നോക്കിയിട്ട് പറഞ്ഞു.
”ഹും… കച്ചവടം തന്നെയാ… ഇത്രയും നാൾ നിന്റെ പേർസണൽ പ്രോപ്പർട്ടി ആയിരുന്ന സാധനം ദാ… ഇന്നൊരു അന്യനു വിൽക്കാൻ പോകുന്നു.”
ഞാൻ കിളി പറന്ന് അവളെ നോക്കി.അവൾ എന്റെ തലമണ്ടാക്കിട്ട് ഒരു കൊട്ട് തന്നിട്ട് പറഞ്ഞു,
”എടാ… പൊട്ടാ… നമ്മുടെ നീതുവിനെ പെണ്ണ് കാണാൻ വന്നവരാ… ദോ…. ആയിരിക്കുന്നതാ പയ്യൻ”
അവൾ ചിരിച്ചു കൊണ്ടാണ് അത് പറഞ്ഞതെങ്കിലും ഞാൻ ഷോക്ക് ഏറ്റതു പോലെ നിന്നു പോയി.
”എ…ന്നി.. ട്ട് ….. എന്നിട്ട്… അവൾ… സമ്മതിച്ചോ ??” ഞാൻ ശബ്ധത്തിലെ പതർച്ച പരമാവധി നിയന്ത്രിച്ചു കൊണ്ട് ചോദിച്ചു.
”സമ്മതിക്കാതെ പിന്നെ…. നല്ല വിദ്യാഭ്യാസം… ഒറ്റമകൻ… കാണാനും തെറ്റില്ല… ഇത്രേം പോരെ ഒരു പെണ്ണിന് ഇഷ്ടമാകാൻ”
അവൾ അതും പറഞ്ഞു ചിരിച്ചു.
ഞാനും എങ്ങയോ മുഖത്ത് ചിരി വരുത്തി… ഹൃദയം രണ്ടു കഷ്ണങ്ങളായി മുറിയുമ്പോഴും.
”ഞാൻ അവളെ ഒന്ന് കണ്ടിട്ട് വരം.”
ഞാൻ സ്റ്റെപ്പ്സ് ചാടി കയറി മുകളിലെത്തി. അവൾ മുടിയിൽ ചൂടിയിരുന്ന മുല്ലപൂവ് അഴിച്ചു മാറ്റുകയായിരുന്നു.
”നീതു…”
”ഹും..” അവൾ തിരിഞ്ഞ് എന്നെ നോക്കി.
”നീ എന്താ എന്നോട് പറയാതിരുന്നേ??”
”എന്ത്??”
”അല്ല… ഇന്ന് കാണാൻ ആളു വരുമെന്ന്”
”തോന്നിയില്ല… അത്ര തന്നെ”
”എന്നാലും… നീതു… നീ…
നിനക്ക്….” എനിക്ക് എന്ത് പറയണം എന്നറിയാതെ ഞാൻ പദം പെറുക്കി, എന്റെ ശബ്ദം ഇടറുന്നുണ്ടായിരുന്നു.
”മോനെ…. അച്ചൂ… ഒന്നിങ്ങ് വന്നേ…”
പുറകിൽ നിന്നും അവളുടെ അമ്മയായിരുന്നു അത്.ഞാൻ അവരുടെ അടുത്തേക്ക് ചെന്നു. അവർ എന്നെ മാറ്റി നിർത്തി പറഞ്ഞു.